Zaburu 129
129
Aemani Kahukumu to Manga Musuna
129:1-8
1Laguna ziara.
"Pepuu dhaangia kumangura amenturumo mpuu apanarakaaku manga musuku,"
taroakamo miana Israel apogau mboo sumai,
2"Pepuu dhaangia kumangura amenturumo mpuu apanarakaaku manga musuku,
maka manga incia inda amembali ataloaku.
3Manga incia apekambela awaaku mboomo tana ibhingkuni,
amaarate tee amandala o kambelana awaaku mboomo pande poinawu mobhingkunina tana.
4KAWASANA OPU abanara.
Incia padhamo atumpo rabuta ibhokena manga mia madhaki mamudhaakana mangarambasaka minaaka i kuasana mia madhaki.
5Taroakamo bhari-bharia mia mobancina Sion
asowo tee amaea.
6Taroakamo manga incia mboomo rumpu i bhawona padhana bhanua
amalau wakutuuna tangasaana atuwu;
7manga pande dhodhona gandum inda awelia,
tee manga pande bhokena timpua inda abhokea rampaakanamo rumpu sumai inda akoguna.
8Sabutuna manga mia molalo inda bheapogau,
"Maasangia abarakatiko KAWASANA OPU,
Ingkami tabarakatiko i nuncana sarona KAWASANA OPU."
Currently Selected:
Zaburu 129: KMW
Highlight
Copy
Compare
Share
Want to have your highlights saved across all your devices? Sign up or sign in
Ongoing © Wycliffe Bible Translators, Inc
