Deoterônômy 33
33
Tsofin’i Mosesy rano ireo foko israelita 12
1Rehefa nadiva ho faty i Mosesy,
lehilahin’Andriamanitra, dia izao no tsodrano nataony tamin’ny Israelita:
2Tonga avy tany Sinay ny TOMPO,
avy tany Sehîra no nisehoany tamin’ny vahoakany,
avy tao an-tendrombohitra Paràna no namirapiratany.
Otronin’ny anjely alinkisa no nahatongavany;
avy teo amin’ny tanan-kavanany no nanjelanjelatra ny lalàna#33.2 Sehîra: anarana hafa fiantsoana ny faritany Edôma. –Paràna: toa tendrombohitra anankiray any Edôma. –Amin’ny toerana maro no tsy mazava ny RM eto amin’ny and 2-5 ary tsy azo antoka ny dkt aroso..
3Eny, tia ireo fokon’i Israely ianao, ry Tompo!
Ambany fifehezanao avokoa ny olona voatokana ho Anao;
miankohoka eo an-tongotrao ireo
ka samy mandray ny teninao.
4Ny Lalàna naroson’i Mosesy tamintsika
no lovan’ny taranaka narovan’i Jakôba;
5ary tonga mpanjakan’i Jesoròna ny Tompo#33.5 Ny Tompo: misy mihevitra fa tsy ny Tompo no lazaina eto fa i Mosesy (rijan-teny hebreo, mpisolo anarana Izy sa izy?) –i Jesoròna, izany hoe i Israely: jereo 32.15 sy nta.
fony tafangona ny lehiben’ny vahoaka
mbamin’ireo foko israelita rehetra.
6Ny amin’ny taranak’i Reobena, dia hoy i Mosesy hoe:
«Aoka ho velona ny fokon’i Reobena fa tsy ho faty,
ary aoka ho tsy tambo isaina ny olony!»
7Ny amin’ny taranak’i Joda dia izao no voalazan’i Mosesy;
«TOMPO ô, henoy antso ny fokon’i Joda!
Ento izy hifandray amin’ireo mpiray firenena aminy;
ny tanany no hiadiany ho an’ny fokony
ka ampio izy hamely ny mpandrafy azy.»
8Ny amin’ny taranak’i Levỳ, dia hoy i Mosesy hoe:
«Tompo ô, ny Orîmanao sy Tomîmanao
dia nankininao amin’ireto olona mahatoky Anao ireto,
izay efa nozahanao toetra tany Masà
sy nanarinao mafy teo amin’ny ranon’i Meribà#33.8 Orîma sy Tomîma: karazana kodiakely na tehina kely (jereo Eks 28.30 sy nta.) –Masà, Meribà jereo Eks 17.1-7; Nom 20.1-13..
9Noho Ianao, dia tsy mba niraiki-po
tamin’ny ray aman-dreniny ireo,
na nifikitra tamin’ny mpiray tampo na fatra-pitia zanaka,
fa nitandrina ny teninao
sy nitana ny fanekempihavananao#33.9 Tsiahivina etoana ny tantara ao amin’ny Eks 32.25-29..
10Ireo no mampianatra ny fitsipika aman-dalànanao
amin’ny Israelita namany
sy manolotra vovo-javamanitra eo anatrehanao
ary mitondra sorona dorana manontolo
eo amin’ny alitaranao#33.10 Fampianarana sy fanoloran-tsorona no andraikitra roa lehibe sahanin’ireo mpisorona, taranak’i Levỳ..
11TOMPO ô, tahio ny ezaka vitany
ary aoka ho sitrakao ny asa ataony;
folahy ny herin’izay mitsangan-kanohitra azy,
ary aoka tsy hiarina intsony izay mankahala azy.»
12Ny amin’ny taranak’i Benjamîna, dia hoy i Mosesy hoe:
«Foko malalan’ny TOMPO ianareo
ka monina feizay eo akaikiny;
miaro anao isan’andro vaky Izy
sady monina eo anivon’ny havoanareo#33.12 eo anivon’ny havoanareo: i Jerosalema indraindray dia heverina ho anatin’ny faritanin’i Benjamîna..»
13Ny amin’ny taranak’i Jôsefa, dia hoy i Mosesy hoe:
«Hotahîn’ny TOMPO anie ny taninareo,
ka hahazo ny ando fanomezan-tsoan’ny lanitra
sy ny rano misoko avy any ambany lalina any,
14handray ny zava-tsoa entin’ny masoandro
sy ny zava-tsoa matoy isam-bolana,
15ho rakotry ny voka-tsoan’ny tendrombohitra
sy ny voka-tsoan’ny havoana hatrizay hatrizay!
16Enga anie ny zava-tsoan’izany tany mahavokatra izany
sy ny fanambinan’Ilay nitoetra tao amin’ny Roimemy
hitosaka eo amin’ny taranak’i Jôsefa,
dia ny taranak’ilay navahana tamin’ny rahalahiny#33.16 And 13.16: jereo Gen 49.25-26. –nitoetra tao amin’ny Roimemy: jereo Eks 3.1-6. –ilay navahana tamin’ny rahalahiny: jereo Gen 37.5-11; 44.14.!
