Лыдпусъёс 18
18
18-тӥ ЛЮКЕТ
1Соку Кузё-Инмар Ааронлы шуиз: «Тон пиосыныд ӵош, тынад атаедлэн выжыез но вӧсяськон интыын сюлэмдэс понытэк ужамды понна кыл кутоно луоды; тон но, тынад пиосыд но священник луонлэсь ужъёссэ пыр-поч нуымтэды понна вылады сьӧлык басьтӥськоды. 2Аслэсьтыд агай-вынъёстэ но, Левий выжыез, атаедлэсь улы-бечеоссэ, ас бордад басьты: тон бордын мед луозы, тыныд ужаса-тыршыса мед улозы, нош тон, тынад пиосыд но сӥзён-косонэн скиния бордын возиське; 3тыныд служба нуыны мед юрттӥськозы, скинияын мар лэсьтыны кулэ, сое но соос мед лэсьтозы; нош вӧсяськон интыын сылӥсь арбериослэн, курбон сётон ӝӧклэн матаз медаз лыктэ – тӥ но, соос но кулоно медад луэ. 4Тон вӧзын соос мед луозы, вӧсяськон скинияын ужаса-тыршыса мед улозы, отысь ужъёсты мед быдэсъялозы; нош левит луисьтэм мурт тӥляд матады медаз лыкты. 5Вӧсяськон интыын но, курбон сётон ӝӧк дорын но службаосты тазьы нуэ, израиль пиос вылэ азьланяз йыркур медаз ни ӝуатскы; 6уго тӥлесьтыд агай-вынъёстэс, левитъёсты, Мон израиль пиос бордысь басьтӥ но, Кузё-Инмарлы салам-кузьым карыса, соосты тӥледлы сётӥ, вӧсяськон скинияын ужъёсты быдэсъяны мед юрттозы шуыса; 7тон но, тонэн ӵош пиосыд но курбон сётон ӝӧк дорын, скиния пушкысь катанчилэн сьӧраз священник луондылэсь вань ужъёссэ чакласа быдэсъялэ, ужалэ-тырше; священникъёслэсь служба нуонзэс Мон тӥледлы кузьмасько, нош палэнысь мурт, святой арбериослэн матазы лыктӥз ке, виемын луоз».
8Кузё-Инмар Ааронлы шуиз: «Тани, Мыным вылэ ӝутонлы ваем саламъёсты-кузьымъёсты Мон тонэ чакласа улыны косӥсько; соосты Мон израиль пиослэн вань сӥзиськыса ваемзы пӧлысь священник луэмды понна тыныд но, тынад пиосыдлы но сётӥсько, та пумтэм вапумъёс ӵожелы сётӥськем пуктон-косон; 9тани, тылын сутӥськись курбонлэсь, быдӟым святынялэсь, кыӵе люкет тыныд сётӥське: ваем салам няньёссы, сьӧлык понна ваем котькудӥз курбонзы, янгыш ужъёс лэсьтэм понна Мыным ваем котькудӥз курбонзы; та быдӟым святыняез тыныд, тынад пиосыдлы мед сётозы. 10Дун-чылкытлэсь но дун-чылкыт интыын тае сие; вань пимуртъёс [тон но, тынад пиосыд но] тае сиыны быгато; та тон понна святыня мед луоз. 11Тани, мар тыныд сюроно соослэн вылэ ӝутонлы ваем салам-кузьымъёссы пӧлысь: израиль пиослэсь вань вылэ ӝутонлы ваем салам-кузьымъёссэс тыныд, тынад пиосыдлы, тынад нылъёсыдлы, тонэн ӵош луэмъёслы, сётӥсько, та пумтэм вапумъёс ӵожелы сётӥськем пуктон-косон; тынад выжыысьтыд вань чылкыт муртъёс сое сиыны быгато. 12Вӧй пӧлысь мар самой умоез вань, виноград пӧлысь, ю-нянь пӧлысь мар самой умоез вань, – соослэсь Кузё-Инмарлы сётоно нырысь емышъёссэс – Мон тыныд сётӥсько; 13музъемзылэн будэтэм вань нырысь емышъёсыз, кудъёссэ соос Кузё-Инмарлы ваёзы, тынад мед луоз; тынад выжыысьтыд вань чылкыт муртъёс тае сиыны быгато. 