Левит 20
20
20-тӥ ЛЮКЕТ
1Кузё-Инмар Моисейлы тазьы вераз, тазьы шуиз: 2«Израиль пиослы тазьы шу: ”Израиль пиос пӧлысь яке израиль калык пӧлын улӥсь сьӧрлось лыктэм калык пӧлысь кин ке но аслэсьтыз нылпизэ Молохлы курбонлы сётӥз ке, со виемын мед луоз: та музъемлэн калыкез сое изъёсын зӥръяса мед виёз; 3со адями шоры Мон Аслэсьтым ымнырме берыкто но сое ас калыкез пӧлысь быдто Молохлы ас нылпизэ курбонлы сётэм, Мынэсьтым вӧсяськон интыме саптамез понна, Мынэсьтым дун-шектэм нимме сантэмамез понна; 4та музъемлэн калыкез аслэсьтыз синъёссэ ӧз ке берыкты нылпизэ Молохлы сётӥсь адями шоры, ӧз ке виы сое, 5соку Мон ымнырме берыкто со адями шоры, солэн выжыез шоры но со адямиез ас калыкез пӧлысь быдто, солэн пытьы кузяз вань азыса ветлӥсьёсты, Молохлэн пытьы кузяз азыса ветлыны кутскемъёсты, ас калыксы пӧлысь быдто. 6Кудӥз ке но адями кулэмъёслэсь лулъёссэс ӧтьыса вайылӥз ке, туноослы вазиськиз ке азыса-калгыса соослэн пытьы кузязы ветлон вылысь, соку Мон ымнырме та адями шоры берыкто но ас калыкез пӧлысь сое быдто. 7Дунматске-чылкытатске, дун-чылкытэсь луэ, уго Мон Кузё-Инмар, тӥляд Инмарды, Мон [дун-чылкыт]. 8Мынэсьтым пуктон-косонъёсме уте, быдэсъялэ, уго Мон тӥледыз дун-чылкыт карись Кузё-Инмар. 9Кин ке атайзэ яке анайзэ лек кылъёсын вӧсь кариз ке, сое виыны кулэ; атайзэ но анайзэ лек кылын вӧсь карисьлэн вирыз ас вылаз вуэ. 10Бызем кышномуртэн кин ке но азыса-калгыса улӥз ке, матысь муртэзлэн кышноеныз кин ке но азыса-калгыса улӥз ке, – азыса-калгыса улӥсь пиосмурт но, кышномурт но – виемын луыны кулэ. 11Кин ке атаезлэн кышноеныз артэ выдӥз ке, со пиосмурт атаезлэсь гольыксэ усьтӥз – кыксы но соос виемын мед луозы, вирзы ас вылазы. 12Кин ке кенэныз артэ выдӥз ке, соос кыксы ик виемын мед луозы – юрӟым уж соос лэсьтӥзы, вирзы ас вылазы. 13Кин ке пиосмуртэз кышно карыса артэ выдӥз ке, соос кыксы но юрӟым уж лэсьтӥзы, соос виемын мед луозы, вирзы ас вылазы. 14Кин ке нылэз но солэсь анайзэ кышно басьтӥз ке – со законлы пумит улон; со пиосмуртэз но, со кышномуртъёсты но тыл вылын сутоно, законлы пумит улон тӥ пӧлын медаз луы шуыса. 15Кин ке пудо вылын азон сьӧлык лэсьтӥз ке, со муртэ виёно, со пудоез но виёно. 16Кыӵе ке кышномурт мыныса пудоен азон сьӧлык лэсьтӥз ке, со кышномуртэз ви, со пудоез но: кыксы но виемын мед луозы, соослэн вирзы асьсэ вылын. 17Кин ке но сузэрзэ, атаезлэсь нылзэ яке анаезлэсь нылзэ, кутоз но солэсь гольыксэ адӟиз ке, нылмурт но со пиосмуртлэсь гольык интызэ адӟиз ке: та возьыттэм уж, соос кыкназы ик ас калыксылэн пиоссы азьын быдтэмын луыны кулэ, со ас сузэрезлэсь гольык интызэ усьтӥз: аслэсьтыз сьӧлыксэ со ас вылаз нуоз. 18Вирын саптаськон висёнэз дыръя кин ке кышноез вӧзы выдӥз ке, солэсь гольык интызэ усьтӥз ке, со кышноезлэсь вир виянзэ кыре поттӥз, кышноез но аслэсьтыз вир виян интызэ усьтӥз – кыксы но ас калыксы пушкысь быдтэмын луыны кулэ. 19Анаедлэн сузэрезлэсь гольыксэ, атаедлэн сузэрезлэсь гольыксэ эн усья, уго таӵе мурт аслэсьтыз гольыксэ усьтэм луэ, сьӧлыксэс соос ас вылазы нуозы. 