མཛད་པ། 15

ལེའུ་བཅོ་ལྔ།

ཡེ་རུ་ས་གླིང་རྒྱལ་སའི་ཆོས་ཀྱི་གྲོས་ཚོགས་སྐོར།

1དེ་ནས་ ཡང་ཡ་ཧུ་དཱ་ལུང་པ་ནས་འོངས་པའི་མི་ཁ་ཤས་ཀྱིས་དད་པ་བགྱིད་མཁན་ཕྱིའི་མི་ཀྱ་ལེ། ཁྱེད་ཀྱ་ཀྱིས་ལུང་སྟོན་པ་མོ་ཤེའི་ཆོས་ཁྲིམས་ཅོག་འདྲ། ཕོ་མཚན་གྱི་རྩེ་ལྤགས་དེ་མ་བཅད་ནི། ཁྱེད་ཀྱ་ལེ་ཐར་པ་ཐོབ་མི་སྲིད་འོད་དིག་ཟིན་བསླབ་བྱ་བསྟན་པི་དིག 2འོ་དེ་ལེ་བརྟེན་ཏེ། ཕོལ་ལོལ་དིང་པར་ན་པཱ་ཁོ་གཉིས་མི་དེ་ཀྱ་དིང་སྐྱེན་ལེ་མ་མཐུན་ཏེ་རྩོད་གླེང་ཆེན་པོ་ཤོར་རི་དིག ཡང་ཆོས་གྲོགས་སྤུན་ཟླ་ཀྱ་ཀྱིས་ཕོལ་ལོལ་པར་ན་པཱ་ཁོ་གཉིས་དིང་། ཡང་ཆོས་ཚོགས་ཀྱི་མི་ཁ་ཤས་ཞིག་རྩོད་གླེང་དེའི་དོན་ལེ། སྐུ་ཚབ་དིང་འགན་འཁུར་པ་ཀྱ་ལེ་འདྲི་རྒྱུ་ཆེད་དུ། ཡེ་རུ་ས་གླིང་རྒྱལ་ས་ལེ་རྫོང་རྒྱུ་ཐག་གཅོད་བྱས་པི་དིག 3དེ་ནས་ཆོས་ཚོགས་ཀྱིས་མི་དེ་ཀྱ་བརྫངས་ཕེན། ཁོང་ཀྱ་ཕེ་ནི་ཀེ་དིང་སཱ་མར་ཡཱ་ཟེར་རེ་ལུང་པ་དེ་གཉིས་བརྒྱུད་ནས་ཕྱིན་ཏེ། ཡ་ཧུ་དཱ་པ་མིན་པའི་ཕྱི་མི་ཀྱ་ཀྱིས་ཡེ་ཤུ་ལེ་དད་པ་བྱས་པའི་གནས་ཚུལ་དེ་བཤད་ཕེན། དད་པ་བགྱིད་མཁན་སྤུན་ཟླ་ཀྱ་ཟང་གནས་ཚུལ་དེ་ཐོས་ཏེ་དགའ་རི་འཇུ་གུ་བྱུང་པི་དིག 4ཡང་ཕོལ་ལོལ་དིང་པར་ན་པཱ་ཁོ་གཉིས་ཡེ་རུ་ས་གླིང་རྒྱལ་ས་ལེ་སླེབས་ཕེན། རྒྱལ་ས་དེའི་ཆོས་ཚོགས་དིང་། སྐུ་ཚབ། འགན་འཁུར་པ་ཀྱ་ཀྱིས་ཁོ་གཉིས་ལེ་སྣེ་ལེན་བྱས་པི་དིག དེ་ནས་ཁོ་གཉིས་ཀྱིས་ཁོང་ཀྱ་ལེ། དཀོན་མཆོག་གིས་ཁོ་གཉིས་དིང་སྐྱེན་ལེ་ཕྱགས་ལས་གནང་བའི་དོན་ཡེ་རེ་བཤད་དི་དིག 5ཡིན་ནའང་། ཕཱ་རུ་ཤི་པ་ཟེར་རི་ཕྱོགས་ཁག་གི་ཁུངས་གཏོགས་ལེ་འོད་ཡོད་དད་པ་བགྱིད་མཁན་མི་ཁ་ཤས་ཞིག་ཡར་ལངས་ཏེ། ཕྱིའི་མི་ཀྱ་ལེ་ཟང་ཕོ་མཚན་གྱི་རྩེ་ལྤགས་གཅོད་དགོས་འོད་དི་དིང་། ཡང་ལུང་སྟོན་པ་མོ་ཤེའི་ཆོས་ཁྲིམས་ཅོག་འདྲ་བསྲུང་དགོས་འོད་དིག་ཟིན་ནན་གྱིས་བསྐུལ་ལི་དིག

