2 Tesalonicenses 3
3
Diosrö ucuocuätucui ujuturu
1Tö̧jä̧hua̧tö̧, röji ti̧huȩnȩ pä'ätöjä ucuturu. Diosrö ucuocuätucui ujuturu, Tu̧ru̧hua̧ i̧huȩnȩ pi̧jä̧ pa̧ja̧cu̧nä̧ jurunänö rȩbȩhuä̧cua̧'a̧nö̧. Ja̧'hua̧ta̧nö̧ ucutu cuesetinätucu ta'anö, ucuotönö ttesetäcua'a̧nö̧ ucuocuätucui. 2Ja̧'hua̧ta̧nö̧ Diosrö ucuocuätucui suronä amöcuädätö'inä, suronä jȩpä̧tö̧'i̧nä̧ ujuturu suronä jȩttö̧ juiyäcua'a̧nö̧. O'ca toi'önä Diosrö esetocotö. 3Ja̧'hua̧nö̧ ja̧'a̧nä̧ Tu̧ru̧hua̧ o'ca juiyönä päömä jȩpö̧. Cuami 'qui'ächi'ö cu̧ja̧cuä̧tu̧cua̧ pä'ö ppä̧dä̧cua̧. Ja̧u̧tä̧ ucuturu tta̧huä̧rä̧cua̧ surojö rȩbȩu̧ juiyönä. 4Ujutu Tu̧ru̧hua̧rö̧ ta̧'cua̧ huȩnä̧rö̧ ucuturu amöcuädätöjä, ujutu jitähuinömä jȩpö̧ ttö̧ja̧cuä̧cuo̧tö̧ pä'ö. 5Diosttö repeähuä cu̧ju̧nä̧rä̧tu̧cua̧ pä'ö ppädäcua'a̧nö̧ Tu̧ru̧hua̧. Cristottö ttami 'qui'ächi'ö kä̧cuä̧huä̧ iyäcua'a̧nö̧ ucuturu Tu̧ru̧hua̧.
O'ca toi'önä ttaditähuä ttaditö huȩnȩ
6Tö̧jä̧hua̧tö̧, Tu̧ru̧hua̧ Jesucristo i̧mi̧nä̧ hue'ätöjä ucuturu. Ya̧tȩ adita pä'ocörö'inä, ucuturu tu̧huo̧juȩti̧nö̧ jȩpo̧cö̧rö̧'i̧nä̧ 'quȩ'i̧pä̧chä̧tu̧cui̧. 7Ucuturu tö̧ja̧cui̧nö̧ ujutu jȩti̧nö̧'a̧nö̧ jȩcu̧'ä̧tu̧cuä̧cuȩmä̧ huo̧juä̧tö̧jä̧. Ucutucu tö̧ja̧cuo̧mȩnä̧, taditähuä taditoca'a ka̧cuo̧co̧tö̧ pi̧nä̧tö̧jä̧. 8Yoröiso mippoönä cuocotö pi̧nä̧tö̧jä̧ ucutu cu̧cuȩtu̧cu̧ttu̧mä̧. Mo̧ro̧'i̧nä̧, yodo'inä aditinätöjä tö̧ja̧cu̧ micuä päi'önä ucututtu mippoönä jätepö juiya pä'ö. 9Iso päi'önä ujuturu ppäcuhuädätucu'a̧nö̧ ja̧'a̧nä̧, ujutu aditinätöjä ucutu'inä ujutu jȩtö̧'a̧nö̧ jȩcu̧'ä̧tu̧cua̧ pä'ö. 10Ujutu ucutucu tö̧ja̧cui̧nö̧, pa̧'a̧nö̧ hue'inätöjä: Ya̧tȩ aditocömä, u̧cuȩ'i̧nä̧ cuocö. 11Korotö ji'ähuinätö ujuturu, ucututtu yotöte ttaditoca'a ka̧cuä̧tö̧. Jahuätö korode korodenötä amönä huȩnȩ ucuocu cue'ächätö pä'ö. 12Ja̧'hua̧nö̧ aditocotörö Tu̧ru̧hua̧ Jesucristo i̧mi̧nä̧ ro̧'ȩpö̧ hue'ätöjä jitötä tta̧'cua̧ adiunä ttaditähuä aditö ttö̧ja̧cu̧ micuä ttȩma̧ pä'ö.
13Tö̧jä̧hua̧tö̧, adihuä juäi jȩä̧cuä̧huä̧nä̧ 'cuäcuhuächi'ätucuä'. 14Pi̧yȩ cuyärunä ti̧huȩyu̧tä̧ji̧ ta'anö jȩpo̧cö̧mä̧ ¿Di ja̧ pä'ö? cu̧huo̧juä̧tu̧cua̧ja̧. Ja̧u̧ ödäpecua pä'ö ja̧u̧cu̧ cuecuhuächätucuä'. 15Ja̧'hua̧nö̧ ja̧'a̧nä̧ cua̧bo̧i̧ya̧tu̧cu̧ päi'önä jȩcu̧'ä̧tu̧cuä̧rö̧. Cu̧jä̧hua̧tu̧cu̧ru̧ cucuocuätucu'a̧nö̧, ucuocu ppä'ädätucuirö.
Röjinä teähuinö huȩnȩ
16Tu̧ru̧hua̧, eseunu kä̧cuä̧huä̧ Ru̧hua̧, o'ca juiyönä eseunu kä̧cuä̧huä̧ iyäcua'a̧nö̧ ucuturu 'cuäopönä. Tu̧ru̧hua̧ ucutu o'ca toi'önärö ppädäcua'a̧nö̧.
17Ttö Pablo, ucuturu te'äu pi̧yȩ cuyäru ttötä chu̧mö̧nä̧ huȩyu̧tu̧sä̧. Ttö chi̧huȩyu̧tu̧mä̧ chi̧mi̧ pa̧'a̧. Ja̧'hua̧nö̧tä̧ huȩyu̧tu̧sä̧. 18Tu̧ru̧hua̧ Jesucristo ucutu o'ca toi'önärö ppädäcua'a̧nö̧. Amén.
Currently Selected:
2 Tesalonicenses 3: PIDNT86
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Piaroa © Sociedades Biblicas Unidas, 1986.
