Маккавейёслэн 1-тӥ книгазы 5
5
5-тӥ ЛЮКЕТ
1Котыр ёросъёсын улӥсь калыкъёс кылӥзы, курбон сётон ӝӧк пуктэмын, вӧсяськон инты азьвыл кадь ик выльдэмын шуыса, соку соос туж йыркуръяськыны кутскизы; 2соос пӧлын улӥсь Иаковлэсь выжызэ быдтыны малпазы, та калыклэсь адямиоссэ виылыны, быдтыны кутскизы. 3Соку Иуда Идумеяысь Акравимын улӥсь Исавлэн пиосыз вылэ урдскиз, уго соос Израилез котыртэмын возизы; туж зол соосты погыръяз, зӥбломытӥз соосты, трос ваньбурзэс басьтӥз. 4Калык понна канжаськон, калтон луись Веан пиослэсь урод-лек ужъёссэс но тодаз вайиз, соос уго сюрес вылъёсы лушкемен ыбылӥськон интыос лэсьтылӥзы. 5Соос Иудалэсь утиськон понна каланчаосы пегӟизы ке но, нош со соос вылэ ӝутскиз, соосты каргаз-быдтӥз, вань люкаськем муртъёсты каланчаосынызы огазе сутӥз. 6Собере со Аммон пиос доры выжиз, кужмо армиен пумиськиз, трос калыкен, соослэн Тимофей азьветлӥсенызы пумиськиз. 7Трос пол кутскыса соосын ожмаськылӥз, солэн азяз соос пазьгемын вал; со соосты погыртӥз; 8Иазерез киултӥз, солэсь гуртъёссэ но, собере Иудеяе берытскиз. 9Соку Галаадын улӥсь язычникъёс соослэн музъем вылазы улӥсь израиль калыкез быдтон вылысь люкаськизы; нош соос Дафем изкаре ватӥськизы. 10Иудалы но солэн агай-вынъёсызлы гожтэт ыстӥзы, соос шуизы: «Милям котырами улӥсь язычникъёс ми вылэ урдскыны, милемды быдтыны люкаськизы, 11милям ватӥськем изкармы вылэ лыктыса урдскыны дасясько, соослэн ожгарчиосынызы Тимофей кивалтэ. 12Озьы бере, лыкты но соослэн киулысьтызы милемды мозмыты, уго ми пӧлысь тросэз кулӥзы-быризы ни; 13Тов ёросын улӥсь вань агай-вынъёсмы быризы ини, нош соослэсь кышнооссэс, нылпиоссэс, ваньбурзэс сьӧразы нуизы, отчы ог сюрс пиосмуртъёсты быдтӥзы». 14Та гожтэтэз лыдӟо на вал, но тани, кесяськем дӥськутэн мукет иворчиос Галилеяысь вуизы, соос таӵе ивор вуттӥзы: 15«Милемды быдтон вылысь, милемлы пумит Птолемаидаысь, Тирысь, Сӥдонысь, язычникъёслэн быдэс Галилеяысьтызы калык люкаськиз». 16Та кылъёсты кылэм бере Иуда калыкен ӵош быдӟым кенеше вераськыны люкаськизы, шуге-леке сюрем агай-вынъёсын мар кароно, соос вылэ ожен лыктонэн язычникъёс кышкато. 17Соку Иуда Симон агаезлы шуиз: «Воргоронъёсты бырйы, мын но Галилеяын улӥсь агай-вынъёсыдлы дурбасьты, нош мон Ионафан выныным ӵош Галаадэ мыно». 18Захариялэсь Иосиф пизэ Азарияен ӵош армилэсь кылем люкетэзлы кивалтӥсь карыса Иудеяе возьмаськыны кельтӥз. 