Маккавейёслэн 3-тӥ книгазы 7
7
7-тӥ ЛЮКЕТ
1«Филопатор Птоломей эксэй Египетысь кузёйыръёслы, ваньмызлы кивалтон уже пуктэмъёслы – шумпотэ, тазалыко луэ. Ми но, милям нылпиосмы но ӟеч улӥськомы, уго быдӟым Инмар милемлы ужъёсмес быдэстыны юрттэ, кызьы милемлы кулэ. 2Эшъёсмы пӧлысь куд-огез лек сюлмысьтызы потэм малпанэн улӥсьёс ӵем гинэ милемлы вераллязы, оскытыны выризы кун-эксэйлыкын улӥсь вань иудейёсты огазе, пе, люкано но, кунзэс вузась муртъёсты кадь, адӟылымтэ курадӟытонэн курадӟытыса виылоно, 3соос ватсазы на: та уж быдэстэмын ӧз ке луы, соослэн вань калыкъёсты адӟемпотостэм каременызы сэрен, асьме кун-эксэйлыкмылэн улон-вылон радызлэн азинлыкез ноку но уз луы. 4Соосты кужмысь жильыяса-думылыса, вузаны нуон ляльчиосты музэн, шонергес вераса, вузаськем муртъёсты кадь, кескич амалэн нуизы, чик юалляськытэк, эскерытэк виылыны ӧдъязы, скифъёслэсь но лекесьгес виылон сямъёс малпаллязы. 5Ми юн алӥмы, тазьы лэсьтыны уг яра шуыса, вань адямиосты гажаменымы, соку ик ми соосты улэп кельтӥмы; нош куке тодӥмы, Инмысь Инмар иудейёслэн оскиськымон утись шобретсы луэ, пизэ утись атай кадь котьку но соослэн палазы пыре шуыса, эшшо лыдэ басьтӥмы на соослэсь милемлы, вашкала атайёсмылы но ӟеч мылкыдзэс, соку ми шонер лэсьтӥмы – вань янгыш каронъёс улысь, маин гинэ соосты янгыш уг каро вал, соосты мозмытӥмы, 6одӥгтэм ваньзэсты доразы бертыны косӥмы, нокытын но, нокин но, номырин но соосты юнме шорысь янгыше медаз уськыты, медаз ултӥя, медаз пыкылы. 7Тодэлэ, иудейёслы пумит асьмеос маке уродзэ лэсьтӥмы ке, яке маин ке но соосты вӧсь каримы ке, соку асьмелы пумит адями уз султы, султоз асьмелэн вань ужъёсмы понна пунэм берыктӥсь – вань кивалтӥсьёсын кивалтӥсь Вылысь Инмар, одно ик котьку но озьы луоз. Ӟеч улэ».
8Та ыстэм гожтэтэз басьтэм беразы иудейёс соку ик гуртазы кошкыны ӧз дыртэ, соос эксэйлэсь куризы, иудей выжыысь ас мылкыдзыя святой Инмарлэсь куштӥськемъёс, Инмарлэн законэзлэсь куштӥськемъёс, соос пыр кыӵе кулэ, сыӵе вӧсь карон мед басьтысалзы, 9татчы ватсазы на: сиён-юон понна Инмарлэсь пуктон-косонъёссэ сӧрисьёслэн ноку но ӟеч мылкыдзы уз луы эксэйлэн кивалтон ужезлы но. 10Таос зэмлыкез верало шуыса, эксэй валаз, соослэсь куронзэс кабыл басьтӥз но Инмар законэз сӧрисьёсты солэн кун-эксэйлыкезлэн котькыӵе но люкетаз виыны право сётӥз – нокин но талы медаз люкеты, эксэйлэсь эриксэ юатэк, солэн чаклан-эскеронэзтэк та ужез быдэстыны луоно. 11Соку иудейёс кызьы кулэ, озьы эксэйлы тау каризы, священникъёс но, трос-трос люкаськем вань калык но «Аллилуия!» шуыса кырӟазы, собере шумпотыса доразы кошкизы. 12Асьсэ калык пӧлысь вань саптаськемъёсты, сюрес вылысен пумитакузы, вӧсь карылӥзы, мукетъёссэ нодъян понна виылӥзы. 13Та нуналэ соос куинь сюлэсь но трос пиосмуртэз виизы; саптаськыса улӥсьёсты виылӥзы бере, шумпотӥзы, шулдыръяськылӥзы. 14Нош асьсэос кулытозязы Инмарез яратонэн улӥзы, утиськемзы понна тыр шумпотон басьтыса, ческыт зын поттӥсь пӧртэм сяськаослэсь тугокоосты йыразы поныса, городысь потӥзы, шулдыръяськыса, куаныса, Израилез пумтэм вапумъёс ӵоже Утисез, атайёссылэсь Инмарзэс, ушъяса, тау карыса, шулдыр кырӟанъёсын данъяса мынӥзы.
