1 Corinto 13
13
Ya palna-u ni Pablo sa paggaginawa͡ay
1Kun makapaglong aku sa madég na punganan na tingeg na manga utaw aw pangkay tingeg na manga anghil, manang kun walaꞌ ya pagginawa ku sa eped na utaw, kasiling aku na agung na pyaleman da oloꞌ sa uni aw babat na to-o magkalaging. 2Aw kun atag pa kanak ya katadeng na mag-ubat-ubat sa un pa-edeꞌ na Tyumanem, aw pangkay unu ya katadeng na pig-atag kanak na un maka-edeꞌ sa kadég na pigtaguꞌ asini muna, aw kun mabatug ku ya pag-alin sa manga buntud asuntu sa kadakulaꞌ na pagpangintu-u ku, manang kun walaꞌ ya pagginawa ku sa eped na utaw, na, walaꞌ ya ma-untung dun ni kanak. 3Aw pangkay kun mabus ku atag ya kadég na kanak ka-unan adti manga walaꞌ ya pagkamangan, aw pangkay pa tumbay ku ya kanak lawas pada sangaben, manang kun walaꞌ ku ginawayi ya eped na utaw, walaꞌ ya un ku makamang dun.
4Maynini ya bet na utaw na awun pagginawa nan sa kanan eped: Matadeng magtagen sa kadaman nan aw magpakatagad sakanan. Magkallat sa eped magi sa kanimbet nan. Diliꞌ mati-ingaꞌ sa eped nan. Diliꞌ sakanan magpalibantug aw diliꞌ uman magpatastas. 5Diliꞌ malatay ya bet nan adti manga eped, aw diliꞌ nan pagleges ya kanan pagkaliman, aw diliꞌ maksay magkadaman, aw diliꞌ nan gayed anenganengen ya manga salaꞌ na eped adti kanan. 6Aw diliꞌ sakanan pagkatutukan sa malatay manang pagleya͡an nan baling ya matinaw. 7Kun pigginawa͡an na utaw ya eped nan, diliꞌ nan paglukasan pangkay unu ya dumateng, aw gayed nan pagsaligan, aw imanen nan na matulid ya imo-unun na eped aw gayed nan ti-isen.
8Ya tengteng na paggaginawa͡ay walaꞌ ya tyamanan. Manang ya pag-ubat-ubat sa un pa-edeꞌ na Tyumanem, awun saba tyamanan. Aw tumeneng uman ya paglong sa sangkapungan na tingeg na walaꞌ pa na utaw lemena paglongan. Aw pangkay ya katadeng na utaw sa paglong sa lekat adti Ispiritu Santo, awun saba tyamanan. 9Kay adun na manga allaw, walaꞌ pa kalingeb ya kya-ede-an tadun, aw walaꞌ pa uman kalingeb ya pag-ubat-ubat sa un pa-edeꞌ na Tyumanem. 10Manang pagdateng da na allaw na malingeb da ya kadég, malanas da ya walaꞌ pa kalingeb.
11Alimbawaꞌ, idtu na muna sa iseꞌ pa aku, ya paglong ku kasiling na iseꞌ, aw ya anenganeng ku kasiling uman na iseꞌ, aw ya pagpakalabet ku kasiling saba uman na iseꞌ. Manang sa pagkadakulaꞌ da ku, pig-ayawan da ku ya bet na pagka-iseꞌ. 12Kay kasiling kitadun na nyinunu sa palunganan na diliꞌ da to-o magkabangal ya alung. Manang adti kamoliyan na allaw to-o la tadun mabangal ya kadég yeiy. Ya kadég na kya-ede-an ku adun walaꞌ pa kalingeb, manang adti kamoliyan na allaw, ka-ede-an ku ya kadakulaꞌ kasiling na kya-ede-an aku na Tyumanem.
13Na, migpadeleg ya tulu ini: ya pagpangintu-u tadun, aw ya pag-iman tadun sa manga pakang na Tyumanem, aw ya kanaten paggaginawa͡ay. Manang sa tulu yeiy, yan ya to-o matas ya paggaginawa͡ay.
Currently Selected:
1 Corinto 13: klgv
Highlight
Copy
Compare
Share
Want to have your highlights saved across all your devices? Sign up or sign in
© 2024, Wycliffe Bible Translators, Inc. All rights reserved.
