Маккавейёслэн 1-тӥ книгазы 10
10
10-тӥ ЛЮКЕТ
1Сю куатьтонэтӥ арын Антиох Епифанлэн Александр пиез ӝутскиз но Птолемаидаез киултӥз: сое кабыл басьтӥзы, отчы со эксэе пуксиз. 2Та сярысь Димитрий эксэй кылӥз но, туж бадӟым армия люкаса, солэн пумитаз ожен потӥз. 3Димитрий Ионафанлы тупаса улон сярысь гожтэт ыстӥз, сое вылӥе ӝутыны малпаса кадь, 4уго шуэ вал: «Александрлэсь асьмелы пумит соин кусып кылдытэмлэсь азьлогес соин тупаса улон сярысь кыл гожтомы: 5соку Ионафан солы но солэн агай-вынъёсызлы, калыкезлы лэсьтэм вань урод ужъёсмес тодаз ваёз уго». 6Ожгарчиосты люканы, ожмаськон тӥрлыкъёсты дасяны Димитрий Ионафанлы эрик сётӥз соин огкылын улӥсь луон понна; пленэ шедьыса изкар пушкын улӥсьёсты солэн киулаз сётыны косӥз. 7Ионафан Иерусалиме лыктӥз но вань калыклы, изкар пушкын улӥсьёслы но кылӥськымон гожтэтэз шара лыдӟиз, – 8ваньзы туж но туж куалектӥзы, ожгарчиосты люканы эксэй солы эрик сётӥз шуыса солэсь верамзэ кылэм беразы; 9нош изкар пушкын улӥсьёс пленэ шедемъёсты Ионафан кие сётӥзы, нош со соосты анай-атайёссы доры бертыны косӥз. 10Ионафан Иерусалимын улӥз; городэз выльдыны, пуктылӥськыны кутскиз. 11Ужъёсты быдэсъясьёслы со шуиз: «Сӥон гурезь котыртӥ но борддоръёс мед ӝутозы, – юнгес карон понна ньыль сэрего изъёслэсь сое тыроно», – озьы ик лэсьтӥзы. 12Соку Вакхидлэн пуктэм изкаръёсаз улӥсь мурт выжыысь калыкъёс пегӟыса кошкизы: 13котькудзы асьсэ интызэс кельтӥзы но ас музъемазы кошкизы. 14Вефсурае гинэ законэз, курон-косонъёсты кулэтэм карисьёс пӧлысь куд-огез кылиз, уго та инты соослы ватӥськон интылы пӧрмиз. 15Александр эксэй кылӥз Димитрийлэсь Ионафанлы кыл сётонъёсын ыстэм гожтэтэз сярысь, солы веразы ожъёс сярысь, Ионафанлэн, агай-вынъёсызлэн ожъёс дыръя кышкасьтэм луэмзы, секытлыкъёсты чидамзы сярысь. 16Соку со шуиз: «Та кадьзэ пиосмуртэз шедьтомы на меда? Сое асьмелы эш, асьмемын огкылын улӥсь каромы». 17Таӵе кылъёс вераса, гожтэт гожтыса келяз: 18«Александр эксэй Ионафан братлы – шумпотоно. 19Ми кылӥмы, тон кужмо воргорон, милемлы эш луыны ярамон адями луиськод шуыса. 20Туннэ нуналысен ми тонэ ас калыкедлы архиерей карыса пуктӥськомы; эксэйлэн эшез шуыса тон нимаськод (Александр солы эксэй дӥсь но зарни венец изьы ыстӥз), ми пала дурбасьтод, милемын эшъяськыса улод». 21Тылыс Пуктон празднике, сю куатьтонэтӥ арлэн сизьыметӥ толэзяз, Ионафан священной дӥськутэз дӥсяз; ожгарчиосты люказ, трос ожмаськон тӥрлык дасяз. 22Та сярысь Димитрий кылӥз но ӝоже усьыса шуиз: 23«Мар ми лэсьтӥмы: Александр асьмеды азьпалтӥз, – аслыз кужым басьтон понна иудейёсын эшъяськон кусып кылдытӥз? 24Мон но соослы ӟечкылан, ушъян, сӥзиськон кылъёс гожто, соос мыным мед юрттозы шуыса». 25Таӵе кылъёс вераса, гожтэт келяз: «Димитрий эксэй иудей калыклы – шумпотоно. 26Ми кылӥмы но шумпотӥмы, асьмелэсь огкыл гожтэмъёсмес утиськоды, милемын эшъяськыса улӥськоды, тушмонъёсмы пала уд кариськиське шуыса. 27Али но, берло но ми понна оскиськымонэсь луэ, – соку ми милемлы лэсьтэм ужъёсты понна пунэмзэ ӟечен берыктомы: 28трос вытъёстэс куштомы, тӥледлы кузьымъёс сётъяломы. 