19Соослы косон сётыса, тазьы вераса кельтӥз: «Та калыкен кивалтэ, нош ми берытскытозь, язычникъёсын ожмаськыны эн кутске». 20Симонлы Галилеяе ожен мыныны куинь сюрс пиосмуртъёс, нош Иудалы Галаадэ мыныны тямыс сюрс пиосмуртъёс висъямын вал. 21Симон Галилеяе мынӥз но язычникъёсын трос пол кутскыса ожмаськылӥз, язычникъёсты со пазьгиз. 22Птолемаидалэн капкаосыз дорозь соос сьӧры уйиськыса со мынӥз, язычникъёслэн ог куинь сюрс пиосмуртьёссы виемын вал, соослэсь ваньбурзэс киулаз басьтӥз. 23Озьы ик со Галилеяын, Арваттаын улӥсь иудейёсты кышноосынызы, нылпиосынызы, ваньбуренызы ӵош сьӧраз басьтӥз, туж-туж шумпотыса, соосты Иудеяе вайиз. 24Нош Маккавей Иуда но солэн Ионафан выныз Иордан вамен выжизы но куинь нунал ӵоже луоё кыр дуннеетӥ мынӥзы. 25Навуфей пиос соосты ӟеч мылкыдын пумитазы, мар луиз Галаадын соослэн агай-вынъёсынызы, веразы ваньзэ. 26Соос пӧлысь тросэз Васаре но Восоре, Алемае, Хасфоре, Македэ но Карнаиме ворсамын, шуизы, вань та городъёс юнматэмын, соос туж бадӟымесь. 27Галаадысь мукетьёсаз но котыртэм городъёсын соос уло. Та юнматэм каръёс вылэ урдскыны ӵуказе кутскозы, малпало отын улӥсь иудейёсты пленэ басьтыны но одӥг нунал куспын ваньзэс быдтыны. 28Соин ик Иуда луоё кырысь Восор кар доры аслаз ожгарчиосыныз чаляк мыныны потӥз, сое киултӥз но йылсо меченыз вань пиосмуртъёсты бышкаса виылӥз, соослэсь ваньбурзэс киултӥз, городзэс тылын сутӥз; 29нош отысен уйин кошкиз но юнматэм кар дорозь мынӥз. 30Ӵукна вуэм бере синъёссэс ӝутыса учкизы но, тани, лыдъяса быдтонтэм трос калык юнматэм изкарез киултон вылысь тубатъёсты, борддор куашкатъян машинаосты ӝуто, отчы сюремъёсты котырто. 31Иуда адӟиз, ожмаськон кутскиз ни шуыса, городын улӥсьёслэн бӧрдэмзы, кесяськем куаразы гумыос шудэм пыр инме тубиз. 32Ожгарчиослы со шуиз: «Табере агай-вынъёсты понна ожмаське». 33Куинь отрядэныз со тушмонлэн мышкытӥз ортчиз но, гумыоссэс пелляны кутскизы, вӧсяськыса черетскизы. 34Тимофейлэн ожгарчиосыз тодмазы, та – Маккавей шуыса, солэн азьысьтыз бызьыса кошкыны кутскизы; туж трос адямиоссэс погыртӥз, ог тямыс сюрс пиосмуртъёссы та нуналэ виемын вал. 35Соку Иуда Масфае кожиз, котыртӥз сое, киултэм бераз отысь вань пиосмуртъёссэс виылӥз, ваньбурзэс бичаз но городзэс тылын сутӥз. 36Татысь кошкыса, со Хасфонэз, Македэз, Восорез, Галаадысь мукет городъёсты киултӥз.
