Коринфиязухъе тӀоцебесеб кагъат 8
8
8 бетӀер
Гьан хӀалалаб букӀиналъул хӀакъалъулъ
1Гьанже бицинин мажусиязул аллагьзабазе къурбаналъе хъурал жалазул гьанал хӀакъалъулъ. Нилъер киназулго гӀелму-лъай бугилан битӀун абулеб буго нужеца. Амма гӀелму-лъаялъ гӀадамасул гӀамал кӀодолъизабула. Рокьиялъ берцинго гӀуцӀула инсанасул гӀумру. 2Жинда цо щибниги лъалилан ракӀалде кколеб бугони, унго-унгояб лъай гьесие щун букӀунаро. 3Амма Аллагь вокьулев чи Аллагьасда лъала.
4Мажусиязул аллагьзабазе къурбаналъе хъурал жалазул рахъ босани: нилъеда лъала гьезул аллагьзаби щибго гурел жал рукӀин, цо гурони, тӀокӀав батӀияв Аллагь гьечӀевлъиги. 5Ракьалда рукӀа, зобалазда рукӀа гьел аллагьзабийилан абулел жал ругилан телин (гьел цӀакъ гӀемер руго – «аллагьзабийилан» абулелги, «бетӀергьабийилан» абулелги). 6Амма нилъер Эмен – Аллагь цохӀо вуго, жинца кинабго бижарав ва жиндиего гӀоло нилъ рижарав. Нилъер цо бетӀергьан вуго – ГӀиса МасихӀ. Гьесдалъун бижун буго кинабго, гьесдалъун нилъги чӀаголъана. 7Киназдаго гуребха гьеб лъалеб. Цо-цоял гьел гьересиаллагьзабазде цӀакъго ругьунлъун руго ва гьез гьанжегицин мажусиязухъа босараб гьан кваналеб буго, дозие къурбанлъун гьебги рикӀкӀун. Мунагь ккеладайилан щакдарулелги руго гьел, хӀарамаб жоцин кваналеб бугодай жидецаян. 8Амма кваница нилъ Аллагьасде гӀагар гьаруларо. Гьеб кваначӀогойилан камулеб жоги гьечӀо нилъее, квананилан щолеб жоги гьечӀо.
9Бегьулебилан рикӀкӀунебги бегьуларебилан рикӀкӀунебги кваналеб букӀин гьел иман загӀипазе нухда хӀетӀе тункулеб гамачӀлъун лъугьине гурин. 10Мунагь ккеладайилан щакдарулев чиясда вихьани гьединаб лъай бугев мун мажусиязул мукъадасаб рокъов гӀодовги чӀун кваналев, духъ валагьун, гьесги кванала гьезул къурбаналъул гьан. 11Гьедин гьеб дур «гӀелму-лъай» сабаблъун – гьев иман загӀипав чи – жиндие гӀоло МасихӀ хвалде арав дур диналъул вац хвезеги бегьула. 12Дурго вацазе заралаб мунагь гьабун, щакдарулеб гьезул ракӀги лъукъун, МасихӀиде дандечӀун мунагь гьабулеб буго дуца. 13Гьедин, дир вац къосиналъе сабаблъун квен лъугьунеб бугони, гьев къосинавизегӀан, киданиги гьан кӀалдибе босичӀого чӀела дун!
Currently Selected:
Коринфиязухъе тӀоцебесеб кагъат 8: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Коринфиязухъе тӀоцебесеб кагъат 8
8
8 бетӀер
Гьан хӀалалаб букӀиналъул хӀакъалъулъ
1Гьанже бицинин мажусиязул аллагьзабазе къурбаналъе хъурал жалазул гьанал хӀакъалъулъ. Нилъер киназулго гӀелму-лъай бугилан битӀун абулеб буго нужеца. Амма гӀелму-лъаялъ гӀадамасул гӀамал кӀодолъизабула. Рокьиялъ берцинго гӀуцӀула инсанасул гӀумру. 2Жинда цо щибниги лъалилан ракӀалде кколеб бугони, унго-унгояб лъай гьесие щун букӀунаро. 3Амма Аллагь вокьулев чи Аллагьасда лъала.
4Мажусиязул аллагьзабазе къурбаналъе хъурал жалазул рахъ босани: нилъеда лъала гьезул аллагьзаби щибго гурел жал рукӀин, цо гурони, тӀокӀав батӀияв Аллагь гьечӀевлъиги. 5Ракьалда рукӀа, зобалазда рукӀа гьел аллагьзабийилан абулел жал ругилан телин (гьел цӀакъ гӀемер руго – «аллагьзабийилан» абулелги, «бетӀергьабийилан» абулелги). 6Амма нилъер Эмен – Аллагь цохӀо вуго, жинца кинабго бижарав ва жиндиего гӀоло нилъ рижарав. Нилъер цо бетӀергьан вуго – ГӀиса МасихӀ. Гьесдалъун бижун буго кинабго, гьесдалъун нилъги чӀаголъана. 7Киназдаго гуребха гьеб лъалеб. Цо-цоял гьел гьересиаллагьзабазде цӀакъго ругьунлъун руго ва гьез гьанжегицин мажусиязухъа босараб гьан кваналеб буго, дозие къурбанлъун гьебги рикӀкӀун. Мунагь ккеладайилан щакдарулелги руго гьел, хӀарамаб жоцин кваналеб бугодай жидецаян. 8Амма кваница нилъ Аллагьасде гӀагар гьаруларо. Гьеб кваначӀогойилан камулеб жоги гьечӀо нилъее, квананилан щолеб жоги гьечӀо.
9Бегьулебилан рикӀкӀунебги бегьуларебилан рикӀкӀунебги кваналеб букӀин гьел иман загӀипазе нухда хӀетӀе тункулеб гамачӀлъун лъугьине гурин. 10Мунагь ккеладайилан щакдарулев чиясда вихьани гьединаб лъай бугев мун мажусиязул мукъадасаб рокъов гӀодовги чӀун кваналев, духъ валагьун, гьесги кванала гьезул къурбаналъул гьан. 11Гьедин гьеб дур «гӀелму-лъай» сабаблъун – гьев иман загӀипав чи – жиндие гӀоло МасихӀ хвалде арав дур диналъул вац хвезеги бегьула. 12Дурго вацазе заралаб мунагь гьабун, щакдарулеб гьезул ракӀги лъукъун, МасихӀиде дандечӀун мунагь гьабулеб буго дуца. 13Гьедин, дир вац къосиналъе сабаблъун квен лъугьунеб бугони, гьев къосинавизегӀан, киданиги гьан кӀалдибе босичӀого чӀела дун!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023