Левит 21
21
21-тӥ ЛЮКЕТ
1Кузё-Инмар Моисейлы тазьы шуиз: «Священникъёслы, Аарон пиослы, тазьы ялыса шу: ас калыксы пӧлысь кулэм мурт борды йӧтӥськыса медаз саптаське; 2матысь ӵыжы-выжыез борды гинэ, анаед борды, атаед борды, пиед борды, нылыд борды, агай-выныд борды, 3бызьылымтэ, нылмурт куен возиськем, бордад улэм сузэред борды гинэ йӧтӥськыны но саптаськытэк кыльыны луэ; 4ас калыкед пӧлысь котькин борды йӧтӥськыса астэ саптаны кулэ ӧвӧл, кырсь медад луы. 5Соос йырзэс мычыны кулэ ӧвӧл, тушсылэсь дурзэ вандылыны кулэ ӧвӧл, мугор вылзэс вандылыны-шорманы кулэ ӧвӧл. 6Соос Инмарзы понна дун-чылкытэсь луыны кулэ, Инмарзылэсь нимзэ сантэманы кулэ ӧвӧл, уго соос Кузё-Инмарлы курбон ваё, Инмарзылы нянь ваё, соин ик соос дун-чылкытэсь луыны кулэ. 7Соос азыса-калгыса улӥсь нылэз, ныллыксэ ыштэм муртэз кышно басьтыны кулэ ӧвӧл, картэзлэсь куштэм кышнозэ но кузпаллы вайыны кулэ ӧвӧл, уго соос [Кузё-Инмар] Инмарзы понна дун-чылкытэсь. 8Священникез дун-чылкыт шуыса сӥлы кар, уго со тынад Инмаредлы [Кузё-Инмарлы] нянь вае: тыныд со дун-чылкыт мед луоз, уго Мон тӥледыз дун-чылкыт карись Кузё-Инмар Дун-Чылкыт. 9Священниклэн нылыз юмшаса-калгыса ассэ саптаз ке, со атайзэ сантэма; тылын сое сутоно.
10Нош агай-вынъёсыз пӧлысь быдӟым священник, кинлэн йыр вылаз зырӟон вӧй кисьтэмын, кин дун-чылкыт каремын вылаз священниклэсь дӥськутсэ дӥсян понна, йырзэ гольык карыны, дӥськутсэ кесяны кулэ ӧвӧл; 11нокыӵе но кулэм муртлэн матаз лыктыны кулэ ӧвӧл: кулэм атаез борды, кулэм анаез борды йӧтӥськыса, со ассэ саптаны кулэ ӧвӧл. 12Вӧсяськон инты дорысь кошкылыны со кулэ ӧвӧл, Инмарезлэсь вӧсяськон интызэ сантэманы кулэ ӧвӧл, уго со аслаз Инмарезлэн зырӟон вӧеныз зырӟемын, дун-чылкыт каремын. Мон Кузё-Инмар. 13Кышно басьтыны со кулэ [ас калыкез пӧлысь] нылмуртэз; 14палкышноез яке картэзлэсь куштэм кышнозэ, яке ныллыксэ ыштэм муртэ, [яке] азыса-калгыса улӥсез со кышно басьтыны кулэ ӧвӧл, со ас калыкез пӧлысь ныллыксэ утем нылмуртэз кышно басьтыны кулэ; 15калыкез пӧлын со аслэсьтыз кидыссэ-выжызэ саптаны кулэ ӧвӧл, уго Мон [Инмар] Кузё-Инмар, сое дун-чылкыт карись».
16Кузё-Инмар Моисейлы тазьы вераз, тазьы шуиз: 17«Ааронлы тазьы шу: ”Выжыысь выжые тынад кидысэд-выжыед пӧлысь нокин но, солэн мугораз шекъёсыз-тырмымтэосыз вань ке, Инмарезлы нянь вайыса лыктыны кулэ ӧвӧл; 18мугор вылаз тырмымтэосыз вань ке, – синтэм, чутӥсь, ӧлексы мурт ке со, курбон сётонэз ортчытыны кулэ ӧвӧл, 19кинлэн пыдыз тӥяськемын яке киыз чигиськемын, 20тыбырыз потэмын, киыз яке пыдыз куасьмемын, синзэ дыж басьтэм, гижлоё, паршаен висись, пал пузо мурт но курбон сётонэз ортчытыны кулэ ӧвӧл; 21Аарон священниклэн кидысысьтыз-выжыысьтыз потэм одӥгез но адями, солэн мугор вылаз кыӵе ке тырмымтэосыз-шекъёсыз вань ке, Кузё-Инмарлы курбон сётыны медаз лыкты; тырмымтэез-шекез солэн мугор вылаз бере, Инмарезлы (курбон) нянь вайыса лыктыны со кулэ ӧвӧл; 22быдӟым святыняос пӧлысь но, святыняос пӧлысь но Инмарезлэсь няньзэ со сиыны быгатэ; 23но катанчи доры со лыктыны кулэ ӧвӧл, курбон сётон ӝӧклэн матаз но лыктыны кулэ ӧвӧл, малы ке шуоно солэн мугор вылаз тырмымтэез-шекез вань; Мынэсьтым вӧсяськон интыме со сантэманы кулэ ӧвӧл, уго Мон Кузё-Инмар, соосты дун-чылкыт карись”». 24Та сярысь Моисей Ааронлы но солэн пиосызлы, вань израиль калыклы ивортӥз.