37Та учыръёс бере Тимофей мукет армия люказ но Рафон карлэн азьпалаз, ву ӧрлэн тупалаз интыяськиз. 38Иуда армизэс эскерыны-чакланы ыстӥз, солы ялыса шуизы: «Соос доры вань котыр ёросъёсамы улӥсь язычникъёс люкаськиллям – туж бадӟым кужым, 39асьсэлы юрттӥськыны Аравияын улӥсьёсты медъязы, ву ӧр тупала интыяськиллям, тон вылэ ожен лыктыны дасесь». Иуда соослэн пумитазы вырӟиз. 40Иуда ожгарчиосыныз валче ву ӧр доры вуыку, Тимофей аслаз ожен кивалтӥсьёсызлы шуиз: «Асьме пала азьлогес выжиз ке, со асьмеды вормоз, уго соку асьмелэн кужыммы уз тырмы со азьын сылыны. 41Нош со кышказ ке, ву ӧрлэн тупалаз интыяськиз ке, соку асьмеос со доры выжомы но сое вормомы». 42Иуда ву ӧр доры гинэ вуиз, ву ӧр дуре калыкез лыдъясь-гожъясьёсты пуктӥз но соослы косон сётыса шуиз: «Одӥгзэ но адямиез лагере эн кельтэ, ваньзы ожмаськыны мед мынозы». 43Тушмон вылэ урдскыны со нырысь выжиз, вань калык со бӧрсьы мынӥз. Солэн азяз вань язычникъёс погыртэмын вал – ожмаськон тӥрлыкъёссэс куяса, Карнаинысь куалаязы бызьыса кошкизы. 44Соку Иудалэн ожгарчиосыз та городэз киултӥзы но отысь куалаез вань люкаськем адямиосыныз валче тылын сутӥзы; Карнаин вормемын вал, Иудалы пумитъяськыны кужымез ӧз ни тырмы. 45Галаадын улӥсь вань Израиль выжыез Иуда огазе люказ – пичиоссэ но, бадӟымъёссэ но, кышнооссэс но, нылпиоссэс но, ваньбурзэс но, Иудей музъеме мынон вылысь туж трос калыкез люказ. 46Соос Ефрон доры вуизы. Со бадӟым, туж юнматэм город вал. Сюрес вылын сылӥз: солэн бурпалтӥз но, паллян палтӥз но кожыса кошкыны уг луы вал; солэн шортӥз ортчытэк кошкыны уг луы, 47нош отын улӥсьёс отчы ворсаськизы, капкаосты изъёсын ӵоксазы. 48Тупаса улон сярысь вераськыны Иуда соос доры адямиоссэ ыстӥз: «Ми тӥляд музъемды пыр мыномы асьме музъем вылэ бертон вылысь, нокин но тӥледыз ӝоже уз уськыты, пыдынымы лёгиськыса гинэ ортчомы», нош соослэн капказэс усьтэмзы уг поты. 49Соку Иуда люкаськем калыклы ялыны косӥз: котькудӥз аслаз интыяз ожмаськыны мед дасяськоз. 50Ожгарчиос ожлы дасяськизы, быдэс нунал но быдэс уй городэз котыртыса возизы, – город Иудалэн киулаз сётӥськиз. 51Лэчыт мечен бышкаса, вань пиосмуртъёсты виылӥз, инъет дорозяз городзэс куашкатӥз, ваньбурзэс бичаз но кулэм шӧйёс вылтӥ город пыр потыса кошкиз. 52Иордан шур вамен потыса, Вефсанлы ваче беринысь туж бадӟым ӵошалэ вуизы. 53Бере кылемъёсты люкаса, Иуда быдэс сюрессы ӵоже, Иудей музъеме вуытозязы, калыклэсь мылкыдзэ ӝуткаса улӥз. 54Сӥон гурезе шулдыръяськыса, шумпотыса тубизы, тылын сутӥськись курбонъёс сётӥзы, уго ӟечкын доразы бертӥзы, нокин но ӧз быры.