29Нош туннэ мон тӥледлы эрик сётӥсько, вань иудейёсты выт тыронлэсь, сылал понна, венец изьыос понна бичаськись вытъёслэсь мозмытӥсько; 30ю кидыслэсь куинетӥ люкетсэ, писпуын будӥсь емышъёстылэсь ӝыны люкетсэ – тӥлесьтыд мыным тыроно выттэс – али но, азьланяз но уг ни бича, та выт бичанлэсь Иудеяез но куинь улосвылъёсты туннэ нуналысен кутскыса пумтэм вапумъёс ӵожелы мозмытӥсько, со Самарияен Галилеяе интыяськем куинь улосвылъёсты али Иудея музъемен огазе карисько. 31Иерусалим святой город шуыса мед лыдъяськоз, со но, солэн ёросэз но выт тыронъёслэсь мозмытэмын мед луозы, отчы калыклэн ваем дасэтӥ люкетъёсыз понна но, басьтэм табышез понна но со выт тырыны кулэ ӧвӧл. 32Иерусалимысь изкарез но тӥляд киулады сётӥсько, архиерейлы эрик сётӥсько сое возьманы со ачиз адямиосты бырйыса мед пуктылоз; 33Иудей музъемысь пленэ басьтэм, быдэс кун-эксэйлыкам улӥсь котькудзэ иудеез дун тырытытэк эрике лэзисько: асьсэ понна, пудозы понна выт тыронъёслэсь ваньзы мозмытэмын мед луозы. 34Вань праздникъёс, субботаос, выль толэзь потон нуналъёс, кутэм-юнматэм нуналъёс – куинь нунал праздниклэсь азьло, куинь нунал праздник бере – вань та нуналъёс мынам кун-эксэйлыкам улӥсь вань иудейёс понна выт тырытонъёслэсь мозмытскон нуналъёс мед луозы. 35Нокыӵе ужъёсын но соос пӧлысь одӥгзэс но ӝикатыса, ёртыса возьыны нокинлэн но правоез уз луы. 36Иудейёс пӧлысь куамын сюрс мурт эксэйлэн армияз гожтӥськыны быгатоз, – эксэйлэн ожгарчиосыныз огмында соослы уждун тыриськоз. 37Соос пӧлысь адямиос эксэйлэн бадӟымесь изкаръёсаз интыямын мед луозы, оскиськымон луонэз кулэ карись кун-эксэйлыклэсь ужъёссэ быдэсъясьёс радэ но пуктэмын мед луозы, кивалтӥсьёссы, эскерись-чакласьёссы но соос пӧлысь ик потэмъёс мед луозы, Иудей музъемын кызьы улыны эксэй косӥз, соос асьсэ законъёссыя мед улозы. 38Самария кун бордысь люкыса, Иудея борды карем куинь улосвылъёс Иудея бордын ик мед возиськозы, одӥг кун кадь мед улозы, архиерейлэн кивалтонэзлы сяна, мукет кузёослы тэрытскыса медаз улэ. 39Птолемаидаез котырысьтыз ёросэн валче Иерусалимысь вӧсяськон интылы кузьым карыса сётӥсько, вӧсяськон интылы мар кулэ, сое-тае октыны мед быгатозы шуыса сётӥсько; 40нош мон арлы быдэ выт бичаськись интыосысь эксэйлэн бичамъёсыз пӧлысь дас вить сюрс азвесь сӥклез сётӥсько. 41Азьвыл аръёсы выт бичам пӧлысь мае та ужен кивалтӥсьёс ӧз сётэ, та дырысен кутскыса храмын ужъёсты быдэсъянлы сётэмын луоз. 42Со сяна арлы быдэ вӧсяськон интыын бичам ваньбур пӧлысь вить сюрс азвесь сӥклез кивалтӥсьёссы басьтыло вал, нош азьланяз со уксёез тӥлесьтыд ум ни куре, со уго ужась-тыршись священникъёслэн люкетсы мед луоз. 43Эксэйлы выт тырон пумысен, кинлы ке мукетызлы пунэмо луэм пумысен Иерусалимысь храме, солэн вань люкетъёсаз пегӟемъёс – ваньзы, мынам эксэйлыкам соослэн марзы вань, вань тыронъёслэсь мозмытэмын мед луозы. 44Вӧсяськон интыез пуктыны, выльдыны коньдон эксэйлэн выт бичамъёсыз пӧлысь висъямын луоз. 45Иерусалимлэсь борддоръёссэ ӝутыны, котыр ласянь соосты юнматыны – коньдон эксэйлэн ваньбур люкамез пӧлысь висъямын луоз, озьы ик – Иудеяысь борддоръёсты ӝутонлы но». 46Ионафан но, калык но та кылъёсты кылзэмзы бере ӧз оске, соосты кабыл ӧз басьтэ, уго тодазы вайизы Димитрийлэсь израиль калыклы туж бадӟым куректон-кайгуос ваемзэ, туж ёртыса-ӝикатыса воземзэ. 47Мылкыд каризы Александрен кусып возьыны, уго со нырысь ик ӵектӥз тупаса улыны, – вань нуналъёсы, ожмаськонъёс дыръя солы юрттӥськылӥзы.