Currently Selected:
Левит 21: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
Левит 21
21
21-тӥ ЛЮКЕТ
1Кузё-Инмар Моисейлы тазьы шуиз: «Священникъёслы, Аарон пиослы, тазьы ялыса шу: ас калыксы пӧлысь кулэм мурт борды йӧтӥськыса медаз саптаське; 2матысь ӵыжы-выжыез борды гинэ, анаед борды, атаед борды, пиед борды, нылыд борды, агай-выныд борды, 3бызьылымтэ, нылмурт куен возиськем, бордад улэм сузэред борды гинэ йӧтӥськыны но саптаськытэк кыльыны луэ; 4ас калыкед пӧлысь котькин борды йӧтӥськыса астэ саптаны кулэ ӧвӧл, кырсь медад луы. 5Соос йырзэс мычыны кулэ ӧвӧл, тушсылэсь дурзэ вандылыны кулэ ӧвӧл, мугор вылзэс вандылыны-шорманы кулэ ӧвӧл. 6Соос Инмарзы понна дун-чылкытэсь луыны кулэ, Инмарзылэсь нимзэ сантэманы кулэ ӧвӧл, уго соос Кузё-Инмарлы курбон ваё, Инмарзылы нянь ваё, соин ик соос дун-чылкытэсь луыны кулэ. 7Соос азыса-калгыса улӥсь нылэз, ныллыксэ ыштэм муртэз кышно басьтыны кулэ ӧвӧл, картэзлэсь куштэм кышнозэ но кузпаллы вайыны кулэ ӧвӧл, уго соос [Кузё-Инмар] Инмарзы понна дун-чылкытэсь. 8Священникез дун-чылкыт шуыса сӥлы кар, уго со тынад Инмаредлы [Кузё-Инмарлы] нянь вае: тыныд со дун-чылкыт мед луоз, уго Мон тӥледыз дун-чылкыт карись Кузё-Инмар Дун-Чылкыт. 9Священниклэн нылыз юмшаса-калгыса ассэ саптаз ке, со атайзэ сантэма; тылын сое сутоно.
10Нош агай-вынъёсыз пӧлысь быдӟым священник, кинлэн йыр вылаз зырӟон вӧй кисьтэмын, кин дун-чылкыт каремын вылаз священниклэсь дӥськутсэ дӥсян понна, йырзэ гольык карыны, дӥськутсэ кесяны кулэ ӧвӧл; 11нокыӵе но кулэм муртлэн матаз лыктыны кулэ ӧвӧл: кулэм атаез борды, кулэм анаез борды йӧтӥськыса, со ассэ саптаны кулэ ӧвӧл. 12Вӧсяськон инты дорысь кошкылыны со кулэ ӧвӧл, Инмарезлэсь вӧсяськон интызэ сантэманы кулэ ӧвӧл, уго со аслаз Инмарезлэн зырӟон вӧеныз зырӟемын, дун-чылкыт каремын. Мон Кузё-Инмар. 13Кышно басьтыны со кулэ [ас калыкез пӧлысь] нылмуртэз; 14палкышноез яке картэзлэсь куштэм кышнозэ, яке ныллыксэ ыштэм муртэ, [яке] азыса-калгыса улӥсез со кышно басьтыны кулэ ӧвӧл, со ас калыкез пӧлысь ныллыксэ утем нылмуртэз кышно басьтыны кулэ; 15калыкез пӧлын со аслэсьтыз кидыссэ-выжызэ саптаны кулэ ӧвӧл, уго Мон [Инмар] Кузё-Инмар, сое дун-чылкыт карись».
16Кузё-Инмар Моисейлы тазьы вераз, тазьы шуиз: 17«Ааронлы тазьы шу: ”Выжыысь выжые тынад кидысэд-выжыед пӧлысь нокин но, солэн мугораз шекъёсыз-тырмымтэосыз вань ке, Инмарезлы нянь вайыса лыктыны кулэ ӧвӧл; 18мугор вылаз тырмымтэосыз вань ке, – синтэм, чутӥсь, ӧлексы мурт ке со, курбон сётонэз ортчытыны кулэ ӧвӧл, 19кинлэн пыдыз тӥяськемын яке киыз чигиськемын, 20тыбырыз потэмын, киыз яке пыдыз куасьмемын, синзэ дыж басьтэм, гижлоё, паршаен висись, пал пузо мурт но курбон сётонэз ортчытыны кулэ ӧвӧл; 21Аарон священниклэн кидысысьтыз-выжыысьтыз потэм одӥгез но адями, солэн мугор вылаз кыӵе ке тырмымтэосыз-шекъёсыз вань ке, Кузё-Инмарлы курбон сётыны медаз лыкты; тырмымтэез-шекез солэн мугор вылаз бере, Инмарезлы (курбон) нянь вайыса лыктыны со кулэ ӧвӧл; 22быдӟым святыняос пӧлысь но, святыняос пӧлысь но Инмарезлэсь няньзэ со сиыны быгатэ; 23но катанчи доры со лыктыны кулэ ӧвӧл, курбон сётон ӝӧклэн матаз но лыктыны кулэ ӧвӧл, малы ке шуоно солэн мугор вылаз тырмымтэез-шекез вань; Мынэсьтым вӧсяськон интыме со сантэманы кулэ ӧвӧл, уго Мон Кузё-Инмар, соосты дун-чылкыт карись”». 24Та сярысь Моисей Ааронлы но солэн пиосызлы, вань израиль калыклы ивортӥз.
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016