6དེ་ནས་སྐུ་ཚབ་དིང་། འགན་འཁུར་པ་ཀྱ་ཀྱིས་དོན་དེའི་སྐོར་ལེ་གྲོས་བསྡུར་བགྱིད་རྒྱུ་ཆེད་དུ་ཡེ་རེ་སྐྱེན་ལེ་འཛོམས་པི་དིག 7དེ་ནས་དེའི་སྐོར་ལེ་རྩོད་གླེང་བྱས་ཏེ་ཡུན་རིང་པོ་འགོར་ཕེན། པེ་ཏྲོ་ཡར་ལངས་ཏེ། ཁྱེད་སྤུན་ཟླ་ཀྱ། ཁྱེད་ཀྱ་ཀྱིས་ཧ་གོ་བའི་ཅོག་འདྲ། ཡ་ཧུ་དཱ་པ་མིན་པའི་ཕྱིའི་མི་ཀྱ་ལེ་ངའི་བརྒྱུད་ནས་གཏམ་བཟང་ཐོས་ཏེ་ཡེ་ཤུ་ལེ་དད་པ་བགྱིད་རྒྱུ་ལེ། དཀོན་མཆོག་གིས་སྔོན་མ་ནས་ཁྱེད་ཀྱ་ཀྱི་ནང་ནས་ང་ལེ་བདམས་གནང་པི་དིག 8-9ཡང་མིའི་སེམས་མཁྱེན་གནང་མཁན་དཀོན་མཆོག་གིས་འུ་ཀྱ་ལེ་དམ་པའི་ཐུགས་ཉིད་གནང་པི་ཅོག་འདྲ། ཁོང་གིས་ཡ་ཧུ་དཱ་པ་མིན་པའི་ཕྱིའི་མི་རིགས་ཀྱ་ལེ་ཟང་དམ་པའི་ཐུགས་ཉིད་གནང་སྟེ། ཁོང་ཀྱ་ལེ་བདེན་པའི་དཔང་པོ་མཛད་གནང་པི་དིག ཡང་འུ་ཀྱ་དིང་ཁོང་ཀྱ་ཀྱི་བར་ལེ་ཁྱད་པར་མཛད་མ་གནང་སྟེ། དད་པའི་བརྒྱུད་ནས་ཁོང་ཀྱ་ཀྱི་སེམས་དེ་དཀོན་མཆོག་གིས་གཙང་མ་བཟོས་གནང་པི་དིག 10ད་ལྟ་ཁྱེད་ཀྱ་ཀྱིས་ཅིའི་ཆེད་དུ། འུ་ཀྱ་དིང་ཡང་འུའི་མེས་མེས་ཀྱིས་ཟང་འཁུར་མ་ཐུབ་པའི་གཉའ་ཤིང་དེ། སློབ་མ་ཀྱ་ཀྱི་གཉའ་རི་ལེ་བཀལ་ཏེ། དཀོན་མཆོག་ལེ་ཉམས་ཚོད་ཅི་ལེ་བགྱིད་དི་ཡིན་དོ། 11ཡིན་ནའང་། ཉེད་ཀྱ་ཟང་ཕྱིའི་མི་ཅོག་འདྲ། ཇོ་བོ་ཡེ་ཤུའི་ཐུགས་རྗེ་གཟིགས་སྐྱོང་གི་བརྒྱུད་ནས་ཐར་པ་ཐོབ་པི་དེ་ལེ་ཡིད་ཆེས་བགྱིད་འོད་ཟིན་སྨྲས་པི་དིག

