Маккавейёслэн 3-тӥ книгазы 6
6
6-тӥ ЛЮКЕТ
1Со виын кыӵе ке но Елеазар, гажано адями, та кунысь священник, пересь арлыдэ вуэм мурт, улон даураз трос ӟеч ужъёс лэсьтыса данэ потэм адями, Святой Инмарлы вазиськыны ас вӧзаз сылӥсь пересь визьнодчиосты ӧтиз, со тазьы вӧсяськыны кутскиз: 2«Ваньмызлэсь кужмо, ваньмызлэсь вылӥ Эксэй, Дунне Кутӥсь Инмар, вань кылдытэм макеосын гажаса-жаляса кивалтӥсь! Атай, учкы Авраамлэн кидысэз-выжыез шоры, дун-чылкыт карем Иаковлэн нылпиосыз шоры, Аслад быръем святой люкетэд-калыкед шоры, мурт музъем вылтӥ костаськись калыкед шоры, кинэ шонертэм виыло-быдто. 3Трос ожмаськон уробоосын узыр, Египетлэсь азьвыл кивалтӥсьсэ, фараонэз, законлэсь кышкасьтэм, возьыттэм вылтӥяськисез, ушъяськыса вераськисез, вылтӥяськись ожгарчиосыныз ӵош быдтӥд, – зарезь ву пушкы выйытӥд, нош Израиль выжылы гажан-жалянлэсь югытлыксэ возьматӥд. 4Ассириялэсь жалянэз тодӥсьтэм Сеннахирим эксэйзэ, пумтэм трос ожгарчиосыныз ушъяськисез, быдэс музъемез мечен киулаз басьтӥсез, Тынад святой городэд вылэ урдскисез, вылтӥяськыса но кепыратэк сантэман кылъёс верасез, погыртӥд, трос калыкъёс азьын Аслэсьтыд кужымдэ возьматӥд. 5Вавилонысь куинь егит пиосты, ӧвӧлтэм сульдэръёслы-идолъёслы йыбыртъянтэм понна ас мылкыдзыя улонзэс тыллы сётӥсьёсты, быдэскын кельтӥд – йырсизы но ӧз сутскы, ӟырдатэм гурез лысвуэн коттыса улӥд, нош гомась тылэз вань тушмонъёс вылэ берыктӥд. 6Кӧтпӧсен улӥсьёслэн кыл сётъямзы пыр сьӧсь пӧйшуръёслы кесяны гуэ куштэм Даниилэз Тон югыт азе улэпкын, быдэскын поттӥд; Атай, Тон Ионаез но, утиськонлы чик оскиськытэк зарезьлэн мур вуосаз улӥсь китлэн пушказ каньсыраса кыллисез, улэпкын, чик шекъёстэк солэн матысь муртъёсыз азе султытӥд. 7Кӧтӝожъёс понна Пунэм Берыктӥсь, бадӟым гажан-жалянэн Улӥсь, ваньзэ Шобыртӥсь, али но юрӟым, законлы пумит улӥсь язычникъёслэн ултӥям Израиль выжыысь калыкед доры ӝоггес лыкты. 8Мурт музъеме улыны интыяськеммы дырысен милям улон-вылонмы йӧнтэм ужъёсын пачылмиз ке, Кузё-Инмаре, тушмонъёсмылэн киулысьтызы мозмыты но, кыӵеез Тыныд кулэ, сыӵе кулонэн милемыз виылы, 9ӧвӧлтэм макеослы оскисьёс данъяса медаз улэ чик кулэтэм сульдэръёсты-идолъёсты Тынад яратоно муртъёсыдлэн кулэм-быремзы понна, тазьы шуоно медаз луэ: ”Инмарзы соосты ӧз утьы”. 10Нош Тон, Пумтэм Вапумъёс Улӥсь, Тынад кияд кужым вань, Тон ваньмыныз кивалтыны быгатӥськод, учкы ук, 11жаля милемыз, уго законлы пумит улӥсьёс возьытэз тодытэк, йыруж лэсьтӥсьёсты музэн, эриктэм милемыз виыло. 12Тынад вормыны луонтэм кужымедлэсь табере язычникъёс мед кышкатскозы, даноослэсь но дано Тон, Иаковлэсь выжызэ утьыны Тынад кужымед вань. 13Вань нуныос, соослэн анай-атайёссы Тонэ синкылиен сюлворыса куро: вань язычникъёс мед адӟозы, Тон, Кузё-Инмаре, милемын, Аслэсьтыд ымнырдэ ми палась ӧд палэнты; 14Кузё-Инмаре, Тон лэсьты озьы, кызьы шуид: ”Тушмонъёстылэн музъемазы но Мон тӥледыз кулэтэм уг кары”».