55Со нуналъёсы, Иудаен Ионафан Галаадын улыку, нош Симон агайзы Птолемаида азьысь Галилеяын улыку, 56Захариялэн Иосиф пиез но Азария, ож ужен кивалтӥсьёс, соослэн ожын лэсьтэм данлыко ужъёссы сярысь кылӥзы, 57соос шуизы: «Ми но асьмелэсь ниммес данэ поттомы; котырамы улӥсь язычникъёсын ожмаськыны мыномы». 58Тазьы соос асьсэ бордысь ожгарчиослы ялӥзы но Иамния карлы пумит ожен мынӥзы. 59Горгий аслаз ожгарчиосыныз городысь соослэн пумитазы ожмаськонэ мыныны потӥзы. 60Бызьыса пегӟыны кутскизы, Иудея музъемозь Иосифен Азария сьӧры уйиськыса вуизы. Со нуналэ израиль калык пӧлысь ог кык сюрс пиосмуртъёс быризы. 61Израиль калык таин сэрен туж зол куалектӥз, малы ке шуоно Иосифен Азария Иудалэсь но, солэн агай-вынъёсызлэсь но верамзэс ӧз кылзӥське, малпазы асьсэлэсь кышкасьтэм луэмзэс возьматыны, 62нош соос Израилез утьыны быръем пиосмуртъёслэн выжыысьтызы ӧй вал. 63Нош Иуда воргорон, солэн агай-вынъёсыз вань израиль калык азьын туж данэ потӥзы, вань калыкъёс азьын но, кытчы гинэ соослэн нимзы-данзы вӧлмиз, – 64трос адямиос соосты ӟечкыланы ветлӥзы.
65Та бере Иуда агай-вынъёсыныз ӵош лымшорпал музъемын улӥсь Исавлэн пиосыныз ожмаськизы потӥзы; Хевронэз но солэсь гуртъёссэ погыръяз, юнматэм карзэ куашкатӥз, со котырысь каланчаосты сутӥз, 66мурт выжы калыклэн музъем вылаз мыныны ӝутскиз, Самарияез пыр потӥз. 67Ожмаськыку кышкасьтэм луэмзэс возьматыны турттӥсь, малпаськытэк оже потэм священникъёс со виын быризы. 68Мурт выжы калыклэн музъемысьтыз Азот пала Иуда берытскиз, соослэсь курбон сётон интыоссэс куашкатӥз, вӧлыса лэсьтэм сульдэръёссэс-инмаръёссэс тылын сутӥз, городъёсысьтызы ожваньбур#5:68 ожваньбур – ожмаськем бервылысь люкам ваньбур; ӟуч сямен: трофей, военная добыча бичаз но Иудеяе берытскиз.
Currently Selected:
Маккавейёслэн 1-тӥ книгазы 5: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
Маккавейёслэн 1-тӥ книгазы 5
5
5-тӥ ЛЮКЕТ
1Котыр ёросъёсын улӥсь калыкъёс кылӥзы, курбон сётон ӝӧк пуктэмын, вӧсяськон инты азьвыл кадь ик выльдэмын шуыса, соку соос туж йыркуръяськыны кутскизы; 2соос пӧлын улӥсь Иаковлэсь выжызэ быдтыны малпазы, та калыклэсь адямиоссэ виылыны, быдтыны кутскизы. 3Соку Иуда Идумеяысь Акравимын улӥсь Исавлэн пиосыз вылэ урдскиз, уго соос Израилез котыртэмын возизы; туж зол соосты погыръяз, зӥбломытӥз соосты, трос ваньбурзэс басьтӥз. 4Калык понна канжаськон, калтон луись Веан пиослэсь урод-лек ужъёссэс но тодаз вайиз, соос уго сюрес вылъёсы лушкемен ыбылӥськон интыос лэсьтылӥзы. 5Соос Иудалэсь утиськон понна каланчаосы пегӟизы ке но, нош со соос вылэ ӝутскиз, соосты каргаз-быдтӥз, вань люкаськем муртъёсты каланчаосынызы огазе сутӥз. 6Собере со Аммон пиос доры выжиз, кужмо армиен пумиськиз, трос калыкен, соослэн Тимофей азьветлӥсенызы пумиськиз. 