2 Samuel Wan wortu na fesi
Wan wortu na fesi
Ini a di fu tu buku fu Samuel wi e leisi a historia fu kownu David, di tron kownu fu Yuda èn bakadati kownu fu heri Israel. A buku disi e meki wi si fa David ben abi fu feti nanga feyanti ini a kondre nanga feyanti fu dorosei kondre fu ben kan tan kownu. David ben de wan man nanga wan tranga bribi ini Gado èn a ben e dini Gado trutru. Na a tra sei a ben de wan man di ben man du bigi sondu tu fu kisi san a ben wani. Ma te Gado ben e sori en tapu den sondu fu en, a ben e taki tu taki na so a de, èn a ben e teki a strafu fu Gado.
A libi fu David nanga den sani di a du libi so wan bun eksempre na baka gi a pipel fu Israel, taki bakaten te sani no ben e go bun ini a kondre den ben e angri fu wan kownu di ben o de wan manpikin fu David, dati na wan bakapikin fu David di ben o de leki en.
San de ini a buku disi:
David leki kownu fu Yuda (1:1—4:12)
David leki kownu fu heri Israel (5:1—24:25)
Den fosi yari leki kownu fu Israel (5:1—10:19)
David nanga Batseba (11:1—12:25)
Problema nanga tranga ten (12:26—24:25)
Currently Selected:
2 Samuel Wan wortu na fesi: SB16
Highlight
Share
Compare
Copy
Want to have your highlights saved across all your devices? Sign up or sign in
Tekst © Surinaams Bijbelgenootschap 2016