Левит 16
16
16-тӥ ЛЮКЕТ
1Ааронлэн кык пиосыз Кузё-Инмар азе [мурт тылын] лыктэм понна кулэмзы бере Кузё-Инмар Моисейлы вераз, 2соку Кузё-Инмар Моисейлы шуиз: «Аарон агаедлы вера: со котькыӵе но дыре вӧсяськон интылэн катанчи сьӧраз, [сӥзён-косонэн] ковчеглэн шобрет [сьӧлыкъёслэсь чылкытатон-сузян интылэн] азяз, медаз лыкты, кулоно медаз луы шуыса, уго пилем пушкысен шобрет вылын Мон возьматскыло. 3Тани маръёсын Аарон вӧсяськон инты пушкы пырыны кулэ: сьӧлык понна курбон сётыны ошпи вайыны кулэ, тылын сутӥськись курбон сётыны така вайыны кулэ; 4вылаз етӥнлэсь куэм дун-чылкыт дэрем мед дӥсялоз, улдэремез но етӥнлэсь куэмын мед луоз, етӥн шортлэсь куэм кускерттонэн куссэ мед думоз, йыраз етӥн дэралэсь вурем кидар изьы мед изьыялоз – та вӧсяськон дӥськут; мугорзэ вуын мед миськоз, собере мед дӥсяськоз; 5огазе люкаськем израиль пиослэсь ваем [кеч уллёысь] кык кечтакаоссэс сьӧлык понна курбон сётыны мед кутоз, одӥгзэ таказэс тылын сутӥськись курбон сётыны мед кутоз. 6Аарон ачиз понна, сьӧлык понна ошпиез курбон сётоз, озьы ассэ но, семьязэ но чылкытатоз-сузялоз. 7Кык кечтакаосты вӧсяськон скинияе пырон доры, Кузё-Инмар азе, вайыса султытоз; 8кыкез ик кеч пумысен Аарон пус чӧлтоз: одӥгез пус Кузё-Инмар понна, нош мукетыз пус – кыре лэзён понна; 9Кузё-Инмар понна пус усем кечтакаез Аарон ваёз но сьӧлык понна курбонлы сётоз, 10нош кыре лэзён понна пус усем кечтакаез улэпкын Кузё-Инмар азе со султытоз калыклы чылкытатон-сузян сямез ортчытон понна, собере сое луоё кыр дуннее келяса лэзьыны мед луоз шуыса [пыраны-потаны луонтэм дуннее со ас вылаз мед нуоз калыклэсь законлы пумит улэмъёссэ]. 11Аарон ошпиез ачиз понна, сьӧлык понна курбон сётыны ваёз, ассэ но, семьязэ но чылкытатоз-сузялоз; ачиз понна, сьӧлык понна ошпиез вандоз; 12Кузё-Инмар азьын сылӥсь курбон сётон интыысь кадило тыраз ӝуась эгыръёсты тыроз, кык кырым тыр векчи пыргытэм ческыт зын поттӥсь арбериез поноз но катанчи сьӧры кадилозэ нуоз; 13ческыт зын поттӥсь арбериез Кузё-Инмарлэн азяз тыл вылэ поноз, ӵындытонлэн пилемез сӥзён-косонэн ковчеглэсь шобретсэ шобыртоз, со медаз кулы шуыса; 14ошпилэсь вирзэ басьтоз но чиньыеныз шобретлэн азьпалтӥз но, шобрет азьтӥ но пазьгоз, сизьым пол чиньыеныз вир пазьгоз. 15Калык понна, сьӧлык понна кечтакаез вандоз, солэсь вирзэ катанчи сьӧры пыртоз, ошпилэн вирыныз кызьы но мар кариз, талэн вирыныз но озьы ик кароз, шобрет вылэ, шобрет азе вир пазьгоз, – 16тазьы вӧсяськон интыез израиль пиослэн кырсьсылэсь, йыружъёссылэсь, вань сьӧлыкъёссылэсь сузялоз-чылкытатоз. Тазьы со лэсьтыны кулэ вӧсяськон скинияен но, кудӥз соос дорын, соослэн кырсь макеоссы пӧлын сылэ. 17Аарон вӧсяськон интыез чылкытатыны-сузяны пырон дыръя, со отысь потытозь, вӧсяськон скиния пушкын одӥг адями но луыны кулэ ӧвӧл. Тани тазьы со ассэ но, ас семьяоссэ но, вань израиль калыкез но чылкытатоз-сузялоз. 