Zaburu 94
94
Kawasana Opu, Pambela Kaʼadili
94:1-23
1E Aulataʼala, Ingkoomo KAWASANA OPU mobalasina kadhaki.
Potokamatamea ande Ingkoo mobalasina kadhaki, e Aulataʼala!
2Maasangia ahukumua, e haakimuna dunia;
hukumua manga mia mosombo apokana tee pewauna!
3Sakawana naepia manga mia madhaki, e KAWASANA OPU,
sakawana naepia, manga mia madhaki akaunde-unde?
4Manga incia ataburaka pogau mosombo minaaka i ngangana,
tee bhari-bharia mia mopewauna kadhaki sumai apekalanga karona.
5Manga incia apisaki uumatimu, e KAWASANA OPU,
tee apahancuru tinaurakamu.
6Manga incia apekamate iaiaro tee mia dhaga,
tee apekamate ana maelu.
7Pogauna manga incia, "KAWASANA OPU inda akamatea,
Aulataʼalana Yakub isombana miana Israel inda atontoa."
8Perangoimea, e manga mia mokabhongo-bhongo i tanga-tangana lipu sii!
E manga mia mokabhongo-bhongo, naepia buaka ingkomiu bheumembali uʼaarifu?
9Incia modhikaakea talinga,
inda mungki Incia inda aporango!
Incia mopamodelena mata,
inda mungki Incia inda apokamata!
10Incia mosasina manga lipu tee moadharina maanusia,
dhaanamo Incia bheahukumua uka!
11KAWASANA OPU amataua haejatina maanusia,
ande bhari-bharia sumai inda tee maʼanana.
12Masanaamo mia iadharimu, e KAWASANA OPU,
tee udhawua kaadhari minaaka i hukumumu;
13 #
Limb. 14:21. upasanaa incana i wakutuuna kasukara,
sakawana mia madhaki apesua i nuncana bhalona katapu.
14 #
Ayb. 40:20; Zab. 104:26; Yes. 27:1. Roonamo KAWASANA OPU inda bheabhanaka uumatina,
tee Incia inda bheabholi miana lipuna momembalina tinaurakana;
15sababuna kaʼadili bheambuli pendua to manga mia mobanara,
tee bhari-bharia mia momakatena incana bheaose.
16Incema buaka moewaakaaku i manga mia madhaki?
Incema buaka bhemopoaroakaaku to aewangi manga mia mopewauna kadhaki?
17Ande mencuana KAWASANA OPU motulungiaku,
saidhepo kumate i tampa momalino.
18Wakutuuna kufikiri, "Aeku asindoli,"
sumaimo kaasina KAWASANA OPU molagina motukoaku.
19Wakutuuna abhari fikiriku i nuncana baatiniku,
Ingkoo utautauaku, sumaimo kukaunde-unde.
20Inda mungki Ingkoo uposaangu tee manga kaogesa momadhaki,
mopewauna kasalaha alaloi katotapuna inda moʼadilina.
21Manga incia apomufakati aewangi dhadhina mia mobanara,
tee ahukumu mate manga mia inda mosala.
22Maka KAWASANA OPU mboomo kota bente moewaakaaku,
tee Aulataʼala amembali gunu bhatu tampana peulusaku.
23Incia bheahukumu manga mia madhaki apokana tee pewauna,
tee bheapabinasea roonamo dosana.
KAWASANA OPU, Aulataʼalata bheapabinasa manga incia.
Currently Selected:
Zaburu 94: KMW
Highlight
Copy
Compare
Share
Want to have your highlights saved across all your devices? Sign up or sign in
Ongoing © Wycliffe Bible Translators, Inc