15Елеазар вӧсяськонзэ йылпумъяз гинэ, со виын эксэй пӧйшуръёсыныз, кӧшкемыт-шимес ожгарчиосыныз ӵош вал ӵошатон интые вуиз. 16Сое адӟем беразы иудейёс, бадӟым куараосын кесяськыса, синвуэн Ин пала вазиськизы, матысь нёжалъёсы ик соослэн куараоссы шуккиськизы, вань ожгарчиос пӧлын сюлэмез вӧсь карись куалекъян-викышъян вӧлмиз. 17Соку данолэсь но дано Дунне Кутӥсь Зэм Инмар Аслэсьтыз дун-чылкыт ымнырзэ возьматӥз, Ин капкаез усьтӥз но, отысь кык данлыко, кышкыт Кылчинъёс потӥзы, иудейёс сяна, ваньмыз соосты адӟизы. 18Соос ожгарчиослэн пумитазы султӥзы – тушмонъёсты куалектытӥзы, кышкатӥзы но вырӟытыны луисьтэм жильыетэн думылӥзы; эксэйлэн но мугорыз дыр-р куалекъяны кутскиз, азьвыл лекъяськыса улэмзэ со ваньзэ вунэтӥз. 19Соку слонъёс берытскизы, соосты келяса мынӥсь, ожмаськон тӥрлыкъёс кутыса мынӥсь ожгарчиос вылэ урдскизы, соосты лёгаса виылыны кутскизы. 20Эксэйлэн лек йыркурез жалян пала берытскиз, синвуэз вияны кутскиз, кызьы но мар лэсьтыны малпамзэ тодаз вайыса. 21Иудейёслэсь кесяськем куаразэс кылыса, кулыны дасяськыса, ваньзылэсь пыдес вылазы сылэмзэс адӟыса, со бӧрдыны кутскиз, йыркурен эшъёссэ кышкатыса шуиз: 22«Кивалтон ужез лек ужлы берыктӥськоды, самой лек муртъёсты тӥ асьтэлэн лек ужъёсыныды ортчиськоды, монэ асме но – асьтэлэсь ӟеч уж лэсьтӥсьтэс – эксэй луонлэсь палэнтыны, виыны дасяськиськоды но лушкемен кун-эксэйлыклы изъян вайись уж лэсьтыны дасяськиськоды. 23Асьме кунлэсь юнматэм изкаръёссэ сокем оскиськымон возьмасьёссэ кин визьзэ ыштэм мурт кадь татчы люказ, котькудзэс ас юртысьтыз поттӥз? 24Котьмар ласянь асьмелы оскиськымон луэменыз вашкала дырысен вань калыкъёсты ортчисез, ӵемысь самой секытэсь курадӟонъёсты чидано луылӥсез, кин сокем ярасьтэм-тупасьтэм сантэман калэ сое вуттӥз? 25Пертчылэ, пертчылэ соослэсь жильыетъёссэс, – соосты думылон шонерлыко уж ӧй вал, – каньылэн доразы бертыны лэзе, мар азьвыл лэсьтэмын вал, со понна соослэсь вожзэс медаз поттэ шуыса куре; вашкала атайёсмы дырысен туннэ нуналозь асьме кун-эксэйлыклы ялан ӟеч улон но данлык Сётӥсь, Инмысь Дунне Кутӥсь улэп Инмарлэсь нылпиоссэ мозмытэ». 26Тӥни, мар вераз эксэй. Со минутэ ик эрике лэзем, кулон улысь мозмытскем иудейёс асьсэлэсь святой Утисьсэс – Инмарез – данъяны кутскизы.
