Захария 6
6
6-тӥ ЛЮКЕТ
1Нош ик синъёсме ӝутӥсько но адӟисько: тани, кык гурезьёс вискысь нёжалтӥ ньыль ожмаськон уробоос пото; со гурезьёс ыргон гурезьёс вал. 2Нырысяз уробоын кыткемын горд-кельыт валъёс, нош кыкетӥяз уробоын – сьӧд-тӧри валъёс; 3куинетӥяз уробоын кыткемын тӧдьы валъёс, нош ньылетӥяз уробоын – куӵо валъёс, кужмоесь валъёс. 4Вераськыны кутскыкум, монэн вераськись Кылчинлы мон шуи: «Мар со, кузёе?» 5Ответ сётыса, Кылчин мыным шуиз: «Та быдэс музъемлэн Кузё-Инмарезлэн азяз сылӥсь ньыль ин тӧлъёс пото. 6Сьӧд-тӧри валъёс уйпал музъем вылэ пото, тӧдьыосыз но соос бӧрсьы мыно, нош куӵоосыз мыно лымшор музъем вылэ». 7Кужмоосыз потӥзы, тыршизы азьлань мыныны, музъемез пырак ортчыны вылысь. Со шуиз: «Мынэлэ, музъемез пырак ортче». Соос музъемез пырак ортчизы. 8Соку со монэ дораз ӧтиз но тазьы шуиз: «Учкы, уйпал музъеме мынӥсьёс Мынэсьтым духме буйгатӥзы уйпал музъем вылысен». 9Кузё-Инмар дорысь мыным верамын вал: 10«Пленысь берытскемъёслэсь, Хелдайлэсь, Товиялэсь, Иедайлэсь басьты но мын самой со нуналэ, пыр Софониялэн Иосия пиезлэн корказ, отчы Вавилонысь лыктэмъёс пыризы. 11Басьты соослэсь азвесьсэс, зарнизэс но венец изьы лэсьты, сое быдӟым иерейлэн Иоседеклэн пиезлэн Иисуслэн йыр вылаз пон, 12солы шу: ”Тазьы шуэ Саваоф Кузё-Инмар: тани Пимурт, – Солэн нимыз ПУШЪЕТ, Со Ас выжыез бордысь улӟоз но Кузё-Инмарлэсь храмзэ кылдытоз. 13Со Кузё-Инмарлэсь храмзэ кылдытоз, данэ потоз, эксэе пуксёз но престол вылысеныз кивалтоз; престол вылаз пукон дыръяз Со священник но луоз, тупаса улонлэн кенешез соиз но, мукетыз но вискын луоз”. 14Со венецъёс сётэмын луозы Хелемлы, Товиялы, Иедайлы но Софониялэн Хен пиезлы Кузё-Инмарлэн храмаз буре ваён понна. 15Кыдёкысь лыктозы но Кузё-Инмарлэсь храмзэ лэсьтонэ пыриськозы, соку тӥ тододы, Саваоф Кузё-Инмар монэ тӥ доры ыстӥз шуыса; та луоз, сюлмысь тыршыса, Инмардылэсь Кузё-Инмарлэсь верамзэ кылзӥськыса улӥды ке».
Currently Selected:
Захария 6: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
Захария 6
6
6-тӥ ЛЮКЕТ
1Нош ик синъёсме ӝутӥсько но адӟисько: тани, кык гурезьёс вискысь нёжалтӥ ньыль ожмаськон уробоос пото; со гурезьёс ыргон гурезьёс вал. 2Нырысяз уробоын кыткемын горд-кельыт валъёс, нош кыкетӥяз уробоын – сьӧд-тӧри валъёс; 3куинетӥяз уробоын кыткемын тӧдьы валъёс, нош ньылетӥяз уробоын – куӵо валъёс, кужмоесь валъёс. 4Вераськыны кутскыкум, монэн вераськись Кылчинлы мон шуи: «Мар со, кузёе?» 5Ответ сётыса, Кылчин мыным шуиз: «Та быдэс музъемлэн Кузё-Инмарезлэн азяз сылӥсь ньыль ин тӧлъёс пото. 6Сьӧд-тӧри валъёс уйпал музъем вылэ пото, тӧдьыосыз но соос бӧрсьы мыно, нош куӵоосыз мыно лымшор музъем вылэ». 7Кужмоосыз потӥзы, тыршизы азьлань мыныны, музъемез пырак ортчыны вылысь. Со шуиз: «Мынэлэ, музъемез пырак ортче». Соос музъемез пырак ортчизы. 8Соку со монэ дораз ӧтиз но тазьы шуиз: «Учкы, уйпал музъеме мынӥсьёс Мынэсьтым духме буйгатӥзы уйпал музъем вылысен». 9Кузё-Инмар дорысь мыным верамын вал: 10«Пленысь берытскемъёслэсь, Хелдайлэсь, Товиялэсь, Иедайлэсь басьты но мын самой со нуналэ, пыр Софониялэн Иосия пиезлэн корказ, отчы Вавилонысь лыктэмъёс пыризы. 11Басьты соослэсь азвесьсэс, зарнизэс но венец изьы лэсьты, сое быдӟым иерейлэн Иоседеклэн пиезлэн Иисуслэн йыр вылаз пон, 12солы шу: ”Тазьы шуэ Саваоф Кузё-Инмар: тани Пимурт, – Солэн нимыз ПУШЪЕТ, Со Ас выжыез бордысь улӟоз но Кузё-Инмарлэсь храмзэ кылдытоз. 13Со Кузё-Инмарлэсь храмзэ кылдытоз, данэ потоз, эксэе пуксёз но престол вылысеныз кивалтоз; престол вылаз пукон дыръяз Со священник но луоз, тупаса улонлэн кенешез соиз но, мукетыз но вискын луоз”. 14Со венецъёс сётэмын луозы Хелемлы, Товиялы, Иедайлы но Софониялэн Хен пиезлы Кузё-Инмарлэн храмаз буре ваён понна. 15Кыдёкысь лыктозы но Кузё-Инмарлэсь храмзэ лэсьтонэ пыриськозы, соку тӥ тододы, Саваоф Кузё-Инмар монэ тӥ доры ыстӥз шуыса; та луоз, сюлмысь тыршыса, Инмардылэсь Кузё-Инмарлэсь верамзэ кылзӥськыса улӥды ке».
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016