Migani 10
10
II. ecitabu c’emigani yayandikagwa na Salomoni
Oburhimanya n’obuhwinja
1Migani ya Salomoni. Omwâna murhimanya ye mushagalusa#10, 1 Ah’oburhimanya buli kuyinjiha hayinjiha, kusîmîsa hanasîmîsa. w’îshe. Omwâna musirhe burhè anajira nnina.
2Eby’obushambo birhaciza, obushinganyanya bôhe bunakûle omuntu omu lufù.
3Nyakasane arhaziga omushinganyanya afà n’ishali, ye na zigulula amagene g’enyankola-maligo.
4Njingo zihozire, buligo afulusa, njingo zikanyire bugale afulusa.
5Ohaka cânda ye mwenge, oj’irô amango basârûla ye bya-nshonyi.
6Omugisho gwa Nyakasane oku irhwe ly’omushinganyanya kufà murhò kurhuma enkola-maligo yâgokôla.
7Izîno ly’omushinganyanya irenge lijà, izîno ly’enkola-maligo cibolwe.
8Mwenge oyêmêra bamurhegeke, omuhwinja w’akalimi kuhera anahera.
9Oshûrha enjira yâge kwône, âgenda arhîmûsirwe, ojà ayahuka arhabula cishobesire.
10Olola ayûbisire amasù, analîse owundi n’amagala, ci okalihira omuntu anamulola omu masù, anamushubize omurhima omu nda.
11Akanwa#10, 11 Omu kanwa murhengwa: munarhenge ebinwa byaciza, murhenge nakakayîrha erhi kalogorhere lebè, kagayise omuntu. kw’omushinganyanya nshôko ya buzîne, akanwa k’enkola-maligo kôhe, ntambala kabà kabwikire.
12Enshombo kadali ezûsa, n’obuzigire bunabwîkire obubî bwoshi.
13Akanwa kw’omugula, burhimanya bubà-mwo, oku mugongo gw’endyâlya mibambu ekubâ,
14Barhimanya babîka Obumanye, akanwa kw’omusirhe kôhe ye côkeza, Oburhimanya n’obugale
15Obugale bw’omuhirhi, lwo lwâkiro lwâge, obubî bw’omuganda, bunali bulya bukenyi bwâge.
16Ikola ly’entagengwa kuciza liciza, ci obunguke bw’enkola-maligo kuheza buheza.
17Njira ya kalamo, okubîka ihano wahâbagwa, ntadûndwa yêhe kuhabuka anahabuka. Okuderha kubî n’okuderha kwinjà
18Akanwa kashingânîne kanafunge entambala, ôderha akanwa kabî erhi muhwinja.
19Oderha bwenêne arhabula ah’akubîze#10, 19 Omwâna oderha bwenêne anaderhe ah’îshe alìre omwênda (mugani gwa Bashi)., ôlanga akanwa kâge erhi mwîrhonzi.
20Olulimi lw’entagengwa gabà marhale gacîre, omurhima gw’enkola-maligo gurhagwêrhi citwîro cinganaci!
21Akanwa k’entagengwa kanashalûle rubannda, ci abakenyi omu bukenyi banafira. Entagengwa n’omumînya
22Mugisho gwa Nyakasane gugaza omuntu, emisî yône-yône erhajira cici.
23Omusirhe asîma abulage omukò, omuntu wabona yêhe akûnda âgendekere oburhimanya.
24Omumînya ebi arhînya byo anabona, omushinganyanya naye oku acîfinjire kwo anabona.
25Erhi entambala ehwa erhi na ntà mumînya ocihali, ci omushinganyanya erhi ye kola oyîmanzire kulya kw’ensiku n’amango.
26Kula enkalishi eyôrha omu mîno, n’omugî omu masù kwo n’omwôlo ayôrha omu masù gw’owamurhumaga
27Okurhînya Nyakasane kunayûshûlire omuntu ensiku emyâka y’omumînya yôhe kunyihya bayinyihya.
28Okulinda kw’abarhimanya gubâ mwishingo, ebi abaminya bacîkubagira kufânanda binafànanda.
29Nyakasane abâ Côbohwa c’enkola-maligo, abâ Lwâkiro lw’entagengwa
30Ntà mango omushinganyanya ankadûndagana, enkola-maligo zôhe zirhâyûbake omu cihugo.
31Akanwa k’omushinganyanya burhimanya karhengamwo; olulimi lubî kushugulwa lwâshugulwe.
32Akanwa k’omushinganyanya binjà karhengamwo; n’akanwa k’enkola-maligo, maligo kanarhengamwo.
Mashi Bible © BUKAVU Archdiocese of Bukavu, 2024.