Mibalè 26
26
VIII. Amarheganyo mahyâhya
Omubalè gwa kabirhi
1Erhi bayûsihanwa ntyo#26, 1 Kuhanwa kw’Israheli, lolà: Emibalè 25, 19 omu bindi biyandike, Nyamubâho anacibwîra Mûsa n’Eleazari, mwene omudâhwa Aroni, erhi: 2Ojire omubalè gwa bene Israheli boshi#26, 2 Ogwo mubalè gwa bene Israheli boshi gwabà muhyâhya bulya abantu baganjagwa amango g’omubalè murhanzi, boshi bafirîre omu irungu (mulongo gwa 64), kurhenga oku wa myâka makumi abirhi kujà enyanya, nk’oku emilala ya bashakulûza bâbo enakulikirîne muli bene Israheli boshi ojire omubalè gwa balya boshi bakanahashaga okuhêka emirasano. 3Mûsa n’omudâhwa Eleazari banacibwîra bene Israheli ntyo omu kabanda ka Mowabu, hôfi na Yordani, aha ishiriza lya Yeriko. 4Mujire omubalè gwa bene Israheli, kurhenga oku wa myâka makumi abirhi kujà enyanya (nka kulya Nyamubâho anarhegekaga Mûsa na bene Israheli, galya mango barhengaga omu cihugo c’e Mîsiri). 5Rubeni yo nfula y’Israheli, Bene Rubeni bali: Kuli Henoki, omulala gwa Abahenoki; kuli Palu, omulala gwa Abapalu. 6Kuli Hezroni, omulala gwa Abahezroni; kuli Karmi, omulala gwa Abakarmi. 7Yo milala ya bene Rubeni eyo, Abaganjirwe muli bo boshi bâli balume bihumbi makumi anni na bisharhu na bantu magana galinda na makumi asharhu. 8Bene Palu ali Eliabu, 9Bene Eliabu bâli: Namueli, Datani n’oyôla wâbo Abirami, balya bâli bashamuka bw’omw’ihano, balya bacîhindulaga kuli Mûsa n’Aroni, omu murhwe gwa Korè, galya mango acîhinduliraga Nyamubâho. 10Obudaka bwanaciyashama bwabamirangusa (na Korè, galya mango omurhwe gwâge gwafaga, go mango omuliro gwamiragusagya bantu magana abirhi na makumi arhanu. Babà lwîganyo oku bandi. 11Ci kwône bene Korè barhafaga). 12Bene Simoni, kulya emilala yâbo enagenzire: Kuli Namueli omulala gw’Abayanamueli; kuli Yakini, omulala gw’Abayakini; kuli Yakini, omulala gw’Abayamini; 13Kuli Zera, omulala gw’Abazera; kuli Shaulu, Abashauli. 14Yo milala ya bene Simoni eyo: boshi haguma bihumbi makumi abirhi na bibirhi na bantu magana abirhi. 15Bene Gadi, kulya emilala yâbo enagenzire: Kuli Sefoni, omulala gw’Abaasefoni; Kuli Hagi, omulala gw’Abahagi; kuli Suni, omulala gw'Abashuni; 16Kuli Ozni, omulala gwa Abanya-Ozni, kuli Eri, omulala gw’Abaeri; 17Kuli Arodi, omulala gw’Abarodi; kuli Areli, omulala gw’Abareli. 18Yo milala ya bene Gadi eyo. Abajirîrwe omubalè bali: bantu bihumbi makumi anni na magana arhanu. 19Bene Yûda: Eri na Onani; Ci Eri na Onani bafirîre omu cihugo c’e Kanâni. 20Alaga bene Yûda, kulya emilala yâbo enali: kuli Shela, omulala gw’Abashela; kuli Peresi, omulala gwa Abaperesi; kuli Zera, omulala gw’Abazera. 21Bene Peresi bâli: Kuli Hesroni, omulala gw’Abahesroni; kuli Hamuli, omulala gw’Abahamuli. 22Yo milala ya bene Yûda eyo nk’oku bajirirwe omubalè: bantu bihumbi makumi gali nda na ndarhu na magana arhanu. 23Bene Isakari nk’oku emilala yâbo enali: kuli Tola, omulala gw’Abatolati; kuli Puva, omulala gw’Abapuva. 24Kuli Yashubu, omulala gw’Abanyashubu; kuli Shimroni omulala gw’Abashimroni. 25Yo milala ya bene Isakari, nk’oku banajirirwe omubalè: bihumbi magana gali ndarhu na bini na magana asharhu. 26Bene Zabuloni, kulya emilala yâbo enali: kuli Sêredi, omulala gw’Abasêredi, kuli Eloni, omulala gw’Abaloni; kuli Yaleli, omulala gw’Abayaleli. 27Eyo yo milala erhenga kuli Zabuloni, nka kulya banajirirwe omubalè: bantu bihumbi magana gali ndarhu na magana arhanu. 28Bene Yozefu, kulya emilala yâbo enali: Menashè na Efrayim 29Bene Menashè: Kuli Makiri, omulala gw’Abamakiri. Makiri aburha Galadi; kuli Galadi, omulala gw’Abagaladi. 30Alaga bene Galadi: Yezeri kwo kurhenga omulala gw’Abayezeri, kuli Heleki, omulala gw’Abaheleki; 31Asrieli, ye warhengagakwo omulala gw’Abasrieli, Shekemi, ye warhengagakwo omulala gw’Abashikemi; 32Shemida, ye warhengagakwo omulala gw’Abashemida; Heferi, ye orhengagakwo omulala gw’Abaheferi. 33Selofehadi, mwene Heferi, arhaburhaga barhabana, ci banyere bône. Alaga amazîno ga bâli ba Selofehadi: Mahla, Noa, Hogla, Milka na Tirsa. 