7Трос пол кутскыса соосын ожмаськылӥз, солэн азяз соос пазьгемын вал; со соосты погыртӥз; 8Иазерез киултӥз, солэсь гуртъёссэ но, собере Иудеяе берытскиз. 9Соку Галаадын улӥсь язычникъёс соослэн музъем вылазы улӥсь израиль калыкез быдтон вылысь люкаськизы; нош соос Дафем изкаре ватӥськизы. 10Иудалы но солэн агай-вынъёсызлы гожтэт ыстӥзы, соос шуизы: «Милям котырами улӥсь язычникъёс ми вылэ урдскыны, милемды быдтыны люкаськизы, 11милям ватӥськем изкармы вылэ лыктыса урдскыны дасясько, соослэн ожгарчиосынызы Тимофей кивалтэ. 12Озьы бере, лыкты но соослэн киулысьтызы милемды мозмыты, уго ми пӧлысь тросэз кулӥзы-быризы ни; 13Тов ёросын улӥсь вань агай-вынъёсмы быризы ини, нош соослэсь кышнооссэс, нылпиоссэс, ваньбурзэс сьӧразы нуизы, отчы ог сюрс пиосмуртъёсты быдтӥзы». 14Та гожтэтэз лыдӟо на вал, но тани, кесяськем дӥськутэн мукет иворчиос Галилеяысь вуизы, соос таӵе ивор вуттӥзы: 15«Милемды быдтон вылысь, милемлы пумит Птолемаидаысь, Тирысь, Сӥдонысь, язычникъёслэн быдэс Галилеяысьтызы калык люкаськиз». 16Та кылъёсты кылэм бере Иуда калыкен ӵош быдӟым кенеше вераськыны люкаськизы, шуге-леке сюрем агай-вынъёсын мар кароно, соос вылэ ожен лыктонэн язычникъёс кышкато. 17Соку Иуда Симон агаезлы шуиз: «Воргоронъёсты бырйы, мын но Галилеяын улӥсь агай-вынъёсыдлы дурбасьты, нош мон Ионафан выныным ӵош Галаадэ мыно». 18Захариялэсь Иосиф пизэ Азарияен ӵош армилэсь кылем люкетэзлы кивалтӥсь карыса Иудеяе возьмаськыны кельтӥз. 19Соослы косон сётыса, тазьы вераса кельтӥз: «Та калыкен кивалтэ, нош ми берытскытозь, язычникъёсын ожмаськыны эн кутске». 20Симонлы Галилеяе ожен мыныны куинь сюрс пиосмуртъёс, нош Иудалы Галаадэ мыныны тямыс сюрс пиосмуртъёс висъямын вал. 21Симон Галилеяе мынӥз но язычникъёсын трос пол кутскыса ожмаськылӥз, язычникъёсты со пазьгиз. 22Птолемаидалэн капкаосыз дорозь соос сьӧры уйиськыса со мынӥз, язычникъёслэн ог куинь сюрс пиосмуртьёссы виемын вал, соослэсь ваньбурзэс киулаз басьтӥз. 23Озьы ик со Галилеяын, Арваттаын улӥсь иудейёсты кышноосынызы, нылпиосынызы, ваньбуренызы ӵош сьӧраз басьтӥз, туж-туж шумпотыса, соосты Иудеяе вайиз. 24Нош Маккавей Иуда но солэн Ионафан выныз Иордан вамен выжизы но куинь нунал ӵоже луоё кыр дуннеетӥ мынӥзы. 25Навуфей пиос соосты ӟеч мылкыдын пумитазы, мар луиз Галаадын соослэн агай-вынъёсынызы, веразы ваньзэ. 26Соос пӧлысь тросэз Васаре но Восоре, Алемае, Хасфоре, Македэ но Карнаиме ворсамын, шуизы, вань та городъёс юнматэмын, соос туж бадӟымесь. 27Галаадысь мукетьёсаз но котыртэм городъёсын соос уло. Та юнматэм каръёс вылэ урдскыны ӵуказе кутскозы, малпало отын улӥсь иудейёсты пленэ басьтыны но одӥг нунал куспын ваньзэс быдтыны. 