15Птолемаидае вуизы, та интыез, солэсь вылтуссэ лыдэ басьтыса, Родофор (роза нуллӥсь) шуыса нимало, иудейёслэн ӵош куремзыя, соосты сизьым нунал ӵоже отын корабльёс возьмаса улӥзы. 16Отын соос утиськонлы сӥзем юондыр ортчытӥзы, эксэй соослы доразы вуытозьлы ваньзэ дурыстэм трос сётъяз уго. 17Татчы соос каньылэн, ӟечесь тау каронъёсын вуизы бере, соин ик татын но та нуналъёсы, та музъем вылын вань улытозязы, шулдыр праздник ортчытъян дыр тупатӥзы. 18Та нуналъёссэс Инмарлы сӥзьыса, святой нуналъёс каризы, сӥзиськонзэс юнматыса, сиён-юон интыязы юбо пуктӥзы но музъем вылтӥ, зарезь ву вылтӥ, шур кузя азьлане кошкизы, котькудӥз таза куен, эрико луыса, шумпотонэн пачылмыса, аслаз дораз бертӥз, эксэйлэн косонэз соосты утиз-возьмаз. Соку соос азьвыллэсь но тросгес данлык, кужым басьтӥзы но тушмонъёс понна туж кышкытэсь луизы. Асьсэлэн улон юртъёсазы ӝикатыса нокин но соосты ӧз ни возьы. 19Лыдъян-ӵотан книгаосъя ваньзы ваньбурзэс берен басьтӥзы, иудейёслэсь талам ваньбур кинъёс кие сюремын вал, ваньзы туж бадӟым кышканэн сое соослэн киязы берыктылӥзы, соосты утён понна бадӟымлэсь но бадӟымесь ӟечлыко ужъёссэ Быдӟымлэсь но Быдӟым Инмар соослы возьматӥз уго. 20Вапумъёсысь вапумъёсы данлыко Израильлэн Утисез! Аминь.
Currently Selected:
Маккавейёслэн 3-тӥ книгазы 7: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
Маккавейёслэн 3-тӥ книгазы 7
7
7-тӥ ЛЮКЕТ
1«Филопатор Птоломей эксэй Египетысь кузёйыръёслы, ваньмызлы кивалтон уже пуктэмъёслы – шумпотэ, тазалыко луэ. Ми но, милям нылпиосмы но ӟеч улӥськомы, уго быдӟым Инмар милемлы ужъёсмес быдэстыны юрттэ, кызьы милемлы кулэ. 2Эшъёсмы пӧлысь куд-огез лек сюлмысьтызы потэм малпанэн улӥсьёс ӵем гинэ милемлы вераллязы, оскытыны выризы кун-эксэйлыкын улӥсь вань иудейёсты огазе, пе, люкано но, кунзэс вузась муртъёсты кадь, адӟылымтэ курадӟытонэн курадӟытыса виылоно, 3соос ватсазы на: та уж быдэстэмын ӧз ке луы, соослэн вань калыкъёсты адӟемпотостэм каременызы сэрен, асьме кун-эксэйлыкмылэн улон-вылон радызлэн азинлыкез ноку но уз луы. 4Соосты кужмысь жильыяса-думылыса, вузаны нуон ляльчиосты музэн, шонергес вераса, вузаськем муртъёсты кадь, кескич амалэн нуизы, чик юалляськытэк, эскерытэк виылыны ӧдъязы, скифъёслэсь но лекесьгес виылон сямъёс малпаллязы. 5Ми юн алӥмы, тазьы лэсьтыны уг яра шуыса, вань адямиосты гажаменымы, соку ик ми соосты улэп кельтӥмы; нош куке тодӥмы, Инмысь Инмар иудейёслэн оскиськымон утись шобретсы луэ, пизэ утись атай кадь котьку но соослэн палазы пыре шуыса, эшшо лыдэ басьтӥмы на соослэсь милемлы, вашкала атайёсмылы но ӟеч мылкыдзэс, соку ми шонер лэсьтӥмы – вань янгыш каронъёс улысь, маин гинэ соосты янгыш уг каро вал, соосты мозмытӥмы, 6одӥгтэм ваньзэсты доразы бертыны косӥмы, нокытын но, нокин но, номырин но соосты юнме шорысь янгыше медаз уськыты, медаз ултӥя, медаз пыкылы. 7Тодэлэ, иудейёслы пумит асьмеос маке уродзэ лэсьтӥмы ке, яке маин ке но соосты вӧсь каримы ке, соку асьмелы пумит адями уз султы, султоз асьмелэн вань ужъёсмы понна пунэм берыктӥсь – вань кивалтӥсьёсын кивалтӥсь Вылысь Инмар, одно ик котьку но озьы луоз. Ӟеч улэ».
