Малакия 1
1
1-тӥ ЛЮКЕТ
1Кузё-Инмарлэн Малахия пыр Израильлы азьпалзэ тодытыса веранэз. 2«Мон тӥледыз яратӥ, – шуэ Кузё-Инмар, – нош тӥ шуиськоды: ”Кызьы Тон милемыз яратэмдэ возьматӥд?” Исавен Иаков агай-вынъёс ӧвӧл-а? – шуэ Кузё-Инмар, – нош Мон Иаковез яратӥ, 3Исавез адӟонтэм кари, солэсь гурезьёссэ тарканы эрик сётӥ, солэсь улон интызэ кыр дуннеысь шакалъёслы кельтӥ. 4Едом шуиз ке ”ми таркамын-куашкатэмын, но куашкатэм бервылэз выльысен ми пуктомы”, Саваоф Кузё-Инмар шуэ: соос пуктозы, нош Мон куашкато; соосты сьӧлыклэсь кышкасьтэм шаер шуозы, Кузё-Инмарлэн пырак ӵожелы вожзэ поттэм калыкез шуозы. 5Тае тӥляд синъёсты адӟозы но, тӥ шуоды: ”Израиль музъем котырын но Кузё-Инмар вылӥ луиз!” 6Пиез атайзэ санэ понэ, ляльчи – кузёзэ; нош Мон атай ке, кытын тӥляд Монэ яратонды, Мон Кузё-Инмар ке, кытын тӥляд Монэ санэ пононды? – шуэ Саваоф Кузё-Инмар тӥледлы, священникъёслы, Мынэсьтым нимме сантэмасьёслы? Тӥ шуиськоды: ”Кызьы ми Тынэсьтыд нимдэ сантэмаськомы?” 7Курбон тыронэ вылэ тӥ ярантэм нянь вайиськоды, нош асьтэос шуиськоды: ”Маин ми Тонэ сантэмаськомы?” Соин: ”Кузё-Инмарлэсь курбон сётон ӝӧксэ сӥлы карыны кулэ ӧвӧл” шуыса. 8Синтэм пудоез курбон сётӥськоды, – со урод уж ӧвӧл-а? Чутӥсьсэ, висисьсэ курбонлы вайиськоды ке, со урод уж ӧвӧл-а? Таӵезэ аслад кивалтӥседлы вайыса утча ай, гажалоз-а со тонэ, яратыса со тонэ кабыл басьтоз-а? – шуэ Саваоф Кузё-Инмар. 9Озьыен, Инмарлы вӧсяське, асьмеды мед жалялоз; нош куке таӵе тӥляд киысьтыды потэ, соку Со тӥледыз яратыса кабыл басьтыны быгатоз-а? – шуэ Саваоф Кузё-Инмар. 10Пӧлысьтыды кудды ке но ӧсэз ворсалэ вал, юнме шоры курбон тыронэ вылын тыл медад возе вал. Тӥледлы Мынам ӟеч эрике ӧвӧл, – шуэ Саваоф Кузё-Инмар, – киыныды понэм салам-кузьымъёсты но Мыным ярамонэсь ӧвӧл. 11Шундыӝужанысен шундыпуксёнозь калыкъёс пӧлын быдӟым каремын луоз Мынам нимы, вань интыосын Мынам нимы понна фимиам, чылкыт курбон вайылозы; быдӟым луоз Мынам нимы калыкъёс пӧлын, – шуэ Саваоф Кузё-Инмар. 12Нош тӥ сое сантэмаськоды, тазьы шуыса: ”Кузё-Инмарлэн курбон сётон ӝӧкез саптамын, мар отчы тыремын – ярантэм сиён”. 13Эшшо шуиськоды: ”Тӥни кӧня уж!” Мыным ярамонэз сярысь уд сюлмаськиське, – шуэ Саваоф Кузё-Инмар, – лушкам пудоез, чутсэ, висисьсэ вайиськоды, со выллемгес ик нянь курбонды но: ӟеч мылкыдын быгатӥсько-а Мон тае тӥляд киысьтыды басьтыны? – шуэ Кузё-Инмар. 14Пӧяськись мурт каргамын, солэн уллёяз вань чылкыт айы пудоез, сыӵезэ сётыны со сӥзиськиз вал, нош ачиз Кузё-Инмарлы ярантэм, висись пудозэ курбонлы вае; Мон быдӟым эксэй, калыкъёс пӧлын Мынам нимы кышкыт», – шуэ Саваоф Кузё-Инмар.
Currently Selected:
Малакия 1: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
