Migani 9
9
Burhimanya abâzire
1Burhimanya àjire aho#9, 1 Burhimanya ali nka mukazi wa mbuguma, nna-bâna erhi nna-munene. ayûbaka enyumpa yâge, àyigwikira mitûngo nda#9, 1 Mitûngo nda: «ciri cimanyîso ca buhirhi, bugale bw’eyo nyumpa». «Ndà» cibà cimanyîso c’obwimâna emw’Abayahudi.;
2Abâga ebimasha byâge, àkanda irivayi anarheganya ameza gâge.
3Ajire aho àrhuma abambali-kazi, mpu bagendiyâkûza omu irângo oku lugo:
4Mpu: «ndi orhagwêrhi kwâge? Mpu ayishe emunda ndi» n’omusirhe, kwo Burhimanya amubwîzire:
5erhi: «yisha olye oku mugati gwâni, onywe n’oku irivayi nakandaga».
6Erhi «muleke isirhe mwabona akalamo, mugere omu njira y’okuli»
Nyânga oshekera abandi
7Ohakanya omugambanyi anacîshombanye, okalihira enkola-maligo anacîjacizè.
8Orhahakanyagya omugambanyi mwankanashombana, ohakanye omurhimanya akusîma
9Ohè omurhimanya, abâ murhimanya kulusha; obwîrize omushinganyanya: ayûshûla obumanye bwâge.
10Omurhondêro gw’obushinganyanya kubà kurhînya Nyakasane: Obumanye bw’abatagatîfu#9, 10 Obumanye bw’abatagatîfu: aha, Vulgata* rhukulikire; Ebibliya y’e Yeruzalemu kw’edesire mpu «obumanye bw’omutagatîfu». bwône bwenge.
11Bulyâla niene nâkulugiza ensiku, nie nâkuyushùlira emyâka wâlama.
12Okabâ murhimanya obunguke buli bwâwe, okabâ mugambanyi wêne kwânababaza.
Nyamusirhye w’omukazi
13Nyamusirhye w’omukazi arhadekerera, ali muhwinja arhanayishi bici.
14Atamîre aha lusò lw’omu mwâge, oku ntebe omu irango ly’olugo,
15Mpu ahamagale àbâgera, àbali omu njira yâbo.
16Mpu: «ndi ociri cirhabà?», «agere eno munda» n’omulume musirhe ye nyâmà wâni abwîzire,
17Erhi: «amîshi mazimbano#9, 17 Omu bihugo Israheli-Palestina na Israheli, «amîshi» garhali ga cilugè ogahisirekwo kuhika anabîka bwinjinjà, ntyo ciru omushâmbo anayishigazimba nka nnago arhagabisiri bwinjà. go ganuna!» n’omugati gw’ebirhangâzo gurhahimwa manyunyà.
18Na kuziga nyamulume arhishi oku aho hali empehema, n’oku abalâlike ba nyamusirhye w’omukazi, omu rhubanda rhw’ekuzimu bali.
Mashi Bible © BUKAVU Archdiocese of Bukavu, 2024.