Коринфиязухъе тӀоцебесеб кагъат 7
7
7 бетӀер
Ригьиналъул хӀакъалъулъ насихӀатал
1Гьанже дица бицина нужеца дихъе кагътида хъван букӀаралъул хӀакъалъулъ. ЧӀужугӀаданалда аскӀове къачӀого вукӀинго лъикӀ бихьинчиясе. 2Амма пасалъи цӀикӀкӀун бугелъул, щивав бихьинчиясул жиндирго лъади йикӀун лъикӀ, щияй чӀужугӀаданалъулги жиндирго рос вукӀун лъикӀ. 3Росас лъади бусада жиндасаго рикӀкӀалъизайизе бегьуларо, лъадиялъ росги бегьуларо. 4Жиндирго черхалъул кверщел лъадиялъухъ гуро бугеб, росасухъ буго. Гьединго жиндирго черхалъул кверщел росасухъ гуро бугеб, лъадиялъухъ буго. 5КӀиялго разилъун, Аллагьасе гьари-дугӀаялъе цодагьабго заманаялъ гурони, цоцаздаса ратӀалъуге. Цинги нахъеги цадахъ рукӀа. Гьедин хьвадани, илбисалда кӀвеларо, чорхол гьава къинабизе кӀолеб гьечӀолъи бихьун, нуж къосинаризе. 6Гьаниб дица нужее амру гьабулеб гьечӀо гьедин гурони бегьуларилан. Нужее бигьалъи гьабулеб буго. 7Гьайгьай, дие бокьилаан киналго гӀадамал дун гӀадин чӀолелани. Амма Аллагьас щивасе гьунар кьун буго: цоясе гьадинаб, цогидасе додинаб.
8Къороллъун хутӀарал бихьиназдаги руччабаздаги дица абилаан, дун гӀадин, ялгъузго рукӀайилан. 9Къороллъи хӀехьезе кӀолеб гьечӀони, ригьин гьабизе ккела. Ригьнаде руссинго лъикӀ, хӀасраталъ рухӀизегӀан. 10Ригьнада ругезени, дица гуреб, ТӀадегӀанас гьабулеб буго амру: лъади росасдаса ятӀалъизе бегьуларо. 11Нагагь ятӀалъани, ялгъузго йикӀине ккела яги росгун рекъезе ккела. Росасги лъади йиччан тезе бегьуларо.
12Цогидаздани, ТӀадегӀанас гуреб, дица абулеб буго: диналъул вацасул лъади иман лъечӀей йигони, амма росасда цадахъ чӀезе къабуллъулейги йигони, къватӀие йитӀуге гьей. 13ЧӀужугӀаданалъул рос иман лъечӀев вугони, гьелда цадахъ чӀезеги разилъулев вугони, ятӀалъуге гьесдаса. 14Иман лъечӀев росасдаса Аллагь разилъула гьесул иман лъурай лъади сабаблъун. Иман лъечӀей лъадиялдасаги Аллагь разилъула гьелъул иман лъурав рос сабаблъун. Гьедин букӀунаребани, гьезул лъималги мажусиязулго гӀадинал рукӀинаан. Гьедин бугелъул, гьел лъималаздасаги Аллагь разилъула. 15Иман лъечӀев росасе яги лъадуе ратӀалъизе бокьани, риччанте ратӀалъизе. Гьедин кколеб бугони, диналъул вацасда яги яцалда тӀадаб гьечӀо жидерго ригьин цӀунизе. Аллагьасни рекъон рукӀайилан абулеб буго. 16Дуда щиб лъалеб, лъади, дурго рос хвасар гьавизе дуда кӀоларевлъи? Дуда щиб лъалеб, рос, дурго лъади хвасар гьайизе дуда кӀоларейлъи?
17Амма нужер щивав вукӀине виччанте ТӀадегӀанас гьесие бихьизабураб хӀалалда, гьев хутӀизе виччанте Аллагьас гьев жиндихъего ахӀараб куцалда. Гьединабго амру гьабула дица кинабго иман лъуразул агьлуялъеги. 18Сунат гьабурав вугони Аллагьас ахӀун, гьеб балъго гьабизе ккеларо. Сунат гьабичӀев ахӀун вугони, сунат гьабизеги ккеларо гьес. 19Сунат гьабиги – рикӀкӀунаро, сунат гьабичӀолъиги – рикӀкӀунаро, Аллагьасул амруял тӀуразари буго аслуги кьучӀги! 20Аллагьас кинавлъун инсан жиндихъего ахӀаниги, гьединавлъун хутӀизе виччанте гьев. 21Гьес ахӀараб мехалъ мун лагълъун вукӀарав ватани, гьелъулги пикру гьабуге дуца. Амма тархъанлъизе рес бугони, гьелъие гӀамал гьабе. 22ТӀадегӀанас жиндихъего ахӀарав лагъ ТӀадегӀанасда цеве эркенав чилъун ккола, эркенго вукӀаго ахӀаравги МасихӀил лагъ ккола. 23Аллагьас цӀикӀкӀараб мухьги кьун росун ругелъул, гӀадамазул лагъзаллъун ккезе чӀоге! 24Кинавлъун гьес жиндихъего ахӀаниги, гьединавлъун хутӀизе виччанте, вацал, гьев Аллагьасда цеве!
