Левит 15
15
15-тӥ ЛЮКЕТ
1Кузё-Инмар Моисеен Ааронлы тазьы вераз, тазьы шуиз: 2«Израиль пиослы вералэ, тазьы шуэ: ”Кудӥзлэн ке но пиосмуртлэн мугорысьтыз маиз ке вияны кутскиз ке, та вияменыз со кырсь мурт луэ ни. 3Тани солэн мугорысьтыз виям маин ке кырсь луэмез пумысен [сётӥськем закон]: мугорысьтыз маке но вия ке, виянэз мугорысьтыз потыны ӝегаса улэ ке, та солэн кырсез; 4мугорысьтыз виякуз, та адями валес вылаз выдӥз ке, со валес кырсь луэ; кытчы ке, маке вылэ пуксиз ке, со арбери кырсь луоз; 5кин ке но солэн валес бордаз йӧтӥськиз ке, со мурт дӥськутсэ миськыны, ачиз но вуэн гылтӥськыны кулэ, ӝытозь со кырсь шуыса лыдъяськоз; 6мугорысьтыз виянэз вань муртлэн пукем бервылаз кин ке пуксиз ке, со мурт ас дӥськутсэ миськыны кулэ, нош ачиз вуэн гылтӥськыны кулэ, ӝытозь со кырсь шуыса лыдъяськоз; 7мугорысьтыз виянэз ванё мурт борды кин ке но йӧтӥськиз ке, со мурт дӥськутсэ миськыны кулэ, ачиз но вуэн гылтӥськыны кулэ; ӝытозь со кырсь шуыса лыдъяськоз; 8мугорысьтыз виянэз ванё мурт чылкыт мурт вылэ сялӟиз ке, соиз ас дӥськутсэ миськыны кулэ, ачиз но вуэн гылтӥськыны кулэ; ӝытозь со мурт кырсь шуыса лыдъяськоз; 9мугорысьтыз виянэз ванё муртлэн пукем уробоез [ӝытозь] кырсь шуыса лыдъяськоз; 10мугорысьтыз виянэз ванё муртлэн пукем бервылысьтыз маиз ке борды кин ке но йӧтӥськиз ке, со мурт ӝытозь кырсь шуыса лыдъяськоз; кин ке но со арбериез кутыса нуиз ке, со мурт дӥськутсэ миськыны кулэ, ачиз но вуэн гылтӥськыны кулэ; со мурт ӝытозь кырсь шуыса лыдъяськоз; 11кизэ миськытэк мугорысьтыз виянэз ванё мурт кин ке но борды йӧтӥськиз ке, со мурт дӥськутсэ миськыны кулэ, ачиз но вуэн гылтӥськыны кулэ; ӝытозь со мурт кырсь шуыса лыдъяськоз; 12мугорысьтыз виянэз ванё мурт горд сюйлэсь лэсьтэм горшок борды йӧтӥськиз ке, горшокез сузмытыны кулэ, нош сосуд пулэсь ке лэсьтэмын, сое вуэн миськоно [но, со чылкыт луоз]. 13Нош мугорысьтыз виянэз дугдӥз ке, соку со мурт быдэсак чылкыт луон понна эшшо сизьым нунал ӵоже дун-чылкыт улыны кулэ, соку со дӥськутсэ мед миськоз, мугорзэ улэп вуэн мед гылтоз но, со чылкыт луоз; 14тямысэтӥ нуналаз кык кыр дыдыкъёсты яке кык пинал гурт дыдыкъёсты мед кутоз но Кузё-Инмар азе вӧсяськон скинияе пырон азе мед лыктоз, таосты священник кие мед сётоз; 15та тылобурдоос пӧлысь одӥгзэ священник сьӧлык понна курбон мед сётоз, нош мукетсэ тылын сутӥськись курбонлы мед сётоз, озьы священник со муртэ мугорысьтыз виянлэсь Кузё-Инмар азьын сузялоз. 16Кинлэн ке кидысэз кисьтӥськиз ке, соку со быдэс мугорзэ вуэн миськыны кулэ, ӝытозь со кырсь шуыса лыдъяськоз; 17дӥськут вылэ, ку тӥрлык вылэ кидыс усиз ке, соосты вуэн миськоно, ӝытозь соос кырсь шуыса лыдъяськозы. 