12དེ་ནས་དེ་རུ་འཛོམས་འོད་ཡོད་མི་ཀྱ་ཁ་ཚུམས་ཏེ། པར་ན་པཱ་དིང་ཕོལ་ལོལ་ཁོ་གཉིས་ཀྱིས་སྨྲས་པའི་གཏམ་ལེ་ཉན་ཏེ་བསྡད་དི་དིག ཡང་དེ་སྔོན་དཀོན་མཆོག་གིས་ཁོ་གཉིས་ཀྱི་བརྒྱུད་ནས་ཕྱིའི་མི་ཀྱ་ཀྱི་སྐྱེན་ལེ་གྲུབ་རྟགས་དིང་ངོ་མཚར་ཅི་མཛད་པའི་དོན་དེ་ནི་མི་དེ་ཀྱ་ལེ་བཤད་དི་དིག 13ཁོང་གཉིས་ཀྱིས་དོན་དེ་བཤད་ཚར་རི་རྗེས་ལེ། ཡང་ཡ་ཀོབ་ཀྱིས་ཟང་ཁྱེད་སྤུན་ཟླ་ཀྱ་ང་ལེ་ཉོན་དང་། 14ཡ་ཧུ་དཱ་པ་མིན་པའི་ཕྱིའི་མི་ཀྱ་ལེ། དཀོན་མཆོག་གིས་ཐུགས་རྗེ་གཟིགས་གནང་པི་དིང་། ཁོང་གི་མཚན་གྱི་དོན་ལེ་མི་རྒྱུད་དེ་ཀྱ་ཅི་གི་བྱས་ཏེ་བདམས་གནང་པའི་སྐོར་དེ་ནི་ད་ལྟ་སི་མོན་གྱིས་ཁྱེད་ཀྱ་ལེ་བཤད་དི་དིག 15དེ་ནི་ལུང་སྟོན་པ་ཀྱ་ཀྱིས་གསུངས་པའི་བཀའ་དིང་མཐུན་འོད་དིག ཡང་གསུང་རབ་ཀྱི་ནང་ལེ།