14Израиль музъемысь ваньмыз сӥзиськыса сётэм тынад мед луоз. 15Адями пӧлысь, пудо пӧлысь мае ваё Кузё-Инмарлы, вань лулмугороослэн анай пушкысьтызы нырысь потэмъёс, ваньмыз тынад мед луоз; адями пӧлысь нырысь вордскем пи гинэ, дун тырыса, берен басьтэмын луыны кулэ; кырсь пудолэн нырысь вордскем пиез, дун тырыса, берен басьтэмын луыны кулэ. 16Нош соосты дун тырыса берен басьтон тазьы луыны кулэ: одӥг толэзь тырмем, солэсь но бадӟымгес луэм пи понна, тынад пуктэм дунъетэдъя, вить азвесь сӥкль басьты, вӧсяськон интыысь сӥкльлэн секталаеныз мертаса – со кызь гера; 17нош нырысь вордскем ошъёс понна, нырысь вордскем ыжпиос понна, нырысь вордскем кечпиос понна дун эн басьты: со святыняос; соослэн вирынызы курбон сётон ӝӧкез пазя, кӧйзэс, курбон карыса, тылын сут, Кузё-Инмарлы ярамон ческыт зын мед поттоз; 18нош сӥльзэс тыныд сётоно, озьы ик вылэ ӝутон мӧляез, бурпал пельпумыныз ӵош тыныд сётоно. 19Израиль пиослэсь Кузё-Инмарлы сӥзьыса ваньзэ вылэ ӝутоно святыняоссэс Мон тыныд, тынад пиосыдлы, нылъёсыдлы, тонэн ӵош луэмъёслы, сётӥсько, та пумтэм вапумъёс ӵожелы сётӥськем пуктон-косон; та Кузё-Инмар азьын пумтэм вапумъёслы сётэм, сылалэн юнматэм сӥзён-косон, со тыныд, тынад кидысэдлы-выжыедлы но сётӥське».
20Кузё-Инмар Ааронлы шуиз: «Соослэн музъемазы музъем люкетэд уз луы, соос пӧлын люкетэд уз луы; Мон тынад люкетэд, израиль пиос пӧлын тынад люкетэд; 21нош Левийлэн пиосызлы Мон люкетлы сётӥсько ужам-тыршемзы понна, вӧсяськон скинияын службаос нуэмзы понна Израильлэн вань ваньбурез пӧлысь дасэтӥ люкетсэ; 22сьӧлык медаз басьтэ но кулоно медаз луэ шуыса, азьланяз израиль пиос вӧсяськон скиниялэн матаз лыктыны кулэ ӧвӧл. 23Вӧсяськон скинияын службаосты левитъёс мед нуозы, асьсэлэсь сьӧлыкъёссэс вылазы мед нуозы. Та тӥляд выжыостылы пумтэм вапумъёс ӵожелы сётэм пуктон-косон; нош израиль пиос пӧлын соос люкет уз басьтэ; 24израиль пиослэсь Кузё-Инмарлы сӥзьыса вылэ ӝутонлы ваем дасэтӥ люкетсэс Мон левитъёслы люкетлы сётӥсько, соин ик соослы тазьы шуи: ”Израиль пиос пӧлын соос люкет уз басьтэ”».
25Кузё-Инмар Моисейлы тазьы вераз, тазьы шуиз: 26«Левитъёслы тазьы ялыса шу: ”Израиль пиослэсь Кузё-Инмарлы сётоно дасэтӥ люкетсэс басьтыкуды, кудзэ Мон соослэсь басьтӥ тӥледлы сётон понна – дасэтӥ люкетлэсь дасэтӥ люкетсэ вылэ ӝутэ, – 27тӥляд та вылэ ӝутонды итымысь ваем ю-нянь шуыса, вина нелькон интыысь ваем салам-кузьым шуыса лыдъяськоз; 28озьы тӥ израиль пиослэсь бичам дасэтӥ люкетъёсты пӧлысь салам-кузьымдэс Кузё-Инмар азе вылэ ӝутоды, Кузё-Инмарлы вылэ ӝутон ортчытыны ваем салам-кузьымдэс Аарон священниклы сётъялоды; 29мар тӥледлы ваё, солэсь самой умой люкетсэ, дун-чылкытсэ Кузё-Инмарлы вылэ ӝутэ”. 30Соослы шу: ”Ваньмыз пӧлысь самой умойзэ курбонлы вайиды ке, со левитъёслы итымысь ваем, виноград нелькон интыысь ваем шуыса гожтӥськоз; 31тае тӥ котькыӵе интыысен но сиыны быгатӥськоды, озьы ик [тӥляд нылпиосты,] семьяосты но, уго та вӧсяськон скинияын ужамдылы дун тырон луэ; 32таос пӧлысь самой умойзэ курбонлы вайиды ке, та понна сьӧлык уд басьтэ; израиль пиослэсь сӥземзэс уд сапталэ, уд кулэ”».
