1 Petrus 5
5
Gembalaakea o Dumbana Aulataʼala
5:1-11
1Iaku kuemani mpuu i manga kapalana jamaʼa modhaangiana i tanga-tangamiu. Iaku kupokana tee ingkomiu roonamo iaku uka o kapalana jamaʼa. Mencuana soo incia sumai, maka iaku uka padhamo kukamataakea tee mataku karoku o kanarakaana Al Masi tee iaku uka bhekupoose tee Al Masi kutarima kadhawu i nuncana kamuliangina wakutuuna Aulataʼala apatokamataakea i aroana mia bhari naile itu. 2Rampaakanamo sumai, kuemani mpuu ugembalaakea o gulumana dumba ipasaraakaakana Aulataʼala#5:2 ugembalaakea o gulumana dumba ipasaraakaakana Aulataʼala: Iwe sii o Petrus apakoleleaka kasameana Isa to karona wakutuuna manga incia apokawa i Tawona Galilea (kamata Yah. 21:15-17.). Sii-sii o Petrus apakawaaka kasamea mopokana to manga gembalana jamaʼa mamudhaakana manga incia aʼurusu manga jamaʼana samia-samia. to ingkomiu tee ngangaranda momasanaa mboomo kapeeluana Aulataʼala. Bholi unamisi utopakisaa tee bholi upeelo laba, maka ukarajaamea o tugasimiu sumai tee mpuu-mpuuna incamiu. 3Pewaumiu bholi kabilanga mboomo mia mokokuasaina mia modhaangiana i tambena tanggojawapuna, maka umembalimo polanciringa momalape to manga gulumana dumba sumai. 4Tee wakutuuna Gembala Momalanga sumai aumba naile itu, ingkomiu bheutarima kamuliangi, siitumo saangu mahakota inda momembalina momalau.#5:4 mahakota inda momembalina momalau: I zamanina Petrus, mia mokanana i pologoa bheapotibhaaka mahakota motokarajaana minaaka i tawana rumpu bhemomalauna. Maʼanana kamuliangi incia sii bheabakaa. 5Mboomo uka ingkomiu, e manga mia mangura, taʼatimo tee manga mancuana. Bhari-bharikomiu tabeana sadia upaporitambea o karomiu tee mia mosagaanana. Roonamo i nuncana Kitabi Momangkilo atoburi mboo sii,
#
Aar. 3:34. "Aulataʼala abhali mia mosombo,
maka o mia mopaporitambena karona adhawua rahumati."
6 #
Mat. 23:12; Luk. 14:11; 18:14. Rampaakanamo sumai, paporitambemea o karomiu i tambena limana Aulataʼala momakaa mamudhaakana Incia apekalangakomiu ande akawa wakutuuna. 7Pasaraakaakea bhari-bharia imeriakamu i Aulataʼala, roonamo Incia mofaduliakako.
8Ingkomiu tabeana usadara tee ukojaga-jaga, roonamo Ibilisi o musumiu. Incia mboomo singa mokomburu molingkana mopekatii-tiina mopeelona kinandena to adhokua. 9Ewangimea tee iimani momatangka, roonamo umataua ande manga witinaimiu saʼagama i saangua dunia sii anarakaa uka mboomo ingkomiu.
10Aulataʼala o minaana bhari-bharia rahumati, mokembakomiu mamudhaakana upesua tee unamisi kamuliangina mobakaa alaloi Al Masi. Incia bheapamondokomiu, bheadhawuakakomiu kapoolina mamudhaakana usabara, bheapekakaakomiu, tee bheapekatangkakomiu sapadhana unamisi kanarakaa inda momangenge sumai. 11Inciamo mokokuasana saʼumurua! Aamin.
Salamu
5:12-14
12 #
Tul. 15:22; 15:40. Suraku momampodhona sii kuburia to ingkomiu tee kahambana Silwanus iabhiku samia witinai momembalina motoparacaea, siitumo to kuudhaniakakomiu tee kupayaakiniakakomiu ande o antona sura iburiku incia sii pokaiana tee kadhaangiamiu satotuuna o rahumatina Aulataʼala. Jadi ingkomiu tabeana upengkeni pekatangka i nuncana rahumati sumai.
13 #
Tul. 12:12; 12:25; 13:13; 15:37-39; Kol. 4:10. Manga witinaita modhaangiana i "Babel,"#5:13 Manga witinaita modhaangiana i "Babel": Babel sii aipomo saro rahasia to asarongiaka Kota Roma. Jadi manga ahaliina kitabi aabhia o giu incia sii o pokaiana tee gareja modhaangiana i Roma, siitumo tampana mbooresana Petrus wakutuuna aburi sura incia sii. Kota Babel satotuuna ibu kotana Tana Mesopotamia, tampana manga miana Israel atobhanaka sapadhana atopadhencu minaaka i tanana karona manga incia kera-kera i zamani 600 tao wakutuu indapo laahiriana Al Masi (kamata 2Taw. 36:17-21). Aipomo Petrus apake saro kaabhi-abhi incia sii to apamembalia kaudhania ande manga mia moparacaeana tee Isa satotuuna o manga pande bhose i dunia sii. motopilina mopokanana tee ingkomiu uka, alamboko salamuna to ingkomiu. Markus o anaku alamboko uka salamuna. 14Posalasalamumo podho-podho ingkomiu tee salamu momangkilo mobukeakana kaasi. Maasangia bhari-bharikomiu modhaangiana i nuncana Al Masi udhadhi pomalape.
Currently Selected:
1 Petrus 5: KMW
Highlight
Copy
Compare
Share
Want to have your highlights saved across all your devices? Sign up or sign in
Ongoing © Wycliffe Bible Translators, Inc