16དེའི་རྗེས་ལེ་ང་རང་འཇགས་ཚུ་ལེ་ལོག་འོང་སྟེ། །

དཱ་བིད་གུར་ཁང་བརྡིབས་པི་དེ་ངས་བཟོ་ལས་བགྱིད། །

མིས་གཏོར་བཤིག་བཏང་བའི་གུར་ཁང་དེ་ནི། །

ངས་ཡང་དང་སྐྱར་བཟོ་བགྱིད་ཀྱི་ཡིན། །

17དེ་ནི་མི་རིགས་གཞན་མ་ཡེ་རེ་ལེ་དིང་། །

ངའི་མིང་བརྒྱུད་ནས་ཕྱིའི་མི་རིགས་ཀུན་གྱིས། །

ཇོ་བོ་དཀོན་མཆོག་འཚོལ་རྒྱུ་ཆེད་དུ་ཡིན་དིག །

18སྔོན་མ་ནས་དངོས་པོ་ཡེ་རེ་ཇོ་བོས། །

གསལ་པོ་བྱས་ཏེ་བསྟན་གནང་འོད་དིག །

ཟིན་གསུངས་འོད་དིག#15.18 ཚིགས་བཅད་འདི་ནི་ལུང་སྟོན་པ་ཨ་མོ་སཱས་བྲིས་མདོ་ལེའུ་ 9 ཨང་ 11-12 ནང་ལེ་གཟིགས་རོགས། 19འོ་དེ་ལེ་བརྟེན་ཏེ། དཀོན་མཆོག་གི་ཕྱོགས་ལེ་སེམས་ཁུག་པའི་ཡ་ཧུ་དཱ་པ་མིན་པའི་ཕྱིའི་མི་ཀྱ་ལེ་འོ་བརྒྱལ་མ་བཟོས་ཤིག 20དེའི་ཚབ་ལེ། ལྷ་སྐུ་དིང་འབྲེལ་བ་འོད་ཡོད་མི་གཙང་བ་དིང་། བྱི་བོ་དིང་བྱི་མོ། སྐེ་བཀྱིགས་ཏེ་བསད་དི་དུད་འགྲོའི་ཤ་དིང་ཁྲག་ལེ་འཛེམ་དགོས་འོད་དིག་ཟིན་ཕྱིའི་མི་ཀྱ་ལེ་ཡི་གེ་ཞིག་བྲིས་ནི་དགའ་མོ་འོད་དིག་བསམ་གྱི་འདུག#15.20 ཚིགས་བཅད་འདི་ནི་ལུང་སྟོན་པ་མོ་ཤེའི་ཆོས་ཁྲིམས་ཅོག་འདྲ་བྱས་ནི། སེམས་ཅན་གྱི་ཚེ་དེ་ནི་ཁྲག་ལེ་གནས་འོད་ཕེན། ཡ་ཧུ་དཱ་པའི་མི་ཀྱ་ཀྱིས་ཁྲག་དིང་། སྐེ་བཀྱིགས་ཏེ་བསད་དི་དུད་འགྲོའི་ཤ་ཟ་མི་ཆོག་འོད་དིག 21ཅི་ལེ་ཟེར་ནི། སྔོན་མ་ནས་ཕེན་རྒྱལ་ས་རེ་རེ་ལེ་ལུང་སྟོན་པ་མོ་ཤེའི་ཆོས་ཁྲིམས་འོད་དི་མ་ཟད། ངལ་གསོ་བའི་ཉིན་མ་རེ་རེ་ལེ་ཡ་ཧུ་དཱ་པའི་ཚོགས་ཁང་གི་ནང་ལེ་ཆོས་ཁྲིམས་དེ་ཀློག་གྱོ་འོད་དིག་ཟིན་སྨྲས་པི་དིག

