Маккавейёслэн 1-тӥ книгазы 11
11
11-тӥ ЛЮКЕТ
1Нош со виын Египетлэн эксэез туж трос ожгарчиос люказ, зарезь дурысь луо мында вал соос, трос корабльёс люказ, Александр эксэйлэсь кун-эксэйлыксэ кескич амалэн киултыны но аслазэныз огазе карыны малпаз. 2Небыт-лякыт кылъёсын вераськыса, со Сирияе пыриз, отын улӥсьёс, кар капкаоссэс усьтылыса, сое пумитаны потылӥзы, уго Александр эксэй косӥз сое пумитаны, малы ке шуоно со Александрлэн варматаез вал. 3Городъёс пушкы пырылэм бераз Птоломей отчы, котькудаз городэ, ожгарчиоссэ возьмаськыны кельтылӥз. 4Азот доры вуэм бераз солы Дагонлэсь сутэм куалазэ возьматӥзы, Азотэз но со котырысь мукет куашкатэм городъёсты, ожмаськон дыръя виылэм, сутэм мугоръёсты возьматӥзы, уго солэн лыктон сюрес дураз соосты люкен-люкен тырылӥзы. 5Мар лэсьтӥз Ионафан, со вылэ урттылӥськыса, ваньзэ эксэйлы веразы, нош эксэй номыр но ӧз вазьы. 6Соку Ионафан Египет эксэйлэн пумитаз Иоппияе сое сӥлы карыны потӥз; огзэс огзы ӟечкылазы но отын ик кӧлӥзы. 7Эксэен ӵош Ионафан Елевфера нимо шур дорозь мынӥз, нош собере Иерусалиме берытскиз. 8Нош Птоломей эксэй зарезь дурысь городъёсты зарезь дурысь Селевкиозь ас киулаз басьтӥз, Александрлы пумит лек малпанъёс сюлмаз возиз. 9Димитрий эксэй доры аслэсьтыз адямиоссэ тазьы вераны ыстӥз: «Лыкты татчы, кусыпъёсмес юнматомы, мон тыныд Александр киысь нылме сёто, соку тон атаедлэн кун-эксэйлыказ эксэй луод. 10Мон жалясько-ӧкынӥсько Александрлы нылме сётӥ шуыса, уго со монэ виыны малпа вал». 11Тазьы со Александр сярысь ӧвӧлтэм кылъёс вераса улӥз, солэн аслаз солэсь эксэйлыксэ киултэмез потэ вал. 12Александр киысь нылзэ талаз но Димитрийлы сётӥз, озьы со Александрлы мурт адями луиз, – тушмонъяськыса улонзы шарае потӥз. 13Птоломей Антиохияе пыриз но аслаз йыр вылаз кык эксэй изьыосты понӥз – Азиялэсь но, Египетлэсь но. 14Со вакытэ Александр эксэй Киликияын вал, малы ке шуоно отын улӥсьёс солэн киулысьтыз мозмытскыны малпазы. 15Птоломейлэн лэсьтэм ужъёсыз сярысь кылэм бераз Александр солы пумит ожмаськыны мынӥз; соку Птоломей ожгарчиоссэ поттӥз но бадӟым кужымен сое пумитаз, улляса лэзиз. 16Александр Аравияе отын ватӥськыса улон понна пегӟиз, нош Птоломей эксэй вылэ ӝутскиз. 17Араб пи, Завдиил, Александрлэсь йырзэ ӵогиз но Птоломейлы келяз. 18Нош Птоломей эксэй куинь нунал ортчыса кулӥз, изкаръёс пушкы кылем ожгарчиоссэ изкаръёсын улӥсьёс виылӥзы. 19Сю куатьтон сизьыметӥ арын Димитрий эксэе пуксиз.