27Та бере эксэй городэ берытскиз но сиён-юон басьяськонэн кивалтӥсез ӧтьытӥз, солы косон сётӥз: сизьым нунал ӵоже иудейёслы вина но юондыр ортчытыны мар кулэ, ваньзэ сётъяны косӥз, кулонзэс возьмаса улэм интыын ик, утиськонзэс тодазы вайыса, туж шулдырен праздниксэс мед ортчытозы. 28Соку соос, талэсь азьвыл сантэман улын улэмъёс, кулонлы матэ вуэмъёс, эшшо ке кулон капкаетӥ ни пырись муртъёс, лек, синвуэн кулэм интые, утиськонлы сӥзем юондыр ортчыто, шумпотонэн пачылмыса, соос тушмонлэсь соосты виылыны но ватыны дасям интызэ шулдыръяськон-шумпотон интылы пӧрмытӥзы. 29Ӝожлэсь но ӝож, синвуэн бӧрдон гурзэс кырӟамысь дугдыса, соос Израильлэсь Утисьсэ, паймымон ужъёс лэсьтӥсь Инмарез данъяса, атайёссылэсь гурзэс кырӟаны кутскизы, дугдӥзы ӝожомыса, викышъяса улэмысь, тупаса, каньылэн шулдыръяськыса улэмзэс возьматон понна, котыр султыса, ӵош кырӟаны кутскизы. 30Озьы ик эксэй но, та учыр пумысен трос калыкез люкаса, бадӟым юондыр ортчытӥз, солы данлыко утиськон сётэмез понна Инлы дугдылытэк тау карон кылъёс вераз. 31Нош иудейёсты виылыны, сьӧсь тылобурдоослы шӧйёссэс кокчаны дасясьёс, соос пӧлын шумпотыса лыдъян-ӵотан ортчытӥсьёс, возьытэ вуыса, ӝуштыны кутскизы, тылын ӝуаса улӥсь леклыксы асьсэды возьытэ вуттыса кысӥз. 32Нош иудейёс, кызьы ми верамы ни, котыр султыса, ӵош кырӟазы, та праздникез шумпотыса, данъян гуръёс, псаломъёс кырӟаса орчытӥзы. 33Калыкен огазе люкаськыса, соос таӵе пуктон-косон гожтӥзы: соослэн вань улон интыосазы, выжыысь выжыосы, тупатэм нуналъёсы, шумпотон праздник орчытоно – юон понна, голькатозь сиён понна ӧвӧл, но Инмарлэсь соослы утиськон сётэмзэ буре ваён понна со мед луоз. 34Собере соос эксэй доры лыктӥзы, соосты доразы бертыны мед лэзёз вал шуыса, солэсь куризы. 35Соосты лыдъян-ӵотан кыстӥськиз Пахон толэзьлэн кызь витетӥ нуналысеныз кутскыса Епиф толэзьлэн ньылетӥ нуналозяз – ньыльдон нунал ӵоже; соосты виылыны-быдтыны малпамын вал Епиф толэзьлэн витетӥ нуналысеныз сизьыметӥ нуналозяз – куинь нунал куспын, нош со нуналъёсы ваньмызлэн Кузё-Атайзы Аслэсьтыз гажан-жалянзэ паймымон амалын возьматӥз но ваньзэсты мозмытӥз – ваньзы улэп, быдэс кылизы. 36Праздниксэс ортчытӥзы эксэйлэн висъям сиён-юонэныз, дас ньылетӥ нуналозь шулдыръяськизы, гуртазы бертыны мед лэзёз шуыса, со нуналэ ик куриськон гожтӥзы. 37Эксэй лэзиз, ӟеч мылкыдзэ возьматыса, со соослы тупась гожтэт гожтӥз, ачиз ик гожтӥськиз, городъёсын кивалтӥсьёслы таӵе пуштросо гожтэт ыстӥз:
Currently Selected:
Маккавейёслэн 3-тӥ книгазы 6: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
Маккавейёслэн 3-тӥ книгазы 6
6
6-тӥ ЛЮКЕТ
