Маккавейёслэн 1-тӥ книгазы 6
6
6-тӥ ЛЮКЕТ
1Со виын Антиох эксэй вылӥ пал улосвылъёстӥ ортчыкуз кылӥз, Персияын узырлыкен, азвесен, зарниен данъяськись Елимаис город вань шуыса. 2Нош отын вань храм, – туж узыр, отын, пе, вань зарни шобретъёс, броняос, ожмаськон тӥрлык, соосты Македониялэн эксэез, Филипплэн Александр пиез, эллинъёслы нырысь эксэй луэм мурт, отчы кельтэм. 3Со лыктӥз но та городэз киулытыны малпаз, ваньбурзэ таланы малпаз, нош малпанзэ быдэстыны ӧз быгаты, уго та сярысь городын улӥсьёс тодӥзы. 4Солэн пумитаз ожмаськыны ӝутскизы но, со пегӟыса кошконо луиз, кӧтыз туж ӝож луыса, Вавилонэ мыныны потӥз. 5Соку со доры Персияе кыӵе ке но адями ивор вайыса лыктӥз: Иудей музъеме ыстэм ожгарчиос пегӟыса кошконо луизы. 6Кужмо армиен кивалтӥсь йыр луыса, Лисий вань ожгарчиослэн азьпалазы ветлӥз, нош иудейёс солы шуккет сётӥзы, таосыз таре виылэм ожгарчиослэсь бичам трос ожваньбуренызы, ожмаськон тӥрлыкенызы, ожгарчиосын кужмо луизы. 7Иерусалимысь курбон сётон ӝӧк вылэ солэсь пуктэм юрӟым макезэ куашкатӥзы, нош вӧсяськон интызэс азьло сямен ик ӝужыт борддорен котыртӥзы, озьы ик солэсь Вефсура городзэ но. 8Та кылъёсты кылэм бераз эксэй туж кышказ, куалектӥз, тушак вылаз уськытскиз но куректон-кайгулы чидатэк каньсыраз, уго солэн малпанэз ӧз быдэсмы. 9Трос нуналъёс ӵоже со отын кыллиз, уго туж секыт куректон-кайгуэз пушказ выльысен бугырскиз; со малпаз, кулӥсько ини шуыса. 10Аслэсьтыз вань эшъёссэ ӧтиз но соослы шуиз: «Син азьысьтым умме кошкиз но, куректон-кайгулы луыса сюлмы висьыны кутскиз. 11Сюлмыным мон шуи: ”Макем бадӟым куректон-кайгуэн, бугыръяськыса улон доры мон вуи али! Нош азьвыл мон аслам эксэйлыкам пайдаё, яратыны ярамон адями вал”. 12Табере мон тодам вайисько Иерусалимын лэсьтэм лек ужъёсме, кызьы мон отысь вань зарни, азвесь сосудъёсты басьтӥ, кызьы Иудеяын улӥсьёсты юнме шорысь виылыны ыстылӥ. 13Табере мон тодӥсько: та ужъёс понна та шугадӟонъёс мон доры вуизы, но тани табере туж-туж куректыса-кайгырыса мурт музъемын кулӥсько ини». 14Эшъёсыз пӧлысь одӥгзэ, Филиппез, ӧтьытӥз но сое быдэс эксэйлыкезлы кивалтӥсе пуктӥз; 15аслэсьтыз эксэй дӥськутсэ, эксэй изьызэ, печать нюртон зундэссэ солы сётӥз, солэн Антиох пиеныз мед кивалтоз, эксэйлыкен кивалтыны сое мед дышетоз шуыса. 16Сю ньыльдон укмыс арын Антиох эксэй кулӥз.