20Со нуналъёсы Ионафан иудейёсты люказ Иерусалимысь изкарез киултон понна, со азе трос борддор куашкатъян машинаосты пуктылӥз. 21Нош куд-огез законлэсь куштӥськем муртъёс, ас калыксэс адӟемпотостэм карисьёс, эксэй доры мынӥзы но урттылӥськизы, Ионафан изкарез котыртэ шуыса. 22Тае кылэм бераз со вожзэ поттӥз но дыртыса Птолемаидае кошкиз, Ионафанлы гожтэт келяз, изкарез котыртыса медаз, пе, улы, ӝоггес Полемаидае пумиськыны но отын вераськонъёс ортчытыны мед, пе, лыктоз. 23Нош Ионафан та куронэз кылзӥз ке но, косон сётӥз: изкарез котыртыса воземысь дугдоно ӧвӧл; израиль тӧроос, священникъёс пӧлысь куд-огзэ бырйыса, ассэ кышкытлык киулэ сётӥз. 24Азвесь, зарни, дӥськут, трос мукет кузьымъёс басьтыса, со Птолемаидае эксэй доры мынӥз но, эксэй сое ӟеч мылкыдын пумитаз. 25Солэн калыкез пушкысь ик законлэсь куштӥськемъёс Ионафан вылэ ӧвӧлтэм кылъёс вераллязы ке но, 26нош эксэй солы озьы ик лэсьтӥз, кызьы солэн азьпаласьтыз эксэйёс солы лэсьтылӥзы: вань эшъёсыз азьын сое вылӥе ӝутӥз, 27сое архиерее юнматӥз, солэсь мукетъёссэ но азьвыл басьтэм сӥё-дано нимъёссэ юнматӥз, сое самой матысь эшъёсыз пӧлы пыртӥз. 28Ионафан эксэйлэсь куриз Иудеяез но куинь улосвылъёсты, Самарияез выт тыронъёслэсь мозмытыны, со понна со куинь сю талант тырыны кыл сётӥз. 29Эксэй соглаш луиз, Ионафанлы та пумысен таӵе пуштросэн гожтэт ыстӥз: 30«Димитрий эксэй Ионафан братлы, иудей калыклы – шумпотоно. 31Тӥ сярысь Ласфен ӵыжы-выжымылы вераса гожтэм гожтэтмылэсь списоксэ тӥледлы но ыстӥськомы, тӥ но мед тододы. 32”Димитрий эксэй Ласфен атайлы – шумпотоно. 33Иудей калыклы – эшъёсмылы, асьсэлэсь ми азьын быдэсъяны кулэ ужъёссэс шонер быдэсъясьёслы – ми малпамы соослэн милемыз гажаса улэмзы понна соослы ӟеч уж лэсьтыны. 34Кызьы ке Иудеяез, озьы ик мукет куинь улосвылъёсты – Аферемаез, Лиддаез но Рамафемез котыр музъемъёсынызы валче – Иерусалимын курбон сётӥсьёслэн ваньбурзы луэ шуыса ми юнматӥськомы, соос, Самария бордысь басьтыса, Иудея борды юнматэмын; музъемлэн емышъёсыз понна, писпуын будӥсь емышъёс понна азьвыл аръёсы эксэйлэсь арлы быдэ бичам вытсэ, 35ваньзэ мукетъёссэ но, та виысен маръёс ми кие сюремын, дасэтӥ люкетъёслэсь, вытъёс бичанлэсь милемлы сюроно люкетсэ, соослэсь бичатэк кельтӥськомы, – сылало тыос понна бичам выт но венецъёс понна бичам выт но, кудӥз милям вал, – вань та выт тыронъёслэсь соосты мозмытӥськомы. 36Та нуналысен номыр но таос пӧлысь воштэмын уз луы, пумтэм вапумъёс тазьы луоз. 37Талэсь списоксэ лэсьтыны тырше, сое Ионафанлы сётэ, святой гурезьысь тодмо интые понэмын мед луоз шуыса”».
