Zaburu 123
123
Taharapu i Rahumatina Kawasana Opu
123:1-4
1Laguna ziara.
I Ingkoomo kupotingara,
e Ingkoo mokokauncuramakana i sorogaa!
2Kamatea, mboomo samia bhatua umane
moposaronakana i opuna,
tee mboomo samia bhatua bhawine moposaronakana i opuna bhawine,
mboo siitumo ingkita taposaronaka i KAWASANA OPU, Aulataʼalata,
sakawana manga maasiaka.
3Manga maasiakapo e KAWASANA OPU, manga maasiakapo,
roonamo amenturumo mpuu ingkami tatohina.
4Ingkami tamambosuakamo
kaele-elena manga mia moabhina karona amulia,
tee kahinana manga mia mosombo.
Currently Selected:
Zaburu 123: KMW
Highlight
Copy
Compare
Share
Want to have your highlights saved across all your devices? Sign up or sign in
Ongoing © Wycliffe Bible Translators, Inc