17Эксэй кулэм шуыса тодэм бераз Лисий со интые солэсь пизэ, Антиохез, эксэе пуктӥз, сое со егит дырысеныз дышетыса будэтӥз, Евпатор ним солы сётӥз. 18Со виын изкар пушкын улӥсьёс израиль калыкез вӧсяськон инты котырын ӝиптыса возизы, соослы ялан урод ужъёс лэсьтыса улӥзы, нош язычникъёслы пыкъет интыын вал. 19Соку Иуда соосты улляса лэзьыны малпаз – изкар пушкын улӥсьёсты котыртон понна вань калыкез огазе люказ. 20Ваньзы люкаськизы но сю витьтонэтӥ арын соосты котыртӥзы, соослэн пумитазы ньӧлъёсын ыбылӥсь арбериос, борддор куашкатъян машинаос пуктӥз. 21Но куд-огез котыртэме сюремъёс отысь потӥзы, соос вӧзы итӥськизы сьӧлыклэсь кышкасьтэм куд-ог израиль пиос; 22соос, эксэй доры мыныса, шуизы: «Кема-а суд лэсьтытэк улод на, агай-вынъёсмы понна кема-а пунэмзэ берыктытэк улод на? 23Ми тынад атаедлы ужаса-тыршыса, солэсь курон-косонъёссэ быдэсъяны, косонъёссэ санэ поныса улыны соглаш луимы; 24нош милям калыкмылэн пиосыз изкарез котыртӥзы, со понна милемыз мурт каро, ми пӧлысь кинэ ке шедьто ке, виыло, ваньбурмес талало. 25Ми вылэ гинэ ӧвӧл, вань улосъёсмы вылэ киоссэс мычизы ни. 26Тани, табере Иерусалимысь изкарез асьсэлы киултон понна котыртыса возё ни, нош вӧсяськон интыез но Вефсураез юнматӥзы. 27Соосты алыны ӧд ке дырты, соку соос талэсь но тросгес ужъёс лэсьтылозы, соку тынад кужымед уз тырмы ни соосты аслад киулад возьыны». 28Тае кылэм бераз эксэй вожзэ поттӥз, аслэсьтыз вань эшъёссэ, армиеныз кивалтӥсьёсты, вал вылын ожмаськисьёслэсь кивалтӥсьёссэс люказ; 29мукет кунъёсысь но, зарезь шормуӵъёсысь но медъям ожгарчиос со доры лыктӥзы. 30Сю сюрс пыдын ожмаськисьёс, кызь сюрс вал вылын ожмаськисьёс, куамын кык ожмаськыны дышетэм слонъёсыз вал солэн армияз. 31Соос Идумея пыр ортчизы, Вефсуралэн ваче бериназ лагерьзэс интыязы, трос нуналъёс ӵоже ожмаськизы, борддор куашкатъян машинаос пуктылӥзы; нош кышкатэк ожмаськись иудейёс, Вефсураысь потыса, соосты тылын сутӥзы. 32Та бере Иуда изкар дорысь палэнскиз но эксэйлэн лагерезлэн ваче пумитаз, Вефсахаре, аслэсьтыз лагерьзэ интыяз. 33Нош эксэй ӵукна вазь ик султӥз но, ожгарчиоссэ сьӧраз басьтыса, дыртыса сюрес кузя Вефсахаре кошкиз, ожгарчиос ожмаськыны дасяськизы, гумыосынызы пелляны кутскизы. 34Слонъёслы виноградлэн, тутпулэн емышъёссылэсь вирзэс возьматӥзы, ожмаськыны мылкыдзэс лӧпкытон понна. 35Та пудоосты отрядъёслы люкылӥзы, котькуд слон борды сюрс воргоронъёсъёсты султытӥзы, – корт дӥсен, йыразы ыргон шлем поныса. Та сяна, котькуд слон борды вить сю быръем вал вылын ожгарчиосты султытӥзы; 36слон вӧзы азьло ик султытӥзы, кытчы со мынӥз, соин ӵош соос но бере кыльытэк мынӥзы. 