Ригьин гьабичӀезулги къоролзабазулги хӀакъалъулъ
25Росасе инчӀел ясазул рахъ цӀехани, гьелъул рахъалъ ТӀадегӀанасдасан бачӀараб амру гьечӀо дихъ. Амма дица дирго пикру бицина, Аллагьасул баркаталдалъун дунги вугелъулха божизе бегьулев чи. 26ЗахӀматаб заман бугелъул, живго вугеб хӀалалъ чӀейго лъикӀ чиясе. 27Лъади ячун йигищ – йиччан тоге. Ячун гьечӀищ – гьей ялагьизе лъугьунге. 28Амма лъади ячинги мунагь гуро. ГӀурай яс росасе инги мунагь гуро. Амма ригьнаде руссиндал, гьаб дуниялалъул къварилъи-захӀмалъи рещтӀина нужеде. Дие бокьилаан гьелдаса нуж цӀунизе. 29Дие бокьун буго, вацал, нужеда абизе, гьаб дуниялалъе заман дагьлъун бугилан. Лъудби рачаралги хьвадизе ккела лъудбиго гьечӀел гӀадин. 30ГӀодулел ругелги хьвадизе ккела гӀодулелго гьечӀел гӀадин. Рохун ругелги хьвадизе ккела рохунго гьечӀел гӀадин. Босаралги хьвадизе ккела жидеца щибго босичӀеб гӀадин. 31Дуниялалъул ишазде машгъуллъаралги хьвадизе ккела гьезде машгъуллъунго гьечӀел гӀадин. Гьаб дуниял тӀагӀун инехъин бугелъулха!
32Дие бокьун буго нуж сундулго ургъел гьечӀого рукӀине. Лъади гьечӀев чи ТӀадегӀанасе гьабулеб тӀагӀаталъул ургъалида вукӀуна, ТӀадегӀанав разилъи тӀалаб гьабула гьес. 33Лъади йигев чи дуниялалъул ургъалида вукӀуна, лъади разилъи тӀалаб гьабула гьес. 34Гьедин кӀийиде викьун вукӀуна лъади ячарав чи. Росасе инчӀей чӀужугӀадан яги гӀолохъанай яс ТӀадегӀанасе гьабулеб тӀагӀаталъул ургъалида йикӀуна, гьесда цебе черхги ракӀги бацӀцӀадго цӀунизе. Рос вугей чӀужугӀадан дуниялалъул ургъалида йикӀуна, рос разилъи тӀалаб гьабула гьелъ. 35Дица гьеб кинабго абулеб буго нужее лъикӀлъиялъе. Щибниги жо нужее гьукъизе гуро дун кӀалъалев вугев. Дие бокьун буго гьениб нужер ишазулъ гӀадлу-тадбир букӀине ва сундего машгъуллъичӀого нужеца ТӀадегӀанасе хъулухъ гьабизе.
36Лъицаниги рикӀкӀунеб бугони абурай яс ячинчӀого тезе рекъараб гьечӀилан, гьелдехун бугеб хӀасратги къезабизе кӀолеб гьечӀони, биччанте гьес жиндирго рекӀее бокьараб гьабизе. Гьей ячани гьев мунагьалъукье кколаро. 37Амма гьей ячине сунцаниги тӀамулев гьечӀони, ячинчӀого тезе кьури гьечӀеб хӀукмуги гьабун бугони, жиндирго хӀасраталда квелъ базеги кӀолеб бугони, – гьеб лъикӀ ккела. 38ХӀасил: жиндирго абурай ячин лъикӀ буго, амма ячинчӀого тани, дагьабги лъикӀ#7:38 Грек мацӀалда «яс» ва «абурай яс» цого магӀнаялъул рагӀи бугелъул, гьаниб бицун батизе бегьула инсуца яс росасе кьолей йикӀараб куцалъул. .
39Лъади ригьнада хутӀула гьелъул рос чӀаго вугевгӀан заманалда. Рос хвани, гьелъул ихтияр буго жиндиего бокьарав чиясе ине. Амма ГӀисаде иман лъурав чи вукӀине ккела гьев. 40Къороллъудаго чӀани, гьей жеги талихӀай йикӀина. Гьединаб буго дир пикру, Аллагьасул РухӀ щварав чи вугилан ккола дун.
