1 Batesalonika 1

Omusingo

1Paolo, Silvano na Timoteyo, kuli Ekleziya y’Abatesalonika#1, 1 Batesalonika; Banya-Tesalonika; Bantu b’e Tesalonika eri muli Nyamuzinda Îshe na muli Nyakasane Yezu Kristu. Kuli mwe enshôkano n’obuholo!

Avuga Nnâmahanga omunkwa anabasîma

2Rhurhahusa okuvuga Nnâmahanga omunkwa ngasi mango mwe mweshi murhumire n’okummukengêra omu nsengero zîrhu. 3Ngasi kasanzi, embere za Larha Nnâmahanga, erhi kugerêreza rhugerêreza ebijiro by’obuyêmêre bwinyu, n’emikolo y’obuzigire bwinyu, n’obulangâlire bwinyu bukomîre, muli Nnawîrhu Yezu Kristu.

4Rhurhahabiri, bene wîrhu bazigirwa ba Nnâmahanga, oku muli nshâgi zâge. 5Bulya Emyanzi y’Akalembe rhwamudwîrhîre birhali binwa byône, ci yali eyegemîre obuhashe#1, 5 Buhashe bw’okujira ebisômerîne., na Mukà Mutagatîfu, n’oburhwâli burhalimwo bwôba#1, 5 oburhwâli burhalimwo bwôba: bijiro by’okumanyîsa oku Mûka Mutagatîfu ye wakâg’ikolêsa Paolo.. Ninyu mwêne mumanyire kurhi rhwàli rhuyôsire muli mwe nti lyo rhummukwânana. 6Ninyu mwarhulolerakwo olwiganyo, mwacîsêza okushusha Nyakasane, mwayankirira Oluderho#1, 6 Oluderho, yo Myanzi y Akalembe. n’enshagali ya Mûka Mutagatîfu, n’obwo mwâli omu malibuko manji, 7na ntyo mwabà lwingayo oku bemêzi boshi b’e Macedoniya n’e Akaya. 8Nêci, kurhenga emwinyu Oluderho lwa Nyakasane lwayumvîkîne, arhali omu Macedoniya n’omu Akaya mwône, ci na hoshi hoshi obuyêmêre bwinyu muli Nyamuzinda bwajîre irenge, na ntyo ntacicîrhamya nakuderha. 9Ntâho barhadwîrhi baganîra oku mwarhuyankiriraga, n’oku mwalekaga abazimu binyu, mpu mushimbe Nnâmahanga munashige Nyamuzinda w’obuzîne n’ow’okunali, 10munalinge oku Omugala agaluka kurhenga empingu, olya Mugala afûlaga omu bafù, ye Yezu, orhuciza obukunizi bwayisha.

Currently Selected:

1 Batesalonika 1: MKB

Highlight

Copy

Compare