Izaya 12
12
Olulanga lw’okuvug’omunkwa
1Mw’olwôla lusiku wanâderhe, erhi: Namâkukuza, Nyakasane!
Wali onkunirîre, ci obukunizi bwâwe bwarhulwîre, wanantûlirîze.
2Nyamuzinda ye bucire bwâni: Ye ncîkubagîre, ntâco naciyôboha;
bulya Nyakasane yo misî yâni lwo na lwimbo lwâni, ye bucire bwâni.
3Mwanadôme amîshi n’omwîshingo aha maliba g’obucire.
4Mw’olwôla lusiku mwanâderhe, erhi Mukuze Nyakasane,
mushenge izîno lyâge; mumanyîse emikolo yâge omu mashanja;
muhamagaze oku izîno lyâge liri likulu bwenêne!
5Muyimbire Nyakasane,
bulya ajizire ebirhangâzo bimanyîkîne omu igulu lyoshi.
6Mucîshinge, mubande orhubûli, mwe mubà omu Siyoni,
bulya Omwimâna w’Israheli ajir’irenge ekarhî kinyu.
Mashi Bible © BUKAVU Archdiocese of Bukavu, 2024.