ཆོས་ཀྱི་གྲོས་ཚོགས་ཀྱི་མི་ཀྱ་ཀྱིས་ཕྱིའི་མི་ཀྱ་ལེ་ཡི་གེ་བྲིས་པ།

22དེ་ནས་སྐུ་ཚབ་དིང་འགན་འཁུར་པ་ཀྱ་ཡེ་རུ་ས་གླིང་ནང་ལེ་འོད་ཡོད་ཡེ་ཤུའི་ཆོས་ཚོགས་ཡེ་རེས་རང་གི་ཚོགས་པའི་ནང་ནས་མི་གཉིས་བདམས་ཏེ། ཕོལ་ལོལ་དིང་པར་ན་པཱ་ཁོ་གཉིས་ཀྱི་སྐྱེན་ལེ། སིར་ཡཱ་ལུང་པའི་ཨན་ཏི་ཡོག་ཡཱ་རྒྱལ་ས་ལེ་རྫོང་རྒྱུ་ཐག་གཅོད་བྱས་པི་དིག དེ་ནས་ཁོ་གཉིས་ཀྱིས་ཆོས་ཚོགས་སྤུན་ཟླ་དེ་ཀྱ་ཀྱི་ནང་ལེ། འགན་འཁུར་པ་ཡིན་མཁན་པར་ས་པཱ་ཡང་ནི་ཡུ་དཱ་དིང་། སི་ལཱ་ཟེར་མཁན་ཁོ་གཉིས་བདམས་པི་དིག 23དེའི་རྗེས་ལེ་ཁོ་གཉིད་ཀྱི་བརྒྱུད་ནས་མི་དེ་ཀྱ་ཀྱི་ཆེད་དུ་ཡི་གེ་ཞིག་བྲིས་ཏེ་བསྐུར་རི་དིག ཡི་གེ་དེའི་ནང་ལེ་ཅི་འོད་དིག་ཟེར་ནི། ཁྱེད་ཀྱ་ཀྱི་སྤུན་ཟླ་ཡིན་དི་སྐུ་ཚབ་དིང་། འགན་འཁུར་པ་ཀྱ་ཀྱིས་ཨན་ཏི་ཡོག་ཡཱ་རྒྱལ་ས་དིང་། སི་རི་ཡཱ་ལུང་པ། ཀི་ལིག་ཡཱ་་ལུང་པ་ཀྱ་ལེ་བསྡད་འོད་ཡོད་ཡ་ཧུ་དཱ་པ་མིན་པའི་ཕྱིའི་མི་རིགས་ནང་ལེ་དད་པ་བགྱིད་མཁན་ཀྱ་ལེ་འཚམས་འདྲི་བཀྲ་ཤིས་བདེ་ལེགས་ཞུ་འོད། 24ཡང་ཉེད་ཀྱ་ཀྱིས་མ་བརྫངས་པའི་མི་ཁ་ཤས་ཤིག་གིས་ཉེད་ཀྱ་ཀྱི་ནང་ནས་ཁྱེད་ཀྱ་འོད་ས་ལེ་སླེབས་ཏེ། ཡིན་གཅིག་མིན་གཅིག་ཕོ་མཚན་གྱི་རྩེ་ལྤགས་གཅོད་དགོས་འོད་ཟེར་རི་དིང་། ལུང་སྟོན་པ་མོ་ཤེའི་ཆོས་ཁྲིམས་དེ་བསྲུང་དགོས་འོད་སྨྲས་པི་དེ་ལེ། ཁྱེད་ཀྱ་སེམས་ཕམ་པོ་འཇུ་གུ་བྱུང་པི་དིག་ཟིན་ཉེད་ཀྱ་ཀྱིས་ཐོས་བྱུང་། ཡིན་ནའང་། དོན་ངོ་ཐོག་བྱས་ནི་མི་དེ་ཀྱ་ནི། ཉེད་ཀྱ་ཀྱིས་བརྫངས་པི་མ་དིག 25ཡིན་ནའང་། ཉེད་ཀྱ་ཀྱིས་བློ་སེམས་རྩེ་གཅིག་གིས་བརྒྱུད་ནས་མི་གཉིས་བདམས་ཏེ། འུ་ཀྱ་ཀྱིས་སྙིང་ནས་བརྩེ་བའི་པར་ན་པཱ་དིང་ཕོལ་ལོལ་ཁོ་གཉིས་ཀྱི་སྐྱེན་ལེ་ཁྱེད་ཀྱ་ཀྱི་དྲུང་དུ་རྫོང་རྒྱུ་ཐག་གཅོད་བྱས་པི་ཡིན། 26ཁོང་གཉིས་ནི་འུ་ཀྱ་ཀྱི་སྐྱབས་མགོན་ཇོ་བོ་ཡེ་ཤུའི་དོན་ལེ་རང་གི་སྲོག་ལེ་ཉེན་ཁ་འོད་ནའང་རང་སྲོག་ལེ་མ་འཛེམས་པི་དིག 27འོ་དེ་ལེ་བརྟེན་ཏེ། ཉེད་ཀྱ་ཀྱིས་ཡུ་དཱ་དིང་སི་ལཱ་ཁོ་གཉིས་བརྫངས་པི་ཡིན། ཁོ་གཉིས་ཀྱིས་ཡི་གེ་འདིའི་ནང་ལེ་བྲིས་པའི་ནང་དོན་དེ་ཡེ་རེ་ཁྱེད་ཀྱ་ལེ་གསལ་པོ་བྱས་ཏེ་ཟེར་གྱི་དིག 28-29ཅི་ལེ་ཟེར་ནི། དཀོན་མཆོག་གི་དམ་པའི་ཐུགས་ཉིད་ཀྱི་དགོངས་པ་དིང་མཚུངས་པའི་དོན་གལ་ཆེ་བ་འདི་ཀྱ་ལས་ལྷག་ཚོད་ཁུར་པོ་ཁྱེད་ཀྱ་ཀྱི་ཕྲག་པའི་ལྟག་ག་ལེ་འགེལ་རྒྱུ་མན། ཁྱེད་ཀྱ་ཀྱིས་ལྷ་སྐུའི་མདུན་ལེ་ཕུལ་ལི་མཆོད་རྫས་མི་གཙང་བ་དིང་། ཁྲག ཡང་སྐེ་བཀྱིགས་ཏེ་བསད་དི་དུད་འགྲོའི་ཤ། བྱི་བོ་དིང་བྱི་མོ་བགྱིད་རྒྱུ་དེ་ལེ་འཛེམ་དགོས་འོད་དིག དོན་དེའི་རིགས་ལེ་འབྲེལ་བ་ཅི་གང་མེད་ནི་དགའ་མོ་ཡིན་དིག མཇུག་མཐའ་ཁྱེད་ཀྱ་ལེ་བདེ་བ་ཆེའོ་ཟིན་བྲིས་འོད་དིག