48Александр эксэй, трос ожгарчиосты люкаса, Димитрий вылэ урдскиз. 49Кык эксэйёс ожмаськыны кутскизы, Димитрийлэн ожгарчиосыз чигнаса пегӟыны кутскизы; Александр со бӧрсьы уйиськыса мынӥз но вормиз сое. 50Шунды пуксьытозь со вань кужымзэ поныса ожмаськиз, – та нуналэ Димитрий кулӥз.
51Та бӧрсьы Александр Египетлэн Птоломей эксэез доры адямиоссэ ыстӥз, таӵе кылъёс вераны косыса: 52«Мон кун-эксэйлыкелэн музъем вылаз берытски но атайёсылэн престол вылазы пукси, вылӥ кивалтэтэз киям басьтӥ, Димитриез быдтӥ но асьме кунлэн кузёез луи. 53Мон соин ожмаськыны кутски, сое ми, солэсь армизэ но пазьгимы, солэн кун-эксэйлыкезлэн престол вылаз пуксимы. 54Ойдо табере куспамы эшъяськыса улон сярысь кыл гожтомы, тон нылдэ мыным кышнолы сёт, мон тыныд эмеспи луо, со понна тыныд но, солы но ярамон кузьымъёс сёто». 55Ответ сётыса, Птоломей эксэй шуиз: «Атайёсыдлэн музъемазы берытскыса, соослэн эксэйлыксылэн пукон вылаз пуксёнэд шудо нунал луиз. 56Мар сярысь тон гожъяд, табере мон сое быдэсто, но тон мон доры Птолемаидае али пот, ог-огенымы адӟиськыны мед быгатомы; кызьы тон курид вал, тонэн ӵыжы-выжыяськыны соглаш луисько». 57Птоломей ачиз Клеопатра нылыныз ӵош Египетысь потӥз но сю куатьтон кыкетӥ арын Птолемаидае вуизы. 58Александр эксэй сое пумитаз но, Птоломей эксэй Клеопатра нылзэ солы кышнолы сётӥз, Птолемаидаын соос кузпалъяськизы но, кызьы лэсьто эксэйёс, туж шукырес сюан ортчытӥзы. 59Александр эксэй Ионафанлы но гожтэт ыстӥз, куриз сое пумитаны потыны. 60Ионафан Птолемаидае шукырес дасяськыса мынӥз – кыкезлэн ик эксэйлэн дораз лыктыса возьматскиз, соослы кузьымъёс сётъяз, матысьёссылы но зарни, азвесь, трос кузьымъёс сётъяз, соос ӟеч мылзэс-кыдзэс солы возьматӥзы. 61Нош Израильысь лек сямо воргоронъёс, законлы пумитъяськыса улӥсь воргоронъёс, солы пумит султӥзы сое сантэман понна; нош эксэй соосты санэ ӧз поны. 62Эксэй косӥз, Ионафанлэсь выл дӥськутсэ кыльыса, эксэй дӥськут дӥсяны, – озьы ик лэсьтӥзы. 63Эксэй сое асэныз артэ пуктӥз но кивалтӥсьёсызлы шуиз: «Соин ӵош городлэн шораз потыса ялэ: нокин но, нокыӵе ужен со сярысь урод кыл вераны медаз дӥсьты, нокин но, нокыӵе ужен но сое медаз сюлэмшугъяськыты». 64Со сярысь ик кыл вӧлдӥсьёс солэсь данлыксэ адӟыса, кыӵе со вылэ ӝутэмын вал, кызьы со эксэй дӥськутэн дӥсямын вал, – ваньзы бызьылыса пегӟыны кутскизы. 65Тазьы эксэй сое данэ поттӥз, сое самой матысь эшъёсыз пӧлы пыртӥз, ож ужен кивалтӥсь кариз, улосвылэн кивалтӥсе пуктӥз. 66Каньыллыкен, шулдыр мылкыдын Ионафан Иерусалиме берытскиз.