20Кин кенакеныз артэ выдӥз ке, со агаезлэсь гольыксэ усьтэм луэ; сьӧлыксэс соос ас вылазы нуозы, нылпитэк кулозы. 21Кин вынызлэсь яке агаезлэсь кышнозэ басьтӥз ке, со юрӟым уж лэсьтэ; со аслаз братэзлэсь гольык интызэ усьтӥз, соослэн нылпизы уз луы. 22Мынэсьтым вань пуктон-косонъёсме уте, вань законъёсме уте, быдэсъялэ соосты, соку музъем Мынам тӥледыз отчы улыны нуэм берам тӥледыз ас вылысьтыз уз сэрпалты. 23Тӥляд азьысьтыды улляно калыклэн сямъёсызъя эн улэ, уго соос вань та ужъёсты лэсьтыса улӥзы, Мынам соослы туж воже потӥз, 24Мон тӥледлы шуи: ”Соослэсь музъемзэс киултэ, йӧлын чечыен бызись музъемез тӥледлы люкетлы сётӥсько”. Мон Кузё-Инмар, тӥляд Инмарды, вань калыкъёслэсь тӥледыз висъясь. 25Чылкыт пудоез кырсь пудолэсь, чылкыт тылобурдоез кырсь тылобурдолэсь висъяны быгатэ, асьтэлэсь лулъёстэс эн сапталэ пудоен, тылобурдоен, музъем вылтӥ вань нюж кыстӥськыса ветлӥсьёсын, кудъёссэ Мон кырсесь шуыса висъялляй. 26Мон азьын дун-чылкытэсь луэ, уго Мон Кузё-Инмар [тӥляд Инмарды] дун-чылкыт, Мон тӥледыз мукет калыкъёслэсь висъяй, тӥ Мынам калыке мед луоды шуыса. 27Пиосмуртъёс-а, кышномуртъёс-а кулэм муртъёслэсь лулъёссэс ӧтьыса вайылӥзы ке, яке тунаськыса улӥзы ке, виемын мед луозы: изъёсын зӥръяса сыӵеосты виылоно, соослэн вирзы ас вылазы”».
Currently Selected:
Левит 20: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
Левит 20
20
20-тӥ ЛЮКЕТ
1Кузё-Инмар Моисейлы тазьы вераз, тазьы шуиз: 2«Израиль пиослы тазьы шу: ”Израиль пиос пӧлысь яке израиль калык пӧлын улӥсь сьӧрлось лыктэм калык пӧлысь кин ке но аслэсьтыз нылпизэ Молохлы курбонлы сётӥз ке, со виемын мед луоз: та музъемлэн калыкез сое изъёсын зӥръяса мед виёз; 3со адями шоры Мон Аслэсьтым ымнырме берыкто но сое ас калыкез пӧлысь быдто Молохлы ас нылпизэ курбонлы сётэм, Мынэсьтым вӧсяськон интыме саптамез понна, Мынэсьтым дун-шектэм нимме сантэмамез понна; 4та музъемлэн калыкез аслэсьтыз синъёссэ ӧз ке берыкты нылпизэ Молохлы сётӥсь адями шоры, ӧз ке виы сое, 5соку Мон ымнырме берыкто со адями шоры, солэн выжыез шоры но со адямиез ас калыкез пӧлысь быдто, солэн пытьы кузяз вань азыса ветлӥсьёсты, Молохлэн пытьы кузяз азыса ветлыны кутскемъёсты, ас калыксы пӧлысь быдто. 6Кудӥз ке но адями кулэмъёслэсь лулъёссэс ӧтьыса вайылӥз ке, туноослы вазиськиз ке азыса-калгыса соослэн пытьы кузязы ветлон вылысь, соку Мон ымнырме та адями шоры берыкто но ас калыкез пӧлысь сое быдто. 7Дунматске-чылкытатске, дун-чылкытэсь луэ, уго Мон Кузё-Инмар, тӥляд Инмарды, Мон [дун-чылкыт]. 8Мынэсьтым пуктон-косонъёсме уте, быдэсъялэ, уго Мон тӥледыз дун-чылкыт карись Кузё-Инмар. 