Ездралэн 3-тӥ книгаез 14
14
14-тӥ ЛЮКЕТ
1Куинь нунал бере тазьы луиз: мон тыпы улын пукисько вал, но тани монэн ваче беринысь, куак пушкысь, куара потыса шуиз: «Ездра, Ездра!» 2Мон шуи: «Кузё-Инмаре, тани мон со», пыд йылам султӥ. 3Соку Со мыным шуиз: «Мынам калыке Египетын ляльчиын улон вакытэ куак пушкысен Мон усьтӥськи но Моисейлы верай; 4сое ыстӥ но Аслэсьтым калыкме Египетысь поттӥ, Сӥнай гурезь доры вайи, Ас дорам Моисеез трос нуналъёс вози, 5трос паймымон ужъёсты солы усьтӥ, дыръёслэсь-вапумъёслэсь лушкемлыкъёссэс, пумзэс возьматӥ, курон-косон сётыса, солы шуи: 6”Та кылъёсты иворты, нош мукетъёссэ ват”. 7Али тыныд верасько: 8Мынэсьтым возьматъям паймымон тодметъёсме, аслэсьтыд адӟылэм уйвӧтъёстэ но соослы валэктонэз, кудзэ тон кылӥд, аслад сюлмад пон, 9малы ке шуоно тон калык пӧлысь басьтэмын луод, Мынам Пиеным кусып возёд, аслыд укшасьёсын но, дыръёс-вапумъёс йылпумъяськытозь, озьы луоз. 10Уго даур егитлыксэ ыштӥз, дыръёс-вапумъёс пересьмон вакытсылы матэ вуо, 11даур дас кык люкетлы люкемын бере – солэн укмыс люкетэз но дасэтӥ люкетызлэн ӝыныез ортчизы-кошкизы ни, 12кыле на со гинэ – мар вань на дасэтӥ люкетызлэн ӝыныез бере. 13Озьыен, али аслад юртэныд герӟаськем ужъёсты радъя, калыктэ визьма, ултӥямъёсты буйгаты, сисьмонлэсь-быронлэсь куштӥськы, 14ас бордысьтыд кулонэ нуись малпанъёсты, адямиослэсь секытлыкъёссэс кушты, адями луонлэсь ляблыкъёссэ, ас бордысьтыд басьтыса, палэнэ пон – та дыръёслэсь-вапумъёслэсь люкиськыса выжонлы дасяськы. 15Уго берло шугадӟонъёс-курадӟонъёс, та дырозь адӟемъёсыныд ӵошатыса, тросгес луозы. 16Пересьмыса кӧнялы лябӟоз дунне, сомындалы ик улӥсьёс понна йылоз уродлык; 17зэмлык эшшо но кыдёкегес кошкоз, нош ӧрекчаськон эшшо но матэгес лыктоз. Дыртэ ини лыктыны тынад адӟем адӟонэд». 18Соку мон ответ сётыса шуи: «Тани мон, Кузё-Инмаре, Тон азьын; 19кызьы Тон косӥд, мон мыно но туала калыкез визьмало. Нош та бере вордскемъёсты кин дышетоз? 20Уго дунне пеймытлыкын кылле, нош отын улӥсьёс югыттэк кылемын, 21малы ке шуоно Тынад законэд сутэмын, соин ик нокин но уг тоды, мар Тон лэсьтӥд ни, эшшо мар Тон лэсьтод на. 22Тон дорысь мон гажан-жалянэз шедьтӥ бере, мон вылэ Святой Духез лэзь, мон гожъяны мед быгатом, мар лэсьтэмын вал дунне вылын кутсконысеныз ик, мар гожтэмын вал Тынад законад, адямиослы сюрес шедьтон понна, берпум аръёсы-вакытъёсы улэмзы потӥсьёс улыны мед быгатозы». 