67Нош сю куатьтон витетӥ арын Критысь атайёсызлэн музъемаз вуиз Димитрийлэн пиез, Димитрий. 68Александр эксэй та сярысь кылӥз но ӝоже усиз, Антиохияе берытскиз. 69Келе-Сириялэсь кивалтӥсьсэ, Аполлониез, Димитрий ож ужен кивалтӥсе пуктӥз, – со бадӟым армия люказ но Иамния вӧзы лагерьзэ пуктӥз, Ионафан архиерей доры тазьы вераны ыстӥз: 70«Тон одӥгнад гинэ астэ милесьтым вылӥе пуктыса улӥськод, нош мон тон пыр серекъян-веранлы пӧрми, сантэман улэ сюри. Малы тон милемлы пумит гурезьёсын сылӥськод? 71Аслад ожмаськон кужымъёсыдлы оскиськыса сылӥськод ке, ми доры, ӵошалэ васькы, отын асьмеос кужыммес мерталомы, уго монэн ӵош городъёсысь люкам ожгарчиос сыло. 72Юаса тод, кин – мон, кинъёс луо мукетъёсыз мыным юрттӥськисьёсы; тыныд вералозы: милям азямы тӥ сылыны уд чидалэ, уго тынад атайёсыд ас музъем вылысьтызы кык пол улляса лэземын вал. 73Али но тон таӵе ожмаськон валъёслы пумит, ӵошкыт интыын таӵе кужмо армилы пумит сылыны уд чида, отын изъёс но, гурезь висъёс но, ватӥськон интыос но ӧвӧл». 74Аполлонийлэсь таӵе кылъёссэ Ионафан кылӥз но, мылкыдыныз ӝутскиз: дас сюрс воргоронъёсты кутӥз но Иерусалимысь потӥз, Симон агаез но соин ӵош солы юрттӥськыны мынӥз. 75Иоппия вӧзы лагерьзэ пуктӥз; но сое город пушкы пырыны ӧз лэзе, уго Иоппияын Аполлонийлэн ожмаськисьёсыз сылӥзы, соослы пумит ожмаськыны кутскизы. 76Город пушкысь куалектэм муртъёс солы кар капкаез усьтӥзы но, Ионафан Иоппияез киултӥз. 77Та сярысь кылэм бераз Аполлоний куинь сюрс ожмаськон валъёсты кутӥз, трос ожгарчиосты люказ но Азотэ мынӥз, со пыр ортчыны турттӥсь кадь кариськиз, нош со виын со ӵошкыт азе мынӥз, уго трос вал солэн ожмаськон валъёсыз, соос вылэ со оскиськиз. 78Нош Ионафан Азотозь со сьӧры уйиськыса мынӥз, ваче пумит ожмаськыны кутскизы. 79Со виын ик соослэн бӧрсязы, ышыг интые, Аполлоний сюрс ожмаськон валъёссэ кельтӥз; 80нош Ионафан тодӥз, солэн мышказ ватӥськем ожгарчиос вань шуыса. Солэсь армизэ котыртӥзы, ӵукнаысен ӝытозь калык вылэ пукыӵ ньӧлъёсын ыбылӥзы, 81нош калык Ионафанлэсь косонзэ быдэсъяса сылӥз; пумаз ини тушмонлэн вал вылын ожмаськисьёсыз жадизы. 82Соку Симон, ожгарчиоссэ вайыса, пыдын мынӥсь ожгарчиос вылэ урдскиз, уго вал вылын ожмаськисьёслэн кынарзы быриз, – соосты со пазьгиз но, соос пегӟыса кошкыны кутскизы. 83Вал вылын ожмаськисьёс ӵошал кузя пазьгиськизы, Азотэ пегӟизы, Бетдагонэ, асьсэлэн куалаязы, утиськыны мед быгатозы шуыса пыризы. 84Нош Ионафан Азотэз но, котырысьтыз городъёсты но сутӥз, соослэсь ваньбурзэс бичаз, Дагонлэсь куалазэ отчы пегӟем муртъёсын валче тылын сутӥз. 85Меч улэ быремъёс, тылын ӝуамъёс ог тямыс сюрс мурт люкаськиз. 86Отысь потыса, Ионафан аслэсьтыз лагерьзэ Аскалонлэн ваче бериназ интыяз; городын улӥсьёс, сое туж сӥлы карыса, солэн пумитаз потӥзы. 87Асэныз ӵош ветлӥсьёсын валче Ионафан Иерусалиме берытскиз, трос ваньбур люкаса, татчы вуиз. 88Александр эксэй та ужъёс сярысь кылӥз но нош ик Ионафанэз сӥлы кариз, 89эксэйлэн ӵыжы-выжыосызлы кузьымъёс сётъян сямъя солы зарни бычы ыстӥз, Аккаронэз но со котырысь быдэс ёросэз кузьым карыса, солы люкетлы сётӥз.