28Соин ик Иуда луоё кырысь Восор кар доры аслаз ожгарчиосыныз чаляк мыныны потӥз, сое киултӥз но йылсо меченыз вань пиосмуртъёсты бышкаса виылӥз, соослэсь ваньбурзэс киултӥз, городзэс тылын сутӥз; 29нош отысен уйин кошкиз но юнматэм кар дорозь мынӥз. 30Ӵукна вуэм бере синъёссэс ӝутыса учкизы но, тани, лыдъяса быдтонтэм трос калык юнматэм изкарез киултон вылысь тубатъёсты, борддор куашкатъян машинаосты ӝуто, отчы сюремъёсты котырто. 31Иуда адӟиз, ожмаськон кутскиз ни шуыса, городын улӥсьёслэн бӧрдэмзы, кесяськем куаразы гумыос шудэм пыр инме тубиз. 32Ожгарчиослы со шуиз: «Табере агай-вынъёсты понна ожмаське». 33Куинь отрядэныз со тушмонлэн мышкытӥз ортчиз но, гумыоссэс пелляны кутскизы, вӧсяськыса черетскизы. 34Тимофейлэн ожгарчиосыз тодмазы, та – Маккавей шуыса, солэн азьысьтыз бызьыса кошкыны кутскизы; туж трос адямиоссэс погыртӥз, ог тямыс сюрс пиосмуртъёссы та нуналэ виемын вал. 35Соку Иуда Масфае кожиз, котыртӥз сое, киултэм бераз отысь вань пиосмуртъёссэс виылӥз, ваньбурзэс бичаз но городзэс тылын сутӥз. 36Татысь кошкыса, со Хасфонэз, Македэз, Восорез, Галаадысь мукет городъёсты киултӥз.
37Та учыръёс бере Тимофей мукет армия люказ но Рафон карлэн азьпалаз, ву ӧрлэн тупалаз интыяськиз. 38Иуда армизэс эскерыны-чакланы ыстӥз, солы ялыса шуизы: «Соос доры вань котыр ёросъёсамы улӥсь язычникъёс люкаськиллям – туж бадӟым кужым, 39асьсэлы юрттӥськыны Аравияын улӥсьёсты медъязы, ву ӧр тупала интыяськиллям, тон вылэ ожен лыктыны дасесь». Иуда соослэн пумитазы вырӟиз. 40Иуда ожгарчиосыныз валче ву ӧр доры вуыку, Тимофей аслаз ожен кивалтӥсьёсызлы шуиз: «Асьме пала азьлогес выжиз ке, со асьмеды вормоз, уго соку асьмелэн кужыммы уз тырмы со азьын сылыны. 41Нош со кышказ ке, ву ӧрлэн тупалаз интыяськиз ке, соку асьмеос со доры выжомы но сое вормомы». 42Иуда ву ӧр доры гинэ вуиз, ву ӧр дуре калыкез лыдъясь-гожъясьёсты пуктӥз но соослы косон сётыса шуиз: «Одӥгзэ но адямиез лагере эн кельтэ, ваньзы ожмаськыны мед мынозы». 43Тушмон вылэ урдскыны со нырысь выжиз, вань калык со бӧрсьы мынӥз. Солэн азяз вань язычникъёс погыртэмын вал – ожмаськон тӥрлыкъёссэс куяса, Карнаинысь куалаязы бызьыса кошкизы. 44Соку Иудалэн ожгарчиосыз та городэз киултӥзы но отысь куалаез вань люкаськем адямиосыныз валче тылын сутӥзы; Карнаин вормемын вал, Иудалы пумитъяськыны кужымез ӧз ни тырмы. 45Галаадын улӥсь вань Израиль выжыез Иуда огазе люказ – пичиоссэ но, бадӟымъёссэ но, кышнооссэс но, нылпиоссэс но, ваньбурзэс но, Иудей музъеме мынон вылысь туж трос калыкез люказ. 46Соос Ефрон доры вуизы. Со бадӟым, туж юнматэм город вал. Сюрес вылын сылӥз: солэн бурпалтӥз но, паллян палтӥз но кожыса кошкыны уг луы вал; солэн шортӥз ортчытэк кошкыны уг луы, 47нош отын улӥсьёс отчы ворсаськизы, капкаосты изъёсын ӵоксазы. 