9Кин ке атайзэ яке анайзэ лек кылъёсын вӧсь кариз ке, сое виыны кулэ; атайзэ но анайзэ лек кылын вӧсь карисьлэн вирыз ас вылаз вуэ. 10Бызем кышномуртэн кин ке но азыса-калгыса улӥз ке, матысь муртэзлэн кышноеныз кин ке но азыса-калгыса улӥз ке, – азыса-калгыса улӥсь пиосмурт но, кышномурт но – виемын луыны кулэ. 11Кин ке атаезлэн кышноеныз артэ выдӥз ке, со пиосмурт атаезлэсь гольыксэ усьтӥз – кыксы но соос виемын мед луозы, вирзы ас вылазы. 12Кин ке кенэныз артэ выдӥз ке, соос кыксы ик виемын мед луозы – юрӟым уж соос лэсьтӥзы, вирзы ас вылазы. 13Кин ке пиосмуртэз кышно карыса артэ выдӥз ке, соос кыксы но юрӟым уж лэсьтӥзы, соос виемын мед луозы, вирзы ас вылазы. 14Кин ке нылэз но солэсь анайзэ кышно басьтӥз ке – со законлы пумит улон; со пиосмуртэз но, со кышномуртъёсты но тыл вылын сутоно, законлы пумит улон тӥ пӧлын медаз луы шуыса. 15Кин ке пудо вылын азон сьӧлык лэсьтӥз ке, со муртэ виёно, со пудоез но виёно. 16Кыӵе ке кышномурт мыныса пудоен азон сьӧлык лэсьтӥз ке, со кышномуртэз ви, со пудоез но: кыксы но виемын мед луозы, соослэн вирзы асьсэ вылын. 17Кин ке но сузэрзэ, атаезлэсь нылзэ яке анаезлэсь нылзэ, кутоз но солэсь гольыксэ адӟиз ке, нылмурт но со пиосмуртлэсь гольык интызэ адӟиз ке: та возьыттэм уж, соос кыкназы ик ас калыксылэн пиоссы азьын быдтэмын луыны кулэ, со ас сузэрезлэсь гольык интызэ усьтӥз: аслэсьтыз сьӧлыксэ со ас вылаз нуоз. 18Вирын саптаськон висёнэз дыръя кин ке кышноез вӧзы выдӥз ке, солэсь гольык интызэ усьтӥз ке, со кышноезлэсь вир виянзэ кыре поттӥз, кышноез но аслэсьтыз вир виян интызэ усьтӥз – кыксы но ас калыксы пушкысь быдтэмын луыны кулэ. 19Анаедлэн сузэрезлэсь гольыксэ, атаедлэн сузэрезлэсь гольыксэ эн усья, уго таӵе мурт аслэсьтыз гольыксэ усьтэм луэ, сьӧлыксэс соос ас вылазы нуозы. 20Кин кенакеныз артэ выдӥз ке, со агаезлэсь гольыксэ усьтэм луэ; сьӧлыксэс соос ас вылазы нуозы, нылпитэк кулозы. 21Кин вынызлэсь яке агаезлэсь кышнозэ басьтӥз ке, со юрӟым уж лэсьтэ; со аслаз братэзлэсь гольык интызэ усьтӥз, соослэн нылпизы уз луы. 22Мынэсьтым вань пуктон-косонъёсме уте, вань законъёсме уте, быдэсъялэ соосты, соку музъем Мынам тӥледыз отчы улыны нуэм берам тӥледыз ас вылысьтыз уз сэрпалты. 23Тӥляд азьысьтыды улляно калыклэн сямъёсызъя эн улэ, уго соос вань та ужъёсты лэсьтыса улӥзы, Мынам соослы туж воже потӥз, 24Мон тӥледлы шуи: ”Соослэсь музъемзэс киултэ, йӧлын чечыен бызись музъемез тӥледлы люкетлы сётӥсько”. Мон Кузё-Инмар, тӥляд Инмарды, вань калыкъёслэсь тӥледыз висъясь. 25Чылкыт пудоез кырсь пудолэсь, чылкыт тылобурдоез кырсь тылобурдолэсь висъяны быгатэ, асьтэлэсь лулъёстэс эн сапталэ пудоен, тылобурдоен, музъем вылтӥ вань нюж кыстӥськыса ветлӥсьёсын, кудъёссэ Мон кырсесь шуыса висъялляй. 26Мон азьын дун-чылкытэсь луэ, уго Мон Кузё-Инмар [тӥляд Инмарды] дун-чылкыт, Мон тӥледыз мукет калыкъёслэсь висъяй, тӥ Мынам калыке мед луоды шуыса. 27Пиосмуртъёс-а, кышномуртъёс-а кулэм муртъёслэсь лулъёссэс ӧтьыса вайылӥзы ке, яке тунаськыса улӥзы ке, виемын мед луозы: изъёсын зӥръяса сыӵеосты виылоно, соослэн вирзы ас вылазы”».
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016