38Димитрий эксэй адӟиз: со азьын музъем чусомиз, номыр но солы ӧз пумитъяськы, соку со вань ожгарчиоссэ бертыны лэзиз, ваньзэс асьсэлэн доразы, мурт калыкъёс пӧлысь, мукет калыкъёслэн шормуӵъёсысьтызы, медъям ожгарчиосты сяна, та понна ик атайёсызлэн вань ожгарчиоссы сое синазькыль каризы. 39Александрлэн одӥгез азьвыл палаз пырисез, Трифон, вань ожгарчиослэсь Димитрий вылэ ӝожтӥськыса улэмзэс адӟиз но Емалкуй араб пи доры мынӥз, со Александрлэсь пичи пизэ, Антиохез, быдэ вуттыса улӥз; 40Емалкуй Антиохез солэн кияз мед сётоз шуыса, Трифон ёртӥз, атаезлэн интыяз сое эксэй карон понна; Емалкуйлы со ваньзэ вераз, мар кариз Димитрий, кызьы сое ожгарчиос синазькыль каро; отын со трос нуналъёс улӥз.
41Димитрий эксэйлы Ионафан курон лэзиз: Иерусалимысь изкар пушкы, юнматэм каръёсы кельтэм ожгарчиоссэ мед поттоз, – соос Израиль вылэ ӵем урдскыло уго. 42Димитрий Ионафанлы тазьы вераны ыстӥз: «Тыныд но тынад калыкедлы тае гинэ уг лэсьты, тонэ но, тынэсьтыд калыктэ но сӥё-буро каро, тупамон дыр вуиз ке. 43Нош али шонер уж лэсьтод, ожмаськон нуыны ас калыктэ мон доры ыстӥд ке, уго вань ожгарчиосы мон бордысь палэнскизы». 44Ионафан со доры Антиохияе куинь сюрс кышкасьтэм воргоронъёсты ыстӥз, соос эксэй доры вуизы, эксэй соослэн лыктэмзылы шумпотӥз. 45Нош город шоры люкаськем калык, ог сю кызь сюрс мурт, эксэез виыны ӧдъяло вал. 46Соку эксэй изкарысь юртаз пегӟиз, калык ас городысьтыз вань ульчаосты киулаз басьтӥз но бугыръяськыны кутскиз. 47Соку эксэй иудейёсты юрттӥськыны ӧтиз, соос со куспын ик эксэй доры люкаськизы но, быдэс городэ пазьгиськыса, со нуналэ ог сю сюрс муртэ, городын улӥсьёсты, виизы, 48город пушкы тыл понӥзы, со нуналэ трос ваньбур люказы, эксэез утизы. 49Городын улӥсьёс адӟизы: иудейёс городэз киултӥзы, кызьы соослы кулэ вал, озьы соин карылӥзы; соку мылкыдзы куашказ но, эксэйлы тэльмырыса вазиськизы, соос шуизы: 50«Милемлы бур кидэ сёт, ми вылэ, городмы вылэ урдскылэмысь иудейёс мед дугдозы». 51Ожмаськон тӥрлыкъёссэс куязы но тупаса улыны кыл сётӥзы. Эксэй азьын иудейёс данэ потӥзы, солэн кун-эксэйлыкезлэн вань калыкез азьын но, ожысь поттэм трос ваньбурен соос Иерусалиме берытскизы. 52Димитрий эксэй ас кун-эксэйлыкезлэн пукон вылаз пуксиз, со азьын музъем каньылэн улӥз. 53Нош со мар гинэ сӥзьыса ӧз вера, ваньзэ ӧрекчаса верам, Ионафанлэсь куштӥськиз, солы ӟеч лэсьтэм понназ пунэмзэ ӟечен ӧз берыкты, Ионафанэз туж ёртыса-ӝикатыса возиз. 54Та бере Трифон берытскиз, соин ӵош Антиох но, со туж пинал вал на; со эксэе пуксиз, ас вылаз эксэй изьы понӥз. 