Malakỳ 3
3
1Ka hoy ny TOMPOn’izao rehetra izao aminareo: «Indro Aho handefa ny irako mba hanamboatra lalana#3.1 Jereo Is 40.3 sy Mt 11.10. eo alohako; ary ny Tompo izay tadiavinareo dia ho tonga tampoka ao an-tempoliny. Ho tonga hitondra ny fanekempihavanako ilay iraka izay irinareo; indro avy tokoa Izy!» 2Nefa zovy no hahatanty ny andro hiaviany? Ary zovy koa no hahajoro rehefa hiseho Izy? Fa ho tahaka ny afon’ny mpandrendrika sy ho tahaka ny savonin’ny mpanasa lamba Izy. 3Hipetraka toa handrendrika sy hanadio volafotsy izy. Eny, tahaka ny fanadio ny volamena sy volafotsy no hanadiovany tanteraka ireo taranak’i Levỳ. Koa dia hanolotra fanatitra amin’ny TOMPO ara-pahamarinana ireo. 4Ary ho mamin’ny TOMPO ireo fanatitry ny vahoakan’i Joda sy i Jerosalema toy ny tamin’ny andro taloha sy tamin’ny taona fahiny. 5Ary hoy ny TOMPOn’izao rehetra izao hoe: «Ho avy eo aminareo Aho mba hitsara anareo. Ho dodona Aho hanameloka ny mpanao majika, ny mpanitsakitsa-bady, ny mpianiana lainga, ny mpamaly karaman’ny mpiasa, ny mpamoritra mpitondratena sy kamboty na koa ny mpampahory vahiny, dia izay rehetra tsy manaja Ahy.»
Miverina amin’ny Tompo
6«Eny, Izaho TOMPO dia tsy miova; fa tsy mitsahatra kosa ny maha taranak’i Jakôba anareo#3.6 Ny maha taranak’i Jakôba: mpamitaka i Jakôba (jereo Is 43.27; Hôs 12.3,4) ka toetra arahin’ny taranany izany (jereo and 8). –fa tsy mitsahatra kosa ny maha taranak’i Jakôba anareo: dkt hafa Ary ianareo, ry taranak’i Jakôba, dia tsy fongana. . 7Fa hatramin’ireo razana talohanareo no efa nialanareo tamin’ny didiko ka tsy nitandremanareo izany. Miverena amiko, dia hiverina aminareo koa ny tenako, hoy Izaho TOMPOn’izao rehetra izao. Nefa dia hoy ianareo hoe: ‹Ahoana no iverenanay aminao?› 8Dia hamaly anareo Aho hoe: ‹Azon’ny olona fitahina ve Andriamanitra no mamitaka Ahy ianareo?› Dia manontany indray ianareo hoe: ‹Amin’inona no amitahanay Anao?› Amin’ny fandrotsahana ny ampahafolon-karena#3.8 Ny ampahafolon-karena dia natao hikarakarana ny mpisorona sy ny levita ka niantoka ny fitohizan’ny fanompoam-pivavahana; nisy koa ampahany nitsinjovana ny mahantra: jereo Deot 14.24-27. sy amin’ny fanaovanareo fanatitra. 9Hiharan’ny ozona ianareo satria Izaho no fitahinareo, dia ianareo rehetra mpiray firenena. 10Ento manontolo àry ny ampahafolon-karena ho ao an-trano fitahirizana azy, mba tsy ho tapaka sakafo ao an-tempoliko. Ary zahao toetra amin’izany ny tenako, hoy Izaho TOMPOn’izao rehetra izao, dia ho hitanareo fa hovohako ho anareo ny vavahadin-dranon’ny lanitra hampidinako fitahiam-be miavosa aminareo. 11Tsy havelako hanimba ny volinareo ny bibikely ka hahavanom-boa ny voalobokareo any an-tsaha, hoy Izaho TOMPOn’izao rehetra izao. 12Ary hataon’ny firenen-drehetra hoe sambatra ianareo, satria hahafinaritra hivelomana ny taninareo, hoy Izaho TOMPOn’izao rehetra izao.»