18Пиосмурт кышномуртэн артэ выдӥзы ке, пиосмуртлэн кидысэз кисьтӥськиз ке, соос кыксы ик вуэн мисьтӥськыны кулэ, ӝытозь соос кырсесь шуыса лыдъяськозы. 19Кышномуртлэн саптаськонэз потэ ке, мугорысьтыз вир вия ке, соку со чылкытатӥськон вакытаз сизьым нунал ӵоже гуртаз пукыны кулэ, кин ке но та кышномурт борды йӧтӥськиз ке, со мурт ӝытозь кырсь шуыса лыдъяськоз; 20чылкытатӥськон нуналъёсаз кытчы гинэ со уз выды, ваньмыз кырсь луоз, кытчы гинэ со уз пуксьы, ваньмыз кырсь луоз; 21кин ке солэн валес бордаз йӧтӥськиз ке, со мурт дӥськутсэ миськыны кулэ, ачиз но вуэн гылтӥськыны кулэ, ӝытозь со кырсь шуыса лыдъяськоз; 22солэн пукем бервылаз кин ке йӧтӥськиз ке, со мурт дӥськутсэ миськыны кулэ, ачиз но вуэн гылтӥськыны кулэ, ӝытозь со мурт кырсь шуыса лыдъяськоз; 23валес вылысьтыз кыӵе ке тӥрлык борды, пукем бервылысьтыз кыӵе ке арбери борды кин ке йӧтӥськиз ке, та мурт ӝытозь кырсь шуыса лыдъяськоз; 24таӵе кышноен картэз изиз ке, кышноезлэн саптаськемез картэз вылын луоз; та пиосмурт сизьым нунал ӵоже кырсь шуыса лыдъяськоз, кыӵе гинэ валес вылэ со уз выды, со инты кырсь шуыса лыдъяськоз. 25Саптаськон нуналъёсыз луымтэ дыръя кышномуртлэн вирыз трос нуналъёс ӵоже вия ке, яке солэн виянэз чаклам нуналъёслэсь кемагес кыстӥське ке, соку вань саптаськон-виян вакытъёсаз, чылкытатӥськон нуналъёсаз кадь ик, со кырсь шуыса лыдъяськоз; 26саптаськонэз виян дыръя кудаз гинэ валес вылэ таӵе кышномурт уз выды, со валес кырсь луоз, кызьы валес кырсь луэ кышномуртлэн чылкытатӥськон нуналъёсыз мыныку; кыӵе ке тӥрлык вылэ со пуксиз ке, со тӥрлык кырсь луоз, кызьы кырсь луэ, кышномуртлэн чылкытатӥськон нуналъёсыз мыныку; 27кин ке та тӥрлыкъёс борды йӧтӥськиз ке, со кырсь шуыса лыдъяськоз, со мурт дӥськутсэ миськыны кулэ, ачиз но вуэн гылтӥськыны кулэ, ӝытозь со кырсь шуыса лыдъяськоз. 28Вир виянэн курадӟыса улӥсь кышномурт саптаськонэзлэсь мозмытскем бераз сизьым нунал ӵоже возьманы кулэ, собере со чылкыт луоз; 29та кышномурт тямысэтӥ нуналаз кык кыр дыдыкъёсты яке кык пинал гурт дыдыкъёсты мед басьтоз, собере соосты священник доры, вӧсяськон скинияе пырон ӧс доры, мед ваёз; 30одӥгзэ тылобурдоез священник сьӧлык понна курбон сётоз, нош мукетсэ тылын сутӥськись курбон кароз, озьы священник та кышномуртэ Кузё-Инмар азьын саптаськонэзлэн виянэзлэсь сузялоз”.
31Озьы израиль пиосты саптаськонлэсь уте, кырсь куен соос медаз кулэ но соос пӧлысь Мынэсьтым улон интыме медаз сапталэ». 32Та закон гожтэмын мугорысьтыз виянэн висьыса улӥсь пиосмурт пумысен, кидысэз кисьтӥськыса кырсь луэм пиосмурт пумысен, 33озьы ик толэзьлы быдэ саптаськонэныз висьыса улӥсь кышномурт пумысен, мугорысьтыз виянэн висьыса улӥсь пиосмурт яке кышномурт пумысен, нош озьы ик саптаськонэз вияса улӥсь кышномуртэн кӧлэм пиосмурт пумысен та закон.