37Слонъёслэн вылазы пулэсь лэсьтэм юн башняез вал, котькудӥзлэсь тыбыр вылзэ шобыртӥзы, со башняос гозыосын юнматэмын вал, котькуд слон вылэ куамын кык кужмо воргоронъёс интыяськыса ожмаськизы, слонэн кивалтӥз Индиысь потэм мурт. 38Мукетъёссэ вал вылын мынӥсь ожгарчиосты сопала но, тапала но интыязы – ожмаськыны мынӥсьёслэн кык палаз ик – тушмон туж зол ӝикатыса-ёртыса возьыку, юнматскон понна пусъёс сётыны мед луоз шуыса. 39Зарнилэсь, ыргонлэсь лэсьтэм щитъёс вылын шунды воректэм бере, соослэн ворекъямзылэсь гурезьёс, ӝуаса улӥсь лампадаос кадь, пиштыны кутскизы. 40Эксэй армилэн оглюкетэз ӝужытэсь гурезь кузя кыстӥськиз, нош мукетъёсыз – улыг интыостӥ, – соос йыг-йыг, радэн-радэн вамышъяса мынӥзы. 41Туж трос ӵошен мынӥсьёслэсь пыд куараоссэс, ожмаськон тӥрлыкъёссылэсь жингыртэмзэс кылӥсьёс ваньзы туж куалектӥзы, уго та армия туж бадӟым но кужмо вал. 42Иуда аслаз армиеныз ожмаськыны кутскиз, – эксэй армиысь куать сю мурт виемын вал. 43Соку Саваранлэн Елеазар пиез адӟиз: одӥгезлэн слонлэн тыбыр вылыз эксэй корт дӥсен шобыртэмын, со ваньмызлэсь ӝужыт; со слон вылын эксэй пуке, дыр, шуыса Елеазар малпаз, – 44аслэсьтыз калыксэ утён но аслыз бырисьтэм ним басьтон понна со ассэ сётӥз; 45слон доры со кышкатэк бызьыса мыныны кутскиз, отрядлэн шорозяз вуиз, мыд-мыд палаз сылӥсьёсты погыръяса, сопала но, тапала но солэсь палэнскыса кошкылӥзы; 46соку со слон улэ бызьыса вуиз, со улэ выдӥз но сое вииз; со вылэ, музъем вылэ слон усиз, Елеазар отчы кулӥз. 47Эксэй армилэсь кужымзэ, шаплы выремзэ адӟем беразы иудейёс соос дорысь палэнскизы. 48Нош эксэй армия соослы пумит Иерусалиме вырӟиз: эксэй аслэсьтыз армизэ Иудея вылэ, Сӥон гурезь вылэ лэзиз. 49Вефсураын улӥсьёсын эксэй тупаса улон кыл гожтӥз, соос городысьтызы потӥзы, уго изкар пушкын, котыртэмын улыны соослэн сиён-юонзы ӧй ни вал, малы ке шуоно музъем вылын субботалэн арез#6:49 субботалэн арез – еврей законъя, сизьым ар ортчыса, музъем шутэтскыны – суббота карыны – кулэ (Лев. 25:1-7) вал. 50Эксэй Вефсураез киултӥз, сое утён понна возьмаськисьёсты пуктыса кельтӥз. 51Собере трос нуналъёс ӵоже вӧсяськон интыез котыртэмын возиз, отчы тылэз, изъёсты зӥръясь машинаос пуктӥз, ньӧлъёсын, шибодыосын, изъёсын ыбылӥсь арбериос но пуктылӥз. 52Нош иудейёс но соослэн машинаоссылы пумит машинаос лэсьтӥзы, трос нуналъёс ӵоже ожмаськизы. 53Кеносъёсын возиськись сиёнъёс ӧз ни тырме, уго сизьыметӥ ар вал, Иудеяын язычникъёслэсь ватӥськыса улонэз утчасьёс ваньзэ кылем сиёнэз сиизы; 54вӧсяськон инты доры ӧжыт гинэ воргоронъёс кылизы, уго соосты сютэм улон ӝикатӥз, ваньзы соос асьсэлэн доръёсазы кошкизы.
