Ездралэн 3-тӥ книгаез 13
13
13-тӥ ЛЮКЕТ
1Сизьым нунал ортчем бере, уйин мон уйвӧт адӟи: 2тани, зарезьысь вань тулкымъёсты бугыръян понна, тӧл ӝутӥськиз. 3Мон учкыса улӥ – тани инмысь ожгарчиосын ӵош кужмо воргорон потӥз, учкон понна кытчы гинэ со ымнырзэ ӧз берыкъя, ваньзэ куалекъятӥз, мар со улын адӟиське вал; 4солэн ымысьтыз кытчы гинэ куара ӧз потылы, кинъёс сое кылылӥзы, ваньзы ӝуатскылӥзы, кызьы тылэз шӧдыса сюсь сылмыны кутске. 5Та бере тани ин тӧллэн ньыль пал пумысьтыз ик, зарезьысь ӝутскем воргоронэз вормон понна, лыдъяны луонтэм трос калык люкаськиз шуыса адӟи. 6Мон адӟи: тани со аслыз бадӟым гурезь лэсьтӥз но отчы лобӟыса тубиз. 7Мон адӟыны тырши со кунэз яке со интыез, кытын та гурезь лэсьтэмын вал, но адӟыны ӧй быгаты. 8Та бере мон адӟи: сое вормыны вань люкаськемъёс туж кышкатскизы, но озьы ке но ожмаськонэз кутскыны дӥсьтӥзы. 9Нош со, туж трос калыклэсь кужмысь лыктэмзэ адӟыса, кизэ ӧз ӝуты, шибоды но, ожмаськон понна нокыӵе ож тӥрлыкез но кияз ӧз куты; 10но мон адӟи гинэ, кызьы со ымысьтыз пельтӥськись тыллы укшась макеез поттӥз, ымдурысьтыз – тыллэн шокамезлы укшась макеез, кыл вылысьтыз тылгизьыосты, сильтӧлэз поттылӥз, нош ваньзы таос – тыллэн пелляськемез, гомась тыллэн шокамез, кужмо сильтӧл – огазе луыса сураськизы. 11Ожмаськыны дасяськись та трос-трос калык вылэ со туж ӝог урдӥськиз но ваньзэс сутӥз, озьы тӥни, лыдъянтэм трос (калык) пӧлысь пыдул сюйлы пӧрмемъёсты сяна, номыре но адӟыны ӧз ни луы, ӵын зын гинэ лӧсъяськиз; адӟи тае но туж-туж куалектӥ. 12Та учыр бере со воргоронэз адӟи, со гурезьысь ваське но ас дораз мукетсэ, тупаса улонэз яратӥсь трос-трос калыкез, ӧте. 13Тросэз со доры лыктылӥзы: куд-огезлэн ымнырыз шумпотыса улӥз, нош куд-огезлэн мӧзмыт тусъем вал, куд-огез думылэмын вал, куд-огзэ кутыса вайылӥзы, – туж-туж кышкаса улэменым сэрен мон каньсырай, сайкай но шуи: 14«Тон Аслад ляльчиедлы кутсконысеныз ик та паймымон ужъёсты возьматылӥд, ярамон луисько шуыса монэ лыдъяд, мынэсьтым вӧсяськемме кабыл басьтон понна; 15возьматы ук та уйвӧтлэсь пуштроссэ но, 16уго, кызьы мон валасько аслам визьмыным, кайгу луоз со нуналъёс вуытозьлы кельтэм муртъёслы, нош уката но бадӟым кайгу луоз кельтымтэ муртъёслы. 17Уго кельтымтэ муртъёс ӝожмыт тусоесь вал. 18Табере мон валасько: мар кельтэмын берпуметӥ нуналъёс вуытозьлы, со соосты пумиталоз, озьы ик кельтэмъёсты но. 19Соин ик соос бадӟым кышкытлыкъёс адӟонэ вуизы, секытэсь шугадӟонъёсы вуизы, – тӥни мае возьмато та уйвӧтъёс. 20Кышкытлыке сюремлы капчигес луоз тае чиданы, пилем кадь та дуннеысь выжон но берпум аръёсы-вапумъёсы луоноез адӟытэк кылён сярысь». Со ответ сётыса шуиз: 21«Адӟонлэсь пуштроссэ Мон тыныд верало, мар сярысь тон верад, сое но тыныд усьто. 