Maleaki Wan wortu na fesi
Wan wortu na fesi
A buku Maleaki abi a nen fu a profeiti di skrifi en. A profeiti ben e si en leki a moro prenspari sani fu sori den priester nanga a folku taki den ben mus hori densrefi baka na a ferbontu fu den nanga Gado. A ben de krin fu si ini a libi fu den sma taki den no ben e span nanga a fasi fa den ben mus libi nanga a fasi fa den ben mus anbegi Gado. Den priester nanga a folku ben e bedrigi Gado bika den no ben e tyari den ofrandi di den ben mus tyari gi Gado. Ma Masra o kon fu leisi strafu gi En pipel èn fu krin den baka. A o seni a boskopuman fu En kon na fesi fu meki a pasi klari gi En èn fu taki fu a ferbontu fu En.
San de ini a buku disi:
Den sondu fu Israel (1:1—2:16)
A strafu di Gado leisi, nanga a sari-ati fu En (2:17—4:6)
Currently Selected:
Maleaki Wan wortu na fesi: SB16
Highlight
Copy
Compare
Share
Want to have your highlights saved across all your devices? Sign up or sign in
Tekst © Surinaams Bijbelgenootschap 2016