55Димитрийлэн доразы бертыны лэзем вань ожгарчиосыз Антиох доры люкаськизы, Димитриен ожмаськыны кутскизы, со чигнаса кошконо луиз, сое вормизы. 56Трифон, слонъёсты кутыса, Антиохияез киултӥз. 57Егит Антиох Ионафанлы таӵе кылъёс вераса гожтӥз: «Тонэ архиерее юнматӥсько, ньыль улосвылъёслы кивалтӥсь карисько, эксэйлэн эшъёсыз радэ пырод». 58Солы зарни сосудъёс, сиён-юон тӥрлык ыстӥз, зарни сосудысь юыны, эксэй дӥськут, зарни бычы#11:58 бычы – пряжка нуллыны эрик сётӥз, 59нош солэсь Симон агайзэ Тирысен кутскыса Египетозь кыстӥськись улосвыллы ож ужен кивалтӥсе пуктӥз. 60Ионафан ожгарчиосыныз сюрес вылэ потӥз, Иордан шурлэн мукет палтӥз мынӥз, городъёс пыр ортчылӥз, солы юрттӥськыны вань сири ожгарчиос люкаськизы; Аскалон кар доры вуиз но, отын улӥсьёс сое сӥё-дано пумитазы. 61Отысен со Газае мынӥз, нош Газаын улӥсьёс ворсаськизы, – соку Ионафан та городэз котыртӥз но солэсь дуръёссэ тылын сутӥз, тырттэм кельтӥз. 62Газаын улӥсьёс Ионафанлы тэльмырыса вазиськизы но, со соосын тупатскиз, соослэн кивалтӥсьёссылэсь пиоссэс киулаз басьтӥз, соосты Иерусалиме нуытӥз, та кунэз пыр потыса, Дамаске вуиз.
63Ионафан кылӥз: Димитрийлэн ожен кивалтӥсьёсыз трос-трос ожгарчиосын Галилеяысь Кадисэ вуизы сое отысь уллян понна. 64Нош со соослэн пумитазы мынӥз, аслэсьтыз Симон агайзэ ас шаераз кельтӥз. 65Симон аслэсьтыз лагерьзэ Вефсура вӧзы интыяз, трос нуналъёс ӵоже сое котыртэмын возиз, пытсаз сое. 66Солэсь тупаса улон куризы но, со соглаш луиз, нош ачиз соосты отысь улляса лэзиз, городэз киултӥз, отчы возьмаськисьёсты пуктӥз. 67Нош Ионафан ожгарчиосыныз Геннисарет ву дуре лагерьзэс пуктӥзы, ӵукна Насор ӵошалэ султӥзы. 68Тани, мурт калыклэн ожгарчиосыз ӵошалысен соин пумиськизы, солы пумит гурезьёсы ватӥськыса улӥсь ожгарчиоссэс кельтӥзы, нош асьсэос мукет палтӥз солэн пумитаз мынӥзы. 69Ватӥськыса улӥсьёс ас интыосысьтызы потӥзы но ожмаськыны кутскизы; Ионафанэн ӵош ветлӥсьёс ваньзы пегӟыса кошкыны кутскизы, 70соос пӧлысь, Авессаломлэн Маттафия пиез но Халфийлэн Иуда пиез сяна, ожмаськись отрядъёслэн та кык кивалтӥсьёссы сяна, одӥгез но ӧз кыльы. 71Соку Ионафан вылысьтыз дӥськутсэ ӵажак кесиз но, йыр вылаз сюй-тузон пызьнаса, вӧсяськыны кутскиз. 72Собере соосын ожмаськон понна берытскиз, соосты погыръяз но, соос бызьыса кошкыны кутскизы. 73Тае адӟыса, со дорысь пегӟемъёс со доры берытскизы, соин ӵош Кадис дорозь соос сьӧры уйиськыса мынӥзы, лагерьзы дорозь, отчы дугдӥзы. 74Со нуналэ мурт калык пӧлысь ог куинь сюрс ожгарчиос виемын вал; соку Ионафан Иерусалиме берытскиз.
