Михей 2
2
2-тӥ ЛЮКЕТ
1Куректон-кайгу законлы пумит ужъёс малпасьёслы, валес вылазы лек ужъёс малпасьёслы, соосты соос ӵукна ӟардыку лэсьто, уго соослэн киязы кужым вань. 2Соослы бусы кулэ луэ ке, кужмысь басьто, корка кулэ ке, талало; адямиез, солэсь юртсэ качало; воргоронэз, солэсь люкетсэ но талало. 3Соин ик Кузё-Инмар тазьы шуэ: «Тани, та выжы вылэ шугадӟон лэзьыны малпасько, сое тӥ сильсьӧрысьтыды куштыны уд быгатэ, соку вылӥ мылкыдын уд ветлэ; уго со лек дыр. 4Со нуналэ тӥ сярысь мадён вералозы, ӝожомыса зар бӧрдозы но шуозы: ”Милемыз номыртэк кельтӥзы! Мынам калыкелэн люкетыз мукетъёслы сётэмын; кызьы со мон доры берытскоз на! Бусыосмы мурт выжыослы люкылэмын”. 5Соин ик анаосты мертаса люкон понна Кузё-Инмар азьын кенешын тынад жеребе куштӥсь одӥг адямиед но уз луы. 6Пророкъёс, азьпалзэ тодытыса эн вералэ; тӥ доры сӥтэм-сантэм улон медаз вуы шуиськоды ке, соослы азьпалзэ тодытыса эн вералэ. 7Э, Иаковлэн юртэз шуыса нимаськись! Кузё-Инмарлэн Духез пичи кылиз шат? Таӵеесь-а Солэн ужъёсыз? Шонерлыко лэсьтӥсьёслы Мынам кылъёсы ӟечлык уг ваё шат? 8Азьвыл Мыным тэрытскыса улӥсь калык тушмон кадь бугырскиз, ожмаськонлэсь палэнскисьёслэсь, зӥбыт-востэм мынӥсь-ветлӥсьёслэсь выл дӥсьсэс но, ул дӥськутсэс но таласькоды. 9Мынам калыкелэсь кышнооссэ соослы ярамон луись коркаосысьтызы тӥ улляськоды; Мынэсьтым чеберъянъёсме соослэн нылпиоссылэсь пыраклы таласькоды. 10Султэ, кошке татысь, та музъем шутэтскыса улон инты ӧвӧл; кырсь-жоб улэм понна со таркамын луоз, туж зол таркамын луоз. 11Кыӵе ке но тӧлопу кадь адями, пӧяськон малпаса, тазьы шуысал ке: ”Мон тыныд вина сярысь, мусур сярысь тодыто”, со мурт та калыклэн сюлмаз кельшымон тодытӥсь луысал. 12Иаков, тонэ одно ик огазе люкало, Израиль, тынэсьтыд кылем люкеттэ одно ик огазе герӟало, кызьы Восорын ыжъёсты огазе люкало, кызьы ыж уллёез ыж кенер пушкы пырто; трос луэменызы, соос куаш поттозы. 13Соослэн азьпалазы борддорез куашкатӥсь мыноз; могӟон интыосты соос куашкатозы, капкатӥ пырозы, со пыр ик потозы; соослэн эксэйзы азьпалазы мыноз, нош самой азьпалазы Кузё-Инмар мыноз».
Currently Selected:
Михей 2: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