18Кузё-Инмар азьын сылӥсь курбон сётон ӝӧк доры потоз но сое чылкытатоз-сузялоз: ошпилэсь вирзэ, кечтакалэсь вирзэ басьтоз но курбон сётон ӝӧклэн сюръёсыз вылэ котыр ласянь со вирез поноз, 19курбон сётон ӝӧк вылэ, чиньызэ вире веттыса, сизьым пол пазьгоз, озьы сое израиль пиослэн кырсьсылэсь чылкытатоз-сузялоз, дун-чылкыт кароз. 20Вӧсяськон интыез, вӧсяськон скинияез, курбон сётон ӝӧкез чылкытатэм-сузям бере, [священникъёсты но чылкытатэм-сузям бере] со улэп кечтакаез ваёз, 21соку Аарон кык кизэ ик улэп кечтакалэн йыр вылаз поноз но со вылын израиль пиослэсь вань законлы пумит улэмъёссэс, вань йыружъёссэс, вань сьӧлыкъёссэс ватытэк шара вералоз, озьы соосты кечтакалэн йыр вылаз поноз но юри быръем муртэн сое луоё кыр дуннее келялоз: 22та кечтака ас вылаз соослэсь законлы пумит вань улэмъёссэс пырыны-потыны луонтэм музъеме нуоз, собере кечтакаез луоё кыр дуннее лэзёз. 23Аарон вӧсяськон скинияе пыроз, вӧсяськон интые пырыку дӥсям етӥн дӥськутсэ вылысьтыз кылёз но соосты отчы кельтоз, 24святой интыын мугорзэ вуэн миськоз, дӥськутсэ дӥсялоз, потоз но ачиз понна тылын сутӥськись курбон сётоз, калык понна но тылын сутӥськись курбон сётоз, ассэ, [семьяоссэ но,] калыкез, [священникъёсты но] чылкытатоз-сузялоз; 25нош сьӧлык понна сётӥськись пудолэсь кӧйзэ курбон сётон интыын сутоз. 26Кин кечтакаез кыр дуннее кельтыны нуллӥз, дӥськутсэ миськыны кулэ, мугорзэ но вуэн гылтыны кулэ, собере ини станэ пырыны быгатоз. 27Нош сьӧлык понна курбон сётэм ошез, кечтакаез, кудъёсызлэн вирзы вӧсяськон интыез чылкытатыны-сузяны пыртэмын вал, станлэн сьӧраз мед поттозы но кузэс но, сӥльзэс но, сӥтьсюлъёссэс но тыл вылын мед сутозы; 28таосты сутӥсь мурт дӥськутсэ миськыны кулэ, мугорзэ вуэн гылтыны кулэ, собере стан пушкы пырыны быгатоз ни.
29Тӥ понна та пумтэм вапумъёс ӵожелы сётӥськем пуктон-косон мед луоз: сизьыметӥ толэзе, толэзьлэн дасэтӥ [нуналаз], асьтэдыз зӥбыт-востэм возе, номыр но эн ужалэ, та музъемын пырак улӥсь адями но, тӥ пӧлы мукет азьысь улыны лыктэм мурт но, 30уго та нуналэ тӥледыз вань сьӧлыкъёстылэсь чылкытато-сузяло, Кузё-Инмар азьын чылкытэсь мед луоды шуыса; 31та тӥ понна суббота, шутэтскон нунал, мед луоз, асьтэдыз зӥбыт-востэм возе: та пумтэм вапумъёс ӵожелы сётэм пуктон-косон. 32Чылкытатон-сузян сямез ортчытыны кулэ, вӧйын зырӟыса, атаез интые священниклэсь ужзэ нуыны пуктэм священник: етӥнлэсь куэм дӥськутсэ, вӧсяськон дӥськутэз, дӥсялоз, 33святойлэсь но святой интыез, вӧсяськон скинияез, курбон сётон ӝӧкез чылкытатоз-сузялоз, священникъёсты, вань израиль калыкез чылкытатоз-сузялоз. 34Тӥ понна та пумтэм вапумъёс ӵожелы пуктон-косон луоз: арлы быдэ одӥг пол израиль калыкез вань сьӧлыкъёсызлэсь чылкытатоно-сузяно». Кызьы Кузё-Инмар Моисейлы косон сётӥз, со озьы ик лэсьтӥз.
