Иона 1
1
1-тӥ ЛЮКЕТ
1Амафийлэн Иона пиезлы Кузё-Инмар дорысь верамын вал: 2«Султы но мын Ниневияе – бадӟым городэ, отын тодытыса ул, уго солэн лек ужъёсыз Мон доры вуизы ни». 3Иона султӥз Кузё-Инмарлэн син азьысьтыз Фарсисэ пегӟон понна; Иоппияе вуиз, отысь Фарсисэ мынӥсь кораблез шедьтӥз; сюрес дун тыриз но пушказ пыриз – Кузё-Инмарлэн син азьысьтыз соин Фарсисэ уяса кошкон понна. 4Нош Кузё-Инмар зарезь вылэ кужмо тӧл поттӥз, зарезь вылын туж кужмо сильтӧл ӝутӥськиз, корабль пазьгиськыны дась вал ини. 5Пыжен валтӥсьёс туж кышкатскизы, котькудӥз аслаз инмарезлы сюлворыса вӧсяськыны кутскиз; пыжзэс капчигес карон понна нуоно арбериоссэс зарезе куяны кутскизы. Нош Иона пыжлэн улӥяз васькыса выдӥз, юн-юн умме усиз. 6Корабльлэн кузёйырыз со доры лыктыса шуиз: «Малы тон изиськод? Султы но аслад Инмаредлы вазиськы, оло нош Инмар асьмемыз тодаз ваёз, соку асьмеос ӧй бырысалмы». 7Ог-огзылы шуизы: «Ойдолэ, пус чӧлтоме, соку тодомы, кин понна та курадӟон асьме доры вуиз». Пус чӧлтӥзы но пус Иона вылэ усиз. 8Соку солы шуизы: «Вера милемлы, кинэн сэрен та курадӟон ми доры вуиз? Маин тон ужаськод-выриськод? Кытысен, кытчы мынӥськод? Кытын тынад дор музъемед, кыӵе калык пӧлысь тон?» 9Со соослы шуиз: «Мон – еврей, зарезез но музъемез кылдытӥсь инмысь Инмарез Кузё-Инмарез сӥлы карыса улӥсько». 10Та адямиос туж куалектӥзы но солы шуизы: «Мар понна тон тазьы лэсьтӥд?» Уго со ачиз соослы ялӥз но, соос тодӥзы, со Кузё-Инмарлэн син азьысьтыз пегӟе шуыса. 11Соку соос солы шуизы: «Зарезь чус мед кариськоз шуыса, милемлы тонэн мар кароно?» Зарезь бугыръяськемысь-тулкымъяськемысь дугдымтэен сэрен 12со соослы шуиз: «Кутэ монэ но зарезь вуэ куштэ, – тӥ понна зарезь чус кариськоз; мон тодӥсько уго, монэн сэрен тӥ доры та шимес сильтӧл вуиз шуыса». 13Нош та адямиос вань кужымзэс поныса полысаны кутскизы музъем борды шедьытскон понна, но ӧз быгатэ, малы ке шуоно зарезь соослы пумит ялан бугыръяськыса-тулкымъяськыса улӥз. 14Соку соос Кузё-Инмарлы вазиськыса шуизы: «Кузё-Инмар, тыныд вӧсяськиськомы, та адямилэн лулыз понна ми медам быре вал, янгыштэм муртлэн вирыз понна милемлы сьӧлык эн гожты вал, уго Тон, Кузё-Инмар, лэсьтӥд сое, мар Тыныд кулэ вал». 15Ионаез кутӥзы но зарезе куштӥзы; йыркуръяськемысь дугдыса, зарезь чус кариськиз. 16Та адямиос Кузё-Инмарлэсь туж юн курдазы, Кузё-Инмарлы курбон сётӥзы, сӥзиськизы.
Currently Selected:
Иона 1: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
Иона 1
1
1-тӥ ЛЮКЕТ
1Амафийлэн Иона пиезлы Кузё-Инмар дорысь верамын вал: 2«Султы но мын Ниневияе – бадӟым городэ, отын тодытыса ул, уго солэн лек ужъёсыз Мон доры вуизы ни». 3Иона султӥз Кузё-Инмарлэн син азьысьтыз Фарсисэ пегӟон понна; Иоппияе вуиз, отысь Фарсисэ мынӥсь кораблез шедьтӥз; сюрес дун тыриз но пушказ пыриз – Кузё-Инмарлэн син азьысьтыз соин Фарсисэ уяса кошкон понна. 4Нош Кузё-Инмар зарезь вылэ кужмо тӧл поттӥз, зарезь вылын туж кужмо сильтӧл ӝутӥськиз, корабль пазьгиськыны дась вал ини. 5Пыжен валтӥсьёс туж кышкатскизы, котькудӥз аслаз инмарезлы сюлворыса вӧсяськыны кутскиз; пыжзэс капчигес карон понна нуоно арбериоссэс зарезе куяны кутскизы. Нош Иона пыжлэн улӥяз васькыса выдӥз, юн-юн умме усиз. 6Корабльлэн кузёйырыз со доры лыктыса шуиз: «Малы тон изиськод? Султы но аслад Инмаредлы вазиськы, оло нош Инмар асьмемыз тодаз ваёз, соку асьмеос ӧй бырысалмы». 7Ог-огзылы шуизы: «Ойдолэ, пус чӧлтоме, соку тодомы, кин понна та курадӟон асьме доры вуиз». Пус чӧлтӥзы но пус Иона вылэ усиз. 8Соку солы шуизы: «Вера милемлы, кинэн сэрен та курадӟон ми доры вуиз? Маин тон ужаськод-выриськод? Кытысен, кытчы мынӥськод? Кытын тынад дор музъемед, кыӵе калык пӧлысь тон?» 9Со соослы шуиз: «Мон – еврей, зарезез но музъемез кылдытӥсь инмысь Инмарез Кузё-Инмарез сӥлы карыса улӥсько». 10Та адямиос туж куалектӥзы но солы шуизы: «Мар понна тон тазьы лэсьтӥд?» Уго со ачиз соослы ялӥз но, соос тодӥзы, со Кузё-Инмарлэн син азьысьтыз пегӟе шуыса. 11Соку соос солы шуизы: «Зарезь чус мед кариськоз шуыса, милемлы тонэн мар кароно?» Зарезь бугыръяськемысь-тулкымъяськемысь дугдымтэен сэрен 12со соослы шуиз: «Кутэ монэ но зарезь вуэ куштэ, – тӥ понна зарезь чус кариськоз; мон тодӥсько уго, монэн сэрен тӥ доры та шимес сильтӧл вуиз шуыса». 13Нош та адямиос вань кужымзэс поныса полысаны кутскизы музъем борды шедьытскон понна, но ӧз быгатэ, малы ке шуоно зарезь соослы пумит ялан бугыръяськыса-тулкымъяськыса улӥз. 14Соку соос Кузё-Инмарлы вазиськыса шуизы: «Кузё-Инмар, тыныд вӧсяськиськомы, та адямилэн лулыз понна ми медам быре вал, янгыштэм муртлэн вирыз понна милемлы сьӧлык эн гожты вал, уго Тон, Кузё-Инмар, лэсьтӥд сое, мар Тыныд кулэ вал». 15Ионаез кутӥзы но зарезе куштӥзы; йыркуръяськемысь дугдыса, зарезь чус кариськиз. 16Та адямиос Кузё-Инмарлэсь туж юн курдазы, Кузё-Инмарлы курбон сётӥзы, сӥзиськизы.
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016