1Со виын кыӵе ке но Елеазар, гажано адями, та кунысь священник, пересь арлыдэ вуэм мурт, улон даураз трос ӟеч ужъёс лэсьтыса данэ потэм адями, Святой Инмарлы вазиськыны ас вӧзаз сылӥсь пересь визьнодчиосты ӧтиз, со тазьы вӧсяськыны кутскиз: 2«Ваньмызлэсь кужмо, ваньмызлэсь вылӥ Эксэй, Дунне Кутӥсь Инмар, вань кылдытэм макеосын гажаса-жаляса кивалтӥсь! Атай, учкы Авраамлэн кидысэз-выжыез шоры, дун-чылкыт карем Иаковлэн нылпиосыз шоры, Аслад быръем святой люкетэд-калыкед шоры, мурт музъем вылтӥ костаськись калыкед шоры, кинэ шонертэм виыло-быдто. 3Трос ожмаськон уробоосын узыр, Египетлэсь азьвыл кивалтӥсьсэ, фараонэз, законлэсь кышкасьтэм, возьыттэм вылтӥяськисез, ушъяськыса вераськисез, вылтӥяськись ожгарчиосыныз ӵош быдтӥд, – зарезь ву пушкы выйытӥд, нош Израиль выжылы гажан-жалянлэсь югытлыксэ возьматӥд. 4Ассириялэсь жалянэз тодӥсьтэм Сеннахирим эксэйзэ, пумтэм трос ожгарчиосыныз ушъяськисез, быдэс музъемез мечен киулаз басьтӥсез, Тынад святой городэд вылэ урдскисез, вылтӥяськыса но кепыратэк сантэман кылъёс верасез, погыртӥд, трос калыкъёс азьын Аслэсьтыд кужымдэ возьматӥд. 5Вавилонысь куинь егит пиосты, ӧвӧлтэм сульдэръёслы-идолъёслы йыбыртъянтэм понна ас мылкыдзыя улонзэс тыллы сётӥсьёсты, быдэскын кельтӥд – йырсизы но ӧз сутскы, ӟырдатэм гурез лысвуэн коттыса улӥд, нош гомась тылэз вань тушмонъёс вылэ берыктӥд. 6Кӧтпӧсен улӥсьёслэн кыл сётъямзы пыр сьӧсь пӧйшуръёслы кесяны гуэ куштэм Даниилэз Тон югыт азе улэпкын, быдэскын поттӥд; Атай, Тон Ионаез но, утиськонлы чик оскиськытэк зарезьлэн мур вуосаз улӥсь китлэн пушказ каньсыраса кыллисез, улэпкын, чик шекъёстэк солэн матысь муртъёсыз азе султытӥд. 7Кӧтӝожъёс понна Пунэм Берыктӥсь, бадӟым гажан-жалянэн Улӥсь, ваньзэ Шобыртӥсь, али но юрӟым, законлы пумит улӥсь язычникъёслэн ултӥям Израиль выжыысь калыкед доры ӝоггес лыкты. 8Мурт музъеме улыны интыяськеммы дырысен милям улон-вылонмы йӧнтэм ужъёсын пачылмиз ке, Кузё-Инмаре, тушмонъёсмылэн киулысьтызы мозмыты но, кыӵеез Тыныд кулэ, сыӵе кулонэн милемыз виылы, 9ӧвӧлтэм макеослы оскисьёс данъяса медаз улэ чик кулэтэм сульдэръёсты-идолъёсты Тынад яратоно муртъёсыдлэн кулэм-быремзы понна, тазьы шуоно медаз луэ: ”Инмарзы соосты ӧз утьы”. 10Нош Тон, Пумтэм Вапумъёс Улӥсь, Тынад кияд кужым вань, Тон ваньмыныз кивалтыны быгатӥськод, учкы ук, 11жаля милемыз, уго законлы пумит улӥсьёс возьытэз тодытэк, йыруж лэсьтӥсьёсты музэн, эриктэм милемыз виыло. 12Тынад вормыны луонтэм кужымедлэсь табере язычникъёс мед кышкатскозы, даноослэсь но дано Тон, Иаковлэсь выжызэ утьыны Тынад кужымед вань. 13Вань нуныос, соослэн анай-атайёссы Тонэ синкылиен сюлворыса куро: вань язычникъёс мед адӟозы, Тон, Кузё-Инмаре, милемын, Аслэсьтыд ымнырдэ ми палась ӧд палэнты; 14Кузё-Инмаре, Тон лэсьты озьы, кызьы шуид: ”Тушмонъёстылэн музъемазы но Мон тӥледыз кулэтэм уг кары”».