Currently Selected:
Маккавейёслэн 1-тӥ книгазы 10: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
Маккавейёслэн 1-тӥ книгазы 10
10
10-тӥ ЛЮКЕТ
1Сю куатьтонэтӥ арын Антиох Епифанлэн Александр пиез ӝутскиз но Птолемаидаез киултӥз: сое кабыл басьтӥзы, отчы со эксэе пуксиз. 2Та сярысь Димитрий эксэй кылӥз но, туж бадӟым армия люкаса, солэн пумитаз ожен потӥз. 3Димитрий Ионафанлы тупаса улон сярысь гожтэт ыстӥз, сое вылӥе ӝутыны малпаса кадь, 4уго шуэ вал: «Александрлэсь асьмелы пумит соин кусып кылдытэмлэсь азьлогес соин тупаса улон сярысь кыл гожтомы: 5соку Ионафан солы но солэн агай-вынъёсызлы, калыкезлы лэсьтэм вань урод ужъёсмес тодаз ваёз уго». 6Ожгарчиосты люканы, ожмаськон тӥрлыкъёсты дасяны Димитрий Ионафанлы эрик сётӥз соин огкылын улӥсь луон понна; пленэ шедьыса изкар пушкын улӥсьёсты солэн киулаз сётыны косӥз. 7Ионафан Иерусалиме лыктӥз но вань калыклы, изкар пушкын улӥсьёслы но кылӥськымон гожтэтэз шара лыдӟиз, – 8ваньзы туж но туж куалектӥзы, ожгарчиосты люканы эксэй солы эрик сётӥз шуыса солэсь верамзэ кылэм беразы; 9нош изкар пушкын улӥсьёс пленэ шедемъёсты Ионафан кие сётӥзы, нош со соосты анай-атайёссы доры бертыны косӥз. 10Ионафан Иерусалимын улӥз; городэз выльдыны, пуктылӥськыны кутскиз. 11Ужъёсты быдэсъясьёслы со шуиз: «Сӥон гурезь котыртӥ но борддоръёс мед ӝутозы, – юнгес карон понна ньыль сэрего изъёслэсь сое тыроно», – озьы ик лэсьтӥзы. 12Соку Вакхидлэн пуктэм изкаръёсаз улӥсь мурт выжыысь калыкъёс пегӟыса кошкизы: 13котькудзы асьсэ интызэс кельтӥзы но ас музъемазы кошкизы. 14Вефсурае гинэ законэз, курон-косонъёсты кулэтэм карисьёс пӧлысь куд-огез кылиз, уго та инты соослы ватӥськон интылы пӧрмиз. 15Александр эксэй кылӥз Димитрийлэсь Ионафанлы кыл сётонъёсын ыстэм гожтэтэз сярысь, солы веразы ожъёс сярысь, Ионафанлэн, агай-вынъёсызлэн ожъёс дыръя кышкасьтэм луэмзы, секытлыкъёсты чидамзы сярысь. 16Соку со шуиз: «Та кадьзэ пиосмуртэз шедьтомы на меда? Сое асьмелы эш, асьмемын огкылын улӥсь каромы». 17Таӵе кылъёс вераса, гожтэт гожтыса келяз: 18«Александр эксэй Ионафан братлы – шумпотоно. 19Ми кылӥмы, тон кужмо воргорон, милемлы эш луыны ярамон адями луиськод шуыса. 20Туннэ нуналысен ми тонэ ас калыкедлы архиерей карыса пуктӥськомы; эксэйлэн эшез шуыса тон нимаськод (Александр солы эксэй дӥсь но зарни венец изьы ыстӥз), ми пала дурбасьтод, милемын эшъяськыса улод». 21Тылыс Пуктон празднике, сю куатьтонэтӥ арлэн сизьыметӥ толэзяз, Ионафан священной дӥськутэз дӥсяз; ожгарчиосты люказ, трос ожмаськон тӥрлык дасяз. 22Та сярысь Димитрий кылӥз но ӝоже усьыса шуиз: 23«Мар ми лэсьтӥмы: Александр асьмеды азьпалтӥз, – аслыз кужым басьтон понна иудейёсын эшъяськон кусып кылдытӥз? 24Мон но соослы ӟечкылан, ушъян, сӥзиськон кылъёс гожто, соос мыным мед юрттозы шуыса». 25Таӵе кылъёс вераса, гожтэт келяз: «Димитрий эксэй иудей калыклы – шумпотоно. 26Ми кылӥмы но шумпотӥмы, асьмелэсь огкыл гожтэмъёсмес утиськоды, милемын эшъяськыса улӥськоды, тушмонъёсмы пала уд кариськиське шуыса. 27Али но, берло но ми понна оскиськымонэсь луэ, – соку ми милемлы лэсьтэм ужъёсты понна пунэмзэ ӟечен берыктомы: 28трос вытъёстэс куштомы, тӥледлы кузьымъёс сётъяломы. 