8Та ыстэм гожтэтэз басьтэм беразы иудейёс соку ик гуртазы кошкыны ӧз дыртэ, соос эксэйлэсь куризы, иудей выжыысь ас мылкыдзыя святой Инмарлэсь куштӥськемъёс, Инмарлэн законэзлэсь куштӥськемъёс, соос пыр кыӵе кулэ, сыӵе вӧсь карон мед басьтысалзы, 9татчы ватсазы на: сиён-юон понна Инмарлэсь пуктон-косонъёссэ сӧрисьёслэн ноку но ӟеч мылкыдзы уз луы эксэйлэн кивалтон ужезлы но. 10Таос зэмлыкез верало шуыса, эксэй валаз, соослэсь куронзэс кабыл басьтӥз но Инмар законэз сӧрисьёсты солэн кун-эксэйлыкезлэн котькыӵе но люкетаз виыны право сётӥз – нокин но талы медаз люкеты, эксэйлэсь эриксэ юатэк, солэн чаклан-эскеронэзтэк та ужез быдэстыны луоно. 11Соку иудейёс кызьы кулэ, озьы эксэйлы тау каризы, священникъёс но, трос-трос люкаськем вань калык но «Аллилуия!» шуыса кырӟазы, собере шумпотыса доразы кошкизы. 12Асьсэ калык пӧлысь вань саптаськемъёсты, сюрес вылысен пумитакузы, вӧсь карылӥзы, мукетъёссэ нодъян понна виылӥзы. 13Та нуналэ соос куинь сюлэсь но трос пиосмуртэз виизы; саптаськыса улӥсьёсты виылӥзы бере, шумпотӥзы, шулдыръяськылӥзы. 14Нош асьсэос кулытозязы Инмарез яратонэн улӥзы, утиськемзы понна тыр шумпотон басьтыса, ческыт зын поттӥсь пӧртэм сяськаослэсь тугокоосты йыразы поныса, городысь потӥзы, шулдыръяськыса, куаныса, Израилез пумтэм вапумъёс ӵоже Утисез, атайёссылэсь Инмарзэс, ушъяса, тау карыса, шулдыр кырӟанъёсын данъяса мынӥзы.
15Птолемаидае вуизы, та интыез, солэсь вылтуссэ лыдэ басьтыса, Родофор (роза нуллӥсь) шуыса нимало, иудейёслэн ӵош куремзыя, соосты сизьым нунал ӵоже отын корабльёс возьмаса улӥзы. 16Отын соос утиськонлы сӥзем юондыр ортчытӥзы, эксэй соослы доразы вуытозьлы ваньзэ дурыстэм трос сётъяз уго. 17Татчы соос каньылэн, ӟечесь тау каронъёсын вуизы бере, соин ик татын но та нуналъёсы, та музъем вылын вань улытозязы, шулдыр праздник ортчытъян дыр тупатӥзы. 18Та нуналъёссэс Инмарлы сӥзьыса, святой нуналъёс каризы, сӥзиськонзэс юнматыса, сиён-юон интыязы юбо пуктӥзы но музъем вылтӥ, зарезь ву вылтӥ, шур кузя азьлане кошкизы, котькудӥз таза куен, эрико луыса, шумпотонэн пачылмыса, аслаз дораз бертӥз, эксэйлэн косонэз соосты утиз-возьмаз. Соку соос азьвыллэсь но тросгес данлык, кужым басьтӥзы но тушмонъёс понна туж кышкытэсь луизы. Асьсэлэн улон юртъёсазы ӝикатыса нокин но соосты ӧз ни возьы. 19Лыдъян-ӵотан книгаосъя ваньзы ваньбурзэс берен басьтӥзы, иудейёслэсь талам ваньбур кинъёс кие сюремын вал, ваньзы туж бадӟым кышканэн сое соослэн киязы берыктылӥзы, соосты утён понна бадӟымлэсь но бадӟымесь ӟечлыко ужъёссэ Быдӟымлэсь но Быдӟым Инмар соослы возьматӥз уго. 20Вапумъёсысь вапумъёсы данлыко Израильлэн Утисез! Аминь.
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016