Ny andro hanambaran’Andriamanitra ny fitsarany
13Hoy ny TOMPO hoe: «Mafy loatra ny teny amelezanareo Ahy; nefa manontany ianareo hoe: ‹Inona no resaka nifanaovanay hamelezana Anao?› 14Izao no nolazainareo: ‹Zava-poana ny manompo an’Andriamanitra. Efa nitandrina izay nasainy notandremana izahay ary efa nisaona araka ny fomba fanao#3.14 Amin’ireny lozabe mahazo ireny dia nantsoina ny vahoaka hisaona araka ny fomba fanao izay ahitana fifadian-kanina*, fitomaniana ary sorona*. Misy olona sasany mihevitra fa ireny fomba ireny dia ampy hitarihana an’Andriamanitra mba hanambina. teo anatrehan’ny TOMPOn’izao rehetra izao, nefa tsy nisy soa azonay akory. 15Ankehitriny dia ny mpirehaka no tokony hataonay hoe sambatra ary ny olon-dratsy no tokony hataonay hoe ambinina. Eny, fa na dia maka fanahy an’Andriamanitra aza ireo, dia afaka hatrany!› »
16Toy izany no nifampiresahan’ireo manaja ny TOMPO. Dia nihaino tsara ny TOMPO ka nandre izany. Nisy firaketana an-tsoratra teo anatrehan’ny TOMPO an’ireo manaja Azy sy mankamamy ny anarany. 17Ary hoy ny TOMPOn’izao rehetra izao hoe:
–Amin’ny andro izay hotendreko dia ho raki-tsoa fananako ireo olona ireo. Ary hitsimbina azy Aho toy ny fitsimbin-dray ny zanany izay manompo azy. 18Ka dia ho hitanareo indray ny fahasamihafan’ny olo-marina sy ny olon-dratsy, dia ny manompo an’Andriamanitra sy ny tsy manompo Azy. 19Fa hoy Izaho TOMPOn’izao rehetra izao: Indro avy ilay andro ka mandoro tahaka ny fatana mivaivay. Amin’io andro io ny mpirehaka sy ny mpanao ratsy dia hodorana avokoa toy ny vodivary, ka tsy hisy miangana na ny fakany na ny sampany#3.19 Manomboka eto amin’ity and ity, ny dkt sasany dia manao fanisana hafa hoe 4.1-6 fa tsy 3.19-24. –ilay andro, jereo Jl 1.15 sy nta.. 20Fa ho an’izay manaja ny anarako, dia izao no teniko: hiseho ny famonjeko toy ny masoandro miposaka manana fanasitranana ao amin’ny tànany. Ho afaka ianareo ka hifalihavanja toy ny zanak’omby mivoaka ny vala#3.20 mivoaka ny vala: araka ny dkt tranainy grika izany; fa ny RM dia manao hoe mifahy. . 21Amin’io andro izay hotendreko io, dia hohitsakitsahinareo ny olon-dratsy ka ho toy ny vovoka eo ambany faladianareo, hoy Izaho TOMPOn’izao rehetra izao.»
Ny fiverenan’i Elià
22«Tsarovy ny lalànan’i Mosesy mpanompoko, dia ny didy amam-pitsipika izay nomeko azy tao Hôreba ho an’ny Israelita rehetra.
23«Fa alohan’ny hiavian’ny andron’ny TOMPO, ilay andro lehibe sady mahatahotra, dia haniraka an’i Elià mpaminany#3.23 i Elià mpaminany: jereo 1 Mp 17-21; Mt 17.1-13. ho aminareo Aho. 24Izy no hampody ny fon’ny ray ho amin’ny zanany#3.24 Jereo Lk 1.17. ary ny fon’ny zanaka ho amin’ny rainy; amin’izay Aho dia tsy ho avy hamely ny tany amin’ny fandringanana.»
Currently Selected:
Malakỳ 3: DIEM
Highlight
Share
Copy
Want to have your highlights saved across all your devices? Sign up or sign in
Dikanteny Iombonana Eto Madagasikara © Malagasy Bible Society, 2004.