Авдия 1
1
1Авдийлэн адӟонэз. Тазьы шуэ Инмар Кузё-Инмар Едом сярысь: Кузё-Инмар дорысь ми ивор кылӥмы, ивортӥсь калыкъёслы тазьы ялыны ыстэмын: «Султэлэ, солы пумит ожен султоме!» 2Тани, Мон тонэ калыкъёс куспын покчи кари, туж сӥтэм-сантэм луыны тон кылемын. 3Сюлмыдлэн вылтӥяськонэз тынэсьтыд визьдэ тугаз: тон улӥськод изгурезьёсысь пасьёсын, ӝужыт интыын но ас сюлмыныд шуиськод: «Кин монэ музъем вылэ куштоз?» 4Нош тон ӧрӟи музэн вылэ ке но ӝутскид, кизилиос пӧлы аслыд кар ке но лэсьтӥд, отысь но Мон тонэ муз вылэ кушто, – шуэ Кузё-Инмар. 5Лушкаськисьёс-а тон доры лыктылӥзы, уйёсы таласа ветлӥсьёс-а тон доры вуылӥзы, сокем тон номыртэк кельтэмын? Но соос лушкасалзы сомындазэ гинэ, кӧня соослы кулэ. Виноград бичасьёс тон доры пырысалзы ке, кӧня ке но мульызэ ӧй кельтысалзы-а? 6Исавлэн маиз вал, ваньзэ лушкаллям, вань ватэгъёссэ утчаса шедьтӥллям! 7Ӧрекчалозы тонэ юлтошъёсыд, кунгож дорозь соос тонэ улляса лэзёзы, тупаса улоно муртъёсыд тонэ ёртозы, няньдэ сиисьёс тыныд шуккет сётозы. Ӧвӧл отын визьлыкез! 8Со нуналэ уз луы-а тазьы, – шуэ Кузё-Инмар, – Едомысь визьнодоосты быдто, Исавлэн гурезяз тодӥсь-валасьёсты погырто? 9Феман, тынэсьтыд кышканэз тодӥсьтэм муртъёстэ кышкан куалекъятоз, Исавлэн гурезьысьтыз ваньзы быдтэмын мед луозы. 10Иаков браттэ ёртыса-ӝикатыса воземед понна тонэ возьдаськон шобыртоз, пырак ӵожелы тон быдтэмын луод. 11Со нуналэ, куке тон ваче пумитын сылӥд, мурт калыкъёс солэсь ожгарчиоссэ пленэ нуо вал, мурт выжыос солэн капкатӥз пыризы но Иерусалим пумысен жеребе куязы, соос пӧлысь одӥгезлы тон укшаськод вал. 12Улляса лэзем нуналаз братэд шоры лек мылкыдын шумпотыса учкыны уг яра вал, Иуда нылпиос бырылон нуналэ со понна шумпотыса улыны уг яра вал, курадӟон нуналазы ымдэ паськыт усьтыса улыны уг яра вал. 13Тыныд Мынам калыкелэн шугадӟон нуналаз солэн капкаетӥз пырыны уг яра вал, солэн бырон нуналаз курадӟонэз шоры учкыны но уг яра вал, солэн куректон-кайгу нуналаз ваньбурез борды но йӧтӥськыны уг яра вал. 14Сюрес вожъёсын но сылыны уг яра вал пегӟыса кошкисьёссэ виылон понна, шугадӟон нуналэ улэп кылемъёссэ но тушмон киулэ сётыны уг яра вал. 15Уго вань калыкъёс доры вуыны Кузё-Инмарлэн нуналыз матын: кызьы тон лэсьтӥськод вал, озьы ик тыныд но лэсьтэмын луоз, пунэм берыктон йыр вылад вуоз. 16Кызьы тӥ Мынам святой гурезям юиды, озьы вань калыкъёс котьку но юозы, юозы, ньылозы, озьы луоз: соос чик но ӧй вал кадь. 17Нош Сӥон гурезьын утиськон луоз, со святой инты луоз; соку Иаковлэн выжыез ас люкетсэ ас киулаз басьтоз. 18Соку Иаковлэн юртэз тыл луоз, Иосифлэн юртэз – гомась тыл, нош Исавлэн юртэз – куро: тыл понозы но быдтозы сое, Исавлэн юртысьтыз нокин но улэп уз кыльы, уго тазьы Кузё-Инмар шуиз. 19Лымшор палаз улӥсьёс Исавлэсь гурезьзэ киултозы, нош нёжалын улӥсьёс – филистим калыкез; соос Ефремлэсь бусызэ, Самариялэсь бусызэ киулазы басьтозы, нош Вениамин Галаадэз киултоз. 20Израиль пиос пӧлысь пленэ нуэм ожгарчиос Сарепта дорозь Хананей музъемез киултозы, нош Иерусалимысь поттыса улыны интыямъёс, Сефарадэ интыяськемъёс, лымшорысь городъёсты киулазы басьтозы. 21Утисьёс Сӥон гурезе лыктозы Исавлэсь гурезьзэ судить карон понна, соку Кузё-Инмар Ачиз эксэй луоз.
