1 Aka Abuumu 24
24
Ntum Nyi Abalimajom
1A wo li nlong nyi et'tohngo ji Eron: Abon ba nlum ba Eron jolo, Nadab, Abihu, Eleaja a Itama. 2Wo Nadab abola Abihu bo tohko kpo ndea bo kehm kpoko, bo jelem mmon awohng awohng, fvfo Eleaja abola Itama bo jo loko ana abalimajom. 3Go ekakebo ji Jadok ji lohng nlaaga nyi Eleaja a Ahimelek ji lohng nlaaga nyi Itama, Devid yabe bo bum nlong a nlong toono ana á bake bo ntum. 4Bo nyehne egburu ellong atubesi ba lohng go nlaaga nyi Eleaja, sehnge nlaaga nyi Itama, fvfo bo yabe bo toono ana bo jolo no, elkua ntubesi ebangenahb awohng '16' go nlaaga nyi Eleaja, atubesi ebangenahb anehkeni '8' go nlaaga nyi Itama. 5Bo tubu elfaange yab bo jol nnene bo rangem, tib jolo re bo bel atubesi ba edi ji li saang a atubesi ba eltum etahk Esowo go ellong ni alaaga nya Eleaja abola Itama. 6Nyonawer, Semaya ji mmon no nlum no Netanel nnea nlaaga nyi Levi, nyono abing ebo kak nwer go esamahr bi ntul a bi atubesi eltum. Jadok ji nlimajom, Ahimelek ji mmon no nlum no Abiata a atubesi abangenahb nya abalimajom a anebe nlaaga nyi Levi, bo yehke nnahb anyehng goji Eleaja, fere tob yehke anyehng goji Itama. 7Ngbokambang elfaange gbo tub Jehoarib, etoono gbo tub Jedaya, 8etoono ebra gbo tub Harim, etoono ebni gbo tub Seorim, 9go eblon gbo tub Malkija, go ebrakera gbo tub Mijamin, 10go ebsehma gbo tub Hakoji, go ebnehkeni gbo tub Abija, 11go ebsehmwubu gbo tub Jesua, go ebwubu gbo tub Sekaniya, 12go ewubajehng gbo tub Eliasib, go ewubbal gbo tub Jakim 13go ewubera gbo tub Hupa, go ewubeni gbo tub Jesebeyab, 14go elku gbo tub Bilga, go elku ajehng gbo tub Immer, 15go elku ebbal gbo tub Hejir, go elku era gbo tub Hapijeji, 16go elku ebni gbo tub petahiya, go eltahl gbo tub Jehejikel, 17go eltahl ajehng gbo tub Jakin, go eltahl ebbal gbo tub Gamul, 18go eltahl ebra gbo tub Delaya, fvfo go eltahl ebni gbo tub Majia. 19Ana wo jolo esennge eltum ebo, bo l'yel etahk Jehova jo lim eltum, ana Eron ndea bo no nkul bake bo, ana Jehova, Esowo bi anebe Isreel ka-e elkahn.
Erik Anebe Nlaaga Ba Levi
20Ana erik anebe nlaaga ba Levi; go abon ba nlum ba Amram; Subayel, go abon ba nlum ba Subayel, Jedeya. 21Ana abon ba nlum ba Rehabiya, go ege abon, Isia wo jolo ngbokambang. 22Go anabe Ijariti wo Selomoti long no; go abon ba nlum ba Selomoti wo Jahati long no. 23Abon ba nlum ba Hebron, Jeria wo jolo ngbokambang, Amaria etoono ane abal, Jahajiel jol etoono ane ara, fvfo Jekameyam wo jolo etoono ane ani. 24Mmon no nlum no Ujiyel, Mika, go abon ba nlum ba Mika; Samir. 25Mmonannyehn no Mika: Isiya; go abon ba nlum ba Isiya: Jekaria. 26Abon ba nlum ba Merari: Mali abola Musi. mmon no nlum no Jaajia, Beno. 27Abon ba nlum ba Merari bomo goji Jaajia, Beno, Soham, Jakur a Ibri. 28Goji Mali: Eleaja ye ji ki bel abon. 29Goji Kisi, mmon no nlum no Kisi, Jeramel. 30Fvfo abon ba nlum ba Musi, Mali, Eder, a Jerimoti. Bo jia ba jolo anebe nlaaga ba Levi toono go ebo ebangenahb. 31Bo tob tubu elfaange, ana abonannyehn ebo go nlaaga nyi Eron limi no, go esamahr bi ntula Devid a bi Jadok. Ahimelek a atubesi ebangenahb ba abalimajom a anebe nlaaga nyi Levi. Abangenahb nya mmonannyehn no nkulakul bo ka bo eltum ana bo tob ka abangenahb nya abonanyehn ba nseanse.
Currently Selected:
1 Aka Abuumu 24: EKA-011
Highlight
Copy
Compare
Share
Want to have your highlights saved across all your devices? Sign up or sign in
©️2024 Luke Initiative for Scripture Translation
