Jôba 1
1
Fitsapana voalohany an’i Jôba
1Nisy lehilahy iray nonina tany amin’ny tany Hotsa, ka nantsoina hoe Jôba#1.1 Ny tany Hotsa: dia tokony ao amin’ny faritanin’ny Edômita, ao atsimo atsinanan’ny Ranomasina Maty (jereo Fit. 4.21). –Jôba: mety ho fanehoana an’ohatra ihany izany anarana izany satria midika hoe ilay enjehina. . Tsy misy hokianina sady mahitsy ary nanaja an’Andriamanitra izany lehilahy izany ka nifady ny ratsy. 2Nanan-janaka lahy fito sy zanaka vavy telo izy. 3Nanana ondry fito arivo sy rameva telo arivo ary omby arivo sy borikivavy dimanjato mbamin’ny mpanompo marobe koa izy. I Jôba no lehilahy nanan-kaja indrindra tany atsinanan’i Palestinina.
4Fanaon’ireo zanakalahin’i Jôba ny mifandimby mifanasa amin’ny sakafo tsara. Koa nasainy ireo anabaviny telo mba hiaraka mihinana sy misotro aminy. 5Ary rehefa tapi-nihodina ny fanasana, dia nampiantsoin’i Jôba ny zanany mba hodiovina. Dia nifoha maraina be izy ny ampitso ka nanolotra sorona dorana manontolo araka ny isan’izy rehetra; fa hoy Jôba hoe: «Fandrao nanota na nandà an’Andriamanitra tao am-pony ny zanako.» Izany no nataon’i Jôba mandrakariva.
6Indray andro raha tonga nanao tatitra tamin’ny TOMPO ireo zanak’Andriamanitra, dia mba tafaraka taminy teo koa i Satàna. 7Dia hoy ny Tompo tamin’i Satàna:
–Avy taiza moa ianao?
Dia namaly ny Tompo izy hoe:
–Avy nitetitety ny tany sy nihaodihaody teny aho.
8Ary hoy ny Tompo taminy:
–Efa nahita an’i Jôba mpanompoko ve ianao? Fa tsy misy tahaka azy eny ambonin’ny tany: lehilahy tsy misy hokianina sady mahitsy ary manaja Ahy izy ka nifady ny ratsy.
9Fa mbola namaly ny Tompo i Satàna ka nanao hoe:
–Moa tsy fanantenan-javatra ve no anajàn’i Jôba Anao? 10Moa tsy Ianao ve no miaro azy sy ny fianakaviany mbamin’ny fananany toy ny fefy manodidina? Notahinao izay asa nataony, ary efa nomenao omby aman’ondry mameno ny taniny izy. 11Fa esory aminy ange izay ananany e, raha tsy ankitsirano izao no haniratsirany Anao!
12Dia hoy ny Tompo tamin’i Satàna#1.12 Satàna: na ilay mpiampanga (and 9-11): ampit Apôk 12.10.:
–Indro eo am-pelatananao izay ananany rehetra. Nefa aza kasihinao kosa ny tenany.
Dia niala teo anatrehan’ny TOMPO i Satàna.
13Indray andro raha nihinana sy nisotro tao an-tranon-jokiny lahimatoa ireo zanak’i Jôba, 14dia nisy iraka tonga tany amin’i Jôba nilaza taminy hoe: «Raha teo am-piasàna iny indrindra ny omby ary raha nihinana teo akaikiny ny borikivavy, 15dia nidinan’ny Sabeanina#1.15 Sabeanina: olona tontakely mpifindrafindra monina, toa avy any atsimon’i Arabia. tampoka ka norobainy; novonoiny ho faty tamin’ny sabatra ny mpanomponao, ary dia izaho irery no afa-nandositra hampandre anao.»
16Fa raha tsy mbola tapitra akory ny teniny, dia nisy iray hafa koa tonga nilaza hoe: «Nilatsaham-potaka ny ondry aman’osy sy ny mpiandry azy ka levona, ary dia izaho irery no afa-nandositra hampandre anao.»
17Fa raha tsy mbola tapitra akory ny tenin’io? dia nisy iray hafa koa tonga ka nanao hoe: «Nasian’ny andian-jiolahy kaldeanina#1.17 Kaldeanina: mpianefitra mifindrafindra monina, toa avy any avaratra atsinanan’i Arabia. telo toko ny rameva ka norobainy; novonoiny ho faty tamin’ny sabatra ny mpanomponao. Izaho irery no afa-nandositra hampandre anao.»
18Fa raha tsy mbola tapitra koa ny teniny, dia nisy iray hafa koa tonga ka nanao hoe: «Raha teo am-pihinanana sy teo am-pisotroana tao an-tranon-jokiny ireo zanakao, 19dia nifofofofo avy any an-taniefitra ny rambondanitra ka nipaoka ny zoron-trano efatra; maty nianjeran’ny trano tao avokoa ireo zatovo, ary dia izaho irery no afa-nandositra hampandre anao.»
20Dia nitsangana i Jôba ka nandriatra ny fitafiany sy nanaratra ny lohany#1.20 nandriatra ny fitafiany sy nanaratra ny lohany: momba izany mari-pisaonana sy alahelo izany dia jereo Jer 41.5 sy nta; jereo ny FTS amin’ny voambolana hoe MANDRIATRA FITAFIANA. ary niampatra tamin’ny tany ka niankohoka 21sady nanao hoe:
Nitanjaka no nivoahako avy tao an-kibon’ineny,
ary mitanjaka koa no hiverenako avy an-kibon’ny tany.
Ny TOMPO no nanome, ny TOMPO no naka.
Isaorana anie ny anaran’ny TOMPO.
22Tamin’izany fahoriana rehetra izany dia tsy mba nanota i Jôba ary tsy nanome tsiny an’Andriamanitra.
Currently Selected:
Jôba 1: DIEM
Highlight
Share
Copy
Want to have your highlights saved across all your devices? Sign up or sign in
Dikanteny Iombonana Eto Madagasikara © Malagasy Bible Society, 2004.