23Ответ сётыса, Со мыным шуиз: «Мын, калыкез люка но солы вера: ньыльдон нунал ӵоже со тонэ медаз утча. 24Нош тон аслыд трос гожъяськон пулъёс дася, бордад кут Сариез, Давриез, Салемиез, Еханэз, Асиелез – та вить пиосмуртъёсты, ӝог гожъяськыны быгатӥсьёсты. 25Собере татчы лыкты. Тынад сюлмад визьлыклэсь югытсэ Мон ӝуато, со уз кысы, гожъяны кутскем уждэ быдэстытозь. 26Та уждэ быдэстӥд ке, оглюкетсэ калыклы иворты, нош мукетсэ лушкемен визьнодоослы сёт. Ӵуказе та часэ гожъяськыны кутскод». 27Соку мон Солэн косэмезъя кошки, вань калыкез люкаса шуи: 28«Израиль, кылзы та кылъёсты: 29асьмелэн атайёсмы Египетын лыктэм калык вал, но отысь соос мозмытэмын вал, 30улон закон кутӥзы, но сое ӧз уте, сое тӥ но соос бӧрсьы сӧрыса-таркаса улӥды. 31Тӥледлы люкетлы музъем сётэмын вал, Сӥон музъем но; нош тӥляд атайёсты, тӥ но законлы пумит ужъёс лэсьтыса улӥды, Вылысь Инмарлэсь сӥзьыса тӥледлы сётэм сюресъёс вылын ӧд возиське, – 32Со, шонер судить карись, мар тӥледлы сётӥз вал, сое талаз. 33Табере тӥ татын, агай-вынъёсты но тӥ пӧлын. 34Шӧдон-валанъёстэс кутыса улыны быгатӥды ке, сюлэмдэс визьмады ке, соку улэп кылёды, кулэм берады гажан-жалян басьтоды. 35Кулэм берамы суд луоз, улӟыса султӥмы ке, – соку шонер улэмъёслэн нимъёссы шара ивортэмын луозы, сьӧлыклэсь кышкатэк улэмъёсын ужъёссы возьматэмын луозы. 36Нокин но мон доры али медаз ветлы, ньыльдон нунал орчытозь, нокин но монэ медаз утча». 37Вить пиосмуртъёсты сьӧрам басьтӥ, кызьы Со мыным косон сётӥз, – ми бусые мынӥмы но отчы кылимы. 38Тани, мукетаз нуналэ ас дораз ӧтись куара мон доры вуиз: «Ездра! Ымдэ усьты но ю, маин Мон тонэ сектало». 39Мон ымме усьтӥ но, тани быдэс чашаен юон мыным сётӥзы, вулы укшась макеен со тырмытэмын вал, но солэн тусыз тыллы укша вал. 40Мон кутӥ но юи; юисько но сюлмы визьлыкен шока, гадь пушкам визьлык будэ, уго духе тодэ ваёнэн юнматске; 41ымы усьтӥськиз но азьло-берло ӧз ни ворсаськылы. 42Вылысь Инмар вить пиосмуртлы визь сётӥз но, соос уйин ваньзэ радызъя гожъязы, мар соослы верамын вал, мае соос уг на тодо вал. 43Уйин соос нянь сиизы; нош мон нуназе вераськи, уйин но чус ӧй улы. 44Ньыльдон нунал ӵоже укмыстон ньыль книга гожтэмын вал. 45Ньыльдон нунал ортчем бере 46Вылысь Инмар шуиз: «Нырысьёссэ, мае гожтӥд, адӟиськон интые пон, – яраноос но, ярантэмъёс но сое лыдӟыны мед быгатозы, 47нош кылемзэ, сизьымдонзэ, уть, – калык пӧлысь визьнодоослы соосты сётыны мед луоз шуыса, 48малы ке шуоно отын визьлы дышетон, отын визьлыклэн пӧзись ошмесэз, тодонлыклэн шурез». Озьы ик мон лэсьтӥ но.