48Тупаса улон сярысь вераськыны Иуда соос доры адямиоссэ ыстӥз: «Ми тӥляд музъемды пыр мыномы асьме музъем вылэ бертон вылысь, нокин но тӥледыз ӝоже уз уськыты, пыдынымы лёгиськыса гинэ ортчомы», нош соослэн капказэс усьтэмзы уг поты. 49Соку Иуда люкаськем калыклы ялыны косӥз: котькудӥз аслаз интыяз ожмаськыны мед дасяськоз. 50Ожгарчиос ожлы дасяськизы, быдэс нунал но быдэс уй городэз котыртыса возизы, – город Иудалэн киулаз сётӥськиз. 51Лэчыт мечен бышкаса, вань пиосмуртъёсты виылӥз, инъет дорозяз городзэс куашкатӥз, ваньбурзэс бичаз но кулэм шӧйёс вылтӥ город пыр потыса кошкиз. 52Иордан шур вамен потыса, Вефсанлы ваче беринысь туж бадӟым ӵошалэ вуизы. 53Бере кылемъёсты люкаса, Иуда быдэс сюрессы ӵоже, Иудей музъеме вуытозязы, калыклэсь мылкыдзэ ӝуткаса улӥз. 54Сӥон гурезе шулдыръяськыса, шумпотыса тубизы, тылын сутӥськись курбонъёс сётӥзы, уго ӟечкын доразы бертӥзы, нокин но ӧз быры.
55Со нуналъёсы, Иудаен Ионафан Галаадын улыку, нош Симон агайзы Птолемаида азьысь Галилеяын улыку, 56Захариялэн Иосиф пиез но Азария, ож ужен кивалтӥсьёс, соослэн ожын лэсьтэм данлыко ужъёссы сярысь кылӥзы, 57соос шуизы: «Ми но асьмелэсь ниммес данэ поттомы; котырамы улӥсь язычникъёсын ожмаськыны мыномы». 58Тазьы соос асьсэ бордысь ожгарчиослы ялӥзы но Иамния карлы пумит ожен мынӥзы. 59Горгий аслаз ожгарчиосыныз городысь соослэн пумитазы ожмаськонэ мыныны потӥзы. 60Бызьыса пегӟыны кутскизы, Иудея музъемозь Иосифен Азария сьӧры уйиськыса вуизы. Со нуналэ израиль калык пӧлысь ог кык сюрс пиосмуртъёс быризы. 61Израиль калык таин сэрен туж зол куалектӥз, малы ке шуоно Иосифен Азария Иудалэсь но, солэн агай-вынъёсызлэсь но верамзэс ӧз кылзӥське, малпазы асьсэлэсь кышкасьтэм луэмзэс возьматыны, 62нош соос Израилез утьыны быръем пиосмуртъёслэн выжыысьтызы ӧй вал. 63Нош Иуда воргорон, солэн агай-вынъёсыз вань израиль калык азьын туж данэ потӥзы, вань калыкъёс азьын но, кытчы гинэ соослэн нимзы-данзы вӧлмиз, – 64трос адямиос соосты ӟечкыланы ветлӥзы.
65Та бере Иуда агай-вынъёсыныз ӵош лымшорпал музъемын улӥсь Исавлэн пиосыныз ожмаськизы потӥзы; Хевронэз но солэсь гуртъёссэ погыръяз, юнматэм карзэ куашкатӥз, со котырысь каланчаосты сутӥз, 66мурт выжы калыклэн музъем вылаз мыныны ӝутскиз, Самарияез пыр потӥз. 67Ожмаськыку кышкасьтэм луэмзэс возьматыны турттӥсь, малпаськытэк оже потэм священникъёс со виын быризы. 68Мурт выжы калыклэн музъемысьтыз Азот пала Иуда берытскиз, соослэсь курбон сётон интыоссэс куашкатӥз, вӧлыса лэсьтэм сульдэръёссэс-инмаръёссэс тылын сутӥз, городъёсысьтызы ожваньбур#5:68 ожваньбур – ожмаськем бервылысь люкам ваньбур; ӟуч сямен: трофей, военная добыча бичаз но Иудеяе берытскиз.
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016