Currently Selected:
Левит 15: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
Левит 15
15
15-тӥ ЛЮКЕТ
1Кузё-Инмар Моисеен Ааронлы тазьы вераз, тазьы шуиз: 2«Израиль пиослы вералэ, тазьы шуэ: ”Кудӥзлэн ке но пиосмуртлэн мугорысьтыз маиз ке вияны кутскиз ке, та вияменыз со кырсь мурт луэ ни. 3Тани солэн мугорысьтыз виям маин ке кырсь луэмез пумысен [сётӥськем закон]: мугорысьтыз маке но вия ке, виянэз мугорысьтыз потыны ӝегаса улэ ке, та солэн кырсез; 4мугорысьтыз виякуз, та адями валес вылаз выдӥз ке, со валес кырсь луэ; кытчы ке, маке вылэ пуксиз ке, со арбери кырсь луоз; 5кин ке но солэн валес бордаз йӧтӥськиз ке, со мурт дӥськутсэ миськыны, ачиз но вуэн гылтӥськыны кулэ, ӝытозь со кырсь шуыса лыдъяськоз; 6мугорысьтыз виянэз вань муртлэн пукем бервылаз кин ке пуксиз ке, со мурт ас дӥськутсэ миськыны кулэ, нош ачиз вуэн гылтӥськыны кулэ, ӝытозь со кырсь шуыса лыдъяськоз; 7мугорысьтыз виянэз ванё мурт борды кин ке но йӧтӥськиз ке, со мурт дӥськутсэ миськыны кулэ, ачиз но вуэн гылтӥськыны кулэ; ӝытозь со кырсь шуыса лыдъяськоз; 8мугорысьтыз виянэз ванё мурт чылкыт мурт вылэ сялӟиз ке, соиз ас дӥськутсэ миськыны кулэ, ачиз но вуэн гылтӥськыны кулэ; ӝытозь со мурт кырсь шуыса лыдъяськоз; 9мугорысьтыз виянэз ванё муртлэн пукем уробоез [ӝытозь] кырсь шуыса лыдъяськоз; 10мугорысьтыз виянэз ванё муртлэн пукем бервылысьтыз маиз ке борды кин ке но йӧтӥськиз ке, со мурт ӝытозь кырсь шуыса лыдъяськоз; кин ке но со арбериез кутыса нуиз ке, со мурт дӥськутсэ миськыны кулэ, ачиз но вуэн гылтӥськыны кулэ; со мурт ӝытозь кырсь шуыса лыдъяськоз; 11кизэ миськытэк мугорысьтыз виянэз ванё мурт кин ке но борды йӧтӥськиз ке, со мурт дӥськутсэ миськыны кулэ, ачиз но вуэн гылтӥськыны кулэ; ӝытозь со мурт кырсь шуыса лыдъяськоз; 12мугорысьтыз виянэз ванё мурт горд сюйлэсь лэсьтэм горшок борды йӧтӥськиз ке, горшокез сузмытыны кулэ, нош сосуд пулэсь ке лэсьтэмын, сое вуэн миськоно [но, со чылкыт луоз]. 13Нош мугорысьтыз виянэз дугдӥз ке, соку со мурт быдэсак чылкыт луон понна эшшо сизьым нунал ӵоже дун-чылкыт улыны кулэ, соку со дӥськутсэ мед миськоз, мугорзэ улэп вуэн мед гылтоз но, со чылкыт луоз; 14тямысэтӥ нуналаз кык кыр дыдыкъёсты яке кык пинал гурт дыдыкъёсты мед кутоз но Кузё-Инмар азе вӧсяськон скинияе пырон азе мед лыктоз, таосты священник кие мед сётоз; 15та тылобурдоос пӧлысь одӥгзэ священник сьӧлык понна курбон мед сётоз, нош мукетсэ тылын сутӥськись курбонлы мед сётоз, озьы священник со муртэ мугорысьтыз виянлэсь Кузё-Инмар азьын сузялоз. 16Кинлэн ке кидысэз кисьтӥськиз ке, соку со быдэс мугорзэ вуэн миськыны кулэ, ӝытозь со кырсь шуыса лыдъяськоз; 17дӥськут вылэ, ку тӥрлык вылэ кидыс усиз ке, соосты вуэн миськоно, ӝытозь соос кырсь шуыса лыдъяськозы. 