Currently Selected:
Лыдпусъёс 18: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
Лыдпусъёс 18
18
18-тӥ ЛЮКЕТ
1Соку Кузё-Инмар Ааронлы шуиз: «Тон пиосыныд ӵош, тынад атаедлэн выжыез но вӧсяськон интыын сюлэмдэс понытэк ужамды понна кыл кутоно луоды; тон но, тынад пиосыд но священник луонлэсь ужъёссэ пыр-поч нуымтэды понна вылады сьӧлык басьтӥськоды. 2Аслэсьтыд агай-вынъёстэ но, Левий выжыез, атаедлэсь улы-бечеоссэ, ас бордад басьты: тон бордын мед луозы, тыныд ужаса-тыршыса мед улозы, нош тон, тынад пиосыд но сӥзён-косонэн скиния бордын возиське; 3тыныд служба нуыны мед юрттӥськозы, скинияын мар лэсьтыны кулэ, сое но соос мед лэсьтозы; нош вӧсяськон интыын сылӥсь арбериослэн, курбон сётон ӝӧклэн матаз медаз лыктэ – тӥ но, соос но кулоно медад луэ. 4Тон вӧзын соос мед луозы, вӧсяськон скинияын ужаса-тыршыса мед улозы, отысь ужъёсты мед быдэсъялозы; нош левит луисьтэм мурт тӥляд матады медаз лыкты. 5Вӧсяськон интыын но, курбон сётон ӝӧк дорын но службаосты тазьы нуэ, израиль пиос вылэ азьланяз йыркур медаз ни ӝуатскы; 6уго тӥлесьтыд агай-вынъёстэс, левитъёсты, Мон израиль пиос бордысь басьтӥ но, Кузё-Инмарлы салам-кузьым карыса, соосты тӥледлы сётӥ, вӧсяськон скинияын ужъёсты быдэсъяны мед юрттозы шуыса; 7тон но, тонэн ӵош пиосыд но курбон сётон ӝӧк дорын, скиния пушкысь катанчилэн сьӧраз священник луондылэсь вань ужъёссэ чакласа быдэсъялэ, ужалэ-тырше; священникъёслэсь служба нуонзэс Мон тӥледлы кузьмасько, нош палэнысь мурт, святой арбериослэн матазы лыктӥз ке, виемын луоз».
8Кузё-Инмар Ааронлы шуиз: «Тани, Мыным вылэ ӝутонлы ваем саламъёсты-кузьымъёсты Мон тонэ чакласа улыны косӥсько; соосты Мон израиль пиослэн вань сӥзиськыса ваемзы пӧлысь священник луэмды понна тыныд но, тынад пиосыдлы но сётӥсько, та пумтэм вапумъёс ӵожелы сётӥськем пуктон-косон; 9тани, тылын сутӥськись курбонлэсь, быдӟым святынялэсь, кыӵе люкет тыныд сётӥське: ваем салам няньёссы, сьӧлык понна ваем котькудӥз курбонзы, янгыш ужъёс лэсьтэм понна Мыным ваем котькудӥз курбонзы; та быдӟым святыняез тыныд, тынад пиосыдлы мед сётозы. 10Дун-чылкытлэсь но дун-чылкыт интыын тае сие; вань пимуртъёс [тон но, тынад пиосыд но] тае сиыны быгато; та тон понна святыня мед луоз. 11Тани, мар тыныд сюроно соослэн вылэ ӝутонлы ваем салам-кузьымъёссы пӧлысь: израиль пиослэсь вань вылэ ӝутонлы ваем салам-кузьымъёссэс тыныд, тынад пиосыдлы, тынад нылъёсыдлы, тонэн ӵош луэмъёслы, сётӥсько, та пумтэм вапумъёс ӵожелы сётӥськем пуктон-косон; тынад выжыысьтыд вань чылкыт муртъёс сое сиыны быгато. 12Вӧй пӧлысь мар самой умоез вань, виноград пӧлысь, ю-нянь пӧлысь мар самой умоез вань, – соослэсь Кузё-Инмарлы сётоно нырысь емышъёссэс – Мон тыныд сётӥсько; 13музъемзылэн будэтэм вань нырысь емышъёсыз, кудъёссэ соос Кузё-Инмарлы ваёзы, тынад мед луоз; тынад выжыысьтыд вань чылкыт муртъёс тае сиыны быгато. 