Ennanga 149
149
Olwimbo lw’obuhimanyi
1Aleluya!
Yimbiri Nnâmahanga olwimbo luhyâhya, irenge lyâge liyumvîkane omu ndêko y’abarhonyi bâge.
2Israheli ashagalukire Nnâmahanga Mulemi wâge, abâna b’e Siyoni bacîtakîrire omwâmi wâbo.
3Bakuze banasâmire izîno lyâge, bamuzihire ennanga banamurhimbire engoma.
4Bulya Nyamuzinda ashagaluka n’olubaga lwâge, Ye ciza abanyinyi anabakuze.
5Abarhonyi bâge banagandâze omw’irenge, banashagaluke n’omw’îrò.
6Obukuze bwa Nnâmahanga burhabarhenga omu kanwa, omu nfune zâbo murharhenga engôrho ya môji abirhi.
7Y’okucîhôla amashanja, n’okuhana emirhwe
8Okuhanika abâmi bâbo n’enkoba, n’abaluzi bâbo omu caburhinda.
9Lyo olushika lwatûbagwa kuli bo luyunjula, lyo irenge lyàbikîrwe abarhonyi bâge boshi
Mashi Bible © BUKAVU Archdiocese of Bukavu, 2024.