15Елеазар вӧсяськонзэ йылпумъяз гинэ, со виын эксэй пӧйшуръёсыныз, кӧшкемыт-шимес ожгарчиосыныз ӵош вал ӵошатон интые вуиз. 16Сое адӟем беразы иудейёс, бадӟым куараосын кесяськыса, синвуэн Ин пала вазиськизы, матысь нёжалъёсы ик соослэн куараоссы шуккиськизы, вань ожгарчиос пӧлын сюлэмез вӧсь карись куалекъян-викышъян вӧлмиз. 17Соку данолэсь но дано Дунне Кутӥсь Зэм Инмар Аслэсьтыз дун-чылкыт ымнырзэ возьматӥз, Ин капкаез усьтӥз но, отысь кык данлыко, кышкыт Кылчинъёс потӥзы, иудейёс сяна, ваньмыз соосты адӟизы. 18Соос ожгарчиослэн пумитазы султӥзы – тушмонъёсты куалектытӥзы, кышкатӥзы но вырӟытыны луисьтэм жильыетэн думылӥзы; эксэйлэн но мугорыз дыр-р куалекъяны кутскиз, азьвыл лекъяськыса улэмзэ со ваньзэ вунэтӥз. 19Соку слонъёс берытскизы, соосты келяса мынӥсь, ожмаськон тӥрлыкъёс кутыса мынӥсь ожгарчиос вылэ урдскизы, соосты лёгаса виылыны кутскизы. 20Эксэйлэн лек йыркурез жалян пала берытскиз, синвуэз вияны кутскиз, кызьы но мар лэсьтыны малпамзэ тодаз вайыса. 21Иудейёслэсь кесяськем куаразэс кылыса, кулыны дасяськыса, ваньзылэсь пыдес вылазы сылэмзэс адӟыса, со бӧрдыны кутскиз, йыркурен эшъёссэ кышкатыса шуиз: 22«Кивалтон ужез лек ужлы берыктӥськоды, самой лек муртъёсты тӥ асьтэлэн лек ужъёсыныды ортчиськоды, монэ асме но – асьтэлэсь ӟеч уж лэсьтӥсьтэс – эксэй луонлэсь палэнтыны, виыны дасяськиськоды но лушкемен кун-эксэйлыклы изъян вайись уж лэсьтыны дасяськиськоды. 23Асьме кунлэсь юнматэм изкаръёссэ сокем оскиськымон возьмасьёссэ кин визьзэ ыштэм мурт кадь татчы люказ, котькудзэс ас юртысьтыз поттӥз? 24Котьмар ласянь асьмелы оскиськымон луэменыз вашкала дырысен вань калыкъёсты ортчисез, ӵемысь самой секытэсь курадӟонъёсты чидано луылӥсез, кин сокем ярасьтэм-тупасьтэм сантэман калэ сое вуттӥз? 25Пертчылэ, пертчылэ соослэсь жильыетъёссэс, – соосты думылон шонерлыко уж ӧй вал, – каньылэн доразы бертыны лэзе, мар азьвыл лэсьтэмын вал, со понна соослэсь вожзэс медаз поттэ шуыса куре; вашкала атайёсмы дырысен туннэ нуналозь асьме кун-эксэйлыклы ялан ӟеч улон но данлык Сётӥсь, Инмысь Дунне Кутӥсь улэп Инмарлэсь нылпиоссэ мозмытэ». 26Тӥни, мар вераз эксэй. Со минутэ ик эрике лэзем, кулон улысь мозмытскем иудейёс асьсэлэсь святой Утисьсэс – Инмарез – данъяны кутскизы.
