1 Yowane 5
5
1Ngasi yêshi oyêmîre oku Yezu ye Kristu, oyo abusirwe#5, 1 Ogwêrhe obuyêmêre; erhi ali mwâna wa Nnâmahanga; kuziga azigira Nyamuzinda kulya omwâna azigira îshe na bene Nyamuzinda boshi. na Nyamuzinda; na ngasi yêshi ozigira omubusi, azigira n’omwâna aburha. 2Rhumanya oku rhuzigira abâna ba Nyamuzinda, omu kuzigira Nyamuzinda n’omu kushimba amarhegeko gâge. 3Bulya okuzigira Nyamuzinda kubà omu kushimba amarhegeko gâge. N’amarhegeko gâge garhabà mazirho, 4bulya ngasi hyabusirwe na Nyamuzinda kuhima hihima igulu; n’ecikâhima igulu ceci: buyêmêre bwîrhu.
Iriba ly’obuyêmêre
5Ndi ohima igulu, kuleka oyêmîre oku Yezu ye Mugala wa Nyamuzinda? 6Ye Yezu Kristu wayishaga omu mîshi n’omu mukò#5, 6 Galya mîshi na gulya mukò byarhengaga omu lubavu lwa Yezu (Ywn 19, 34-35) byàli cimanyîso c’Obubatizo n’Obukaristiya.; arhali omu mîshi mwône, ci omu mîshi n’omu mukò. Na Mûka Mutagatîfu ye hamîriza okwo, bulya Mûka Mutagatîfu ye Kuli. 7Baligi basharhu abahamîriza: 8Mûka, amîshi n’omukò, n’oku bali basharhu njira nguma bayêrekeza. 9Obu rhuyêmêra obuhamîrize bw’abantu, obuhamîrizi bwa Nyamuzinda bulushîne. Bulya buli buhamîrizi bwa Nyamuzinda, buhamîrizi ahamîrizagya Omugala. 10Oyêmîre Mugala wa Nyamuzinda, obwôla buhamîrizi bubà muli ye. Ci obûla bwayêmêra Nyamuzinda, amujira munywesi, bulya arhayêmîri obuhamîrizi Nyamuzinda ahamîrizagya Omugala. 11N’obwo buhamîrizi bw’obu: Nyamuzinda arhushobôzize obuzîne bw’ensiku n’amango, n’okubona buzîne bubà omu Mugala. 12Ogwêrhe Omugala erhi agwêrhe obuzîne; orhagwêrhi Mugala wa Nyamuzinda, erhi arhagwêrhi buzîne. 13Mmuyandikîre ebyo binwa nti lyo mumanya oku mugwêrhe obuzîne bw’ensiku n’amango, mwe muyêmîre izîno lya Mugala wa Nyamuzinda.
IV. Enyûshûlo
Okusengerera abanya-byâha
14Rhucîkubagire Nyamuzinda oku erhi rhwankamushenga akantu nk’oku alonzize, anarhuyumvîrhize. 15Na bulyâla rhumanyire oku arhuyumvîrhiza oku ngasi coshi rhumushenga, rhumanyire oku rhukola rhugwêrhe ebi rhwashengaga. 16Erhi omuntu ankabona mwene wâbo ajira ecâha cirhayôha omu lufù, ashenge, anamushobôlera obuzîne: Ntadesiri abajira ebyâha biyôha omu lufù; hali ecâha ciyôha omu lufù#5, 16 ecâha ciyôha omu lufù: Ecâha c’omuntu ologorhera Mûka Mutagatîfu: Lolà Mat 12, 31-32; Mrk 3, 28-30.: arhali co ndesire nti bacishengere. 17Ngasi kugomera irhegeko erhi ciri câha, ci hali ecâha cirhayôha omu lufù.
Akanwa kazinda
18Rhuyishi oku ngasi yêshi wabusirwe na Nyamuzinda arhajira câha, ci Omuburhwa wa Nyamuzinda#5, 18 Yezu Kristu. amulanga, n’Omubî arhakamujira kurhi. 19Rhumanyire oku rhuli ba Nyamuzinda, n’oku igulu lyoshi liri omu buhashe bw’Omubî. 20Kandi rhuyishi oku Mugala wa Nyamuzinda ayishire, n’oku arhushobôzize obukengêre bw’okumanya Nn’okuli#5, 20 Nn’okuli: ye Nyamuzinda.. N’oyo Nn’okuli rhuli muli ye, omu Mugala Yezu Kristu: Ye Nyamuzinda w’okuli, ye na Buzîne bw’ensiku n’amango. 21Rhwâna rhwâni, muyâke okugashâniza ebiremwa!
Currently Selected:
1 Yowane 5: MKB
Highlight
Share
Compare
Copy
Want to have your highlights saved across all your devices? Sign up or sign in
Mashi Bible © BUKAVU Archdiocese of Bukavu, 2024.