སིར་ཡཱ་ལུང་པ་ལེ་འགྲོ་བ།

30དེ་ནས་ཁོང་ཀྱ་ཀྱིས་བརྫངས་པའི་མི་དེ་གཉིས་ཨན་ཏི་ཡོག་ཡཱ་རྒྱལ་ས་ལེ་ཕྱིན་ཏེ། དད་པ་བགྱིད་མཁན་ཀྱ་རུག་རུག་བཟོས་པི་མ་ཟད། ཁོང་ཀྱ་ཀྱིས་བསྐུར་རི་ཡི་གེ་དེ་གཏད་དི་དིག 31དེ་ནས་ཁོང་ཀྱ་ཀྱིས་ཟང་ཡི་གེ་དེ་ཀློག་སྟེ་སེམས་གསོའི་ལབ་བྲིས་པི་དེ་ལེ་དགའ་རི་ཆེན་པོ་བྱུང་པི་དིག 32ཡུ་དཱ་དིང་སི་ལཱ་ཁོ་གཉིས་ནི་ལུང་སྟོན་པ་ཞིག་ཡིན་ཕེན། ཆོས་ཚོགས་ནང་ལེ་འོད་ཡོད་ཆོས་གྲོགས་སྤུན་ཟླ་ཀྱ་ལེ། དད་པ་བརྟན་པོ་བགྱིད་དགོས་པའི་སྐོར་ལེ་ཁ་བསྒོས་མང་པོ་བཅུག་སྟེ། 33རྒྱལ་ས་དེ་རུ་ཁོ་གཉིས་ཉིན་མ་མང་པོ་བསྡད་དི་རྗེས་ལེ། ཆོས་གྲོགས་སྤུན་ཟླ་ཀྱ་ཀྱིས་ཟང་། དེ་སྔོན་ཁོ་གཉིས་རྫོང་མཁན་ཀྱ་ཀྱི་དྲུང་དུ། བློ་བདེ་མོ་བྱས་ཏེ་ལོག་བརྫངས་པི་དིག 34#15.34 གནའ་སྔ་མོའི་གེ་རིག་གི་བཤུས་ཡིག་ཁ་ཤས་ནང་ལེ་འོག་གི་ཚིགས་བཅད་འདི་འོད་དིག 34 ཡིན་ནའང་། སི་ལཱ་ཁོ་རང་མ་ལོག་སྟེ་བསྡད་དི་དིག 35དེ་ནས་ཕོལ་ལོལ་དིང་པར་ན་པཱ་ཁོ་གཉིས་ཀྱིས་སྔོན་མ་ཅོག་འདྲ་ཨན་ཏི་ཡོག་ཡཱ་རྒྱལ་ས་ལེ་བསྡད་དི་མ་ཟད། ཆོས་གྲོགས་གཞན་མ་དིང་སྐྱེན་ལེ། མི་ཀྱ་ལེ་ཇོ་བོ་དཀོན་མཆོག་ གི་བཀའ་དིང་ཆོས་བཤད་དི་དིག