22Кельтэмъёс сярысь тон верад бере, тани солэн валэктонэз: 23со дыре кин кышкытлыкез чидаз, со ассэ утёз, нош кинъёс кышкытлык пӧлы усёзы, со соос, кинъёслэн ужъёссы, Ваньмызлэсь Кужмо Инмарлы осконзы вань. 24Озьыен, тод, кельтэмъёс шудоесьгес кулэмъёс сярысь. 25Тани адӟонлэн валэктонэз: зарезь шорысь ӝутскись воргоронэз тон адӟид бере, 26со – Вылысь Инмарлэн трос вакытъёс ӵоже возёно муртэз, кин Ачиз пыр Аслэсьтыз кылдытэмзэ мозмытоз но кельтэм муртъёсын кивалтоз. 27Нош мае тон адӟид – тӧллы, тыллы, сильтӧллы укшась, солэн ымысьтыз потӥсь мае ке, 28со кияз шибоды но, ожмаськон тӥрлык но ӧз возьы, нош солэн малпанэз-мылкыдыз туж троссэ погыртӥз, кудъёсыз лыктӥзы вал сое вормыны, – тани солэн валэктонэз: 29тани, вуо нуналъёс, куке Вылысь Инмар музъем вылысьёссэ мозмытылыны кутскоз, 30музъем вылын улӥсьёсты паймытоз, – 31одӥгез мукетыныз ожмаськыны кутскоз, город городэн жугиськоз, одӥг инты мукетыныз, калык калыклы ваче пумит султоз, кун-эксэйлык мукетыныз кун-эксэйлыкен ожмаськоз. 32Тазьы луыку, Мынам тыныд азьвыл ик возьматъям паймымон тодметъёсы возьматскылыны шӧтазы ке, соку Мынам Пие шарае потоз, – Сое тон адӟид ӝутскись воргоронэз кадь. 33Солэсь куаразэ вань калыкъёс кылӥзы ке, ваньзы соос асьсэлэн кун-эксэйлыказы та дырозь куспазы ожмаськыса уло ке вал, ожмаськемысь дугдозы; 34соос ваньзы, лыдъяса быдтонтэм трос муртъёс, мыныса Сое вормон вылысь, огазе люкаськозы. 35Нош Со Сӥон гурезьлэн йылаз султоз. 36Сӥон лыктоз но ваньмыз азьын со дасямын, пуктэмын-лэсьтэмын ни шуыса возьматскоз, кызьы тон адӟид ни киын вӧлытэк лэсьтэм гурезез. 37Та калыкъёслэсь малпаса лэсьтэм йӧнтэм ужъёссэс Мынам Пие шарае поттоз, асьсэлэн лекесь малпанъёсынызы та калыкъёс сильтӧлэз, курадӟонъёсты матэ вуттӥзы, соосын соос курадӟыны кутскозы, 38со курадӟонъёс тыллы укшасесь; Солы пумит ожмаськыны люкаськем калыкъёсты Со капчиен, тыллы укшась законэн, быдтоз. 39Нош кызьы тон адӟид Солэсь Ас котыраз люкам мукетсэ, тупаса улонэз яратӥсь трос-трос калыкез, 40со – дас выжыос, кудъёсыз Осия эксэйын пукон аръёсы ас музъем вылысьтызы пленэ нуэмын вал, шур сьӧры поттэмын, мукет музъеме выжтэмын вал, Ассириялэн Салманассар эксэез Осиез пленэ нуиз. 41Нош соос асьсэлэн кенешазы таӵе пуктон-косон кутӥзы: трос язычникъёс дорысь потоно но кыдёкысь музъеме улыны кошконо, кытын ноку но адями выжы ӧз улы, 42асьсэ кунын утьыса возьымтэ законъёссэс отын соос быдэсъяса улыны мед быгатозы. 43Ӟоскыт-ёркыт сюрес кузя мыныса, соос Евфрат шур дуре вуизы, 44Вылысь Инмар соослы паймымон ужъёс возьматӥз: соос шур вамен выжытозьлы шурлэсь бызись сиоссэ дугдытӥз. 45Соос та кун пыр кема дыр ӵоже – арен ӝыны ӵоже – мынӥзы; та кун Арсареф шуыса нимаське вал. 46Соос отын пумозяз улӥзы. Нош али берен лыктыны кутскизы ке, 47соос шур вамен выжыны мед быгатозы шуыса, Вылысь Инмар нош ик шурлэсь бызись сиоссэ дугдытоз; соин тон адӟид тупаса улонэз яратӥсь трос-трос калыкез. 