Currently Selected:
Маккавейёслэн 1-тӥ книгазы 11: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
Маккавейёслэн 1-тӥ книгазы 11
11
11-тӥ ЛЮКЕТ
1Нош со виын Египетлэн эксэез туж трос ожгарчиос люказ, зарезь дурысь луо мында вал соос, трос корабльёс люказ, Александр эксэйлэсь кун-эксэйлыксэ кескич амалэн киултыны но аслазэныз огазе карыны малпаз. 2Небыт-лякыт кылъёсын вераськыса, со Сирияе пыриз, отын улӥсьёс, кар капкаоссэс усьтылыса, сое пумитаны потылӥзы, уго Александр эксэй косӥз сое пумитаны, малы ке шуоно со Александрлэн варматаез вал. 3Городъёс пушкы пырылэм бераз Птоломей отчы, котькудаз городэ, ожгарчиоссэ возьмаськыны кельтылӥз. 4Азот доры вуэм бераз солы Дагонлэсь сутэм куалазэ возьматӥзы, Азотэз но со котырысь мукет куашкатэм городъёсты, ожмаськон дыръя виылэм, сутэм мугоръёсты возьматӥзы, уго солэн лыктон сюрес дураз соосты люкен-люкен тырылӥзы. 5Мар лэсьтӥз Ионафан, со вылэ урттылӥськыса, ваньзэ эксэйлы веразы, нош эксэй номыр но ӧз вазьы. 6Соку Ионафан Египет эксэйлэн пумитаз Иоппияе сое сӥлы карыны потӥз; огзэс огзы ӟечкылазы но отын ик кӧлӥзы. 7Эксэен ӵош Ионафан Елевфера нимо шур дорозь мынӥз, нош собере Иерусалиме берытскиз. 8Нош Птоломей эксэй зарезь дурысь городъёсты зарезь дурысь Селевкиозь ас киулаз басьтӥз, Александрлы пумит лек малпанъёс сюлмаз возиз. 9Димитрий эксэй доры аслэсьтыз адямиоссэ тазьы вераны ыстӥз: «Лыкты татчы, кусыпъёсмес юнматомы, мон тыныд Александр киысь нылме сёто, соку тон атаедлэн кун-эксэйлыказ эксэй луод. 10Мон жалясько-ӧкынӥсько Александрлы нылме сётӥ шуыса, уго со монэ виыны малпа вал». 11Тазьы со Александр сярысь ӧвӧлтэм кылъёс вераса улӥз, солэн аслаз солэсь эксэйлыксэ киултэмез потэ вал. 12Александр киысь нылзэ талаз но Димитрийлы сётӥз, озьы со Александрлы мурт адями луиз, – тушмонъяськыса улонзы шарае потӥз. 13Птоломей Антиохияе пыриз но аслаз йыр вылаз кык эксэй изьыосты понӥз – Азиялэсь но, Египетлэсь но. 14Со вакытэ Александр эксэй Киликияын вал, малы ке шуоно отын улӥсьёс солэн киулысьтыз мозмытскыны малпазы. 15Птоломейлэн лэсьтэм ужъёсыз сярысь кылэм бераз Александр солы пумит ожмаськыны мынӥз; соку Птоломей ожгарчиоссэ поттӥз но бадӟым кужымен сое пумитаз, улляса лэзиз. 16Александр Аравияе отын ватӥськыса улон понна пегӟиз, нош Птоломей эксэй вылэ ӝутскиз. 17Араб пи, Завдиил, Александрлэсь йырзэ ӵогиз но Птоломейлы келяз. 18Нош Птоломей эксэй куинь нунал ортчыса кулӥз, изкаръёс пушкы кылем ожгарчиоссэ изкаръёсын улӥсьёс виылӥзы. 19Сю куатьтон сизьыметӥ арын Димитрий эксэе пуксиз.