Currently Selected:
Коринфиязухъе тӀоцебесеб кагъат 7: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Коринфиязухъе тӀоцебесеб кагъат 7
7
7 бетӀер
Ригьиналъул хӀакъалъулъ насихӀатал
1Гьанже дица бицина нужеца дихъе кагътида хъван букӀаралъул хӀакъалъулъ. ЧӀужугӀаданалда аскӀове къачӀого вукӀинго лъикӀ бихьинчиясе. 2Амма пасалъи цӀикӀкӀун бугелъул, щивав бихьинчиясул жиндирго лъади йикӀун лъикӀ, щияй чӀужугӀаданалъулги жиндирго рос вукӀун лъикӀ. 3Росас лъади бусада жиндасаго рикӀкӀалъизайизе бегьуларо, лъадиялъ росги бегьуларо. 4Жиндирго черхалъул кверщел лъадиялъухъ гуро бугеб, росасухъ буго. Гьединго жиндирго черхалъул кверщел росасухъ гуро бугеб, лъадиялъухъ буго. 5КӀиялго разилъун, Аллагьасе гьари-дугӀаялъе цодагьабго заманаялъ гурони, цоцаздаса ратӀалъуге. Цинги нахъеги цадахъ рукӀа. Гьедин хьвадани, илбисалда кӀвеларо, чорхол гьава къинабизе кӀолеб гьечӀолъи бихьун, нуж къосинаризе. 6Гьаниб дица нужее амру гьабулеб гьечӀо гьедин гурони бегьуларилан. Нужее бигьалъи гьабулеб буго. 7Гьайгьай, дие бокьилаан киналго гӀадамал дун гӀадин чӀолелани. Амма Аллагьас щивасе гьунар кьун буго: цоясе гьадинаб, цогидасе додинаб.
8Къороллъун хутӀарал бихьиназдаги руччабаздаги дица абилаан, дун гӀадин, ялгъузго рукӀайилан. 9Къороллъи хӀехьезе кӀолеб гьечӀони, ригьин гьабизе ккела. Ригьнаде руссинго лъикӀ, хӀасраталъ рухӀизегӀан. 10Ригьнада ругезени, дица гуреб, ТӀадегӀанас гьабулеб буго амру: лъади росасдаса ятӀалъизе бегьуларо. 11Нагагь ятӀалъани, ялгъузго йикӀине ккела яги росгун рекъезе ккела. Росасги лъади йиччан тезе бегьуларо.
12Цогидаздани, ТӀадегӀанас гуреб, дица абулеб буго: диналъул вацасул лъади иман лъечӀей йигони, амма росасда цадахъ чӀезе къабуллъулейги йигони, къватӀие йитӀуге гьей. 13ЧӀужугӀаданалъул рос иман лъечӀев вугони, гьелда цадахъ чӀезеги разилъулев вугони, ятӀалъуге гьесдаса. 14Иман лъечӀев росасдаса Аллагь разилъула гьесул иман лъурай лъади сабаблъун. Иман лъечӀей лъадиялдасаги Аллагь разилъула гьелъул иман лъурав рос сабаблъун. Гьедин букӀунаребани, гьезул лъималги мажусиязулго гӀадинал рукӀинаан. Гьедин бугелъул, гьел лъималаздасаги Аллагь разилъула. 15Иман лъечӀев росасе яги лъадуе ратӀалъизе бокьани, риччанте ратӀалъизе. Гьедин кколеб бугони, диналъул вацасда яги яцалда тӀадаб гьечӀо жидерго ригьин цӀунизе. Аллагьасни рекъон рукӀайилан абулеб буго. 16Дуда щиб лъалеб, лъади, дурго рос хвасар гьавизе дуда кӀоларевлъи? Дуда щиб лъалеб, рос, дурго лъади хвасар гьайизе дуда кӀоларейлъи?
17Амма нужер щивав вукӀине виччанте ТӀадегӀанас гьесие бихьизабураб хӀалалда, гьев хутӀизе виччанте Аллагьас гьев жиндихъего ахӀараб куцалда. Гьединабго амру гьабула дица кинабго иман лъуразул агьлуялъеги. 18Сунат гьабурав вугони Аллагьас ахӀун, гьеб балъго гьабизе ккеларо. Сунат гьабичӀев ахӀун вугони, сунат гьабизеги ккеларо гьес. 19Сунат гьабиги – рикӀкӀунаро, сунат гьабичӀолъиги – рикӀкӀунаро, Аллагьасул амруял тӀуразари буго аслуги кьучӀги! 20Аллагьас кинавлъун инсан жиндихъего ахӀаниги, гьединавлъун хутӀизе виччанте гьев. 21Гьес ахӀараб мехалъ мун лагълъун вукӀарав ватани, гьелъулги пикру гьабуге дуца. Амма тархъанлъизе рес бугони, гьелъие гӀамал гьабе. 22ТӀадегӀанас жиндихъего ахӀарав лагъ ТӀадегӀанасда цеве эркенав чилъун ккола, эркенго вукӀаго ахӀаравги МасихӀил лагъ ккола. 23Аллагьас цӀикӀкӀараб мухьги кьун росун ругелъул, гӀадамазул лагъзаллъун ккезе чӀоге! 24Кинавлъун гьес жиндихъего ахӀаниги, гьединавлъун хутӀизе виччанте, вацал, гьев Аллагьасда цеве!