29Нош туннэ мон тӥледлы эрик сётӥсько, вань иудейёсты выт тыронлэсь, сылал понна, венец изьыос понна бичаськись вытъёслэсь мозмытӥсько; 30ю кидыслэсь куинетӥ люкетсэ, писпуын будӥсь емышъёстылэсь ӝыны люкетсэ – тӥлесьтыд мыным тыроно выттэс – али но, азьланяз но уг ни бича, та выт бичанлэсь Иудеяез но куинь улосвылъёсты туннэ нуналысен кутскыса пумтэм вапумъёс ӵожелы мозмытӥсько, со Самарияен Галилеяе интыяськем куинь улосвылъёсты али Иудея музъемен огазе карисько. 31Иерусалим святой город шуыса мед лыдъяськоз, со но, солэн ёросэз но выт тыронъёслэсь мозмытэмын мед луозы, отчы калыклэн ваем дасэтӥ люкетъёсыз понна но, басьтэм табышез понна но со выт тырыны кулэ ӧвӧл. 32Иерусалимысь изкарез но тӥляд киулады сётӥсько, архиерейлы эрик сётӥсько сое возьманы со ачиз адямиосты бырйыса мед пуктылоз; 33Иудей музъемысь пленэ басьтэм, быдэс кун-эксэйлыкам улӥсь котькудзэ иудеез дун тырытытэк эрике лэзисько: асьсэ понна, пудозы понна выт тыронъёслэсь ваньзы мозмытэмын мед луозы. 34Вань праздникъёс, субботаос, выль толэзь потон нуналъёс, кутэм-юнматэм нуналъёс – куинь нунал праздниклэсь азьло, куинь нунал праздник бере – вань та нуналъёс мынам кун-эксэйлыкам улӥсь вань иудейёс понна выт тырытонъёслэсь мозмытскон нуналъёс мед луозы. 35Нокыӵе ужъёсын но соос пӧлысь одӥгзэс но ӝикатыса, ёртыса возьыны нокинлэн но правоез уз луы. 36Иудейёс пӧлысь куамын сюрс мурт эксэйлэн армияз гожтӥськыны быгатоз, – эксэйлэн ожгарчиосыныз огмында соослы уждун тыриськоз. 37Соос пӧлысь адямиос эксэйлэн бадӟымесь изкаръёсаз интыямын мед луозы, оскиськымон луонэз кулэ карись кун-эксэйлыклэсь ужъёссэ быдэсъясьёс радэ но пуктэмын мед луозы, кивалтӥсьёссы, эскерись-чакласьёссы но соос пӧлысь ик потэмъёс мед луозы, Иудей музъемын кызьы улыны эксэй косӥз, соос асьсэ законъёссыя мед улозы. 38Самария кун бордысь люкыса, Иудея борды карем куинь улосвылъёс Иудея бордын ик мед возиськозы, одӥг кун кадь мед улозы, архиерейлэн кивалтонэзлы сяна, мукет кузёослы тэрытскыса медаз улэ. 39Птолемаидаез котырысьтыз ёросэн валче Иерусалимысь вӧсяськон интылы кузьым карыса сётӥсько, вӧсяськон интылы мар кулэ, сое-тае октыны мед быгатозы шуыса сётӥсько; 40нош мон арлы быдэ выт бичаськись интыосысь эксэйлэн бичамъёсыз пӧлысь дас вить сюрс азвесь сӥклез сётӥсько. 41Азьвыл аръёсы выт бичам пӧлысь мае та ужен кивалтӥсьёс ӧз сётэ, та дырысен кутскыса храмын ужъёсты быдэсъянлы сётэмын луоз. 42Со сяна арлы быдэ вӧсяськон интыын бичам ваньбур пӧлысь вить сюрс азвесь сӥклез кивалтӥсьёссы басьтыло вал, нош азьланяз со уксёез тӥлесьтыд ум ни куре, со уго ужась-тыршись священникъёслэн люкетсы мед луоз. 43Эксэйлы выт тырон пумысен, кинлы ке мукетызлы пунэмо луэм пумысен Иерусалимысь храме, солэн вань люкетъёсаз пегӟемъёс – ваньзы, мынам эксэйлыкам соослэн марзы вань, вань тыронъёслэсь мозмытэмын мед луозы. 44Вӧсяськон интыез пуктыны, выльдыны коньдон эксэйлэн выт бичамъёсыз пӧлысь висъямын луоз. 45Иерусалимлэсь борддоръёссэ ӝутыны, котыр ласянь соосты юнматыны – коньдон эксэйлэн ваньбур люкамез пӧлысь висъямын луоз, озьы ик – Иудеяысь борддоръёсты ӝутонлы но». 46Ионафан но, калык но та кылъёсты кылзэмзы бере ӧз оске, соосты кабыл ӧз басьтэ, уго тодазы вайизы Димитрийлэсь израиль калыклы туж бадӟым куректон-кайгуос ваемзэ, туж ёртыса-ӝикатыса воземзэ. 47Мылкыд каризы Александрен кусып возьыны, уго со нырысь ик ӵектӥз тупаса улыны, – вань нуналъёсы, ожмаськонъёс дыръя солы юрттӥськылӥзы.
