Захария 7
7
7-тӥ ЛЮКЕТ
1Дарий эксэйын ньылетӥ арзэ пукыку, Кузё-Инмар дорысь Захариялы верамын вал, со вал укмысэтӥ толэзьлэн, Хаслевлэн, ньылетӥ нуналаз, 2куке Вефиль карысь калык Сарецерез но Регем-Мелехез эшъёсыныз ӵош Кузё-Инмар азе вӧсяськыны ыстӥз, 3Саваоф Кузё-Инмарлэн храмаз ужась-тыршись священникъёслэсь но, пророкъёслэсь но тае юаны: «Витетӥ толэзе бӧрдыса, визяса уломы на-а, кызьы ми трос аръёс ӵоже лэсьтыса улӥмы?» 4Саваоф Кузё-Инмар дорысь мыным верамын вал: 5«Та музъем вылысь вань калыклы, священникъёслы тазьы шу: ”Куке тӥ визяса, бӧрдыса улӥды витетӥ но, сизьыметӥ но толэзе сизьымдон ар ӵоже ини; Мон понна-а тӥ визяды? Мыным-а? 6Сииськоды ке, юиськоды ке, асьтэлэсь кӧттэс тырон понна, сюдэс юзматон понна ӧвӧл-а? 7Азьвыл улэм пророкъёс пыр Кузё-Инмар та кылъёсты ик ӧз вералля-а, куке Иерусалимын улӥсез вал на, каньылэн-кышкатэк улӥз, котыраз городъёсын, лымшор шаерын но, улыг интыын но улӥсьёсыз вал?”» 8Кузё-Инмар дорысь Захариялы верамын вал: 9«Соку тазьы вераз Саваоф Кузё-Инмар: шонер судить каре, гажан-жаляндэс возьматэ, ог-огдэс жалялэ; 10палкышноез но анайтэм-атайтэм нылпиез, сьӧр муртэз но куанер улӥсез эн ӝикатэ, огдылы пумит огды сюлмады урод малпан эн возе. 11Но соослэн тае валамзы ӧз поты, Мон дорысь палэнскизы, медаз кылэ шуыса, пельёссэс кылӥсьтэм каризы. 12Саваоф Кузё-Инмар Духеныз, азьвыл улэм пророкъёс пыр ыстылэм законзэ, кылъёссэ медаз кылэ шуыса, сюлэмъёссэс чурытомытӥзы; со понна ик соос доры вуиз Саваоф Кузё-Инмарлэн туж бадӟым вожпотонэз. 13Озьы луиз: кызьы Со ӧтьыса вазиськылӥз, нош соос пелязы ӧз понэ, озьы ик соос но вазиськылӥзы, нош Мон ӧй кылзы, – шуэ Саваоф Кузё-Инмар. 14Вань калыкъёс пӧлы, соослы азьвыл тодмотэм калыкъёс пӧлы, Мон соосты пазьги; соос бере та музъем тырттэм кылиз, со вылтӥ азьлане но, берлане но ветлӥсь ӧз ни луы, туж синмаськымон шаерез соос кыр дуннелы пӧрмытӥзы».
Currently Selected:
Захария 7: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
Захария 7
7
7-тӥ ЛЮКЕТ
1Дарий эксэйын ньылетӥ арзэ пукыку, Кузё-Инмар дорысь Захариялы верамын вал, со вал укмысэтӥ толэзьлэн, Хаслевлэн, ньылетӥ нуналаз, 2куке Вефиль карысь калык Сарецерез но Регем-Мелехез эшъёсыныз ӵош Кузё-Инмар азе вӧсяськыны ыстӥз, 3Саваоф Кузё-Инмарлэн храмаз ужась-тыршись священникъёслэсь но, пророкъёслэсь но тае юаны: «Витетӥ толэзе бӧрдыса, визяса уломы на-а, кызьы ми трос аръёс ӵоже лэсьтыса улӥмы?» 4Саваоф Кузё-Инмар дорысь мыным верамын вал: 5«Та музъем вылысь вань калыклы, священникъёслы тазьы шу: ”Куке тӥ визяса, бӧрдыса улӥды витетӥ но, сизьыметӥ но толэзе сизьымдон ар ӵоже ини; Мон понна-а тӥ визяды? Мыным-а? 6Сииськоды ке, юиськоды ке, асьтэлэсь кӧттэс тырон понна, сюдэс юзматон понна ӧвӧл-а? 7Азьвыл улэм пророкъёс пыр Кузё-Инмар та кылъёсты ик ӧз вералля-а, куке Иерусалимын улӥсез вал на, каньылэн-кышкатэк улӥз, котыраз городъёсын, лымшор шаерын но, улыг интыын но улӥсьёсыз вал?”» 8Кузё-Инмар дорысь Захариялы верамын вал: 9«Соку тазьы вераз Саваоф Кузё-Инмар: шонер судить каре, гажан-жаляндэс возьматэ, ог-огдэс жалялэ; 10палкышноез но анайтэм-атайтэм нылпиез, сьӧр муртэз но куанер улӥсез эн ӝикатэ, огдылы пумит огды сюлмады урод малпан эн возе. 11Но соослэн тае валамзы ӧз поты, Мон дорысь палэнскизы, медаз кылэ шуыса, пельёссэс кылӥсьтэм каризы. 12Саваоф Кузё-Инмар Духеныз, азьвыл улэм пророкъёс пыр ыстылэм законзэ, кылъёссэ медаз кылэ шуыса, сюлэмъёссэс чурытомытӥзы; со понна ик соос доры вуиз Саваоф Кузё-Инмарлэн туж бадӟым вожпотонэз. 13Озьы луиз: кызьы Со ӧтьыса вазиськылӥз, нош соос пелязы ӧз понэ, озьы ик соос но вазиськылӥзы, нош Мон ӧй кылзы, – шуэ Саваоф Кузё-Инмар. 14Вань калыкъёс пӧлы, соослы азьвыл тодмотэм калыкъёс пӧлы, Мон соосты пазьги; соос бере та музъем тырттэм кылиз, со вылтӥ азьлане но, берлане но ветлӥсь ӧз ни луы, туж синмаськымон шаерез соос кыр дуннелы пӧрмытӥзы».
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016