48Калыкед пӧлысь улэп кельтэмъёс, со – Мынам музъем вылам улӥсьёс. 49Уго огазе люкаськем трос калыкъёсты Со быдтыны кутскиз ке, Со Аслэсьтыз быдэс кылем калыксэ утёз. 50Соку Со соослы трос паймымон ужъёс возьматоз». 51Мон шуи: «Кузё-Инмаре Кузё-Атае! Валэкты мыным, малы мынам адӟем воргоронэ зарезь шорысь ӝутскиз?» 52Соку Со мыным шуиз: «Кызьы тон эскерыны-чакланы но тодыны уд быгатӥськы, мар вань зарезьлэн мурдалаяз, озьы ик музъем вылысь нокин но адӟыны уг быгаты Мынэсьтым Пиме, соосты но, кинъёс Соин ӵош ветло, Солэн нуналыз вуиз ке, соку гинэ адӟыны быгатозы. 53Тани тынэсьтыд адӟем уйвӧттэ валэктон, кудӥз тыныд огнадлы гинэ усьтэмын. 54Тон аслэсьтыд ужъёстэ кельтӥд но Мынам законэя дышетскыса-тыршыса улӥд, сое валаны тыршыса улӥд, 55уго тон улондэ визьлыко улӥськод, тодон-валанэз аслам анае луэ шуыса нимад. 56Соин ик Мон тыныд Вылысь Инмарлэсь пунэм берыктылонъёссэ возьматӥ; куинь нунал ортчыса, Мон тыныд мукетсэ возьмато, тыныд кулэ луисьсэ, паймымонзэ усьто». 57Соку мон мынӥ но бусые потӥ, Вылысь Инмарез трос данъяй, тау кари, дырын-дырын паймымон ужъёс возьматылэмез понна, 58туннэ дырен-вакытэн, вуоно дыръёсы-вакытъёсы ортчоно ужъёсын кивалтэмез понна, – отын мон куинь нунал пуки.
Currently Selected:
Ездралэн 3-тӥ книгаез 13: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
Ездралэн 3-тӥ книгаез 13
13
13-тӥ ЛЮКЕТ
1Сизьым нунал ортчем бере, уйин мон уйвӧт адӟи: 2тани, зарезьысь вань тулкымъёсты бугыръян понна, тӧл ӝутӥськиз. 3Мон учкыса улӥ – тани инмысь ожгарчиосын ӵош кужмо воргорон потӥз, учкон понна кытчы гинэ со ымнырзэ ӧз берыкъя, ваньзэ куалекъятӥз, мар со улын адӟиське вал; 4солэн ымысьтыз кытчы гинэ куара ӧз потылы, кинъёс сое кылылӥзы, ваньзы ӝуатскылӥзы, кызьы тылэз шӧдыса сюсь сылмыны кутске. 5Та бере тани ин тӧллэн ньыль пал пумысьтыз ик, зарезьысь ӝутскем воргоронэз вормон понна, лыдъяны луонтэм трос калык люкаськиз шуыса адӟи. 6Мон адӟи: тани со аслыз бадӟым гурезь лэсьтӥз но отчы лобӟыса тубиз. 7Мон адӟыны тырши со кунэз яке со интыез, кытын та гурезь лэсьтэмын вал, но адӟыны ӧй быгаты. 8Та бере мон адӟи: сое вормыны вань люкаськемъёс туж кышкатскизы, но озьы ке но ожмаськонэз кутскыны дӥсьтӥзы. 9Нош со, туж трос калыклэсь кужмысь лыктэмзэ адӟыса, кизэ ӧз ӝуты, шибоды но, ожмаськон понна нокыӵе ож тӥрлыкез но кияз ӧз куты; 10но мон адӟи гинэ, кызьы со ымысьтыз пельтӥськись тыллы укшась макеез поттӥз, ымдурысьтыз – тыллэн шокамезлы укшась макеез, кыл вылысьтыз тылгизьыосты, сильтӧлэз поттылӥз, нош ваньзы таос – тыллэн пелляськемез, гомась тыллэн шокамез, кужмо сильтӧл – огазе луыса сураськизы. 