55Лисий кылӥз, Антиох эксэй улэп дыръяз аслэсьтыз Антиох пизэ эксэй луыны дасян ужез Филипплы оскем шуыса, 56Персияысь, Мидияысь берытскиз, соин ӵош – эксэен ӵош ветлэм ожгарчиос но, эксэйлыклэсь ужъёссэ нуонэз Филипп ас вылаз басьтыны дауртэ шуыса со кылӥз. 57Соин ик со дыртыса эксэй доры, ож ужен кивалтӥсьёс, кузёйыръёс доры мыныса шуиз: «Асьмеос нуналлы быдэ ёрмыса улӥськомы, сиён-юонмы милям ӧжыт, нош котыртыса возён интымы юн сылэ, быдэс эксэйлык сярысь сюлмаськон но ми вылын ик возиське. 58Озьы ке, ойдолэ та адямиослы бур кимес сётоме но соосын, соослэн вань калыкенызы тупаса улон сярысь кыл гожтоме, 59соослы луонлык сётоме асьсэлэн законъёссыя кызьы азьвыл улӥзы, али но озьы ик мед улозы; уго асьмеос соослэсь законзэс воштэм бере соос керӟегъяськыны кутскизы но ваньзэ та ужез лэсьтӥзы». 60Та кыл ярамон луиз эксэйлы но, кивалтӥсь йыръёслы но, – иудейёс доры тупаса улон сярысь кыл кутыны ыстӥз. Иудейёс тае кабыл басьтӥзы. 61Эксэй, кивалтӥсь йыръёс но соослы кыл сётӥзы. Та бере иудейёс изкар пушкысь потӥзы. 62Эксэй Сӥон гурезь йылэ тубиз но, юнматэм интызэс учкем-чаклам бераз, сётэм кылызлэсь куштӥськиз, котыр ласянь борддоръёсыз куашкатыны косӥз. 63Собере дыртыса кошкиз. Антиохияе вуэм бераз Лисий тодӥз: Филипп городэз киулаз возе. Собере соин ожмаськыны кутскиз, вань кужымзэ поныса, городэз киултӥз.
Currently Selected:
Маккавейёслэн 1-тӥ книгазы 6: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
Маккавейёслэн 1-тӥ книгазы 6
6
6-тӥ ЛЮКЕТ
1Со виын Антиох эксэй вылӥ пал улосвылъёстӥ ортчыкуз кылӥз, Персияын узырлыкен, азвесен, зарниен данъяськись Елимаис город вань шуыса. 2Нош отын вань храм, – туж узыр, отын, пе, вань зарни шобретъёс, броняос, ожмаськон тӥрлык, соосты Македониялэн эксэез, Филипплэн Александр пиез, эллинъёслы нырысь эксэй луэм мурт, отчы кельтэм. 3Со лыктӥз но та городэз киулытыны малпаз, ваньбурзэ таланы малпаз, нош малпанзэ быдэстыны ӧз быгаты, уго та сярысь городын улӥсьёс тодӥзы. 4Солэн пумитаз ожмаськыны ӝутскизы но, со пегӟыса кошконо луиз, кӧтыз туж ӝож луыса, Вавилонэ мыныны потӥз. 5Соку со доры Персияе кыӵе ке но адями ивор вайыса лыктӥз: Иудей музъеме ыстэм ожгарчиос пегӟыса кошконо луизы. 6Кужмо армиен кивалтӥсь йыр луыса, Лисий вань ожгарчиослэн азьпалазы ветлӥз, нош иудейёс солы шуккет сётӥзы, таосыз таре виылэм ожгарчиослэсь бичам трос ожваньбуренызы, ожмаськон тӥрлыкенызы, ожгарчиосын кужмо луизы. 7Иерусалимысь курбон сётон ӝӧк вылэ солэсь пуктэм юрӟым макезэ куашкатӥзы, нош вӧсяськон интызэс азьло сямен ик ӝужыт борддорен котыртӥзы, озьы ик солэсь Вефсура городзэ но. 8Та кылъёсты кылэм бераз эксэй туж кышказ, куалектӥз, тушак вылаз уськытскиз но куректон-кайгулы чидатэк каньсыраз, уго солэн малпанэз ӧз быдэсмы. 