48Александр эксэй, трос ожгарчиосты люкаса, Димитрий вылэ урдскиз. 49Кык эксэйёс ожмаськыны кутскизы, Димитрийлэн ожгарчиосыз чигнаса пегӟыны кутскизы; Александр со бӧрсьы уйиськыса мынӥз но вормиз сое. 50Шунды пуксьытозь со вань кужымзэ поныса ожмаськиз, – та нуналэ Димитрий кулӥз.
51Та бӧрсьы Александр Египетлэн Птоломей эксэез доры адямиоссэ ыстӥз, таӵе кылъёс вераны косыса: 52«Мон кун-эксэйлыкелэн музъем вылаз берытски но атайёсылэн престол вылазы пукси, вылӥ кивалтэтэз киям басьтӥ, Димитриез быдтӥ но асьме кунлэн кузёез луи. 53Мон соин ожмаськыны кутски, сое ми, солэсь армизэ но пазьгимы, солэн кун-эксэйлыкезлэн престол вылаз пуксимы. 54Ойдо табере куспамы эшъяськыса улон сярысь кыл гожтомы, тон нылдэ мыным кышнолы сёт, мон тыныд эмеспи луо, со понна тыныд но, солы но ярамон кузьымъёс сёто». 55Ответ сётыса, Птоломей эксэй шуиз: «Атайёсыдлэн музъемазы берытскыса, соослэн эксэйлыксылэн пукон вылаз пуксёнэд шудо нунал луиз. 56Мар сярысь тон гожъяд, табере мон сое быдэсто, но тон мон доры Птолемаидае али пот, ог-огенымы адӟиськыны мед быгатомы; кызьы тон курид вал, тонэн ӵыжы-выжыяськыны соглаш луисько». 57Птоломей ачиз Клеопатра нылыныз ӵош Египетысь потӥз но сю куатьтон кыкетӥ арын Птолемаидае вуизы. 58Александр эксэй сое пумитаз но, Птоломей эксэй Клеопатра нылзэ солы кышнолы сётӥз, Птолемаидаын соос кузпалъяськизы но, кызьы лэсьто эксэйёс, туж шукырес сюан ортчытӥзы. 59Александр эксэй Ионафанлы но гожтэт ыстӥз, куриз сое пумитаны потыны. 60Ионафан Птолемаидае шукырес дасяськыса мынӥз – кыкезлэн ик эксэйлэн дораз лыктыса возьматскиз, соослы кузьымъёс сётъяз, матысьёссылы но зарни, азвесь, трос кузьымъёс сётъяз, соос ӟеч мылзэс-кыдзэс солы возьматӥзы. 61Нош Израильысь лек сямо воргоронъёс, законлы пумитъяськыса улӥсь воргоронъёс, солы пумит султӥзы сое сантэман понна; нош эксэй соосты санэ ӧз поны. 62Эксэй косӥз, Ионафанлэсь выл дӥськутсэ кыльыса, эксэй дӥськут дӥсяны, – озьы ик лэсьтӥзы. 63Эксэй сое асэныз артэ пуктӥз но кивалтӥсьёсызлы шуиз: «Соин ӵош городлэн шораз потыса ялэ: нокин но, нокыӵе ужен со сярысь урод кыл вераны медаз дӥсьты, нокин но, нокыӵе ужен но сое медаз сюлэмшугъяськыты». 64Со сярысь ик кыл вӧлдӥсьёс солэсь данлыксэ адӟыса, кыӵе со вылэ ӝутэмын вал, кызьы со эксэй дӥськутэн дӥсямын вал, – ваньзы бызьылыса пегӟыны кутскизы. 65Тазьы эксэй сое данэ поттӥз, сое самой матысь эшъёсыз пӧлы пыртӥз, ож ужен кивалтӥсь кариз, улосвылэн кивалтӥсе пуктӥз. 66Каньыллыкен, шулдыр мылкыдын Ионафан Иерусалиме берытскиз.