Currently Selected:
Ездралэн 3-тӥ книгаез 14: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
Ездралэн 3-тӥ книгаез 14
14
14-тӥ ЛЮКЕТ
1Куинь нунал бере тазьы луиз: мон тыпы улын пукисько вал, но тани монэн ваче беринысь, куак пушкысь, куара потыса шуиз: «Ездра, Ездра!» 2Мон шуи: «Кузё-Инмаре, тани мон со», пыд йылам султӥ. 3Соку Со мыным шуиз: «Мынам калыке Египетын ляльчиын улон вакытэ куак пушкысен Мон усьтӥськи но Моисейлы верай; 4сое ыстӥ но Аслэсьтым калыкме Египетысь поттӥ, Сӥнай гурезь доры вайи, Ас дорам Моисеез трос нуналъёс вози, 5трос паймымон ужъёсты солы усьтӥ, дыръёслэсь-вапумъёслэсь лушкемлыкъёссэс, пумзэс возьматӥ, курон-косон сётыса, солы шуи: 6”Та кылъёсты иворты, нош мукетъёссэ ват”. 7Али тыныд верасько: 8Мынэсьтым возьматъям паймымон тодметъёсме, аслэсьтыд адӟылэм уйвӧтъёстэ но соослы валэктонэз, кудзэ тон кылӥд, аслад сюлмад пон, 9малы ке шуоно тон калык пӧлысь басьтэмын луод, Мынам Пиеным кусып возёд, аслыд укшасьёсын но, дыръёс-вапумъёс йылпумъяськытозь, озьы луоз. 10Уго даур егитлыксэ ыштӥз, дыръёс-вапумъёс пересьмон вакытсылы матэ вуо, 11даур дас кык люкетлы люкемын бере – солэн укмыс люкетэз но дасэтӥ люкетызлэн ӝыныез ортчизы-кошкизы ни, 12кыле на со гинэ – мар вань на дасэтӥ люкетызлэн ӝыныез бере. 13Озьыен, али аслад юртэныд герӟаськем ужъёсты радъя, калыктэ визьма, ултӥямъёсты буйгаты, сисьмонлэсь-быронлэсь куштӥськы, 14ас бордысьтыд кулонэ нуись малпанъёсты, адямиослэсь секытлыкъёссэс кушты, адями луонлэсь ляблыкъёссэ, ас бордысьтыд басьтыса, палэнэ пон – та дыръёслэсь-вапумъёслэсь люкиськыса выжонлы дасяськы. 15Уго берло шугадӟонъёс-курадӟонъёс, та дырозь адӟемъёсыныд ӵошатыса, тросгес луозы. 16Пересьмыса кӧнялы лябӟоз дунне, сомындалы ик улӥсьёс понна йылоз уродлык; 17зэмлык эшшо но кыдёкегес кошкоз, нош ӧрекчаськон эшшо но матэгес лыктоз. Дыртэ ини лыктыны тынад адӟем адӟонэд». 18Соку мон ответ сётыса шуи: «Тани мон, Кузё-Инмаре, Тон азьын; 19кызьы Тон косӥд, мон мыно но туала калыкез визьмало. Нош та бере вордскемъёсты кин дышетоз? 20Уго дунне пеймытлыкын кылле, нош отын улӥсьёс югыттэк кылемын, 21малы ке шуоно Тынад законэд сутэмын, соин ик нокин но уг тоды, мар Тон лэсьтӥд ни, эшшо мар Тон лэсьтод на. 22Тон дорысь мон гажан-жалянэз шедьтӥ бере, мон вылэ Святой Духез лэзь, мон гожъяны мед быгатом, мар лэсьтэмын вал дунне вылын кутсконысеныз ик, мар гожтэмын вал Тынад законад, адямиослы сюрес шедьтон понна, берпум аръёсы-вакытъёсы улэмзы потӥсьёс улыны мед быгатозы». 