Yozwe 20
20
Engo z’okukaziyâkirwamwo
1Nyakasane anacibwîra Yozwè, erhi: «Ogendibwîra bene Israheli ebi binwa erhi: 2“Mucîshogerage mwêne nka kulya nanababwîraga omu kanwa ka Mûsa, engo z’okuyâkirwamwo”#20, 2 Engo z’okuyakiramwo: Lush 4, 42.. 3“Anahashiyakiramwo ngasi yêshi wankayîrha omuntu omu kuhabuka#20, 3 Owankayîrha omuntu omu kuhabuka: Lush 4, 42; 19, 4; Bac 8, 20., arhamuyirhe n’oluhinzo, ezo ngo zanamukwanana mukaziyâkiramwo omwihôzi w’omukò”».
4Olya wayîrhaga omuntu anahashiyâkira omu lugo luguma muli ezo ngo; anayisha ayimange aha muhango gw’olugo, anashambâlira abashamuka#20, 4 Anashambâlira abashamuka: Lush 21, 19; Rut 4, 1-2. ba muli olwo lugo. Nabo banamuyankirira omu lugo lwâbo, banamuhè na ahantu ayûbaka lyo abêra nabo. 5Erhi omwihôzi w’omukò akayisha amukulikire, barhankamuhà olya nyakuyîrha, bulya omu kurhamanya anayîrhiraga omulungu wâge, bulya arhali amubikire mujina muci oli injo oli lishinjo.
6Olya wayîrhaga omuntu anabêra muli olwo lugo kuhika embere z’embugânano, atwirwe olubanja, anabêramwo kuhika aha kufà k’omudâhwa oliho muli ago mango. Enyuma zaho olya nyakuyîrha anashubicîgalukira#20, 6 Anashubicîgalukira omu lugo lwâge: nka obuhane bwâge bw’okululizibwa bwamahwa: Mib 35, 28. omu lugo lwâge, omu nyumpa yâge eri mulya lugo arhengagamwo erhi ayâka.
7Banacìcîshoga#20, 7 Engo zacishozirwe: Kedesi: Yoz 19, 37; 1 Nga 6, 61. Sìkemi: Yoz 21, 21; 1 Nga 6, 52. Kìriata-Arba: Yoz 14, 15; 1 Nga 6, 42. Kedesi omu Galileya, omu ntondo ya Nefutali; Sikemi omu ntondo ya Efrayimu na Kiryata-Arba, yerigi Hebroni, omu ntondo ya Yûda. 8Ebwa lindi ishiriza lya Yordani, olunda lw’ebuzûka zûba lwa Yeriko, bayêrekana Beseri, oli omu irungu, omu kabanda ka bene Rubeni; Ramoti omu Galadi emw’omulala gwa Gadi, na Golani omu Bashani emw’omulala gwa Menashè.
9Ezo zo ngo zacishozirwe#20, 9 20, 9: Kuguma n’omuntu w’ecigolo: Yoz 8, 33; Lub 22, 20; Lev 19, 10.33-34; Lush 10, 18. na bene Israheli n’omuntu w’ecigolo oyûbasire emwâbo, mpu lyo ngasi muntu wankayîrha owâbo arhanali kwa luhizo, ahashe okuyâkiramwo, arhankanaciyîrhwa n’okuboko kw’omwihôzi w’omukò, kuhika arhangitwîrwa olubanja n’embugânano y’olubaga.
Mashi Bible © BUKAVU Archdiocese of Bukavu, 2024.