Zaburu 140
140
Doʼa Emaniana Peulusa minaaka i Manga Mia Madhaki
140:1-14
1To kapalana molaguna. Zaburuna Daud.
2E KAWASANA OPU, maasangia
utulungiaku minaaka i mia madhaki,
tee ujaganiaku minaaka i mia masega.
3Manga incia ahaejatiaka kadhaki i nuncana ngangarandana,
tee saesaeo apadhaangia manga potimbea.
4 #
Rom. 3:13. Manga incia apekatadha dhelana mboomo ulo,
pogauna manga incia mboomo racuna ulo mokobisa. Sela#140:4 Sela: Aipomo tandana to aunto wakutuuna lagu sumai atolaguaka, atawa o tanda to ahanda apekaogea o suarana, atawa onina gambusuna. Amembali uka to tanda to morangoa mamudhaakana asuju.
5E KAWASANA OPU, jaganiaku minaaka i kuasana mia mokodosa,
tee ujaganiaku minaaka i mia masega,
mohaejatina to apekandawuaku.
6Mia mosombo abuniaka katapu to iaku.
Manga incia abhakesaka jarina i bhiwina dhala,
tee sakaaratea dhala manga incia ataakaaku katapu. Sela
7Iaku kupogau tee KAWASANA OPU, "Ingkoomo Aulataʼalaku,
perangoimea opea iemaniku e KAWASANA OPU!"
8E KAWASANA OPU, e Aulataʼalaku, Ingkoomo o kasalaamatiku tee kakaaku,
Ingkoo padhamo ujagani bhaaku i eona potimbea.
9E KAWASANA OPU, bholi uose peeluana mia madhaki,
bholi uperangoia o haejati madhakina manga incia, mamudhaakana inda asomboaka karona. Sela
10Maasangia o racu mominaakana i bhiwina apatondu manga mia madhaki molibuaku.
11Taroakamo manga incia apakowaoakea weona waa,
tee abhanakea i nuncana waa tee i bhalo mandala imateaka,
sabutuna inda amembali alimba pendua.
12Manga pande fitanaa inda bheadhadhi malape i dunia,
tee o mia mopewauna kasega bheaosea balaa.
13Iaku kumataua ande o KAWASANA OPU bheaewaaka hakuna mia motopisaki,
tee adhawu kaʼadili to mia momisikini.
14Atantumo o mia mobanara bheapuji saromu,
tee o mia momakatena totona incana bheamboore i aroamu.
Currently Selected:
Zaburu 140: KMW
Highlight
Copy
Compare
Share
Want to have your highlights saved across all your devices? Sign up or sign in
Ongoing © Wycliffe Bible Translators, Inc