Ригьин гьабичӀезулги къоролзабазулги хӀакъалъулъ
25Росасе инчӀел ясазул рахъ цӀехани, гьелъул рахъалъ ТӀадегӀанасдасан бачӀараб амру гьечӀо дихъ. Амма дица дирго пикру бицина, Аллагьасул баркаталдалъун дунги вугелъулха божизе бегьулев чи. 26ЗахӀматаб заман бугелъул, живго вугеб хӀалалъ чӀейго лъикӀ чиясе. 27Лъади ячун йигищ – йиччан тоге. Ячун гьечӀищ – гьей ялагьизе лъугьунге. 28Амма лъади ячинги мунагь гуро. ГӀурай яс росасе инги мунагь гуро. Амма ригьнаде руссиндал, гьаб дуниялалъул къварилъи-захӀмалъи рещтӀина нужеде. Дие бокьилаан гьелдаса нуж цӀунизе. 29Дие бокьун буго, вацал, нужеда абизе, гьаб дуниялалъе заман дагьлъун бугилан. Лъудби рачаралги хьвадизе ккела лъудбиго гьечӀел гӀадин. 30ГӀодулел ругелги хьвадизе ккела гӀодулелго гьечӀел гӀадин. Рохун ругелги хьвадизе ккела рохунго гьечӀел гӀадин. Босаралги хьвадизе ккела жидеца щибго босичӀеб гӀадин. 31Дуниялалъул ишазде машгъуллъаралги хьвадизе ккела гьезде машгъуллъунго гьечӀел гӀадин. Гьаб дуниял тӀагӀун инехъин бугелъулха!
32Дие бокьун буго нуж сундулго ургъел гьечӀого рукӀине. Лъади гьечӀев чи ТӀадегӀанасе гьабулеб тӀагӀаталъул ургъалида вукӀуна, ТӀадегӀанав разилъи тӀалаб гьабула гьес. 33Лъади йигев чи дуниялалъул ургъалида вукӀуна, лъади разилъи тӀалаб гьабула гьес. 34Гьедин кӀийиде викьун вукӀуна лъади ячарав чи. Росасе инчӀей чӀужугӀадан яги гӀолохъанай яс ТӀадегӀанасе гьабулеб тӀагӀаталъул ургъалида йикӀуна, гьесда цебе черхги ракӀги бацӀцӀадго цӀунизе. Рос вугей чӀужугӀадан дуниялалъул ургъалида йикӀуна, рос разилъи тӀалаб гьабула гьелъ. 35Дица гьеб кинабго абулеб буго нужее лъикӀлъиялъе. Щибниги жо нужее гьукъизе гуро дун кӀалъалев вугев. Дие бокьун буго гьениб нужер ишазулъ гӀадлу-тадбир букӀине ва сундего машгъуллъичӀого нужеца ТӀадегӀанасе хъулухъ гьабизе.
36Лъицаниги рикӀкӀунеб бугони абурай яс ячинчӀого тезе рекъараб гьечӀилан, гьелдехун бугеб хӀасратги къезабизе кӀолеб гьечӀони, биччанте гьес жиндирго рекӀее бокьараб гьабизе. Гьей ячани гьев мунагьалъукье кколаро. 37Амма гьей ячине сунцаниги тӀамулев гьечӀони, ячинчӀого тезе кьури гьечӀеб хӀукмуги гьабун бугони, жиндирго хӀасраталда квелъ базеги кӀолеб бугони, – гьеб лъикӀ ккела. 38ХӀасил: жиндирго абурай ячин лъикӀ буго, амма ячинчӀого тани, дагьабги лъикӀ#7:38 Грек мацӀалда «яс» ва «абурай яс» цого магӀнаялъул рагӀи бугелъул, гьаниб бицун батизе бегьула инсуца яс росасе кьолей йикӀараб куцалъул. .
39Лъади ригьнада хутӀула гьелъул рос чӀаго вугевгӀан заманалда. Рос хвани, гьелъул ихтияр буго жиндиего бокьарав чиясе ине. Амма ГӀисаде иман лъурав чи вукӀине ккела гьев. 40Къороллъудаго чӀани, гьей жеги талихӀай йикӀина. Гьединаб буго дир пикру, Аллагьасул РухӀ щварав чи вугилан ккола дун.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023