18Пиосмурт кышномуртэн артэ выдӥзы ке, пиосмуртлэн кидысэз кисьтӥськиз ке, соос кыксы ик вуэн мисьтӥськыны кулэ, ӝытозь соос кырсесь шуыса лыдъяськозы. 19Кышномуртлэн саптаськонэз потэ ке, мугорысьтыз вир вия ке, соку со чылкытатӥськон вакытаз сизьым нунал ӵоже гуртаз пукыны кулэ, кин ке но та кышномурт борды йӧтӥськиз ке, со мурт ӝытозь кырсь шуыса лыдъяськоз; 20чылкытатӥськон нуналъёсаз кытчы гинэ со уз выды, ваньмыз кырсь луоз, кытчы гинэ со уз пуксьы, ваньмыз кырсь луоз; 21кин ке солэн валес бордаз йӧтӥськиз ке, со мурт дӥськутсэ миськыны кулэ, ачиз но вуэн гылтӥськыны кулэ, ӝытозь со кырсь шуыса лыдъяськоз; 22солэн пукем бервылаз кин ке йӧтӥськиз ке, со мурт дӥськутсэ миськыны кулэ, ачиз но вуэн гылтӥськыны кулэ, ӝытозь со мурт кырсь шуыса лыдъяськоз; 23валес вылысьтыз кыӵе ке тӥрлык борды, пукем бервылысьтыз кыӵе ке арбери борды кин ке йӧтӥськиз ке, та мурт ӝытозь кырсь шуыса лыдъяськоз; 24таӵе кышноен картэз изиз ке, кышноезлэн саптаськемез картэз вылын луоз; та пиосмурт сизьым нунал ӵоже кырсь шуыса лыдъяськоз, кыӵе гинэ валес вылэ со уз выды, со инты кырсь шуыса лыдъяськоз. 25Саптаськон нуналъёсыз луымтэ дыръя кышномуртлэн вирыз трос нуналъёс ӵоже вия ке, яке солэн виянэз чаклам нуналъёслэсь кемагес кыстӥське ке, соку вань саптаськон-виян вакытъёсаз, чылкытатӥськон нуналъёсаз кадь ик, со кырсь шуыса лыдъяськоз; 26саптаськонэз виян дыръя кудаз гинэ валес вылэ таӵе кышномурт уз выды, со валес кырсь луоз, кызьы валес кырсь луэ кышномуртлэн чылкытатӥськон нуналъёсыз мыныку; кыӵе ке тӥрлык вылэ со пуксиз ке, со тӥрлык кырсь луоз, кызьы кырсь луэ, кышномуртлэн чылкытатӥськон нуналъёсыз мыныку; 27кин ке та тӥрлыкъёс борды йӧтӥськиз ке, со кырсь шуыса лыдъяськоз, со мурт дӥськутсэ миськыны кулэ, ачиз но вуэн гылтӥськыны кулэ, ӝытозь со кырсь шуыса лыдъяськоз. 28Вир виянэн курадӟыса улӥсь кышномурт саптаськонэзлэсь мозмытскем бераз сизьым нунал ӵоже возьманы кулэ, собере со чылкыт луоз; 29та кышномурт тямысэтӥ нуналаз кык кыр дыдыкъёсты яке кык пинал гурт дыдыкъёсты мед басьтоз, собере соосты священник доры, вӧсяськон скинияе пырон ӧс доры, мед ваёз; 30одӥгзэ тылобурдоез священник сьӧлык понна курбон сётоз, нош мукетсэ тылын сутӥськись курбон кароз, озьы священник та кышномуртэ Кузё-Инмар азьын саптаськонэзлэн виянэзлэсь сузялоз”.
31Озьы израиль пиосты саптаськонлэсь уте, кырсь куен соос медаз кулэ но соос пӧлысь Мынэсьтым улон интыме медаз сапталэ». 32Та закон гожтэмын мугорысьтыз виянэн висьыса улӥсь пиосмурт пумысен, кидысэз кисьтӥськыса кырсь луэм пиосмурт пумысен, 33озьы ик толэзьлы быдэ саптаськонэныз висьыса улӥсь кышномурт пумысен, мугорысьтыз виянэн висьыса улӥсь пиосмурт яке кышномурт пумысен, нош озьы ик саптаськонэз вияса улӥсь кышномуртэн кӧлэм пиосмурт пумысен та закон.
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016