20Со нуналъёсы Ионафан иудейёсты люказ Иерусалимысь изкарез киултон понна, со азе трос борддор куашкатъян машинаосты пуктылӥз. 21Нош куд-огез законлэсь куштӥськем муртъёс, ас калыксэс адӟемпотостэм карисьёс, эксэй доры мынӥзы но урттылӥськизы, Ионафан изкарез котыртэ шуыса. 22Тае кылэм бераз со вожзэ поттӥз но дыртыса Птолемаидае кошкиз, Ионафанлы гожтэт келяз, изкарез котыртыса медаз, пе, улы, ӝоггес Полемаидае пумиськыны но отын вераськонъёс ортчытыны мед, пе, лыктоз. 23Нош Ионафан та куронэз кылзӥз ке но, косон сётӥз: изкарез котыртыса воземысь дугдоно ӧвӧл; израиль тӧроос, священникъёс пӧлысь куд-огзэ бырйыса, ассэ кышкытлык киулэ сётӥз. 24Азвесь, зарни, дӥськут, трос мукет кузьымъёс басьтыса, со Птолемаидае эксэй доры мынӥз но, эксэй сое ӟеч мылкыдын пумитаз. 25Солэн калыкез пушкысь ик законлэсь куштӥськемъёс Ионафан вылэ ӧвӧлтэм кылъёс вераллязы ке но, 26нош эксэй солы озьы ик лэсьтӥз, кызьы солэн азьпаласьтыз эксэйёс солы лэсьтылӥзы: вань эшъёсыз азьын сое вылӥе ӝутӥз, 27сое архиерее юнматӥз, солэсь мукетъёссэ но азьвыл басьтэм сӥё-дано нимъёссэ юнматӥз, сое самой матысь эшъёсыз пӧлы пыртӥз. 28Ионафан эксэйлэсь куриз Иудеяез но куинь улосвылъёсты, Самарияез выт тыронъёслэсь мозмытыны, со понна со куинь сю талант тырыны кыл сётӥз. 29Эксэй соглаш луиз, Ионафанлы та пумысен таӵе пуштросэн гожтэт ыстӥз: 30«Димитрий эксэй Ионафан братлы, иудей калыклы – шумпотоно. 31Тӥ сярысь Ласфен ӵыжы-выжымылы вераса гожтэм гожтэтмылэсь списоксэ тӥледлы но ыстӥськомы, тӥ но мед тододы. 32”Димитрий эксэй Ласфен атайлы – шумпотоно. 33Иудей калыклы – эшъёсмылы, асьсэлэсь ми азьын быдэсъяны кулэ ужъёссэс шонер быдэсъясьёслы – ми малпамы соослэн милемыз гажаса улэмзы понна соослы ӟеч уж лэсьтыны. 34Кызьы ке Иудеяез, озьы ик мукет куинь улосвылъёсты – Аферемаез, Лиддаез но Рамафемез котыр музъемъёсынызы валче – Иерусалимын курбон сётӥсьёслэн ваньбурзы луэ шуыса ми юнматӥськомы, соос, Самария бордысь басьтыса, Иудея борды юнматэмын; музъемлэн емышъёсыз понна, писпуын будӥсь емышъёс понна азьвыл аръёсы эксэйлэсь арлы быдэ бичам вытсэ, 35ваньзэ мукетъёссэ но, та виысен маръёс ми кие сюремын, дасэтӥ люкетъёслэсь, вытъёс бичанлэсь милемлы сюроно люкетсэ, соослэсь бичатэк кельтӥськомы, – сылало тыос понна бичам выт но венецъёс понна бичам выт но, кудӥз милям вал, – вань та выт тыронъёслэсь соосты мозмытӥськомы. 36Та нуналысен номыр но таос пӧлысь воштэмын уз луы, пумтэм вапумъёс тазьы луоз. 37Талэсь списоксэ лэсьтыны тырше, сое Ионафанлы сётэ, святой гурезьысь тодмо интые понэмын мед луоз шуыса”».