23Ответ сётыса, Со мыным шуиз: «Мын, калыкез люка но солы вера: ньыльдон нунал ӵоже со тонэ медаз утча. 24Нош тон аслыд трос гожъяськон пулъёс дася, бордад кут Сариез, Давриез, Салемиез, Еханэз, Асиелез – та вить пиосмуртъёсты, ӝог гожъяськыны быгатӥсьёсты. 25Собере татчы лыкты. Тынад сюлмад визьлыклэсь югытсэ Мон ӝуато, со уз кысы, гожъяны кутскем уждэ быдэстытозь. 26Та уждэ быдэстӥд ке, оглюкетсэ калыклы иворты, нош мукетсэ лушкемен визьнодоослы сёт. Ӵуказе та часэ гожъяськыны кутскод». 27Соку мон Солэн косэмезъя кошки, вань калыкез люкаса шуи: 28«Израиль, кылзы та кылъёсты: 29асьмелэн атайёсмы Египетын лыктэм калык вал, но отысь соос мозмытэмын вал, 30улон закон кутӥзы, но сое ӧз уте, сое тӥ но соос бӧрсьы сӧрыса-таркаса улӥды. 31Тӥледлы люкетлы музъем сётэмын вал, Сӥон музъем но; нош тӥляд атайёсты, тӥ но законлы пумит ужъёс лэсьтыса улӥды, Вылысь Инмарлэсь сӥзьыса тӥледлы сётэм сюресъёс вылын ӧд возиське, – 32Со, шонер судить карись, мар тӥледлы сётӥз вал, сое талаз. 33Табере тӥ татын, агай-вынъёсты но тӥ пӧлын. 34Шӧдон-валанъёстэс кутыса улыны быгатӥды ке, сюлэмдэс визьмады ке, соку улэп кылёды, кулэм берады гажан-жалян басьтоды. 35Кулэм берамы суд луоз, улӟыса султӥмы ке, – соку шонер улэмъёслэн нимъёссы шара ивортэмын луозы, сьӧлыклэсь кышкатэк улэмъёсын ужъёссы возьматэмын луозы. 36Нокин но мон доры али медаз ветлы, ньыльдон нунал орчытозь, нокин но монэ медаз утча». 37Вить пиосмуртъёсты сьӧрам басьтӥ, кызьы Со мыным косон сётӥз, – ми бусые мынӥмы но отчы кылимы. 38Тани, мукетаз нуналэ ас дораз ӧтись куара мон доры вуиз: «Ездра! Ымдэ усьты но ю, маин Мон тонэ сектало». 39Мон ымме усьтӥ но, тани быдэс чашаен юон мыным сётӥзы, вулы укшась макеен со тырмытэмын вал, но солэн тусыз тыллы укша вал. 40Мон кутӥ но юи; юисько но сюлмы визьлыкен шока, гадь пушкам визьлык будэ, уго духе тодэ ваёнэн юнматске; 41ымы усьтӥськиз но азьло-берло ӧз ни ворсаськылы. 42Вылысь Инмар вить пиосмуртлы визь сётӥз но, соос уйин ваньзэ радызъя гожъязы, мар соослы верамын вал, мае соос уг на тодо вал. 43Уйин соос нянь сиизы; нош мон нуназе вераськи, уйин но чус ӧй улы. 44Ньыльдон нунал ӵоже укмыстон ньыль книга гожтэмын вал. 45Ньыльдон нунал ортчем бере 46Вылысь Инмар шуиз: «Нырысьёссэ, мае гожтӥд, адӟиськон интые пон, – яраноос но, ярантэмъёс но сое лыдӟыны мед быгатозы, 47нош кылемзэ, сизьымдонзэ, уть, – калык пӧлысь визьнодоослы соосты сётыны мед луоз шуыса, 48малы ке шуоно отын визьлы дышетон, отын визьлыклэн пӧзись ошмесэз, тодонлыклэн шурез». Озьы ик мон лэсьтӥ но.
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016