Ezekiyeli 6

Oku biyêrekîre entondo z’Israheli

1Oluderho lwa Nnâmahanga lwanacintinda kwo muli ebîra binwa, erhi: 2Wâni mwene omuntu, oyêrekere ebwa ntondo z’Israheli ozibwîre ebinwa by’obulêbi. 3Ozibwîre, erhi: Wâni ntondo z’Israheli, yumvagi oluderho lwa Nyakasane Nyamubâho. Ntyâla kwo adesire Nyakasane Nyamubâho, akubwîzire entondo, akubwîzire orhurhondo, emisima n’orhubanda#6, 3 Abanya-Kanâni bwo bakâg’irherekêra oku ntondo, buzinda Abayahudi nabo babayîganya. . Loli oku nâlêrha abayisha bamuyômolîre engôrho, bashanda empêro zinyu. 4Empêrero zinyu zashandwa, ebîko binyu bayôkeramwo enshangi byasherezibwa, abayûbaka kuli mwe boshi nâbahungumula, bânigwa embere z’abazimu binyu, 5n’amavuha ginyu goshi nagalundalunda eburhambi bw’empêrero zinyu. 6Ngasi hoshi muyûbasire, ebishagala byâshandâla, empêro zinyu zahenangulwa, lyo empêrero zinyu zishandâzibwa bananyâge ebiri kwo byoshi, lyo abazimu binyu bajonjagwa banahirigirhe n’ebîko binyu muyôkeramwo enshangi bihashisherêzibwa na ntyo eby’obushanja bwinyu bihirigirhe. 7Abantu bafunde engôrho bâkazihirima omu karhî kinyu, na ntyo mwânamanya oku ho mbà, nie Nyamubâho. 8Ci konene nâbabalira baguma muli mwe, baguma bâfulumuka engôrho omu mashanja, banashandabane omu mashanja. 9Okubundi obwôla, ngasi bàfumire olufù bamulimwo, bânashubikaz’inkengêra emwa galya mashanja bàjaga emwâbo, bali bantu nâlumîsa omurhima gwandekaga n’amasù gâbo g’obugonyi#6, 9 Omurhima n’amasù g’obugonyi: olu lulî luderho lulug’iderhwa omu Ndagâno ya Mîra. Abayahudi baleka okukaziharâmya Nyamuzinda, barhondêra okukaziharâmya abazimu; kobinali nkakula omulume akanaleka mukâge w’obuhya nkana, ashimbe owundi w’eciherula; erhi kula omukazi akaleka ibà afundikaga bonaye ifundo ly’obuhya, abone ehilume hyamulimikirakwo hyo akola arhonyize., agajag’icîshwêkera oku bazimu. Bâkaziyumva olushologorho kuli bwo bônene erhi galya mabî gâbo goshi bajira garhuma. 10Ntyo, banamanya oku nie Nyamubâho: Nakudesire, n’ebinderha birhabà bya busha, oku nâbakolera amaligo.

Ebyâha b’Israheli

11Ntyâla kwo adesire Nyakasane Nyamubâho: Mushûrhe omu mahi, mushûrhe n’okugulu okw’idaho munaderhe mpu: Yajeeewe! Oku mabî goshi gàjiragwa n’omulala gw’Israheli, lêro ndi okolaga wâfà n’engôrho, n’ecizombo n’ecihûsi. 12Abâli kulî bâfà n’ecihûsi, abâli hôfi bâyîrhwa n’engôrho, abashugunusire ebyo babagorha bafè n’ishali, ebwa kubà nayûkiza ohurhe bwâni kuli bwo. 13Mwamanya oku nie Nyamubâho hanôla mubona oku emirhima yâbo migwîke ngôrho eyunjulire ekarhî k’abazimu bâbo. eburhambi bw’e mpêrero zâbo, oku ngasi hirhondo hilengelîre, oku busongerwe bw’entondo zoshi, oku ngasi murhi mubishi, oku ngasi murhi gwa cishakashaka halya barherekêrera omugavu gw’okurhûliriza abazimu bâbo. 14Nâlambûlira okuboko kwâni kuli bwo n’ecihugo coshi ncijire bwâmwa kurhenga omw’irungu kuhika e Ribla, na ngasi hoshi bayûbaka na ntyo banamanya oku nie Nyamubâho.

Currently Selected:

Ezekiyeli 6: MKB

Highlight

Compare

Copy