9Трос нуналъёс ӵоже со отын кыллиз, уго туж секыт куректон-кайгуэз пушказ выльысен бугырскиз; со малпаз, кулӥсько ини шуыса. 10Аслэсьтыз вань эшъёссэ ӧтиз но соослы шуиз: «Син азьысьтым умме кошкиз но, куректон-кайгулы луыса сюлмы висьыны кутскиз. 11Сюлмыным мон шуи: ”Макем бадӟым куректон-кайгуэн, бугыръяськыса улон доры мон вуи али! Нош азьвыл мон аслам эксэйлыкам пайдаё, яратыны ярамон адями вал”. 12Табере мон тодам вайисько Иерусалимын лэсьтэм лек ужъёсме, кызьы мон отысь вань зарни, азвесь сосудъёсты басьтӥ, кызьы Иудеяын улӥсьёсты юнме шорысь виылыны ыстылӥ. 13Табере мон тодӥсько: та ужъёс понна та шугадӟонъёс мон доры вуизы, но тани табере туж-туж куректыса-кайгырыса мурт музъемын кулӥсько ини». 14Эшъёсыз пӧлысь одӥгзэ, Филиппез, ӧтьытӥз но сое быдэс эксэйлыкезлы кивалтӥсе пуктӥз; 15аслэсьтыз эксэй дӥськутсэ, эксэй изьызэ, печать нюртон зундэссэ солы сётӥз, солэн Антиох пиеныз мед кивалтоз, эксэйлыкен кивалтыны сое мед дышетоз шуыса. 16Сю ньыльдон укмыс арын Антиох эксэй кулӥз.
17Эксэй кулэм шуыса тодэм бераз Лисий со интые солэсь пизэ, Антиохез, эксэе пуктӥз, сое со егит дырысеныз дышетыса будэтӥз, Евпатор ним солы сётӥз. 18Со виын изкар пушкын улӥсьёс израиль калыкез вӧсяськон инты котырын ӝиптыса возизы, соослы ялан урод ужъёс лэсьтыса улӥзы, нош язычникъёслы пыкъет интыын вал. 19Соку Иуда соосты улляса лэзьыны малпаз – изкар пушкын улӥсьёсты котыртон понна вань калыкез огазе люказ. 20Ваньзы люкаськизы но сю витьтонэтӥ арын соосты котыртӥзы, соослэн пумитазы ньӧлъёсын ыбылӥсь арбериос, борддор куашкатъян машинаос пуктӥз. 21Но куд-огез котыртэме сюремъёс отысь потӥзы, соос вӧзы итӥськизы сьӧлыклэсь кышкасьтэм куд-ог израиль пиос; 22соос, эксэй доры мыныса, шуизы: «Кема-а суд лэсьтытэк улод на, агай-вынъёсмы понна кема-а пунэмзэ берыктытэк улод на? 23Ми тынад атаедлы ужаса-тыршыса, солэсь курон-косонъёссэ быдэсъяны, косонъёссэ санэ поныса улыны соглаш луимы; 24нош милям калыкмылэн пиосыз изкарез котыртӥзы, со понна милемыз мурт каро, ми пӧлысь кинэ ке шедьто ке, виыло, ваньбурмес талало. 25Ми вылэ гинэ ӧвӧл, вань улосъёсмы вылэ киоссэс мычизы ни. 26Тани, табере Иерусалимысь изкарез асьсэлы киултон понна котыртыса возё ни, нош вӧсяськон интыез но Вефсураез юнматӥзы. 27Соосты алыны ӧд ке дырты, соку соос талэсь но тросгес ужъёс лэсьтылозы, соку тынад кужымед уз тырмы ни соосты аслад киулад возьыны». 