YAKOBO NDANGIRISO
NDANGIRISO
Yaboko iwáanjikaa mano maruba. Mwa mano maruba, alósise kwa àli mukosi wa Ongo, kanji mukosi wa Enawetu Yesu Kirisito (Yakobo 1:1). Bitula biséneke'ko kwa ono Yakobo àli muuma mu balumuna ba Yesu. Úkasoma Matayo 13:55 na Mariko 6:3, bàhambere era luulu so'yu Yakobo. Paulo nai amúhambere'ko mwa chitabo cha Bakalatiya 1:19. Era nyuma se'kwômoka kwa Yesu, mu mango Yakobo êmereraa kwa Yesu i'Masiya ola Ongo álaanyaa kwa akátuma (1 Bakorindo 15:7). Chasinda, Yakobo era kuba mwimangisi we'chikembe che'bemeresi bo'mwa musi we'Yerusalemu (Mikolo ye'ndumwa 15).
Yakobo áanjikaa mano maruba chasiya aáse ebandu ba bangásoma'mo, baményerere cha chénde chálosa ebwemeresi bwe'kanangana. Kanji êresa'bo emano mbu ebwemeresi bwabo búndaa bwálorekana'ko kurenga emyanya. Rero kukulikana ne'chimbi chibere-bere ne'mulongo mubere-bere, tuséne kwa ba báanjikirwaa mano maruba bàli bandu ba bêmereraa Yesu Kirisito, kanji bàli Bayuta ba bábaa bàtatula mwa chio che'Isiraeli. Mwa ndangiriso sa mano maruba, Yakobo àhambere era luulu se'miereko era yénde yáikira emwemeresi kwa kumukusa mwa bwemeresi. Àhambere ne'ra luulu sa myasi inene era yálosa ekalamo ka kèmangirire kwa bwemeresi ne'kuira ngo'kwa Chinwa cha Ongo chìtechire. Alosa'bo kute běmire kunde batóla ebakene kuuma ne'banji bandu, na kunde bálosa ebwemeresi mwa bya baíra, na kunde báchilanga kwa bya báteta na kunde báata ebuashi bwe'kumenya emyasi kwa kutengire era mwa Ongo. Yakobo árenza emwamo kwa baare, na kusesa ebemeresi emuchima chasiya balínjirire ekufuluka kwa Enawetu. Êresa'bo emano mbu béndaa bába bandu ba báteta ekanangana, na kunde béma Ongo. Kanji ábura'bo mbu ebandu ba bàli mwa muero, béndaa báfulusa'bo mwa njira ye'bununusi.
Currently Selected:
YAKOBO NDANGIRISO: tbt
Highlight
Copy
Compare
Share
Want to have your highlights saved across all your devices? Sign up or sign in
© 2017 Wycliffe Bible Translators, Inc.