Hosea Wan wortu na fesi
Wan wortu na fesi
A profeiti Hosea ben e preiki den boskopu fu en ini Israel, baka a profeiti Amos, fosi feyanti ben broko Samaria. Dati psa 721 yari fosi Masra Yesus ben gebore. Hosea ben e broko en ede spesrutu nanga den afkodrei sani di a pipel ben e du nanga a bribi di den no ben wani bribi Gado. Hosea sori den tapu a sani disi nanga wan eksempre fu en eigi libi fu trow nanga wan uma di waka gi en. Leki fa a kon na krin taki Gomer, a uma nanga san a trow, ben waka gi en, na so a pipel fu Gado gwe libi Masra tu. Israel ben o kisi strafu fu a sani dati. Ma na a kba a lobi di Gado abi gi en pipel moro tranga. Gado o wini a pipel baka gi Ensrefi èn A o kon bun baka nanga den. A lobi dati e kon na krin ini den spesrutu wortu disi: “Fa Mi ben o man libi yu fu yu go, Israel? Fa Mi ben o man libi yu fu a srefi sani miti yu? Mi ati ben o priti, sari-ati no ben o meki Mi du dati.” (11:8)
San de ini a buku disi:
A trow fu Hosea, nanga a famiri fu en (1:1—3:5)
A boskopu gi Israel (4:1—13:15)
Wan boskopu fu drai libi nanga wan pramisi (14:1-10)
Currently Selected:
Hosea Wan wortu na fesi: SB16
Highlight
Copy
Compare
Share
Want to have your highlights saved across all your devices? Sign up or sign in
Tekst © Surinaams Bijbelgenootschap 2016