28Тае кылэм бераз эксэй вожзэ поттӥз, аслэсьтыз вань эшъёссэ, армиеныз кивалтӥсьёсты, вал вылын ожмаськисьёслэсь кивалтӥсьёссэс люказ; 29мукет кунъёсысь но, зарезь шормуӵъёсысь но медъям ожгарчиос со доры лыктӥзы. 30Сю сюрс пыдын ожмаськисьёс, кызь сюрс вал вылын ожмаськисьёс, куамын кык ожмаськыны дышетэм слонъёсыз вал солэн армияз. 31Соос Идумея пыр ортчизы, Вефсуралэн ваче бериназ лагерьзэс интыязы, трос нуналъёс ӵоже ожмаськизы, борддор куашкатъян машинаос пуктылӥзы; нош кышкатэк ожмаськись иудейёс, Вефсураысь потыса, соосты тылын сутӥзы. 32Та бере Иуда изкар дорысь палэнскиз но эксэйлэн лагерезлэн ваче пумитаз, Вефсахаре, аслэсьтыз лагерьзэ интыяз. 33Нош эксэй ӵукна вазь ик султӥз но, ожгарчиоссэ сьӧраз басьтыса, дыртыса сюрес кузя Вефсахаре кошкиз, ожгарчиос ожмаськыны дасяськизы, гумыосынызы пелляны кутскизы. 34Слонъёслы виноградлэн, тутпулэн емышъёссылэсь вирзэс возьматӥзы, ожмаськыны мылкыдзэс лӧпкытон понна. 35Та пудоосты отрядъёслы люкылӥзы, котькуд слон борды сюрс воргоронъёсъёсты султытӥзы, – корт дӥсен, йыразы ыргон шлем поныса. Та сяна, котькуд слон борды вить сю быръем вал вылын ожгарчиосты султытӥзы; 36слон вӧзы азьло ик султытӥзы, кытчы со мынӥз, соин ӵош соос но бере кыльытэк мынӥзы. 37Слонъёслэн вылазы пулэсь лэсьтэм юн башняез вал, котькудӥзлэсь тыбыр вылзэ шобыртӥзы, со башняос гозыосын юнматэмын вал, котькуд слон вылэ куамын кык кужмо воргоронъёс интыяськыса ожмаськизы, слонэн кивалтӥз Индиысь потэм мурт. 38Мукетъёссэ вал вылын мынӥсь ожгарчиосты сопала но, тапала но интыязы – ожмаськыны мынӥсьёслэн кык палаз ик – тушмон туж зол ӝикатыса-ёртыса возьыку, юнматскон понна пусъёс сётыны мед луоз шуыса. 39Зарнилэсь, ыргонлэсь лэсьтэм щитъёс вылын шунды воректэм бере, соослэн ворекъямзылэсь гурезьёс, ӝуаса улӥсь лампадаос кадь, пиштыны кутскизы. 40Эксэй армилэн оглюкетэз ӝужытэсь гурезь кузя кыстӥськиз, нош мукетъёсыз – улыг интыостӥ, – соос йыг-йыг, радэн-радэн вамышъяса мынӥзы. 41Туж трос ӵошен мынӥсьёслэсь пыд куараоссэс, ожмаськон тӥрлыкъёссылэсь жингыртэмзэс кылӥсьёс ваньзы туж куалектӥзы, уго та армия туж бадӟым но кужмо вал. 42Иуда аслаз армиеныз ожмаськыны кутскиз, – эксэй армиысь куать сю мурт виемын вал. 43Соку Саваранлэн Елеазар пиез адӟиз: одӥгезлэн слонлэн тыбыр вылыз эксэй корт дӥсен шобыртэмын, со ваньмызлэсь ӝужыт; со слон вылын эксэй пуке, дыр, шуыса Елеазар малпаз, – 44аслэсьтыз калыксэ утён но аслыз бырисьтэм ним басьтон понна со ассэ сётӥз; 45слон доры со кышкатэк бызьыса мыныны кутскиз, отрядлэн шорозяз вуиз, мыд-мыд палаз сылӥсьёсты погыръяса, сопала но, тапала но солэсь палэнскыса кошкылӥзы; 46соку со слон улэ бызьыса вуиз, со улэ выдӥз но сое вииз; со вылэ, музъем вылэ слон усиз, Елеазар отчы кулӥз. 