11Ожмаськыны дасяськись та трос-трос калык вылэ со туж ӝог урдӥськиз но ваньзэс сутӥз, озьы тӥни, лыдъянтэм трос (калык) пӧлысь пыдул сюйлы пӧрмемъёсты сяна, номыре но адӟыны ӧз ни луы, ӵын зын гинэ лӧсъяськиз; адӟи тае но туж-туж куалектӥ. 12Та учыр бере со воргоронэз адӟи, со гурезьысь ваське но ас дораз мукетсэ, тупаса улонэз яратӥсь трос-трос калыкез, ӧте. 13Тросэз со доры лыктылӥзы: куд-огезлэн ымнырыз шумпотыса улӥз, нош куд-огезлэн мӧзмыт тусъем вал, куд-огез думылэмын вал, куд-огзэ кутыса вайылӥзы, – туж-туж кышкаса улэменым сэрен мон каньсырай, сайкай но шуи: 14«Тон Аслад ляльчиедлы кутсконысеныз ик та паймымон ужъёсты возьматылӥд, ярамон луисько шуыса монэ лыдъяд, мынэсьтым вӧсяськемме кабыл басьтон понна; 15возьматы ук та уйвӧтлэсь пуштроссэ но, 16уго, кызьы мон валасько аслам визьмыным, кайгу луоз со нуналъёс вуытозьлы кельтэм муртъёслы, нош уката но бадӟым кайгу луоз кельтымтэ муртъёслы. 17Уго кельтымтэ муртъёс ӝожмыт тусоесь вал. 18Табере мон валасько: мар кельтэмын берпуметӥ нуналъёс вуытозьлы, со соосты пумиталоз, озьы ик кельтэмъёсты но. 19Соин ик соос бадӟым кышкытлыкъёс адӟонэ вуизы, секытэсь шугадӟонъёсы вуизы, – тӥни мае возьмато та уйвӧтъёс. 20Кышкытлыке сюремлы капчигес луоз тае чиданы, пилем кадь та дуннеысь выжон но берпум аръёсы-вапумъёсы луоноез адӟытэк кылён сярысь». Со ответ сётыса шуиз: 21«Адӟонлэсь пуштроссэ Мон тыныд верало, мар сярысь тон верад, сое но тыныд усьто. 22Кельтэмъёс сярысь тон верад бере, тани солэн валэктонэз: 23со дыре кин кышкытлыкез чидаз, со ассэ утёз, нош кинъёс кышкытлык пӧлы усёзы, со соос, кинъёслэн ужъёссы, Ваньмызлэсь Кужмо Инмарлы осконзы вань. 24Озьыен, тод, кельтэмъёс шудоесьгес кулэмъёс сярысь. 25Тани адӟонлэн валэктонэз: зарезь шорысь ӝутскись воргоронэз тон адӟид бере, 26со – Вылысь Инмарлэн трос вакытъёс ӵоже возёно муртэз, кин Ачиз пыр Аслэсьтыз кылдытэмзэ мозмытоз но кельтэм муртъёсын кивалтоз. 27Нош мае тон адӟид – тӧллы, тыллы, сильтӧллы укшась, солэн ымысьтыз потӥсь мае ке, 28со кияз шибоды но, ожмаськон тӥрлык но ӧз возьы, нош солэн малпанэз-мылкыдыз туж троссэ погыртӥз, кудъёсыз лыктӥзы вал сое вормыны, – тани солэн валэктонэз: 29тани, вуо нуналъёс, куке Вылысь Инмар музъем вылысьёссэ мозмытылыны кутскоз, 30музъем вылын улӥсьёсты паймытоз, – 31одӥгез мукетыныз ожмаськыны кутскоз, город городэн жугиськоз, одӥг инты мукетыныз, калык калыклы ваче пумит султоз, кун-эксэйлык мукетыныз кун-эксэйлыкен ожмаськоз. 32Тазьы луыку, Мынам тыныд азьвыл ик возьматъям паймымон тодметъёсы возьматскылыны шӧтазы ке, соку Мынам Пие шарае потоз, – Сое тон адӟид ӝутскись воргоронэз кадь. 33Солэсь куаразэ вань калыкъёс кылӥзы ке, ваньзы соос асьсэлэн кун-эксэйлыказы та дырозь куспазы ожмаськыса уло ке вал, ожмаськемысь дугдозы; 34соос ваньзы, лыдъяса быдтонтэм трос муртъёс, мыныса Сое вормон вылысь, огазе люкаськозы. 