Currently Selected:
Левит 16: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
Левит 16
16
16-тӥ ЛЮКЕТ
1Ааронлэн кык пиосыз Кузё-Инмар азе [мурт тылын] лыктэм понна кулэмзы бере Кузё-Инмар Моисейлы вераз, 2соку Кузё-Инмар Моисейлы шуиз: «Аарон агаедлы вера: со котькыӵе но дыре вӧсяськон интылэн катанчи сьӧраз, [сӥзён-косонэн] ковчеглэн шобрет [сьӧлыкъёслэсь чылкытатон-сузян интылэн] азяз, медаз лыкты, кулоно медаз луы шуыса, уго пилем пушкысен шобрет вылын Мон возьматскыло. 3Тани маръёсын Аарон вӧсяськон инты пушкы пырыны кулэ: сьӧлык понна курбон сётыны ошпи вайыны кулэ, тылын сутӥськись курбон сётыны така вайыны кулэ; 4вылаз етӥнлэсь куэм дун-чылкыт дэрем мед дӥсялоз, улдэремез но етӥнлэсь куэмын мед луоз, етӥн шортлэсь куэм кускерттонэн куссэ мед думоз, йыраз етӥн дэралэсь вурем кидар изьы мед изьыялоз – та вӧсяськон дӥськут; мугорзэ вуын мед миськоз, собере мед дӥсяськоз; 5огазе люкаськем израиль пиослэсь ваем [кеч уллёысь] кык кечтакаоссэс сьӧлык понна курбон сётыны мед кутоз, одӥгзэ таказэс тылын сутӥськись курбон сётыны мед кутоз. 6Аарон ачиз понна, сьӧлык понна ошпиез курбон сётоз, озьы ассэ но, семьязэ но чылкытатоз-сузялоз. 7Кык кечтакаосты вӧсяськон скинияе пырон доры, Кузё-Инмар азе, вайыса султытоз; 8кыкез ик кеч пумысен Аарон пус чӧлтоз: одӥгез пус Кузё-Инмар понна, нош мукетыз пус – кыре лэзён понна; 9Кузё-Инмар понна пус усем кечтакаез Аарон ваёз но сьӧлык понна курбонлы сётоз, 10нош кыре лэзён понна пус усем кечтакаез улэпкын Кузё-Инмар азе со султытоз калыклы чылкытатон-сузян сямез ортчытон понна, собере сое луоё кыр дуннее келяса лэзьыны мед луоз шуыса [пыраны-потаны луонтэм дуннее со ас вылаз мед нуоз калыклэсь законлы пумит улэмъёссэ]. 11Аарон ошпиез ачиз понна, сьӧлык понна курбон сётыны ваёз, ассэ но, семьязэ но чылкытатоз-сузялоз; ачиз понна, сьӧлык понна ошпиез вандоз; 12Кузё-Инмар азьын сылӥсь курбон сётон интыысь кадило тыраз ӝуась эгыръёсты тыроз, кык кырым тыр векчи пыргытэм ческыт зын поттӥсь арбериез поноз но катанчи сьӧры кадилозэ нуоз; 13ческыт зын поттӥсь арбериез Кузё-Инмарлэн азяз тыл вылэ поноз, ӵындытонлэн пилемез сӥзён-косонэн ковчеглэсь шобретсэ шобыртоз, со медаз кулы шуыса; 14ошпилэсь вирзэ басьтоз но чиньыеныз шобретлэн азьпалтӥз но, шобрет азьтӥ но пазьгоз, сизьым пол чиньыеныз вир пазьгоз. 15Калык понна, сьӧлык понна кечтакаез вандоз, солэсь вирзэ катанчи сьӧры пыртоз, ошпилэн вирыныз кызьы но мар кариз, талэн вирыныз но озьы ик кароз, шобрет вылэ, шобрет азе вир пазьгоз, – 16тазьы вӧсяськон интыез израиль пиослэн кырсьсылэсь, йыружъёссылэсь, вань сьӧлыкъёссылэсь сузялоз-чылкытатоз. Тазьы со лэсьтыны кулэ вӧсяськон скинияен но, кудӥз соос дорын, соослэн кырсь макеоссы пӧлын сылэ. 17Аарон вӧсяськон интыез чылкытатыны-сузяны пырон дыръя, со отысь потытозь, вӧсяськон скиния пушкын одӥг адями но луыны кулэ ӧвӧл. Тани тазьы со ассэ но, ас семьяоссэ но, вань израиль калыкез но чылкытатоз-сузялоз. 