ཕོལ་ལོལ་དིང་པར་ན་པཱ་ཁ་བྲལ་བ།

36དེ་ནས་ཉིན་མ་ཁ་ཤས་བུད་དི་རྗེས་ལེ། ཕོལ་ལོལ་གྱིས་པར་ན་པཱ་ལེ། འོ་རང་གཉིས་པོ་སྔོན་མ་ནས་ཕེན། ཇོ་བོ་དཀོན་མཆོག་གི་བཀའ་ཤོད་སའི་རྒྱལ་ས་ལེ་འོད་ཡོད་དད་པ་བགྱིད་མཁན་སྤུན་ཟླ་ཀྱ་ཀྱི་གནས་ཚུལ་ཅི་གི་འོད་མེད་ལྟ་རུ་འགྲོ་སྨྲས་པི་དིག 37ཡིན་ནའང་། པར་ན་པཱས་ཡོ་ཧ་ནན་མར་ཀུ་ཁོ་འཁྲིད་འདོད་བྱུང་པི་དིག 38ཡིན་ནའང་། ཕོལ་ལོལ་གྱི་སེམས་ལེ་ཡོ་ཧ་ནན་མར་ཀུས་དེ་སྔོན་ཕམ་ཕིལ་ཡཱ་ཟེར་རི་ལུང་པ་ལེ། ཁོ་གཉིས་དིང་སྐྱེན་ལེ་ཆོས་དོན་སྒྲུབ་ཏུ་མ་ཕྱིན་ཏེ། ཁ་བྲལ་ལི་རྐྱེན་གྱིས་ད་ལྟ་ཁོ་རང་འཁྲིད་ནི་དགའ་མོ་འོང་གྱི་མ་དིག་བསམས་པི་དིག 39དེ་ནས་ཁོ་གཉིས་གྲོས་བསྡུར་དེ་ལེ་སེམས་མ་མཐུན་ཕེན། ཁ་རྩོད་ཆེན་པོ་ཤོར་ཏེ་ཁ་བྲལ་ལི་དིང་། པར་ན་པཱས་ཡོ་ཧ་ནན་མར་ཀུ་ཁོ་འཁྲིད་དེ་གྲུ་གཟིངས་ལེ་བཞོན་ཏེ་ཀིབ་རུ་་གླིང་ཕྲན་ལེ་བུད་དི་དིག 40ཡིན་ནའང་། ཕོལ་ལོལ་གྱིས་སི་ལཱ་ཁོ་བདམས་ཕེན། དད་པ་བགྱིད་མཁན་སྤུན་ཟླ་ཀྱ་ཀྱིས་ཁོ་གཉིས་ཐུགས་རྗེ་ཅན་གྱི་ཇོ་བོ་དཀོན་མཆོག་ཕྱག་ལེ་བཅོལ་ལི་དིག དེ་ནས་ཁོ་གཉིས་ཆོས་ཚོགས་དིང་ཁ་གྱེས་པའི་རྗེས་ལེ། 41སི་རི་ཡཱ་ལུང་པ་དིང་ཀི་ལིག་ཡཱ་ཟེར་རི་ལུང་པ་དེ་གཉིས་ཀྱི་བརྒྱུད་ནས་ཕྱིན་ཏེ། ལུང་པ་དེའི་ནང་གི་ཆོས་ཚོགས་ཀྱ་ལེ་དད་པ་བརྟན་པོ་བགྱིད་དགོས་པའི་སྐོར་ལེ་ཁ་བསྒོས་བཅུག་པི་དིག །

Currently Selected:

མཛད་པ། 15: DLPO

Highlight

Copy

Compare