67Нош сю куатьтон витетӥ арын Критысь атайёсызлэн музъемаз вуиз Димитрийлэн пиез, Димитрий. 68Александр эксэй та сярысь кылӥз но ӝоже усиз, Антиохияе берытскиз. 69Келе-Сириялэсь кивалтӥсьсэ, Аполлониез, Димитрий ож ужен кивалтӥсе пуктӥз, – со бадӟым армия люказ но Иамния вӧзы лагерьзэ пуктӥз, Ионафан архиерей доры тазьы вераны ыстӥз: 70«Тон одӥгнад гинэ астэ милесьтым вылӥе пуктыса улӥськод, нош мон тон пыр серекъян-веранлы пӧрми, сантэман улэ сюри. Малы тон милемлы пумит гурезьёсын сылӥськод? 71Аслад ожмаськон кужымъёсыдлы оскиськыса сылӥськод ке, ми доры, ӵошалэ васькы, отын асьмеос кужыммес мерталомы, уго монэн ӵош городъёсысь люкам ожгарчиос сыло. 72Юаса тод, кин – мон, кинъёс луо мукетъёсыз мыным юрттӥськисьёсы; тыныд вералозы: милям азямы тӥ сылыны уд чидалэ, уго тынад атайёсыд ас музъем вылысьтызы кык пол улляса лэземын вал. 73Али но тон таӵе ожмаськон валъёслы пумит, ӵошкыт интыын таӵе кужмо армилы пумит сылыны уд чида, отын изъёс но, гурезь висъёс но, ватӥськон интыос но ӧвӧл». 74Аполлонийлэсь таӵе кылъёссэ Ионафан кылӥз но, мылкыдыныз ӝутскиз: дас сюрс воргоронъёсты кутӥз но Иерусалимысь потӥз, Симон агаез но соин ӵош солы юрттӥськыны мынӥз. 75Иоппия вӧзы лагерьзэ пуктӥз; но сое город пушкы пырыны ӧз лэзе, уго Иоппияын Аполлонийлэн ожмаськисьёсыз сылӥзы, соослы пумит ожмаськыны кутскизы. 76Город пушкысь куалектэм муртъёс солы кар капкаез усьтӥзы но, Ионафан Иоппияез киултӥз. 77Та сярысь кылэм бераз Аполлоний куинь сюрс ожмаськон валъёсты кутӥз, трос ожгарчиосты люказ но Азотэ мынӥз, со пыр ортчыны турттӥсь кадь кариськиз, нош со виын со ӵошкыт азе мынӥз, уго трос вал солэн ожмаськон валъёсыз, соос вылэ со оскиськиз. 78Нош Ионафан Азотозь со сьӧры уйиськыса мынӥз, ваче пумит ожмаськыны кутскизы. 79Со виын ик соослэн бӧрсязы, ышыг интые, Аполлоний сюрс ожмаськон валъёссэ кельтӥз; 80нош Ионафан тодӥз, солэн мышказ ватӥськем ожгарчиос вань шуыса. Солэсь армизэ котыртӥзы, ӵукнаысен ӝытозь калык вылэ пукыӵ ньӧлъёсын ыбылӥзы, 81нош калык Ионафанлэсь косонзэ быдэсъяса сылӥз; пумаз ини тушмонлэн вал вылын ожмаськисьёсыз жадизы. 82Соку Симон, ожгарчиоссэ вайыса, пыдын мынӥсь ожгарчиос вылэ урдскиз, уго вал вылын ожмаськисьёслэн кынарзы быриз, – соосты со пазьгиз но, соос пегӟыса кошкыны кутскизы. 83Вал вылын ожмаськисьёс ӵошал кузя пазьгиськизы, Азотэ пегӟизы, Бетдагонэ, асьсэлэн куалаязы, утиськыны мед быгатозы шуыса пыризы. 84Нош Ионафан Азотэз но, котырысьтыз городъёсты но сутӥз, соослэсь ваньбурзэс бичаз, Дагонлэсь куалазэ отчы пегӟем муртъёсын валче тылын сутӥз. 85Меч улэ быремъёс, тылын ӝуамъёс ог тямыс сюрс мурт люкаськиз. 86Отысь потыса, Ионафан аслэсьтыз лагерьзэ Аскалонлэн ваче бериназ интыяз; городын улӥсьёс, сое туж сӥлы карыса, солэн пумитаз потӥзы. 87Асэныз ӵош ветлӥсьёсын валче Ионафан Иерусалиме берытскиз, трос ваньбур люкаса, татчы вуиз. 88Александр эксэй та ужъёс сярысь кылӥз но нош ик Ионафанэз сӥлы кариз, 89эксэйлэн ӵыжы-выжыосызлы кузьымъёс сётъян сямъя солы зарни бычы ыстӥз, Аккаронэз но со котырысь быдэс ёросэз кузьым карыса, солы люкетлы сётӥз.
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016