27Та бере эксэй городэ берытскиз но сиён-юон басьяськонэн кивалтӥсез ӧтьытӥз, солы косон сётӥз: сизьым нунал ӵоже иудейёслы вина но юондыр ортчытыны мар кулэ, ваньзэ сётъяны косӥз, кулонзэс возьмаса улэм интыын ик, утиськонзэс тодазы вайыса, туж шулдырен праздниксэс мед ортчытозы. 28Соку соос, талэсь азьвыл сантэман улын улэмъёс, кулонлы матэ вуэмъёс, эшшо ке кулон капкаетӥ ни пырись муртъёс, лек, синвуэн кулэм интые, утиськонлы сӥзем юондыр ортчыто, шумпотонэн пачылмыса, соос тушмонлэсь соосты виылыны но ватыны дасям интызэ шулдыръяськон-шумпотон интылы пӧрмытӥзы. 29Ӝожлэсь но ӝож, синвуэн бӧрдон гурзэс кырӟамысь дугдыса, соос Израильлэсь Утисьсэ, паймымон ужъёс лэсьтӥсь Инмарез данъяса, атайёссылэсь гурзэс кырӟаны кутскизы, дугдӥзы ӝожомыса, викышъяса улэмысь, тупаса, каньылэн шулдыръяськыса улэмзэс возьматон понна, котыр султыса, ӵош кырӟаны кутскизы. 30Озьы ик эксэй но, та учыр пумысен трос калыкез люкаса, бадӟым юондыр ортчытӥз, солы данлыко утиськон сётэмез понна Инлы дугдылытэк тау карон кылъёс вераз. 31Нош иудейёсты виылыны, сьӧсь тылобурдоослы шӧйёссэс кокчаны дасясьёс, соос пӧлын шумпотыса лыдъян-ӵотан ортчытӥсьёс, возьытэ вуыса, ӝуштыны кутскизы, тылын ӝуаса улӥсь леклыксы асьсэды возьытэ вуттыса кысӥз. 32Нош иудейёс, кызьы ми верамы ни, котыр султыса, ӵош кырӟазы, та праздникез шумпотыса, данъян гуръёс, псаломъёс кырӟаса орчытӥзы. 33Калыкен огазе люкаськыса, соос таӵе пуктон-косон гожтӥзы: соослэн вань улон интыосазы, выжыысь выжыосы, тупатэм нуналъёсы, шумпотон праздник орчытоно – юон понна, голькатозь сиён понна ӧвӧл, но Инмарлэсь соослы утиськон сётэмзэ буре ваён понна со мед луоз. 34Собере соос эксэй доры лыктӥзы, соосты доразы бертыны мед лэзёз вал шуыса, солэсь куризы. 35Соосты лыдъян-ӵотан кыстӥськиз Пахон толэзьлэн кызь витетӥ нуналысеныз кутскыса Епиф толэзьлэн ньылетӥ нуналозяз – ньыльдон нунал ӵоже; соосты виылыны-быдтыны малпамын вал Епиф толэзьлэн витетӥ нуналысеныз сизьыметӥ нуналозяз – куинь нунал куспын, нош со нуналъёсы ваньмызлэн Кузё-Атайзы Аслэсьтыз гажан-жалянзэ паймымон амалын возьматӥз но ваньзэсты мозмытӥз – ваньзы улэп, быдэс кылизы. 36Праздниксэс ортчытӥзы эксэйлэн висъям сиён-юонэныз, дас ньылетӥ нуналозь шулдыръяськизы, гуртазы бертыны мед лэзёз шуыса, со нуналэ ик куриськон гожтӥзы. 37Эксэй лэзиз, ӟеч мылкыдзэ возьматыса, со соослы тупась гожтэт гожтӥз, ачиз ик гожтӥськиз, городъёсын кивалтӥсьёслы таӵе пуштросо гожтэт ыстӥз:
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016