Mataafa Uumata 36
36
Sanynyeeta Eesaawi
otoo a 1ta 1:34-37
1Sene are kammopa xata ca, sanynyeeta Eesaawi isase Etoomi kidame. 2Eesaawi Kene'aanetoppa iskatta heme. Ishootta nefo, Hittitteetase Adda enenta Elooni ka Hiwwitteetase Oholipaama oofta Sipa'on enenta Anna. #uuma 26:34 3Isho Paasemaati alawta Napaayot enenta Isima'eeli. #uuma 28:9 4Adda, Elfaasi xaayte; Paasemaati ka Ra'u'eeli xaayte. 5Oholipaama ka Ya'ushi ka Ya'ilaami isho Qore xaayte. Sene piisa piita Kene'aaniti'i Eesaawi' daladen.
6Eesaawi ka iskattaadi ka hellaadi a diira isho a tuparra ka toolaadi piisa ka horeetaadi piisa ka kodatteeta a piita Kene'aaniti kodade piisa qapade ka innaasso Yayqoopi kapa pora seka opa alle' kotaane. 7Eesaawi wa malla alle' kotaane, qoota horeetaaysho akata koopte, piisse a oppa kalan ka ishootta' qajte, ikka ollin kallaatta malaalen malla. 8Eesaawise Etoomi kidame ka irrowwa Seyri opa aane ka eeyye' kuti'e.
9Sene are kammopa xata ca sanynyeeta Eesaawi, aappa opa Etoometa a orrase irrowwa Seyriti kalo. 10Maxxada hellaa Eesaawi, Elfaasi inna Adda ka Ra'u'eeli inna Paasemaati.
11Hellaa Elfaasi, Temaani ka Omaari ka Safo ka Itaami isho Qanaasi.
12Elfaasi inna Eesaawi, Lammitteeta Timinaa'i kidammitto qapa. Isheetta ka Amaaleqi ishi' xaayte. Sene oopadda Adda, a iskatteeta Eesaawi. 13Hellaa Ra'u'eeli, Naahati ka Sarrahi ka Shaama isho Miissa. Sene oopadda Eesaawi a inna Paasemaati' xaayte xaaye.
14Hellaa Oholipaama a oofta Sipa'oni, a enenta Anna, Ya'ushi ka Ya'ilaami isho Qore.
15Sene are kammopa xata ca, saarra sanynyeeta Eesaawi. Saarra kafa Elfaasi a inna Eesaawi a kuttati, Temaani ka Omaari ka Safo ka Ka'itaami isho Qanaasi 16ka Qore ka Ka'itaami isho Amaaleqi. Sene saarra kafa Elfaasi a piita Etoomiti' kallaade. Ishootta sanynyeeta Adda, a iskatteeta Eesaawi.
17Saarra kafa Ra'u'eeli a inna Eesaawi, Naahati ka Saaraahi ka Shaama isho Miisa. Sene saarra kafa Ra'u'eeli a piita Etoomiti' kallaade. Ishootta sanynyeeta Paasemaati, a iskatteeta Eesaawi.
18Saarra kafa Oholipaama, a Eesaawi' xaayte, Ya'ushi ka Ya'ilaami isho Qore. Sene saarra kafa a Oholipaama, a Eesaawi' xaayte. 19Sene arepa dela ca piisa hellaa Eesaawi ka saarra kaffadaassoti.
Sanynyeeta Se'iri
otoo a 1ta 1:38-42
20Hellaa Se'iri a piita Etoomiti kala, saarra a Horaata, Lotaani ka Shopaali ka Sipa'on ka Anna 21ka Diishoni ka Eser isho Dishaani.
22Kaffaa Lotaani, Hoori isho Hemaami. Alawtaadi Timinaa'i kidammi.
23Hellaa Shopaliiw, Aalwaani ka maanahati ka Epaali ka Sifo isho Anaami.
24Hellaa Sipa'oni, Aya isho Anna. Annase isha a harreewwa aappaayshoti sikinnooyye, koommaytoppa'e paadadda Tapala pisha kupna akke.
25Inna Anna, Dishooni kidammi. enentaadi, Oholipaama kidammi.
26Hellaa Dishooni, Hemtaani ka Eshpaani ka Yitraani isho Karaani.
27Hellaa Eseri, Piilhaani ka Sa'iwaani isho Aaqaani.
28Hellaa Dishaani, Uusi isho Araani.
29Saarra Horaata, Lotaani ka Shopaali ka Siipa'oni ka Anna. 30Ka Dishooni ka Eser isho Dishaani. Sene piisa saarra Horaata a piita Etoomiti' kallaade.
Nuqussa Etoomi
otoo a 1ta 1:43-54
31A piita Isira'eeli oppa nuqussa nuqusuma in paayyinin turanne, nuqussoosen are kammopa xata ca'e piita etoomi oppa' nuqusume.
32Pela'i inna Pa'ori piita Etoomiti katama Tiinhaapa kidamma oppa'e nuqusume.
33Ete Pela'i to'eeyye, Yopaapi inna Saraahi nama a katama possira'e pakkaadi oppa' nuqusume.
34Ete Yopaapi to'eyyeew, Hushaami nama a katama Temaani'i pakkaadi oppa' nuqusume.
35Ete Hushaami' to'eyyeew, Hataatise laka Mo'aapi oppa'e orra Midiyaami torpe ka pute, inna Pattati'i pakkaadi oppa' nuqusume. Isha katama Awiiti oppa'e nuqusume.
36Ete Hataati' to'eyyeew, Samila, nama a katama Maasreqa'e pakkaadi oppa' nuqusume.
37Ete Samila' to'eyye, Sha'uli nama a piita Rehopooti isase kirra kapa kittoti'i pakkaadi oppa' nuqusume.
38Ete Shaa'uli' to'eyyeew, paal-hanaani inna Akpoori pakkaadi oppa nuqusume.
39Ete Paal-hanaani inna Akpoori to'eyye, Hataari pakkaadi oppa' nuqusume. Isha katama fa'u oppa'e nuqusume. Iskatteetaadi Mahetpi'eli enenta Mesaha'opi ka oofta Maatreti.
40Sene are kammopa xata ca, saarra kaffa sanynyeeta Eesaawi. Ishootta maxxada kaffassoti ka porra oppa' kalaneetinni halaammi. Ishootta nefo, Tiimina'i ka Aliwa ka Yeteti 41ka Oholipaama ka Eela ka Fiinoni 42ka Qanoosi ka Temaani ka Miipsaari 43ka Maakti'eli isho Iirami. Ishootta saarra Etoomi ka maxxada pora a oppa kalaneetinni halaammi. Etoometose, sanynyeeta Eesaawi.
Currently Selected:
Mataafa Uumata 36: MaQu
Highlight
Copy
Compare
Share
Want to have your highlights saved across all your devices? Sign up or sign in