34Yo milala ya Menashè eyo; abajirîrwe omubalè bali bihumbi magana arhanu na bibirhi na magana gali nda. 35Alaga bene Efrayimu nk’oku emilala yâbo enali: kuli Shutela, omulala gwa Abashutela; kuli Bekeri, omulala gw’Ababekeri: kuli Tahani, omulala gw’Abatahani. 36Alaga bene Shutela: kuli Erani, omulala gw’Abaherani; 37Yo milala ya bene Efrayimu eyo, nk’oku banajirirwe omubalè: bâli bihumbi makumi asharhu na bibirhi na magana arhanu. Abo bo bene Yozefu, nk’oku emilala yâbo enali. 38Bene Benyamini, nk’oku emilala yâbo enali: kuli Bela, omulala gw’Ababela; kuli Ashbeli, omulala gw’Abashibeli; kuli Ahirami, omulala gw’Abahirami: 39Kuli Shufami, omulala gw’Abashufami; kuli Hufami, omulala gw’Abahufami. 40Alaga bagala ba Bela: Aredi na Naamani. Kuli Aredi, omulala gw’Abaaredi; kuli Naamani, omulala gw’Abanaamani. 41Abo bo bene Benyamini nk’oku emilala yâbo enali, n’abajirîrwe omubalè muli bo bali bihumbi makumi anni na birhanu na magana galindarhu. 42Alaga bene Dani, nk’oku emilala yâbo enali: kuli Shuhami kwarhenga omulala gw’Abasuhami. Eyo yo milala ya Dani, oku emilala yâbo enagenzire. 43Emilala y’Abashuhami yoshi nk’oku abajirîrwe omubalè banali: bihumbi makumi gali ndarhu na bini na magana anni. 44Bene Aseri nk’oku emilala yâbo enali: kuli Yimna, omulala gw’Abayimna; kuli Yishwi, omulala gw’Abayishwi; kuli Beria, omulala gw’Ababeria. 45Kuli bene Beria: kuli Heberi, omulala gw’Abaheberi; kuli Malkieli, omulala gw’Abamalkieli. 46Izîno lya mwâli wa Aseri ye wali Serah. 47Yo milala ya bene Aseri eyo. Abajirîrwe omubalè bali: bihumbi makumi arhanu na bisharhu na magana anni. 48Bene Nefutali, nk’oku emilala yâbo enali: kuli Yasieli, omulala gw’Abayezieli; kuli Guni, omulala gw’Abaguni; 49Kuli Yeseri, omulala gw’Abayeseri; kuli Shilemi, omulala gw’Abashilemi. 50Eyo yo milala ya Nefutali, nk’oku emilala yâbo enali, abajirîrwe omubalè muli bo bali bihumbi makumi anni na birhanu na magana anni. 51Abo bo bene Israheli bajirirwe omubalè: boshi bahika oku bantu bihumbi magana gali ndarhu na magana gali nda na makumi asharhu. 52Nyamubâho anacishambâla na Mûsa amubwîra, erhi: 53Abà bo ecihugo câgabirwa, cibè kashambala kâbo, nk’oku amazîno gâbo ganali. 54Abali banji, bo wanaha akashambala kanji, n’abali banyi, wanabaha akashambala kasungunu; bakaziha ngasi muguma akashambala kâge, kulya omubalè gwâbo gunali. 55Ci kwône okwo kugabâna ecihugo kuyesherwe ecigole. Bacigabâna nk’oku emilala ya bashakulûza bâbo enali. 56Ako kashambala kagabwa omu kuyesha ecigole oku bali banji nk’oku abâli basungunu.
Bene Levi bo babâmwo Abashi bene Mushi gwa Merari
57Alaga nk’oku emilala ekulikirîne, bene Levi bajirirwe omubalè: Kuli Gershoni, omulala gwa Abagershoni, kuli Kehati, omulala gw’Abakehati; kuli Merari, omulala gw’Abamerari. 58Alaga emilala ya bene Levi: omulala gw’Abalobuni, omulala gw’Abahebroni, omulala gwa bene Mahali, omulala gwa Bene Mushi (Abashi) n’omulala gw’Abanyakorè. Kehati aburha Amrami. 59Izîno ly’omugoli wa Amrami ye wali Yokebedi, mwâli wa Levi, oyu nina aburhiraga Levi erhi baciri e Mîsiri; aburhira Amrami: Aroni, Mûsa na Miriyamu, mwâli wâbo. 60Aroni aburha Nadabu na Abiu, Eleazari na Itamara. 61Nadabu na Abiu bo balya bafàga amango bajagidudumulira Nyamubâho omuliro gurhali gwo. 62Abajirîrwe omubalè boshi, kurhenga balume ba mwêzi muguma kujà enyanya, bali bihumbi makumi abirhi na bisharhu. Bulya barhajiriragwa omubalè haguma n’abandi bene Israheli, barhagwêrhi kashambala kaguma nabo. 63Abo bo bantu baganjirwe na Mûsa n’omudâhwa Eleazari, bo bajiraga omubalè gwa bene Israheli omu rhubanda rhwa Mowabu, hôfi na Yordani aha ishiriza lya Yeriko. 64Muli bo murhaciri ciru n’omuguma mwa balya bene Israheli Mûsa na Aroni bajiriraga omubalè omu ntondo ya Sînayi. 65Bulya Nyamubâho àli erhi adesire kuli bo, erhi: «Bafîra omw’irungu; harhasigalaga ciru n’omuguma aha nyuma lya Kalebu mwene Yefunè na Yozwè mwene Nuni».
Mashi Bible © BUKAVU Archdiocese of Bukavu, 2024.