14Израиль музъемысь ваньмыз сӥзиськыса сётэм тынад мед луоз. 15Адями пӧлысь, пудо пӧлысь мае ваё Кузё-Инмарлы, вань лулмугороослэн анай пушкысьтызы нырысь потэмъёс, ваньмыз тынад мед луоз; адями пӧлысь нырысь вордскем пи гинэ, дун тырыса, берен басьтэмын луыны кулэ; кырсь пудолэн нырысь вордскем пиез, дун тырыса, берен басьтэмын луыны кулэ. 16Нош соосты дун тырыса берен басьтон тазьы луыны кулэ: одӥг толэзь тырмем, солэсь но бадӟымгес луэм пи понна, тынад пуктэм дунъетэдъя, вить азвесь сӥкль басьты, вӧсяськон интыысь сӥкльлэн секталаеныз мертаса – со кызь гера; 17нош нырысь вордскем ошъёс понна, нырысь вордскем ыжпиос понна, нырысь вордскем кечпиос понна дун эн басьты: со святыняос; соослэн вирынызы курбон сётон ӝӧкез пазя, кӧйзэс, курбон карыса, тылын сут, Кузё-Инмарлы ярамон ческыт зын мед поттоз; 18нош сӥльзэс тыныд сётоно, озьы ик вылэ ӝутон мӧляез, бурпал пельпумыныз ӵош тыныд сётоно. 19Израиль пиослэсь Кузё-Инмарлы сӥзьыса ваньзэ вылэ ӝутоно святыняоссэс Мон тыныд, тынад пиосыдлы, нылъёсыдлы, тонэн ӵош луэмъёслы, сётӥсько, та пумтэм вапумъёс ӵожелы сётӥськем пуктон-косон; та Кузё-Инмар азьын пумтэм вапумъёслы сётэм, сылалэн юнматэм сӥзён-косон, со тыныд, тынад кидысэдлы-выжыедлы но сётӥське».
20Кузё-Инмар Ааронлы шуиз: «Соослэн музъемазы музъем люкетэд уз луы, соос пӧлын люкетэд уз луы; Мон тынад люкетэд, израиль пиос пӧлын тынад люкетэд; 21нош Левийлэн пиосызлы Мон люкетлы сётӥсько ужам-тыршемзы понна, вӧсяськон скинияын службаос нуэмзы понна Израильлэн вань ваньбурез пӧлысь дасэтӥ люкетсэ; 22сьӧлык медаз басьтэ но кулоно медаз луэ шуыса, азьланяз израиль пиос вӧсяськон скиниялэн матаз лыктыны кулэ ӧвӧл. 23Вӧсяськон скинияын службаосты левитъёс мед нуозы, асьсэлэсь сьӧлыкъёссэс вылазы мед нуозы. Та тӥляд выжыостылы пумтэм вапумъёс ӵожелы сётэм пуктон-косон; нош израиль пиос пӧлын соос люкет уз басьтэ; 24израиль пиослэсь Кузё-Инмарлы сӥзьыса вылэ ӝутонлы ваем дасэтӥ люкетсэс Мон левитъёслы люкетлы сётӥсько, соин ик соослы тазьы шуи: ”Израиль пиос пӧлын соос люкет уз басьтэ”».
25Кузё-Инмар Моисейлы тазьы вераз, тазьы шуиз: 26«Левитъёслы тазьы ялыса шу: ”Израиль пиослэсь Кузё-Инмарлы сётоно дасэтӥ люкетсэс басьтыкуды, кудзэ Мон соослэсь басьтӥ тӥледлы сётон понна – дасэтӥ люкетлэсь дасэтӥ люкетсэ вылэ ӝутэ, – 27тӥляд та вылэ ӝутонды итымысь ваем ю-нянь шуыса, вина нелькон интыысь ваем салам-кузьым шуыса лыдъяськоз; 28озьы тӥ израиль пиослэсь бичам дасэтӥ люкетъёсты пӧлысь салам-кузьымдэс Кузё-Инмар азе вылэ ӝутоды, Кузё-Инмарлы вылэ ӝутон ортчытыны ваем салам-кузьымдэс Аарон священниклы сётъялоды; 29мар тӥледлы ваё, солэсь самой умой люкетсэ, дун-чылкытсэ Кузё-Инмарлы вылэ ӝутэ”. 30Соослы шу: ”Ваньмыз пӧлысь самой умойзэ курбонлы вайиды ке, со левитъёслы итымысь ваем, виноград нелькон интыысь ваем шуыса гожтӥськоз; 31тае тӥ котькыӵе интыысен но сиыны быгатӥськоды, озьы ик [тӥляд нылпиосты,] семьяосты но, уго та вӧсяськон скинияын ужамдылы дун тырон луэ; 32таос пӧлысь самой умойзэ курбонлы вайиды ке, та понна сьӧлык уд басьтэ; израиль пиослэсь сӥземзэс уд сапталэ, уд кулэ”».
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016