38Димитрий эксэй адӟиз: со азьын музъем чусомиз, номыр но солы ӧз пумитъяськы, соку со вань ожгарчиоссэ бертыны лэзиз, ваньзэс асьсэлэн доразы, мурт калыкъёс пӧлысь, мукет калыкъёслэн шормуӵъёсысьтызы, медъям ожгарчиосты сяна, та понна ик атайёсызлэн вань ожгарчиоссы сое синазькыль каризы. 39Александрлэн одӥгез азьвыл палаз пырисез, Трифон, вань ожгарчиослэсь Димитрий вылэ ӝожтӥськыса улэмзэс адӟиз но Емалкуй араб пи доры мынӥз, со Александрлэсь пичи пизэ, Антиохез, быдэ вуттыса улӥз; 40Емалкуй Антиохез солэн кияз мед сётоз шуыса, Трифон ёртӥз, атаезлэн интыяз сое эксэй карон понна; Емалкуйлы со ваньзэ вераз, мар кариз Димитрий, кызьы сое ожгарчиос синазькыль каро; отын со трос нуналъёс улӥз.
41Димитрий эксэйлы Ионафан курон лэзиз: Иерусалимысь изкар пушкы, юнматэм каръёсы кельтэм ожгарчиоссэ мед поттоз, – соос Израиль вылэ ӵем урдскыло уго. 42Димитрий Ионафанлы тазьы вераны ыстӥз: «Тыныд но тынад калыкедлы тае гинэ уг лэсьты, тонэ но, тынэсьтыд калыктэ но сӥё-буро каро, тупамон дыр вуиз ке. 43Нош али шонер уж лэсьтод, ожмаськон нуыны ас калыктэ мон доры ыстӥд ке, уго вань ожгарчиосы мон бордысь палэнскизы». 44Ионафан со доры Антиохияе куинь сюрс кышкасьтэм воргоронъёсты ыстӥз, соос эксэй доры вуизы, эксэй соослэн лыктэмзылы шумпотӥз. 45Нош город шоры люкаськем калык, ог сю кызь сюрс мурт, эксэез виыны ӧдъяло вал. 46Соку эксэй изкарысь юртаз пегӟиз, калык ас городысьтыз вань ульчаосты киулаз басьтӥз но бугыръяськыны кутскиз. 47Соку эксэй иудейёсты юрттӥськыны ӧтиз, соос со куспын ик эксэй доры люкаськизы но, быдэс городэ пазьгиськыса, со нуналэ ог сю сюрс муртэ, городын улӥсьёсты, виизы, 48город пушкы тыл понӥзы, со нуналэ трос ваньбур люказы, эксэез утизы. 49Городын улӥсьёс адӟизы: иудейёс городэз киултӥзы, кызьы соослы кулэ вал, озьы соин карылӥзы; соку мылкыдзы куашказ но, эксэйлы тэльмырыса вазиськизы, соос шуизы: 50«Милемлы бур кидэ сёт, ми вылэ, городмы вылэ урдскылэмысь иудейёс мед дугдозы». 51Ожмаськон тӥрлыкъёссэс куязы но тупаса улыны кыл сётӥзы. Эксэй азьын иудейёс данэ потӥзы, солэн кун-эксэйлыкезлэн вань калыкез азьын но, ожысь поттэм трос ваньбурен соос Иерусалиме берытскизы. 52Димитрий эксэй ас кун-эксэйлыкезлэн пукон вылаз пуксиз, со азьын музъем каньылэн улӥз. 53Нош со мар гинэ сӥзьыса ӧз вера, ваньзэ ӧрекчаса верам, Ионафанлэсь куштӥськиз, солы ӟеч лэсьтэм понназ пунэмзэ ӟечен ӧз берыкты, Ионафанэз туж ёртыса-ӝикатыса возиз. 54Та бере Трифон берытскиз, соин ӵош Антиох но, со туж пинал вал на; со эксэе пуксиз, ас вылаз эксэй изьы понӥз. 