18Кузё-Инмар азьын сылӥсь курбон сётон ӝӧк доры потоз но сое чылкытатоз-сузялоз: ошпилэсь вирзэ, кечтакалэсь вирзэ басьтоз но курбон сётон ӝӧклэн сюръёсыз вылэ котыр ласянь со вирез поноз, 19курбон сётон ӝӧк вылэ, чиньызэ вире веттыса, сизьым пол пазьгоз, озьы сое израиль пиослэн кырсьсылэсь чылкытатоз-сузялоз, дун-чылкыт кароз. 20Вӧсяськон интыез, вӧсяськон скинияез, курбон сётон ӝӧкез чылкытатэм-сузям бере, [священникъёсты но чылкытатэм-сузям бере] со улэп кечтакаез ваёз, 21соку Аарон кык кизэ ик улэп кечтакалэн йыр вылаз поноз но со вылын израиль пиослэсь вань законлы пумит улэмъёссэс, вань йыружъёссэс, вань сьӧлыкъёссэс ватытэк шара вералоз, озьы соосты кечтакалэн йыр вылаз поноз но юри быръем муртэн сое луоё кыр дуннее келялоз: 22та кечтака ас вылаз соослэсь законлы пумит вань улэмъёссэс пырыны-потыны луонтэм музъеме нуоз, собере кечтакаез луоё кыр дуннее лэзёз. 23Аарон вӧсяськон скинияе пыроз, вӧсяськон интые пырыку дӥсям етӥн дӥськутсэ вылысьтыз кылёз но соосты отчы кельтоз, 24святой интыын мугорзэ вуэн миськоз, дӥськутсэ дӥсялоз, потоз но ачиз понна тылын сутӥськись курбон сётоз, калык понна но тылын сутӥськись курбон сётоз, ассэ, [семьяоссэ но,] калыкез, [священникъёсты но] чылкытатоз-сузялоз; 25нош сьӧлык понна сётӥськись пудолэсь кӧйзэ курбон сётон интыын сутоз. 26Кин кечтакаез кыр дуннее кельтыны нуллӥз, дӥськутсэ миськыны кулэ, мугорзэ но вуэн гылтыны кулэ, собере ини станэ пырыны быгатоз. 27Нош сьӧлык понна курбон сётэм ошез, кечтакаез, кудъёсызлэн вирзы вӧсяськон интыез чылкытатыны-сузяны пыртэмын вал, станлэн сьӧраз мед поттозы но кузэс но, сӥльзэс но, сӥтьсюлъёссэс но тыл вылын мед сутозы; 28таосты сутӥсь мурт дӥськутсэ миськыны кулэ, мугорзэ вуэн гылтыны кулэ, собере стан пушкы пырыны быгатоз ни.
29Тӥ понна та пумтэм вапумъёс ӵожелы сётӥськем пуктон-косон мед луоз: сизьыметӥ толэзе, толэзьлэн дасэтӥ [нуналаз], асьтэдыз зӥбыт-востэм возе, номыр но эн ужалэ, та музъемын пырак улӥсь адями но, тӥ пӧлы мукет азьысь улыны лыктэм мурт но, 30уго та нуналэ тӥледыз вань сьӧлыкъёстылэсь чылкытато-сузяло, Кузё-Инмар азьын чылкытэсь мед луоды шуыса; 31та тӥ понна суббота, шутэтскон нунал, мед луоз, асьтэдыз зӥбыт-востэм возе: та пумтэм вапумъёс ӵожелы сётэм пуктон-косон. 32Чылкытатон-сузян сямез ортчытыны кулэ, вӧйын зырӟыса, атаез интые священниклэсь ужзэ нуыны пуктэм священник: етӥнлэсь куэм дӥськутсэ, вӧсяськон дӥськутэз, дӥсялоз, 33святойлэсь но святой интыез, вӧсяськон скинияез, курбон сётон ӝӧкез чылкытатоз-сузялоз, священникъёсты, вань израиль калыкез чылкытатоз-сузялоз. 34Тӥ понна та пумтэм вапумъёс ӵожелы пуктон-косон луоз: арлы быдэ одӥг пол израиль калыкез вань сьӧлыкъёсызлэсь чылкытатоно-сузяно». Кызьы Кузё-Инмар Моисейлы косон сётӥз, со озьы ик лэсьтӥз.
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016