35Нош Со Сӥон гурезьлэн йылаз султоз. 36Сӥон лыктоз но ваньмыз азьын со дасямын, пуктэмын-лэсьтэмын ни шуыса возьматскоз, кызьы тон адӟид ни киын вӧлытэк лэсьтэм гурезез. 37Та калыкъёслэсь малпаса лэсьтэм йӧнтэм ужъёссэс Мынам Пие шарае поттоз, асьсэлэн лекесь малпанъёсынызы та калыкъёс сильтӧлэз, курадӟонъёсты матэ вуттӥзы, соосын соос курадӟыны кутскозы, 38со курадӟонъёс тыллы укшасесь; Солы пумит ожмаськыны люкаськем калыкъёсты Со капчиен, тыллы укшась законэн, быдтоз. 39Нош кызьы тон адӟид Солэсь Ас котыраз люкам мукетсэ, тупаса улонэз яратӥсь трос-трос калыкез, 40со – дас выжыос, кудъёсыз Осия эксэйын пукон аръёсы ас музъем вылысьтызы пленэ нуэмын вал, шур сьӧры поттэмын, мукет музъеме выжтэмын вал, Ассириялэн Салманассар эксэез Осиез пленэ нуиз. 41Нош соос асьсэлэн кенешазы таӵе пуктон-косон кутӥзы: трос язычникъёс дорысь потоно но кыдёкысь музъеме улыны кошконо, кытын ноку но адями выжы ӧз улы, 42асьсэ кунын утьыса возьымтэ законъёссэс отын соос быдэсъяса улыны мед быгатозы. 43Ӟоскыт-ёркыт сюрес кузя мыныса, соос Евфрат шур дуре вуизы, 44Вылысь Инмар соослы паймымон ужъёс возьматӥз: соос шур вамен выжытозьлы шурлэсь бызись сиоссэ дугдытӥз. 45Соос та кун пыр кема дыр ӵоже – арен ӝыны ӵоже – мынӥзы; та кун Арсареф шуыса нимаське вал. 46Соос отын пумозяз улӥзы. Нош али берен лыктыны кутскизы ке, 47соос шур вамен выжыны мед быгатозы шуыса, Вылысь Инмар нош ик шурлэсь бызись сиоссэ дугдытоз; соин тон адӟид тупаса улонэз яратӥсь трос-трос калыкез. 48Калыкед пӧлысь улэп кельтэмъёс, со – Мынам музъем вылам улӥсьёс. 49Уго огазе люкаськем трос калыкъёсты Со быдтыны кутскиз ке, Со Аслэсьтыз быдэс кылем калыксэ утёз. 50Соку Со соослы трос паймымон ужъёс возьматоз». 51Мон шуи: «Кузё-Инмаре Кузё-Атае! Валэкты мыным, малы мынам адӟем воргоронэ зарезь шорысь ӝутскиз?» 52Соку Со мыным шуиз: «Кызьы тон эскерыны-чакланы но тодыны уд быгатӥськы, мар вань зарезьлэн мурдалаяз, озьы ик музъем вылысь нокин но адӟыны уг быгаты Мынэсьтым Пиме, соосты но, кинъёс Соин ӵош ветло, Солэн нуналыз вуиз ке, соку гинэ адӟыны быгатозы. 53Тани тынэсьтыд адӟем уйвӧттэ валэктон, кудӥз тыныд огнадлы гинэ усьтэмын. 54Тон аслэсьтыд ужъёстэ кельтӥд но Мынам законэя дышетскыса-тыршыса улӥд, сое валаны тыршыса улӥд, 55уго тон улондэ визьлыко улӥськод, тодон-валанэз аслам анае луэ шуыса нимад. 56Соин ик Мон тыныд Вылысь Инмарлэсь пунэм берыктылонъёссэ возьматӥ; куинь нунал ортчыса, Мон тыныд мукетсэ возьмато, тыныд кулэ луисьсэ, паймымонзэ усьто». 57Соку мон мынӥ но бусые потӥ, Вылысь Инмарез трос данъяй, тау кари, дырын-дырын паймымон ужъёс возьматылэмез понна, 58туннэ дырен-вакытэн, вуоно дыръёсы-вакытъёсы ортчоно ужъёсын кивалтэмез понна, – отын мон куинь нунал пуки.
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016