55Димитрийлэн доразы бертыны лэзем вань ожгарчиосыз Антиох доры люкаськизы, Димитриен ожмаськыны кутскизы, со чигнаса кошконо луиз, сое вормизы. 56Трифон, слонъёсты кутыса, Антиохияез киултӥз. 57Егит Антиох Ионафанлы таӵе кылъёс вераса гожтӥз: «Тонэ архиерее юнматӥсько, ньыль улосвылъёслы кивалтӥсь карисько, эксэйлэн эшъёсыз радэ пырод». 58Солы зарни сосудъёс, сиён-юон тӥрлык ыстӥз, зарни сосудысь юыны, эксэй дӥськут, зарни бычы#11:58 бычы – пряжка нуллыны эрик сётӥз, 59нош солэсь Симон агайзэ Тирысен кутскыса Египетозь кыстӥськись улосвыллы ож ужен кивалтӥсе пуктӥз. 60Ионафан ожгарчиосыныз сюрес вылэ потӥз, Иордан шурлэн мукет палтӥз мынӥз, городъёс пыр ортчылӥз, солы юрттӥськыны вань сири ожгарчиос люкаськизы; Аскалон кар доры вуиз но, отын улӥсьёс сое сӥё-дано пумитазы. 61Отысен со Газае мынӥз, нош Газаын улӥсьёс ворсаськизы, – соку Ионафан та городэз котыртӥз но солэсь дуръёссэ тылын сутӥз, тырттэм кельтӥз. 62Газаын улӥсьёс Ионафанлы тэльмырыса вазиськизы но, со соосын тупатскиз, соослэн кивалтӥсьёссылэсь пиоссэс киулаз басьтӥз, соосты Иерусалиме нуытӥз, та кунэз пыр потыса, Дамаске вуиз.
63Ионафан кылӥз: Димитрийлэн ожен кивалтӥсьёсыз трос-трос ожгарчиосын Галилеяысь Кадисэ вуизы сое отысь уллян понна. 64Нош со соослэн пумитазы мынӥз, аслэсьтыз Симон агайзэ ас шаераз кельтӥз. 65Симон аслэсьтыз лагерьзэ Вефсура вӧзы интыяз, трос нуналъёс ӵоже сое котыртэмын возиз, пытсаз сое. 66Солэсь тупаса улон куризы но, со соглаш луиз, нош ачиз соосты отысь улляса лэзиз, городэз киултӥз, отчы возьмаськисьёсты пуктӥз. 67Нош Ионафан ожгарчиосыныз Геннисарет ву дуре лагерьзэс пуктӥзы, ӵукна Насор ӵошалэ султӥзы. 68Тани, мурт калыклэн ожгарчиосыз ӵошалысен соин пумиськизы, солы пумит гурезьёсы ватӥськыса улӥсь ожгарчиоссэс кельтӥзы, нош асьсэос мукет палтӥз солэн пумитаз мынӥзы. 69Ватӥськыса улӥсьёс ас интыосысьтызы потӥзы но ожмаськыны кутскизы; Ионафанэн ӵош ветлӥсьёс ваньзы пегӟыса кошкыны кутскизы, 70соос пӧлысь, Авессаломлэн Маттафия пиез но Халфийлэн Иуда пиез сяна, ожмаськись отрядъёслэн та кык кивалтӥсьёссы сяна, одӥгез но ӧз кыльы. 71Соку Ионафан вылысьтыз дӥськутсэ ӵажак кесиз но, йыр вылаз сюй-тузон пызьнаса, вӧсяськыны кутскиз. 72Собере соосын ожмаськон понна берытскиз, соосты погыръяз но, соос бызьыса кошкыны кутскизы. 73Тае адӟыса, со дорысь пегӟемъёс со доры берытскизы, соин ӵош Кадис дорозь соос сьӧры уйиськыса мынӥзы, лагерьзы дорозь, отчы дугдӥзы. 74Со нуналэ мурт калык пӧлысь ог куинь сюрс ожгарчиос виемын вал; соку Ионафан Иерусалиме берытскиз.
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016