Esekiyel Wan wortu na fesi
Wan wortu na fesi
A profeiti Esekiyel ben e libi na Babilon pe den ben tyari en go nanga tranga fosi feyanti ben broko Yerusalem 586 yari fosi Masra Yesus gebore. A boskopu di Gado ben gi Esekiyel ben de gi den Dyusma di ben de ini Babilon nanga den Dyusma ini Yerusalem.
Un kan prati a buku fu Esekiyel ini siksi prenspari pisi: 1. Gado kari Esekiyel fu du a wroko leki profeiti. 2. Gado e warskow a pipel fu a strafu fu En, fu a fadon di Yerusalem o fadon ini anu fu feyanti, nanga fu a broko di den o broko a foto. 3. A boskopu fu Gado gi den kondre di e pina èn kori En folku. 4. Trowstu gi Israel baka di feyanti broko Yerusalem nanga a pramisi taki sani o go moro bun ini a ten di de fu kon. 5. A boskopu fu Gado gi Gog. 6. A prenki fu Esekiyel fu a tempel nanga a kondre di meki baka.
San de ini a buku disi:
Gado kari Esekiyel fu wroko gi En (1:1—3:27)
Boskopu fu bigi ogri di o miti Yerusalem (4:1—24:27)
A strafu di Gado o strafu den kondre (25:1—32:32)
A pramisi fu Gado gi a pipel fu En (33:1—37:28)
A boskopu fu Gado gi Gog (38:1—39:29)
A nyun tempel nanga a kondre ini a ten di de fu kon (40:1—48:35)
Currently Selected:
Esekiyel Wan wortu na fesi: SB16
Highlight
Copy
Compare
Share
Want to have your highlights saved across all your devices? Sign up or sign in
Tekst © Surinaams Bijbelgenootschap 2016