17Homem-boninahitra anie ny taranak’i Jôsefa
satria mahery tahaka ny ombalahy izy!
Tahaka ny ombimanga be tandroka izy,
ka manan-tandroka roa hanotoany ny firenena rehetra
hatrany amin’ny faravazan-tany,
dia ny miaramila alinalin’ny fokon’i Efraîma
sy ny miaramila arivoarivon’ny fokon’i Manase.»
18Ny amin’ny taranak’i Zebolòna sy i Jisakara,
dia hoy i Mosesy hoe:
«Mifalia, ry fokon’i Zebolòna,
amin’ny varotra ataonao;
mifalia, ry fokon’i Jisakara, ao an-dainao.
19Firenena maro no antsoinareo hankeo an-tendrombohitra
mba hanolotra sorona araka ny voalahatra,
satria angoronanareo harena ny ranomasina
sy ny zava-tsoa miafina ao amin’ny fasika#33.19 ranomasina: tsiahivina amin’izany ny fifanakalozana ara-barotra tamin’ny Fenisianina izay firenena nanana tantsambo maro (jereo kosa Gen 49.43). –zava-tsoa miafina amin’ny fasika: tsiahivina amin’izany ny fanangonana sifo-dranomasina hahazoana ny loko sarobidy fampiasa amin’ny lamba jaky na koa ny fampiasana ny fasika hanamboarana fitaratra..»
20Ny amin’ny taranak’i Gada, dia hoy i Mosesy hoe:
«Hankalazaina anie ny Tompo
Izay manome faritra malalaka ho an’ny fokon’i Gada!
Tahaka ny liona no amitsahan’ny fokon’i Gada,
dia liona vonon-kamiravira ny sandrin’ny rembiny
mbamin’ny lohany koa aza.
21Nahazo ny zaratany tsara indrindra ho azy izy,
dia anjara voatokana ho an’ny mpifehy;
avy eo niaraka tamin’ny lehiben’ny vahoaka izy
ka nanao ny marina soritan’ny TOMPO
sy ny fitsipiny hanasoavana an’i Israely#33.21 avy eo... Israely: jereo Nom 32.16-18..»
22Ny amin’ny taranak’i Dana, dia hoy i Mosesy hoe:
«Ny fokon’i Dana dia tahaka ny vanton-diona
izay miantoraka avy ao Basàna#33.22 Voatsiahy amin’izany ny fanafihana niainga avy tany Basàna: ampit Gen 49.17; Jos 19.47..»
23Ny amin’ny taranak’i Naftalỳ, dia hoy i Mosesy hoe:
«Ry fokon’i Naftalỳ, tototra tombontsoa ianao
sady heniky ny fitahian’ny TOMPO.
Aoka hitatra miankandrefana sy mianatsimo
ny faritany anananao#33.23 Aoka... anananao: dkt hafa Ny farihy (=farihin’i Genesareta) sy iny atsimony iny no ho faritany anananao. !»
24Ny amin’ny taranak’i Asera, dia hoy i Mosesy hoe:
«Hotahîna anie ny fokon’i Asera,
eo amin’ny samy taranak’i Jakôba!
Hotiavin’ny mpiray firenena aminy anie izy!
Aoka hitobaka ny menak’ôlivany
ka hisy hanobohany ny tongony!»
25Azo antoka ny varavaranao
fa ho vy amam-barahina ny hidiny.
Ny herinao#33.25 Ny heriny: araka ny dkt tranainy maro; tsy fantatra mazava ny hevitr’ilay voambolana hebreo. anie haharitra toy ny androm-piainanao!
26Dia hoy koa i Mosesy hoe:
«Ry Jesoròna#33.26 Ry Jesoròna na hoe ry Israely jereo 32 15 sy nta., tsy misy tahaka an’ilay Andriamanitrao!
Heni-boninahitra sady mitaingina ny rahon’ny lanitra Izy
mba ho tonga hamonjy anao.
27Andriamanitra, hatrizay hatrizay, no fialofana;
ny heriny, hatrany hatrany, no miasa etỳ ambany#33.27 ny heriny... ambany: dkt hafa eo ambany fiarovan’ny heriny hatrany hatrany ianao. etỳ.
Mandroaka ny fahavalo eo anoloanao Izy
ary mandidy anao handringana an’ireo.
28Mandry feizay ny Israelita;
monina milamina ny taranak’i Jakôba
eo amin’ny tany be vary sy divay,
tany izay ipariahan’ny andon’ny lanitra.
29Sambatra ianareo, ry Israelita!
Iza no tahaka anareo, ry vahoaka voavonjin’ny TOMPO?
Izy no ampinga miaro anareo sy sabatra ireharehanareo.
Hikoy aminareo ny fahavalonareo,
ka hohitsahinareo ny toerana avo fivavahany.»
Currently Selected:
Deoterônômy 33: DIEM
Highlight
Share
Copy
Want to have your highlights saved across all your devices? Sign up or sign in
Dikanteny Iombonana Eto Madagasikara © Malagasy Bible Society, 2004.