47Эксэй армилэсь кужымзэ, шаплы выремзэ адӟем беразы иудейёс соос дорысь палэнскизы. 48Нош эксэй армия соослы пумит Иерусалиме вырӟиз: эксэй аслэсьтыз армизэ Иудея вылэ, Сӥон гурезь вылэ лэзиз. 49Вефсураын улӥсьёсын эксэй тупаса улон кыл гожтӥз, соос городысьтызы потӥзы, уго изкар пушкын, котыртэмын улыны соослэн сиён-юонзы ӧй ни вал, малы ке шуоно музъем вылын субботалэн арез#6:49 субботалэн арез – еврей законъя, сизьым ар ортчыса, музъем шутэтскыны – суббота карыны – кулэ (Лев. 25:1-7) вал. 50Эксэй Вефсураез киултӥз, сое утён понна возьмаськисьёсты пуктыса кельтӥз. 51Собере трос нуналъёс ӵоже вӧсяськон интыез котыртэмын возиз, отчы тылэз, изъёсты зӥръясь машинаос пуктӥз, ньӧлъёсын, шибодыосын, изъёсын ыбылӥсь арбериос но пуктылӥз. 52Нош иудейёс но соослэн машинаоссылы пумит машинаос лэсьтӥзы, трос нуналъёс ӵоже ожмаськизы. 53Кеносъёсын возиськись сиёнъёс ӧз ни тырме, уго сизьыметӥ ар вал, Иудеяын язычникъёслэсь ватӥськыса улонэз утчасьёс ваньзэ кылем сиёнэз сиизы; 54вӧсяськон инты доры ӧжыт гинэ воргоронъёс кылизы, уго соосты сютэм улон ӝикатӥз, ваньзы соос асьсэлэн доръёсазы кошкизы.
55Лисий кылӥз, Антиох эксэй улэп дыръяз аслэсьтыз Антиох пизэ эксэй луыны дасян ужез Филипплы оскем шуыса, 56Персияысь, Мидияысь берытскиз, соин ӵош – эксэен ӵош ветлэм ожгарчиос но, эксэйлыклэсь ужъёссэ нуонэз Филипп ас вылаз басьтыны дауртэ шуыса со кылӥз. 57Соин ик со дыртыса эксэй доры, ож ужен кивалтӥсьёс, кузёйыръёс доры мыныса шуиз: «Асьмеос нуналлы быдэ ёрмыса улӥськомы, сиён-юонмы милям ӧжыт, нош котыртыса возён интымы юн сылэ, быдэс эксэйлык сярысь сюлмаськон но ми вылын ик возиське. 58Озьы ке, ойдолэ та адямиослы бур кимес сётоме но соосын, соослэн вань калыкенызы тупаса улон сярысь кыл гожтоме, 59соослы луонлык сётоме асьсэлэн законъёссыя кызьы азьвыл улӥзы, али но озьы ик мед улозы; уго асьмеос соослэсь законзэс воштэм бере соос керӟегъяськыны кутскизы но ваньзэ та ужез лэсьтӥзы». 60Та кыл ярамон луиз эксэйлы но, кивалтӥсь йыръёслы но, – иудейёс доры тупаса улон сярысь кыл кутыны ыстӥз. Иудейёс тае кабыл басьтӥзы. 61Эксэй, кивалтӥсь йыръёс но соослы кыл сётӥзы. Та бере иудейёс изкар пушкысь потӥзы. 62Эксэй Сӥон гурезь йылэ тубиз но, юнматэм интызэс учкем-чаклам бераз, сётэм кылызлэсь куштӥськиз, котыр ласянь борддоръёсыз куашкатыны косӥз. 63Собере дыртыса кошкиз. Антиохияе вуэм бераз Лисий тодӥз: Филипп городэз киулаз возе. Собере соин ожмаськыны кутскиз, вань кужымзэ поныса, городэз киултӥз.
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016