Currently Selected:
Авдия 1: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
Авдия 1
1
1Авдийлэн адӟонэз. Тазьы шуэ Инмар Кузё-Инмар Едом сярысь: Кузё-Инмар дорысь ми ивор кылӥмы, ивортӥсь калыкъёслы тазьы ялыны ыстэмын: «Султэлэ, солы пумит ожен султоме!» 2Тани, Мон тонэ калыкъёс куспын покчи кари, туж сӥтэм-сантэм луыны тон кылемын. 3Сюлмыдлэн вылтӥяськонэз тынэсьтыд визьдэ тугаз: тон улӥськод изгурезьёсысь пасьёсын, ӝужыт интыын но ас сюлмыныд шуиськод: «Кин монэ музъем вылэ куштоз?» 4Нош тон ӧрӟи музэн вылэ ке но ӝутскид, кизилиос пӧлы аслыд кар ке но лэсьтӥд, отысь но Мон тонэ муз вылэ кушто, – шуэ Кузё-Инмар. 5Лушкаськисьёс-а тон доры лыктылӥзы, уйёсы таласа ветлӥсьёс-а тон доры вуылӥзы, сокем тон номыртэк кельтэмын? Но соос лушкасалзы сомындазэ гинэ, кӧня соослы кулэ. Виноград бичасьёс тон доры пырысалзы ке, кӧня ке но мульызэ ӧй кельтысалзы-а? 6Исавлэн маиз вал, ваньзэ лушкаллям, вань ватэгъёссэ утчаса шедьтӥллям! 7Ӧрекчалозы тонэ юлтошъёсыд, кунгож дорозь соос тонэ улляса лэзёзы, тупаса улоно муртъёсыд тонэ ёртозы, няньдэ сиисьёс тыныд шуккет сётозы. Ӧвӧл отын визьлыкез! 8Со нуналэ уз луы-а тазьы, – шуэ Кузё-Инмар, – Едомысь визьнодоосты быдто, Исавлэн гурезяз тодӥсь-валасьёсты погырто? 9Феман, тынэсьтыд кышканэз тодӥсьтэм муртъёстэ кышкан куалекъятоз, Исавлэн гурезьысьтыз ваньзы быдтэмын мед луозы. 10Иаков браттэ ёртыса-ӝикатыса воземед понна тонэ возьдаськон шобыртоз, пырак ӵожелы тон быдтэмын луод. 11Со нуналэ, куке тон ваче пумитын сылӥд, мурт калыкъёс солэсь ожгарчиоссэ пленэ нуо вал, мурт выжыос солэн капкатӥз пыризы но Иерусалим пумысен жеребе куязы, соос пӧлысь одӥгезлы тон укшаськод вал. 12Улляса лэзем нуналаз братэд шоры лек мылкыдын шумпотыса учкыны уг яра вал, Иуда нылпиос бырылон нуналэ со понна шумпотыса улыны уг яра вал, курадӟон нуналазы ымдэ паськыт усьтыса улыны уг яра вал. 13Тыныд Мынам калыкелэн шугадӟон нуналаз солэн капкаетӥз пырыны уг яра вал, солэн бырон нуналаз курадӟонэз шоры учкыны но уг яра вал, солэн куректон-кайгу нуналаз ваньбурез борды но йӧтӥськыны уг яра вал. 14Сюрес вожъёсын но сылыны уг яра вал пегӟыса кошкисьёссэ виылон понна, шугадӟон нуналэ улэп кылемъёссэ но тушмон киулэ сётыны уг яра вал. 15Уго вань калыкъёс доры вуыны Кузё-Инмарлэн нуналыз матын: кызьы тон лэсьтӥськод вал, озьы ик тыныд но лэсьтэмын луоз, пунэм берыктон йыр вылад вуоз. 16Кызьы тӥ Мынам святой гурезям юиды, озьы вань калыкъёс котьку но юозы, юозы, ньылозы, озьы луоз: соос чик но ӧй вал кадь. 17Нош Сӥон гурезьын утиськон луоз, со святой инты луоз; соку Иаковлэн выжыез ас люкетсэ ас киулаз басьтоз. 18Соку Иаковлэн юртэз тыл луоз, Иосифлэн юртэз – гомась тыл, нош Исавлэн юртэз – куро: тыл понозы но быдтозы сое, Исавлэн юртысьтыз нокин но улэп уз кыльы, уго тазьы Кузё-Инмар шуиз. 19Лымшор палаз улӥсьёс Исавлэсь гурезьзэ киултозы, нош нёжалын улӥсьёс – филистим калыкез; соос Ефремлэсь бусызэ, Самариялэсь бусызэ киулазы басьтозы, нош Вениамин Галаадэз киултоз. 20Израиль пиос пӧлысь пленэ нуэм ожгарчиос Сарепта дорозь Хананей музъемез киултозы, нош Иерусалимысь поттыса улыны интыямъёс, Сефарадэ интыяськемъёс, лымшорысь городъёсты киулазы басьтозы. 21Утисьёс Сӥон гурезе лыктозы Исавлэсь гурезьзэ судить карон понна, соку Кузё-Инмар Ачиз эксэй луоз.
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016