Hozeya 14
14
1Samâriya àhanwa, bulya àjizire obwabiranyi kuli Nyamuzinda wâge. Bakumba omu ngôrho, orhubonjo rhwâbo rhwâhinagwa, bakâbo bali mazîmi bâbwagûka enda.
III. Okugaluka n’okushubirhona kwa Israheli
Israheli agaluka omu bwîra bwa Nyamuzinda
2Galuka, Israheli, emwa Nyamubâho, Nyamuzinda wâwe, bulya bubî bwâwe bwakusârhazagya.
3Ocîyikire ebinwa, oshubire emwa Nyamuzinda. Omubwîre, erhi: «Orhenzagye ngasi hibî, orhôle ngasi hinjà, àhâli h’empanzi, rhwakurhûla akanwa kîrhu#14, 3 Binwa bya kuhûna obwonjo, ci birhali bya kurhûla enterekêro: 6, 6.».
4Asûru ârharhucize, rhurhâcishone oku biterusi, rhurhakanaciderha nti Nyamuzinda wîrhu, obushanja bw’amaboko gîrhu#14, 4 Okukabulira enshusho babinjaga n’amaboko gâbo kuli kuyêrekana oku obulangâlire bwaho burhaciri oku misî ya Asûru n’omu marhwâli g’abasirika n’ebiterusi byalikola biri ahâli ha Nyamuzinda Mucunguzi wâbo: Iz 30, 1-5; 31, 1-3., bulya emwâwe yo enfûzi ebona olukogo.
5Nâfumya obugoma bwâbo nâshubibazigira n’omurhima gwoshi; bulya obukunizi bwâni bwahwîre kuli bo. 6Nâbà nka lumè kuli Israheli, âkulirira nka bwâso bwa liliya, âliha emizî nka mirhi ya nshebeyi y’e Libano.
7Orhummerêra rhwâge rhwâgandâza, âbà mwinjà nka mugavu gw’e Libano.
8Bâgaluka babwarhale aha cîhôho câni, bâyêza engano yâbo, bâgwîka olukoma, lwarhengamwo amamvu minjà nka g’e Libano.
9Efrayimu, lushangi luci ociri mwe n’abazimu? Ndwîrhe nâmuyumvirhiza nânamulola. Kwo ndi nka nshebeyi enagîrîre, nie ntumire wâyêrakwo amalehe.
Akarhonde karhafà oku bulembo
10Indi mwîrhonzi ayumve ebyo binwa?
Wa bukengêre, abîhîre omu marhwiri?
Enjira za Nyamuzinda zibà nnungêdu.
Abashinganyanya banazigeremwo bwinjà,
ci abanyabyâha kusârhala bazisârhalamwo.
Mashi Bible © BUKAVU Archdiocese of Bukavu, 2024.