Nomru Wan wortu na fesi
Wan wortu na fesi
A buku disi e ferteri a tori fu den Israelitisma di den kmoto fu a Sinaibergi te go miti a ten di den doro na a kondre di Gado ben pramisi fu gi den. Disi ben de sowan fotenti yari. A nen fu a buku e taki fu wan prenspari sani di psa ini a pisten dati. Dati na a teri di Moses teri den Israelitisma na a Sinaibergi fosi den hari gwe, nanga di a teri den ini Moab baka.
Ini a buku disi wi e si fa furu leisi a folku e lasi ati èn frede te den ben abi fu psa wan tranga ten èn fa den ben e kaka futu gi Gado nanga Moses, a man di Gado ben poti fu tiri den. Ma a e sori wi tu fa Gado ben tan sori a folku En bunfasi èn fa A ben e tan sorgu gi den aladi den no ben wani du san A wani.
San de ini a buku disi:
Den Israelitisma e meki densrefi klari fu kmoto na a bergi Sinai (1:1—9:23)
A fosi leisi di Moses teri a pipel (1:1—4:49)
Difrenti wèt nanga tratra sani na san den ben mus hori den (5:1—8:26)
A di fu tu leisi di den hori a Paskafesa (9:1-23)
Den hari gwe fu a bergi Sinai go na Moab (10:1—21:35)
Den sani di psa ini Moab (22:1—32:42)
Sani di psa di den ben hari gwe fu Egipte go na Moab (33:1-49)
Sani di den ben mus du fosi den ben koti a Yordanliba abra (33:50—36:13)
Currently Selected:
Nomru Wan wortu na fesi: SB16
Highlight
Copy
Compare
Share
Want to have your highlights saved across all your devices? Sign up or sign in
Tekst © Surinaams Bijbelgenootschap 2016